جزء ٧ - كفر طموس

" الشيطان مش بيكسب الصفقه لكنه يقدر يخسرك

"

وده الي حصل فعلا لما صحيت من النوم بعد غيبوبه , واكتشفت انها كانت تابعات حادث عربيه اتسبب في كسور في رجلي  ، وفقداني للذاكره والي فهمته ان فقداني للذاكره مش سببه الرئيسي الحادثه  ، انما عقد عملته مع  شيطان موكل من لوسيفر بأسم لوسيفج روفوسيل او زي ما كانو بيقولو ميفستوفيليس ، والهدف من العقد اكتساب ثروه مأهوله  وبحث عن كنوز وحصادها  ، على حساب روح  اخويا مدحت  بوساطه من  الشيطان ، وافتكرت بعدها اني قتلته بأيدي ونفذت فيه ابشع طقوس .
ودخولي في قصه حب من الماضي فجأه ، عشان تكون خطيبه مدحت والي كان نوع من الاستغلال مني او منها  بهدف التقرب  اكتر وتشابهه مع قصه فاوست وحبه لجريتشن الي حكاههالي  ، وأدت في الاخر لدمار مستقبلها  .
يمكن كنت صح فعلا اني مكملتش , واصريت اني ابعدها عن خراب ليها ولأي حد قريب منها ، لمجرد اني طرف فيها ، انا خلاص بقيت ملعون واتحطيت تحت عاتق ٢٤ سنه من جحيم اخرته انتهاء العقد بموتي .

اكتشفت  اني كنت شغال مع تاجر اثار اسمه عزام والي استخدمني  كا وعاء وسيط طول سنين فاتت في استخراج كنوز وتجهيزه لصفقه تانيه هتتم قريب  ، بمساعده من شيخ كفر ، بيقال انه تسبب في قتل جزء كبير من اهالي بلديته  , لمجرد طمع في استخراج اثار بتعود للوجود الاشوري في مصر ، محاطه برصد من اهل الارض .
وها انا على مقربه من كفر الطموس  بمساعده عزام ,  الي اصر انه يوصلني بنفسه  .
حفاظا على الناس الي ممكن تعرف اسم الطريق الي ماشي عليه ويجيلها فضول تروح للكفر  بس انا مش هقول  ..
معنديش علم ليه كنا ماشيين في الطريق بالليل ومسافرناش الصبح .

بالاضافه الى ان الطريق فاضي تماما والاراضي حوليه خاليه من مظاهر الحياه , بس مش غريبه عليا , انا اه كنت في طريقي قبل كده هناك وحصلت الحادثه الي رجعتني للصفر تاني , بس .... هو انا فعلا مشيت كل ده !!

اتكلم عزام الي كان سايق وقالي : زي ما اتفقنا , انا هوصلك لكن مش هخش هناك .
انت فاهم , انا مش داخل المقبره وانا من النوع  الي مش بخش المقابر لأني مش وسيط , بس هتيجي تقولي انت ممكن تخش الكفر نفسه ومتعتبش القبر  , انت اكتر واحد فاهم  ليه , ولو دخلت جوه هتفهم اكتر اني مينفعش اخش , انا لو دخلت جوه مش هطلع , مش بحوزتي اي نوع من الحمايه .. لكن واثق انك انت هتقدر تخرج الي تحت وتجيبهولي وده اتفاقي مع الضو . اقل ما يقال انه قبر كبير  على شكل كفر .

طول الوقت كنت شارد , مش مركز اوي مع كلام عزام , بس كنت سامع ومبردش , تركيزي كان مع الطريق , كنت مركز لدرجه اني شوفتها من بعيد ,  انا كنت قريب فعلا وشايف من بعيد بعض العلامات الي بتدل على اني قربت .
هتقولي عرفت ازاي انك قريب من الكفر .... كنت شايف حاجه يمكن عزام مش واخد باله منها   , واحنا في ضلمه طريق مفيهوش اعمده اناره , بس انا عيني شايفه كويس في الضلمه واتعودت عليها .
العربيه كانت بتدوس على شئ  وعزام لاحظ صوت تكسير تحت العربيه .
قولتله : ده عضم , ايوه انا شايف  مجموعه من العضم المتفرقه في الطريق بالاضافه لعضم تاني بيترمي على العربيه زي ما يكون بينزل علينا من السما .
عزام قال : بدأنا , انا عارف ان ده ممكن يحصل , خد يا زياد يا ابني  , البرطمان الصغير ده خليه معاك , كل ما تحس ان انت قربت من خطر ممكن يأذيك ولو اني اشك بالخادم الي معاك ده انك تتأذي , بس استخدم الي معاك ده تحت لسانك .

قولتله : عزام باشا انت  حضرتك مديني قرنفل احطه تحت لساني .
القرنفل ممكن يعمل ايه قدام الي احتمال يحصل ؟  انا مش هستخرج بخور وتوابل من رصد عطارين يا عزام باشا .
عزام : متستهونش , انا مش قصدي تحاربهم بيه , ده مطهر وريحته العطريه , بيتقال ان هي بتشتتهم عنك  , لكن هي ملهاش مفعول سحري .

كنت الاول مش عارف العضم ده نازل علينا ازاي من فوق لكن فهمت انه كان بيترمي علينا ,  والي كان بيرميه حد واقف في نص الطريق  شبه مش قادر يصلب طوله وكان ماشي بيعرج بأتجاه العربيه .
عزام كان بيزمر جامد وبيقلب نور لكن , لا مبالاه ولا كانه ممكن يتداس .
وفعلا على الرغم من محاوله اننا نفاديه بس  كان بيجري باتجاه العربيه وفجاه عزام داس عليه .
اتخضيت بس حاولت اهدى واقوله طب يا عزام باشا ممكن نقف على جمب ..  عايزين نعرف ده مين ,  وده رد فعل طبيعي ..
رد عليا سكتني بصراحه , قالي  :

عزام : خلينا منضحكش على نفسنا , مفيش حد طبيعي هيبقى ماشي في مكان زي ده وانت عارف كويس ان الي دوسنا عليه ده مش بني ادم.

قولتله : كدبت نفسي في الاول بس خدت بالي من جثه الشئ الي دوسناه ده وهو بيقوم تاني يقف ..  ده كان يدوبك لمحه شوفناها من ورا ، على الرغم اننا دوسنا عليه جامد وسمعنا صوت تكسير عضمه .

عزام : انا مستغرب مسألتنيش ليه يا زياد سؤال زي , بعد ما تتم  كل الي جاي عشانه ده هترجع ازاي او هتطلع ولا لا؟
انت هترجع  ,  بس دي رجعه لنسبه الخطوره الي كنت بتسألني عليها دايما وده محصلش حاليا ,  مش شايف منك تساؤلات مفروض تقولها كا واحد هيهمك كتير من مكاسب المقابر الي هنفتحها .
زياد : مش ده هدفي الرئيسي , انا اه هعمل المطلوب مني لكن , مش دايما المطلوب بيتماشى مع احتياجاتي , في الوقت الحالي مش قبل كده .
مش متمسك بحياتي اكتر من تعتطشي لرغبات تانيه بتنمو جوايا .

عزام : ياما حققنا مكاسب مع بعض يا زياد , محصلش انك فشلت مره , كنت بتختار , كنت بتقرر في اوقات يمكن انا مكنش مدرك كم خطوره الي قدامنا , يعتبر ربيتك على طريق خلى اتخاذ قراراتك بقا احسن ومحسوبه .
دلوقتي بعد ما قربنا لأعلى طموحك وقريت كتب كتير واتعلمك لغات اكتر , قررت تتراجع .
زياد : مبقتش قادر اختار زي الاول , او الي بيوجهني دلوقتي مش الشخص الي اتعلم منك يا عزام باشا , حاجه اكبر مني ومنك .
عزام : تأثيرك على قراراتك ممكن  خلل في الفص الجبهي في دماغك والي حادثه العربيه  اثرت فيها بشكل او بأخر .
انا عارف بقولك ايه كويس .
رديت عليه وقولتله : النَّاصِيَةُ, او الفص الجبهي , انا درستها في طب النف....  قرايتي في الطب النفسي اه , من خلال قرايتي فهمت تأثير الفص الجبهي الامامي للمخ , وانه مركز اتخاذ القرارات  ومنبع السلوك والتفكير العميق واستحضار الذكريات , ومن غيره مش هيبقى عندي اراده الاختيار.
بس حاسس اني بختار لكن متسيطر على اختياراتي , قولت في سري : اكيد ميفيستوفيليس هو الي برمج النَّاصِيَةُ في دماغي لصالحه ايوه , هو الي ...
قاطعني عزام وقالي : فشل مؤقت لاستحضار الذكريات والاحداث في الفص الجبهي  .
طلع عزام من تابلوه العربيه ملف .
عزام : ده التقرير الي كان في المستشفى والي انت مستلمتهوش .
كان معايا من اول مره بس نسيت اديهولك .
رديت عليه وقولتله : اه صحيح , كده الامور بقت اوضح شويه .
فتحت التقرير وقريته : 

زياد كمال التاجي - 28 سنه , المريض تعرض لحادث سياره من ناحيه اليمين مما ادى لانقلاب السياره , تشخيص الحادث :
تسبب في كسور عظام الساقين , اصابه في الفص الجبهي الامامي  للمخ ,
اتضطراب في استرجاع الذاكره مما يتوافق مع الخلل الوظيفي الامامي للفص الجبهي .

كان في كتير في الملف لكن المهم بالنسبالي الي ذكرته والي بيقول , ان كده ميفيستوفيليس او لوسيفج عمليا مأثرش عليا , او , ممكن يكون تسبب في الظروف دي وتحصلي الحادثه وتكون مدبره منه .
بس انا سمحتله في الاول وفي الاخر لما استدعيته .
في نفس الوقت الضو كان مسلطه عليا يراقبني في الاول .
هو مكانش متحكم في عقلي واسترجاع افكاري لحدوثها بشكل طبيعي,  لوقت حقنه ليا بدمه بغرض انه هيساعدني استرجع الاحداث بشكل اسرع .
ومن هنا ممكن بدأت مرحله التحكم الشيطاني جوايا .
رد صوت ميفيستوفيليس من جوايا :  الدم بيقتل , الدم بيعمل فتنه وبيفرق , الدم بيسبب حوادث , الدم بيخون , ليه اهداف , بس ده كله مش الدم الشيطاني جواك  ..
قبله كان في دم انسان سبق بكل الافعال  ونفس الدم الي مضيت بيه .

خلص كلامه وتابع بعديها عزام : خلاص وصلنا.
زياد : رغم كم الصدمات الي خدتها ورا بعض , لكن ده زود عندي رغبتي في الفضول .

لوهله لمحت تمثال مرمي زي ما يكون مدفون نص دفنه في التراب .
انا عارف كويس التمثال ده , ومين الي جابهولي قبل كده , ولما لفيت وشي تاني ملقيتهوش .
وده فتح باب سؤال لعزام عن توفيق , نسيت اسأل عنه بصراحه .
رد عزام : انت ايه الي فكرك بتوفيق ؟
توفيق ده قصته معقده اوي بصراحه بس مرضتش اتكلم عليها خصوصا دلوقتي .
قولتله :  مش عارف .. حاسس اني كنت مفروض اسأل عنه بالاخص هو كان زميل شغل يعني معانا و صديق ليا قديم ,  ومشفتهوش بعد الحادثه .

عزام : توفيق من بعد الحادثه بتاعتك اختفى ومحدش سمع عنه , وانا افترضت في الاول انه ورا الحادثه الي انت فيها بس الضو بلغني بعد ما اتعرف عليه , هتقولي ايه الي جاب الضو في الموضوع ؟
توفيق لقوه ميت متقطع حتت هناك على مدخل الكفر .
معرفش بقا هو كان رايح هناك يعمل ايه ولا كان متتبع مين , بس زي ما بقولك لا مكانش الي في دماغي مش هو الي ورا الي حصلك .
قولتله : ازاي , انا كنت مكلمه , وعلى حد ما فاكر هو عطاني شويه تفاصيل وعارف اني رايح في اليوم والوقت ده بالذات .
كان بيكلمني وهو متردد شويه , بس تقريبا كان في حاجه عايز يقولها ومقالهاش وجه يلحقني او يحذرني , بس اعتقد وقتها انا مردتش بسبب الحادثه .
عزام : حتى لو كان عايز يقولك او يحذرك مش مهم دلوقتي , انت قررت .
وعموما هو يتيم ومحدش سأل عليه , بس انا مش هنسى حقه كويس , كان ده واحد من رجالتنا المهمه وقصاد روحه هننجد معانا ناس وناخد الي فيه النصيب .

نزلت من العربيه , دماغي بتولد افكار وفرضيات كتير بس برفضهم , عالاقل في الوقت الحالي .
لو مكنتش شاكك بنسبه كبيره ان الحادثه بسبب بني ادم  كنت هقول ان ليها علاقه باهل  الارض الي فتكو بتوفيق وقطعوه .
بس عقلي رافض انه يفتكر الشخص ده كان مين .
انا واقف دلوقتي في المكان الي المفروض كان فيه جثه توفيق .
شبه اتاكدت ان اي حد بيقرب مني بيهلك وبيموت , اولهم اخويا ، فعلا تنطبق على حالتي لو بتحب حد ابعد عنه .
مش عارف ليه نسيت اقول لعزام ، نسيت اقوله انت ليه كدبت عليا لما قولت لنور اني مت والكدبه التانيه لما قالي انه طمن مدحت عليا وهو مقابلهوش اصلا ، مظنش  اني فاهم السبب ولا متطمن ، بس عندي امل افهم بعدين ..