جزء 16 - دم الشيطان

فوقت بعد غيابي عن الوعي , الوضع كان زي ما هو , والباب مقفول مخرجتش منه , لكن كنت فاكر الي قالته كويس , هي الواضح انها عايزه الضو نفسه ووجودها في المكان ده مش من فراغ ..
في جزء مفقود في الحكايه بس ايا كانت الحكايه الي اتقالت عن اسراء دي فا هي مش كامله ..

عيني كانت على الساعه المتعلقه على الحيط , الساعه 12 , عقاربها ثابته , مع اني واثق ومتأكد انها كانت شغاله وبتتحرك اول ما دخلت او يمكن بتقف في توقيت 12 مبتتحركش لحد ما اخرج ترجع لطبيعتها تاني ..

قومت وفتحت باب الأوضه عشان الاقي الضو واقف في وشي ..

زياد : ايه يا شيخ ضو ايه , في حد يخض بالطريقه دي ..

قالي : هي ظهرتلك تاني ؟ كنت سامع صوتك وانت بتستغيث , واضح انها مش ناويه تسيب المكان ..

والغرض الي جايه عشانه مأنتهاش , ومش هيسيب كيانها الدوار غير بموتي ..

قولتله : ايه الي ورا العرجه يا شيخ ضو ؟ هي الي خدت انتقامها من عباس بنفسها ؟

رد عليا وقال : بتظهرلي دايما , وكل مره بتظهر بتوريني سيناريو موته وشكله وهو بيتقطع قدامي وبتتناثر اجزاء جسمه بره وهي ماسكه اجزاء منه وبتطلع بيها فوق الأرض ..

باطن الأرض منزلتهوش لكن كنت بشوفه في منامي , احنا مش بنحفر لتحت الأرض , بنحفر للجزء الي بيبان منه الفراغ الداخلي والممرات المحفوره منهم , عباره عن متاهه كبيره ومعقده حفروها زمان لدفن جثث الموتى من الاشوريين ودفن ممتلكاتهم معاهم واهل الأرض كملو حفر فيها ..


حاولت ابعد عباس عن ضغينته بس معرفتش , حب كام بنت من الكفر ورفضوه لخوفهم منه ومن شخصيته الغريبه والاساس في كل ده انه لما رجع من السفر بقا نسخه مني بس النسخه الي متقدرش تتحكم فيها , كان بيحب بنت اسمها اسراء من زمان رغم انها مهتمتش اوي بوجوده بس لاحظت الاعجاب ده لأنها عارفه كويس هو ابن مين ,كان لسه مراهق , المره الي قرر يصارح بحبه ليها اتكلمت معاه وقالتله انها خايفه من ابوه الي هو انا , بالأخص انها عرفت انه كان بيتطلع على كتب سحر كتير وقلقت منه .. انا عرفت , وغضبت جدا بس مرضتش ابدي اي رد فعل لحد ما سابها وسافر , كان ناوي يكمل تعليمه ويرجع ويغير من نفسه بس مكانش قادر انه يسيب طريق السحر الي زرعته جواه , طريق اتولد معاه بضوابط مينفعش يخرج عنها لكن رجوعه وعرضه للمره التانيه عليها فكره الجواز وانه يسافر بره معاها بعيدا عن الأهالي وكلامهم .. رفضت تاني ومكانش باقيلها غير عمها الي حاول يقنعها بس نشفت دماغها برضو ..
كان بيوصلي كل الكلام , جزء منه كان اسائه ليا واخر محاوله للبعد عنه والي اترد عليه بتهديد من عباس ليها وانه مينفعش يترفض ابدا خصوصا انتي بالذات , عدت الفتره الي خدت بالي فيها ان عباس بيطبق الي اتعلمو من السحر الباطني على اسراء وانتشرت الاقاويل بعدها انها اتجننت وبتعمل افعال غريبه عن عادتها والعرسان الي كانو بيتقدمولها بعدو عنها ..

زي ما قولتلك , عباس انا كنت فاقد السيطره عليه وحاولت معاه كتير بس مرجعش لعقله , رجعلها بعدها عباس يقولها انه عرضه لسه موجود وياريتها تكون اتعلمت من الي حصلها , في مره كان عباس داخل الدوار بعد ما عالج ناس من الكفر , فتره الأمراض الي انتشرت , ظهرت اسراء وهي بتعبر عن قبولها لطلب الجواز الي عرضه عباس عليها ولما دخلت الدوار , خرجت من هدومها سكينه في لحظه غدر في استعداد ان هي تطعنه , خد باله وجرى جوه الدوار وهي بتلحقه , كانت في نيتها تقتله وتخلص من اللعنه الي طالتها بسببه , في اللحظه دي انا طلعت من غرفه السرداب وقفلت باب الدوار وحبستها جوه , مسكناها وهي بتحاول تقاوم مننا والمرات الي كادت هتطعنا فيها , جردها عباس من ملابسها وشدها نزلها غرفه السرداب الي انت واقف فيها دلوقتي , مكانش ينفع اسراء تخرج بعد ما دخلت الدوار وكانت هتعمل الي عملته فيه , انا حبستها بأيدي في الغرفه الي مقفوله بالباب الحديدي قدامك , ونبهت على عباس انها متخرجش ..
انتشرت الاخبار عن اختفائها طبعا وناس عرفت انها دخلت الدوار بس كتمنا افواهم وقدام كلامهم طلعت ناس تانيه تنشر الشائعات , بجانب ان كان صعب حد يتكلم معانا ..
عباس اغتصبها جوه الغرفه , وكل يوم يغتصبها وخد الي مقدرش ياخده منها بالجواز , ايام بتعدي وبتصرخ , بس مين هيسمع , اوضه تحت الأرض معزوله ..

اتكلمت انا كا زياد وقولتله : الساعه كانت 12 وقت ما ماتت , صح ؟

الضو : الرسايل كلها كانت واضحه قدامك , الساعه كانت 12 في الوقت الي ماتت فيه اسراء , بعد فتره قصيره دخل عباس وفتح الباب ويلاقيها مرميه على الأرض , كانت فرصته انه يخرج الجثه بالليل في الوقت الي الناس خافت تخرج فيه , كانو بيشوفو اجسام لكيانات بتخرج بالليل , المجزره مكانتش بدأت وقتها ..
خرج جسمها وبحكم انها عايشه لوحدها وعمها في بيت تاني المفتاح كان معاها وفتح بيه شقتها وعمل عملته وكسر رجلها وشق فمها بالعرض وكمل اغتصابها وهي ميته ..

اكتر الناس افترضت كلام واتصدق , من وقتها قفلنا باب الأوضه وبعد الوقت الي اتقتل فيه عباس , جالي فضول افتح الأوضه تاني , وفتحته مره بس , عشان اتفاجئ بحفره كبيره في الأرض , حفره لحاجه كانت بتحفر من الباطن لفوق مش العكس , ايقنت وقتها انها هي حفرت وطلعت من نص الأوضه لنفس البقعه الي ماتت فيها , وراجعه ليا انا ..

الغرفه كانت عباره عن مخزن صغير , بس اصبح تحتيه حفره طويله بتؤدي لمتاهه تحت الأرض ..

كلام الضو رجعلي احساسي وشكي بأنه بيؤدي لتحت الأرض ..

لما سألته رد وقالي : هو بيوصل لباطن الأرض لكن متعتبرهوش مدخل , المكان الي هنعقد فيه ونتم فيه الوصله مكان تاني ..

قولتله : طب وعمها ؟ عم اسراء لسه موجود ؟

الضو : عمها , اه عمها , بص هو مات , مش انا الي قتلته طبعا , اسمع انه كان بيدور وبيتكلم كتير في موتها وكان في احتمال كبير ينكش ورانا ..

احنا لما دخلنا شقته لقيناه قاعد على كرسي ومدينا ضهره , بس راسه مش موجوده ..

محطتش شك في ابني عباس ولا فكرت اسأله , لأني كنت متاكد ان هو الي عملها ..

زياد : صراحتك الزايده عن اللزوم غريبه , مش خايف ان اهل الكفر يعرفو ؟

انت يعتبر متورط معاه ..

الضو : انا عارف ان انت مش هتقول لأهل الكفر , وحتى دلوقتي معرفه اهل الكفر مش هتغير شئ ومعرفتهم في وقتها كان هيترتب عليه نتيجه انا مش عايزها ..

غير العرجه الوحيده الي لا زالت بتسعى ورايا ..

زياد : وهتعمل ايه ؟ اديك قولت انها مش هتسيب المكان .

الضو : مش هتقدر تأذيني ولو بمقدورها كان زماني ميت من زمان , حسبتها قبلك كويس .

مشى الضو وسابني وقعد جمب التابوت , وانا مدرك تماما انه و صل لحاله من الجنون نتيجه زياده الي الي قراه واتعلمه ..

وانا طلعت للأوضه الي فيها مكتبه الضو , استشفيت ان سحر النيكرومانس بين كل الكتب الي عنده ودورت وسطهم بس ملقيتهوش , كان في مكان فاضي لكتاب انا عارف انه خده ومرجعهوش , ايا كان الي هيعمله دلوقتي من غير النطرون الاحمر ملهوش لازمه معنى كده انه شايله معاه في مكان تاني ..

ميفيستوفيليس : غلطته انه كان بيدور على النطرون الأحمر وهو قدام عينه , كل خديعه بتعدي منفذها مش واحد , وكل شيطان ليه دور في تحقيقه للخديعه وصولا لاكبر واحد فيهم ..

انتفضت من مكاني ولفيت وشي , كان قاعد على الكرسي تجسيمه عباره عن تجويف معتم مش ظاهرله ملامح , وتقريبا ده ظهوره الحقيقي ..
قولتله : انت ازاي كده ؟ مزيج ما بين السخريه والعتاب , والنكران والنصيحه , تهديد ومساعده ..

انت كا مفيستوفيليس قدامي او لوسيفج روفوسيل , كل الصفات دي بتمثلك لكن ملكش صفه محدده كا شيطان , مش محتاج اذكر الاغواء ..
خداع واستخدمت ناصيتي في تزييف جزء من حياتي في نفس الوقت بتقنعني بعكسها , فلسفه الشيطان معقده جدا , بتتجسد في شكل عزام قدام فيلتي وتقنع ساره اني مت في حين انك بترجع تاني وتوديني عندها عشان تثبت اني عايش , تلاعب ممنهج لتغير وجهات النظر , يمكن لو كنت ميت فعلا او مظهرتلهاش هتفضل ذكرى وجودي فيها ايجابيه, يمكن لو مكنتش قابلتها ولا رجعت ذكريات حبي ليها مكنتش هكرهه بل هحبها على معرفتي بأنها خطيبه اخويا مدحت ..
ههه , ههه ... دايما كنت بسمع من صغري عن الوسوسه , لكن فكرت ازاي انا بقتنع بيها او هي سحر بسمعه فا بنفذ لا ارادي , ام هي مرحله من الاقتناع نتيجه نقاش فلسفي بيترجم منه لاحداث بتعتقد انك اتوضعت فيها بمزاجك..

بدأ ميفيستوفيليس يسقف , على قد ما انا مش شايف جسمه المادي لكني شايف فراغه والفجوه السودا مكانه وهو بتسصطدم ببعض ..

ميفيستوفيليس : بدأت تاخد بالك , على الرغم من انك مش مدرك لسه بقيت الي مستنيك ..

اسمي التعاقدي ميفيستوفيليس , لرمزيته المعاكسه لسيدي لوسيفر , حامل الضياء , ضوء المعرفه , ضوء نيران الشيطان الي اتحول وانقلب عليه نوره لضلمه لوضوح تمرده , على الجهه المقابله بظهر انا من وسط النار السودا , العتمه الي بيختفي الضوء وسطها, متخلقتش ملاك عشان ابقى شيطان , انا مجرد فكره قبل ما اكون الهارب من الضياء , فكره مش بتلمع بضوئها بل بتبلعه ..

حتى النور وسط غيره من الاضائه ملهوش معنى قد احتياجك لظلام يبرز الضوء من بينه , كا رمزيه البافوميت للضياء الغير مكتمل ، ووجودي ؟ جزء من منظومه مينفعش ابقى فيها بمثل شر لوحده وانا اقدر اتخلله من الخير.. كنت سألتني عن اسمي في الأول لغرض الشكر لأنقاذي ليك من الموت , حبيت اجاوب عليك بشرحه الي تقدر تتقبله دلوقتي ..

Mephistopheles -

قولتله : هتصدقني لو قولتلك ان دي المره الوحيده الي قلبي منبضش بمجرد ظهورك , قلبي كان بينبض عشان ينذر عقلي بوجودك وانا بكلمك في كامل وجودك المادي بس الصوره لازالت مش واضحه , ومدرك الحيله الجديده الي بتعملها عليا , بس عارف ؟ انا هعملها بمزاجي لأن في الحالتين هتحصل , في المستشفى لما ظهرتلي وحقنتني بالسائل الاخضر الا وهو النطرون الاحمر , وحقنه ليا بغرض ملازمتي للعقد معاك , دمي هو دمك ودمك هو دمي زي ما قولت , النطرون الاحمر ده هو دم الشيطان او ممزوج بدمك صح ؟

ميفيستوفيليس : صح جدا , النطرون لما بيتضاف اليه الدم الشيطاني بيتحول للون الاخضر نتيجه تأكسد حديد الدم ورغم كده اسمه النطرون الاحمر لرمزيه قوه استخدامه .

دم الشيطان قوه كبيره انت مش متخيلها جواك , وهي سر بين المتعاقدين , مش موجوده في الكتاب حتى , بل الي موجود النطرون الاحمر الي مدفون في الباطن , انما دم الشيطان مش بيتكشف الا بموت حامل الدم الشيطاني , بمعنى الضو نفسه ميعرفش عن وجود دم الشيطان جواك ولا جوه عباس لأنه معندهوش معلومه ان دمي جواك , لكنه عارف بوجود النطرون الاحمر الي كان مع عباس ولقاه , حتى هو مقدرش يقوله السر .. والكلام الي بنقوله مشفر ومحدش يقدر يسمعنا ..

زياد : عباس , والنطرون الاحمر الي معاه , عباس كان معاه دم الشيطان بل جواه وكان معاه كيان تاني بيساعده , انت كنت متعاقد مع عباس الضو !!


ميفيستوفيليس : عباس الضو كان مفكر انه عقده معايا هيخليه يتمكن مني وابقى تحت خدمته لكن كنت انا الي بحركه , انا الي ساعدته يكتشف الكنز , انا الي دخلته الدايره ومحدش غيري هيخرجه منها , الضو كان مفكر انه لما يرجع جسم عباس بالكيان الي كان معاه والي هو انا هيقدر يوجهني بأي وجهه يتمناها لكنه ميعرفش انه سلطني بنفسه عليك مش للتمكن منك والخضوع ليه بس زي ما هو فاكر , انما للتعاقد وانا كانت بدايه وجودي بشكل ميفيستوفيليس مع ابنه , الي مات واكتشف بعد موته اهميه النطرون الاحمر لاسترجاعه , هدف من الاهداف المهمه بالنسباله تجنيدي في عباس كا نوع من انواع الكيانات الي يعرفها , وهو ميعرفش عن عقدنا ولا عن كلامنا الحالي وهيدرك الخديعه قدام .. مفيش حد بيهرب من ضريبه اعماله يا زياد , واللعبه الي انا بدأتها هختمها بيك ..

زياد : عباس كان متعاقد معاك ومات , انتتتتت , انت قولتلي العقد 24 سنه .. ولا هتزيف في دي كمان , عقود روفوسيل مبتتخالفش ..

ميفيستوفيليس : صح , في الكتاب واضحلك ان العقد مع لوسيفج روفوسيل مستحيل يتخالف من جانب الشيطان , لكن لو انت خالفته من جانبك , بالاختلاف ان انت لو خالفته مش محتاج التزم بيه ومنفذهوش وأنهي العقد ، توابع الاختيار ده ممكن تموت في اي وقت انا اقرره بدون ما تطول فترتك لل 24 سنه , شكلك مقريتش العقد كويس .. والغلطه الي نفذها عباس الضو هو تدنيسه للختم الشيطاني جواه واي حد هيدنس الختم على قد ما هيفتح افاق غير محدوده من قوته تجاه المغزى الي قدامه الا انه مش محمي مني بعد ما يخلص مهمته ..

قولتله : عباس جرح الختم واستخرج منه الدم الشيطاني , ممم يمكن يكون مرحله من المراحل فكر فيها انها الفرصه الي يستخدم كل قوته مره واحده عشان يوصل لغرضه , عباس كان طايش للدرجاتي وده معناه ان الي موته تدنيس العقد مش اهل الأرض ولا العرجه في موقفه كا وعاء وسيط , ده كان انت الي قتلته ..

ميفيستوفيليس : اختياراته وقراراته السبب في موته , ساعتها مبقاش قتلته , انا مبقتلش , لكن بمهدلك العوامل الي هتختارها وتكون سبب في نهايتك ..

العامل المشترك بينك وبين عباس غير العقد معايا هو خسارتك تالت صفقه بعد روحك وفضولك وهي انسانيتك , بدم الشيطان المتغلغل جواك ..

Mephistopheles -