خذلان 🖤🔱

_ بقلميي:  ࢪونــق 


بعنوان: قتلوو برائتي 


_ زمان الصيــف سخـانة تـقتل ࢪاقدة وما جايبة خبࢪ للدنيا شعرها طالع رجليها فوق المخدة بيجامتها طالعة صونا تيليفونها خطرة وزوج وثالثة وعاشرة كي قلقها ناضت تأفأف اييي ربيي راسيي تفووو شكون راه يعيط ريبوندات وهي تنسف. 


نهال:  خـير زعما حاسديني في خمس دقايق رقاد،  ويلحقها صوتها تسب وتعيط عليها.. 


سمية:  يالڪلبة ياشعر القنفود ياوجه الطابوࢪي ناس عندهم صحابات ونا عندي هايشة ( هادي صحبتي والله في كل دورة تقولي هايشة)  . 


نهال:  هووباا مالڪي زين شعلتي ناس تقول صباح الخير 
سمية:  واش من خير يجي منڪ عندي ساعة ونا نعيط تيليفون قريب نطق وقالي كرهت منها.. واش تفاهمنا البارح. 
نهال:  أوبس نسسييت 
سمية: اااا نسيتي صحاا شوفي خمس دقايق نلقاك واجدة دوك نجي. 
نهال:  شوفي والله ماخاطري نخرج ونشوف العباد. 
سمية:  بلعيي تبقاي هكداا قاتلة روحك مرضتي بسبة واحد مايستاهلش هياا نا لي حبييت نوضي البسي ودوك نجي. 
نهال:  اوڪ الزين ڪيما حبيتي دوك نوجد روحي. 
_ ڪوبات ونسفت وقالت:  والله غير ڪرهت ياࢪبي ماشي وقتها الخرجة،  من بعد دخلت صالدوباا تغسل. 


_ بووون نهال في طفلة كيما لبنات شابة وعينيها شابين مهم كلشي فيها شباب ( بدون مبالغة ارسموها في خيالكم كيما حبيتو)  عمرها 16 تقرا فالليسي  ،  وصحبتها سمية كثر منها بعام صحاب من صغر وهي تان شابة. نهال عايشة مع باباها ويماها ودار عمها في دار وحدة جاية كبيرة قدهم ومام عندهم دراهم قيس ما عايشين يعني ماشي مخصوصين،  عندها موهبة الرسم وتعرف تصمم.. 
الحلقة 2:
‌‌_ طبطب الباب تاع دار فتحت نادية ( يمات نهال)  
سمية:  صباح الخير طاطا ࢪاڪي مليحة. 
نادية:  الحمدلله ياربي ونتي ويماك cv. 
سمية:  الحمدلله راهي خير مني،  وين راهي نهال. 
نادية:  هههه،  صحا جوزي ريحي فالصالوو دوك نعيطلها تجي. 
_ فاتت سمية قعدت فالصالوو جاي مفتوح  وقعدت فوق فوتاي،  قاعدة في امان ربي حتى تسمع بنادم يهدر، وجها حمار وتلبكت من بعد دارت. 
منير:( وليد عم نهال في عمرو 24 سنة تخيلوه هو تان مهم شباب)  يااا صباح ربي ناس تصبح على وجه الخير ونا على خفافيش. 
سمية: معامن ࢪاك؟! 
منير:  معاها تمسخري شكون من غيرڪ هنا. 
سمية:  ماكاش خفاش قدڪ. 
منير:  ياااه تحل فمك،  مزية لقيتك واش قلتي لمدامتي. 
سمية تقلقت:( ني نشم في ريحة شميتوها لبنات)  من نيتك واش ندير بيها اصلا كون جات مربية ماتحكيش هكداك. 
منير: ايي واش واش. 
سمية:  كيما سمعت اخطونيي هدا واش خصني. 


_ نهال لبست غوب فولار فاغ سندال بيضة طلعت شعرها ساك بيض ودارت اكسسواراتها وهبطت. 


نهال:  اووو جيتي زين كيراكي. منير cv. 
سمية:  كنت مليحة قبل مانشوف وحد ناس. 
منير:  كيف كيف نفس الشي كنت هايل. 
نهال:  هههه مزالكم تضاربوو 
سمية ومنير: هو هي 
منير: وين نهال. 
سمية في قلبها:  هففف شبيه هدا يدخل روحوو ايي قلبيي عسل
نهال:  رايحين برا ندورو ونروحو نشرو حوايج وصوالح ونفطرو. 
منير:  صحاا ني رايح امشي نوصلك في طريقي. 
سمية:  مكلاه نعرفو نمشو امشي نهال. 
نهال:  امشي امشي سخانة دي تضرب جمل ترعفوو. 
_ تبعتها تنسف وركبت ومنير كل دقيقة يراقب في سمية كيفاش تهدر وتضحك ( السيد طايح على راسو)  


_ وصلهم نهال:  صحيت منير. 
.. بلا مزية ختيتو.. 


بعنوان: قتلوو برائتي 


" انتهــى عهد المحاولة.. مࢪحبا بعهد الاستغناء"


الحلقة 3:


_ قاعدين يدورو ويشوفو واش يشروو ونهال تتنمر ..  
نهال:  بب دقيقة نشري ورق خصوني. 
سمية:  اوڪ حبب. 
كملوو شراو وࢪاحوو يفطرو دخلو قعدو دونداو واش ياڪلو.. 
نهال:  ياععع قريب متت بالجوع هففف ني جيعانة. 
سمية:  على ڪرشك تخلي عرشك. 
_ هما قاعدين  ياكلو ويضحكوو حتى تدخل خلود (صحبتهم وقد سمية)  مع رضوان ( وليد عمة سمية ولي تحبوو نهال)  قعدوو شافتهم نهال حكمت دمعتهاا بسيف وسمية فاقتلها:  شبيك حبي cv  . 
نهال:  وي وي مليحة. 
_ قعدت خلود مع رضوان يحكو من بعد دارت وشافت لقاتهم. 
خلود:  اووو رضوان دقيقة بب شوف سمية ونهال راهم هنا نسلم عليهم ماشي جاية. رضوان:  اوڪ نجي معاك نسلم على بنت خالي. 
خلود:  ايي لبنات راكم هناا توحشتكم. 
سمية:  اووو زين cv مام نا توحشتك وعنقتها،  واش صفا رضوان. 
رضوان:  الحمدلله ونتي cv. 
سمية:  الحمدلله. 
خلود:  واش نهال توحشتينيش. 
نهال:  توحشتك باينة وعنقتها. 
وقعدو فوق الطابلة. 
_هما يحكو ونهال  فوق قلبها قاعدة ماتحملتش تشوفوو مع صحبتها شعوور بزااف صعيب انك تشوفي شخص تحبييه مع شخص وحدوخر. 
رضوان:  واش نهال ماشي موالفة تسكتي همم. 
خلود:  صح موالفة ماتسكتش ههه تصرعنا بالهدرة. 
نهال ماحملتش ناضت وودعتهم قالتلهم:  ديزولي باي حبي عييت من صباح وحنا ندورو نروح نريح شوي. 
خلود:  اوك باي حبي. 
_ خرجت تزرب وحاكمة دمعتها لحقتها سمية.: نهال نهال اصبري.
سمية : حـــبيبتي ࢪاڪي مليحة؟! 
نهال:  ني هايلة واش ࢪاح يخصني مثلا امشي نروحو.. 
رضوان:  اييي نتيي اصبࢪي.
نهال:  وي واش حبييت؟؟ 
رضوان: تخليهاش في قلبڪ علابالي راهي في قلبڪ هياا ابڪي..
سمية: رضوان خلاص صايي ࢪوح واش حاب من طفلة بزاااف عليهاا.. 
رضوان: شبيڪ بنت خاليي خلونا نقصرو شويي.. 
رضوان:  شبيڪ عمري عجبڪ سوبريز بزااف شابة صح هههه علابالك في صباعها الصغير ماتلحقيهاااش هي أشرف منڪ وشابة وتحبنيي بصدق ماشي كيفڪ نتي مذلولة ترمي في روحك عليا. 
نهال:  وي بيسڪ رخيس ڪيفڪ يشوووف ناس كيفوو ڪون جيت تسواا ماتهدرش في بنات ناس هڪدا وكيما حبيتك ننساك  وتحلل وتبكي ماراح تشوف نظرة مني وتولي تتمناني.. وهداڪ وقت نعفس عليك ونمشي.. 
رضوان:  تحلميي بزااف زيين صحبتك نساتني فيڪ وفي لبنات كامل تفووو رخيسة. 


_هبطتلها دمعة سخونة على خدها وكانت النقطة لي فيضت الڪاس وزادت طين بلة.. 


نهال:  صحبتي تعمات بحبڪ وماعلابالهاش واش كاين وكون جات تعرف بالحقيقة عمرها راح تحبك وراح تندم.