جدعنه واصول

بدأوا تصوير وعمل الفيلم فا ليان كانت موجودة معاهم علشان لو حبوا يزودوا أو يشيلوا حاجة علشان تظبطها كانت بالنسبة ليها تجربة جديدة مختلفة ومكنتش سهلة لأن مجال تمثيل ملوش حدود بس هي كانت واضعة حدود لنفسها والحمد لله الكل هناك كان محترم ده.
أثناء وجودها في اللوكيشن كانت بتساعد أحياناً في بعض حاجات ميكب والحركات للممثلات، وفي يوم كان في مشهد لازم يسافروا ويعملوا كامب، وبعد ما خلصوا تصوير جم يروحوا لقوا العربيات عطلانة. حاولوا يتواصلوا مع حد كل الـ كلموهم قالوا علشان نوصل للمكان الـ أنتوا فيه يبقى هنوصل بكرة، فا اضطروا يباتوا في الكامب وهما مكنوش عاملين حسابهم إنهم هيباتوا.
ومكنش في جنبهم مطاعم أو أكل غير حاجات للتصوير ولسه عايزة تتحضر، قامت ليان لأنها بتقرأ كتير بحكمها كاتبة علشان تثقف وتزيد معلومتها فا كانت عارفة أصول تخييم وكانت بتطبخ حلو وكان برضو معاها كام حاجة ساعدوها وعملت للكرو (طاقم العمل) كلو أكل.
اتصدموا من جمال الأكل ومن موهبتها الـ في كل حاجة خصوصاً الممثل نور الـ كانت لافتة انتباهه بتصرفاتها وأدبها واختلافها عن الباقي  وبعد كام ساعة حد من الكرو اتجرح طلعت بسرعة تجيب شنطتها وطلعت علبة إسعافات وعالجته بكل براعة لأن هي اخدة كورس إسعافات كان كل موقف بيحصل بيشد نور ليها أكتر.
يتبع في الفصل الثالث..
بقلم/ دودي عبدالله