الموضوع

.. من الاساسيات لأوامر تلقوها الجيش المسلح .. اي عضو من اعضاء المنظمه الي انضم حديثا كانو حريصين جدا على مصادره جوازات سفرهم وبطاقاتهم الشخصيه وموبايلاتهم وكل اثباتات الهويه .. لضمان ان مفيش اي اثبات منهم يتسرب ويتقدم بلاغ باختفائه وتكتمهم الشديد جدا على جرايم الاختطاف بحجه السفر لفرصه عمل ..

نشرت صحيفه dw الالمانيه تحقيقات كامله عن الموضوع منها وسائل التعذيب البشعه والضغط النفسي والجسماني .. الي بدايتا من فتره عمل متواصله لمده 17 ساعه يوميا تنفيذا لطلباتهم في اختراق الاهداف المحدده الي بتطلبها المنظمه لابتزازها .
اي عمليه تقصير في العمل من المحتجزين كانت بيصعقو بالكهربا بعد تعريه اجسامهم وبعدها يفصلوهم ويحبسوهم فرديا في غرف مغلقه مع تشديد حراستها ..

وردت بعض الاقاويل عن بيع الاعضاء البشريه واستخراجها من اجسام الضحايا .. سواء الي بيتم الامساك بيهم واستدراجهم بال big butchering او التصيد عن طريق التهديد بالفضائح او وظائف العمل الوهميه وانتهاء بعضهم في مطاف بيع اعضائهم .. او القبول القسري للعمل ضمن التنظيم في صيد غيرهم من الضحايا .

تفاصيل اكتر عن ازاي عمليه بيع الاعضاء دي بتتم , ممكن اقولك ان كل عضو بيستخرجو وبيستفادو منه كويس .. سواء القلب والكبد والكلى وبالاخص لدى الفتيات الي في مقتبل عمرهم والي بترفض اكمال الاوامر المطلوبه وبيحكمو عليها بالاعدام ودبحها وانتزاع بويضاتها بالطريقه الدمويه والوحشيه داخل مراكز سريه من قبل اطباء متخصصين شغالين لدى المنظمه .. وعمليه انتزاع ارحام النساء زادت جدا على مستوى مراكز الاحتيال بشكل عام مش منظمه محدده بس وتداول الاعضاء دي ببيعها على اسواق الدارك ويب الي بعضها اتكشفت وتم رصدها واعتقال اصحابها زي

alpha bay و hydra market وموقع monopoly market والي اكتسحو السوق قبل ما يتم اغلاقهم في فترات ما بين 2017 ل 2022 واحتلالهم تجاره كل الممنوعات بما فيها الاعضاء البشريه والمخدرات والاسلحه ، الي كانت مصدر من المصادر الرئيسيه لربح منظمات التصيد والي مكانش الوصول للمتاجر دي سهل بسبب قوه تشفيرها وسيرفراتها المجهول مكانها ،  غير ان انت مش بتقدر توصل للنقطه دي من المواقع غير من خلال روابط بس والي انشئ ليها منتدى خاص اتعرف ب
dark wkiki
والي متقدرش تبحث على حاجه في سيرش متصفح tor غيره , وبيجمع دارك ويكي كل روابط المواقع المخصصه لبيع كل الممنوعات والي جزء كبير منها تصيد ومش حقيقيه ومواقع كتير بتعمل sites وهميه توصل منها لمعلوماتك الشخصيه بعد ما تخشلها وتكون وقعت في مصيده منظمه منهم .. بالنسبه ل kk park تحديدا كان تركيزها عالمواقع العامه وجروبات تلجرام في بيع ممنوعاتهم , زي جروبات التلجرام ..

على سبيل الحصر كان المخرج الوحيد لضحايا المنظمه دي كانت دفع فديه ماليه ضخمه عشان يخرجوهم ،  والي البعض منهم كان بيتضطر يدفع كل ما يملكو في سبيل الخروج ،  والي معندهومش المقدره الماليه دي بالطبع يبقو هما السلعه المباعه ،  سواء عماله لاستدراج غيرهم او يفدوهم هما بروحهم وتتقسم كا اعضاء تباع في السوق السودا ..

عشرات الالاف من الضحايا اتحبسو في مجمع kkpark ،  وتحديدا 20 الف ضحيه في سنه 2023 وغير مجمعات shwe kuku الي موجوده في نفس مدينه مياوداي الي اتنفذت على ارضها المجازر دي .. مجازر العبيد السيبرانيه ..

في الفتره ما بين 2024 ل2025 بعد ما وصلو لمراكز kk park اخرجو اكتر من 7 الاف ضحيه من المتصيدين المحبوسين ، والي كان كتير منهم من جنسيات مختلفه ، وبعضهم من الرعايا التايلانديين تم ترحيلهم لتايلاند ،  والبعض الاخر من الصينين وجنسيات عديده من شرق اسيا بعد الضغط على الجيش الوطني الماريني المتواطئ معاهم وبعدها اتضطر الجيش انه يتعاون مع الحكومه التايلانديه الي دخلت سياسه ميانمار وبعتت جيشها .. مش كان اكتشافهم لkkpark بس هو الي كان انجاز على قد ما اكتشفو 12 مركز وكومباوندز للمنظمات في ميانمار و على الحدود التايلانديا ..

مجازر عديده غير kkpark وفي دول اخرى متوسعه وحيل مختلفه, شرق اسيا محتله المركز الاكبر في اقامه المجازر البشريه في حق العبيد ،  يليها بعض الدول الاخرى والي اتوجد فيها بعض من المنظمات المتشعبه منهم في لاوس وتايلند والفلبين واخيرا كمبوديا ..

كمبوديا تحديدا ليها مراكز من شبكات التصيد مثل " سيهانوكفيل " التابعه لمقاطعه

" بريه سيهانوك " ،  وهي برضو بتقع على السواحل وجزء متطرف من الدوله ، مما خلانا نتاكد ان لحدود واطراف الدوله عامل كبير جدا في تكوين بعض المنظمات السريه والمليشيات المسيطره على سوق الاحتيال .. تورطت بعض رجال الاعمال السياسيه والي منهم شخصيه من الشخصيات المهمه ، وهو رئيس وزراء كمبوديا السابق الي كان ابنه مؤسس من مؤسسين العصابات المالكه لكومباوندز ال cyber slaves ..

اعتماد العصابات في كمبوديا على استخدام وسايل تانيه التهديد بتقنيه ال deep fake  ، وانشاء فيديوهات معموله بالذكاء الاصطناعي للضحايا المراد صيدهم وتجسيدهم فيها لحد ما يقعو ضمن التشكيل ،  ودي اعترافات من ضحايا ناجيين من حوادث المعتقلات الخفيه  ، والي اكدو انهم عملو بنفسهم الفيديوهات دي وابتزاز الالاف .. وده بعد عمليه اختيار الضحايا الي بيكون احيانات عشوائي من حصر الارقام التلفونيه عبر applications بتستخدم ارقام التلفونات وتصنع نصوص كامله بتتبعت عبر التطبيقات , زي واتساب ومن خلالها بتبدأ الحيله بالناس الي محتاجين مساعد او عرض عليك مهمات تعملها في سبيل التسويق ويدوك مقابل قدامها وطرق مبتزله في الاحتيال بتتبعت من ال ai مباشرا ليك عالوتساب .. اعتمدو ايضا في الديب فيك في نشر فيديوهات لناس مشهوره واخدين وجههم والترويج للاستثمار في الكريبتو او العملات المشفره وده ارتباط تشعبي تاني لل pig butchering ،  وكسب ثقه المستثمر ويتنصب عليه بعدها ،  وربما يجمعو بيانات شخصيه عنه يقدرو يوصلو بيها للشخص ده ويبقى صيده جديدا لمواقع تجاره الاعضاء البشريه .. بحسب تقديرات الامم المتحده اكتر من 200 الف ضحيه كانو تحت رحمه المنظمات الاستعباديه في كمبوديا وميانمار ،  وده رقم كبير جدا خصوص لو كل ضحيه هيبقى مطلوب منهم عالاقل مهمه واحده يعملوها ، واترصد مبالغ ماليه ضخمه وسرقات تخطت ال 12 مليار دولار سنويا من التصيدات الي بيقومو بيها افراد المنظمه .. التشعبات للمنظمات دي مرتبطه ببعض جدا والي بنسبه كبيره منهم بيبقو تابعين لبعض في دول مختلفه زي التشعب الي انتشر من ميانمار لكمبوديا ،  وتفرع اكتر في دول زي لاوس وتايلاند والصين بالتأكيد ..

وخلصت الكلمات الاخيره .. على قد الي قريته من كلام مرعب عن حقيقه البشر من منظمات ومليشيات مسلحه ممكن تعمل كده في الناس ،  بس ما خفي كان اعظم , وكل ده تم ذكره وتداوله بره وقلب الدنيا فتره واتحط عالهامش بعدها , انا كنت بتابع القضايا دي بنفسي , البعض منها كان منتشر بشكل عام وموثق رسميا ،  وده الي اتذكر من اوله لحد النقطه دي .
والبعض الاخر تابعته من نظريات وكلام ناس ومصادر من الدارك ويب واستغاثات طالعه من ضحايا بيتعذبو يوميا , بس متخيلتش يوم ان القضيه دي هي الي هتجري ورايا والاستغاثات توصل لحد عندي .
الي بعتلي الصندوق الاسود ده عارف كويس اني متابع القضيه ومهتم بيها جدا , على قد الي قدمه من معلومات مكانتش جديده اوي عليا .. بس كانت اشاره صريحه اني لازم انشر الملف ده , والملحقات الي وصلت معاه من صور والي مش هقدر اعرضها كلها ، لكن هكتفي بالجزء الي يصلح اني اعرضه وبما يتناسب مع الي هيشوف الملف , مش هقدر اعرفكم على اسمي الحقيقي ولا اي معلومه تدل عليا شخصيا , لكن ارجو الي يقع في ايده الملف ده يهتم والي بيسمعه ينشره ويتكلم عنه بالأخص الملحق رقم 2 :

_ اولا بعتذر لأي شخص اتأذى عن طريقي او وقع في شبكه من شبكات الاحتيال , تم اجبارنا بكل السبل لسلب كل بياناتكو الشخصيه وتهديدكو بيها للانضمام للمنظمه الدمويه .. الي بالكاد انا كنت ولازلت ضحيه منهم , استمريت في الشبكه دي لمده من الزمن وسط تعذيب بالصواعق الكهربيه والتعذيب الجسدي المستمر اثر تقصير من جمع البيانات والسرقة , البعض من زملائي في المقر بيموتو يوم ورا التاني وانا مش عارفه ممكن دوري يبقى امتى .

انا سافرت من كوريا الجنوبيه لكوبا استدراجا لوظيفه .. ادركت بعدها انها مشبوهه , كل الي انا فاكراه ان انا في كوبا , مش عارفه انا فين تحديدا . كل الي نملكه من اجهزه هو لابتوب متوصل بسيرفر من سيرفرات التنظيم , وايوه في سيرفرات كامله مطوره لمراقبه كل اعضاء المنظمه واتطورت من قبل اعضاء المنظمه .. لمتابعه عملهم والي هما في الاساس ضحايا , كل الي اعرفه ان في وسطاء وهما الافراد الي بيباشرو العمل وبيملو علينا معظم الاوامر , لكن ملناش تواصل مع الطبقه الي فوقيهم والي بيتلقو منها اصل الاوامر .

من بعض الاعمال الي شبه تعايشت معاها يوميها .. وهي جثث الضحايا الي بتخرج من المقرات المتواجدين بيها .. والي بتكون نهايتهم الحتميه الموت بعد اكتشاف خياناتهم او التقصير التام والرفض في مباشره الاعمال ..

مش كل الجثث بينتهي بيها المطاف بالتخلص منها .. بل البعض بينتزع اعضائهم الداخليه الصالحه  لبيعها بأسعار  فلكيه ،  والي جزء كبير من اقتصادهم معتمد عليها ،  حتى الاحياء من اعضاء المنظمه بيخضع العديد منهم لعمليات انتزاع الكلى للي يصلح للعيش بكلى واحده ، والمحكوم عليهم بالموت اثر الخيانه  بياخدو منهم الاعضاء الحيويه كامله .. من منظور الاناث والي ذادت عمليات بيع بوايضاتهم وخضوعهم لعمليات جراحيه في شده الوحشيه لاقتلاعها ،  والي بيموت منهم بيتخلصو من اثره ..

10/5/2025 : المطور لشبكه المراهنات الي بتديرها المنظمه اتقتل انهارده ..ايا كانت الخيانه الي الي هو عملها في حقهم فا هي اشبه بموقفي حاليا ..

يمكن هو ده الي خلاني اتكلم واحاول اخرج الي جوايا ، رغم اني ممكن اكون الضحيه الجايه ، خصوصا ان كل الاعمال الي بنقوم بيها خاضعه للرقابه من السيرفر الرئيسي ومش صعب يكتشفو الي انا بعمله .. وهي محاوله واحده متاح اني استخدمها ..

اتمنى الرساله دي ايا كانت هتوصل لمين انها تساعدني اخرج من المكان ده والموقف الي انا مختارتش اكون فيه او على الاقل تمنع عداد الضحايا في دايره الدم المفتوحه .
كل الي محتاجاه حد ينقل القصه ويكشف ألم ومعاناه بنخوض تجربتها في صمت ..

طريق ادى لموت مئات ربما في اماكن وبلاد تانيه الاف , لكن دي اشبه بمذبحه كامله منظمه وضعت اّلياتها في صمت..

وكانت السطور الاخيره نهايه مطاف ما كتبت الضحيه العامله في مركز من مراكز العبيد السيبرانيه , في الاغلب اتخلصو منها زي باقي الي اتقتلو ، وإن كانت عايشه بطريقه ما اتمنى يكون ده سبب يساعد في نجاتها وتحرير غيرها من المستعبدين تحت ظل المنظومه .. او تطمس ملامح القضيه زي ما ذكر الصندوق الاسود .

 او تطمس ملامح القضيه زي ما ذكر الصندوق الاسود 

                     

                     


ليك مطلق الحريه تصدق او تكدب ملحق  الملف , ولكن ده مصدر تواصل معانا كان هدفه 

فضح المنظمه ،  والعهده على كلام الشخص ده ، ولكن القضيه دي رغم اختصاصها في مكان لازال يقام فيها المدابح واستعباد الشباب والبنات ، الا اني توصلت عن طريقها لمنظمات اخرى موثق قضاياها    اتذكرت في الملف ،  ولو حابب تدور عليها بنفسك ليك كامل الحريه انك تتأكد .