جزء 1

اقصى حاجه يقدر الشيطان يوصلها هو انه يوسوس , لكن دائما الخرافات تتدلى في كل حقبه زمنيه وبيدعو ان الموت والقتل هو نسبه للمجهول في حين ان البشر والحيوانات بيجيلهم النفخ الي بيأذن لقتلنا . 
وانما برضو القرار بيرجع لصاحب الوساوس ومهما كان الشيطان او ابليس نفسه عمره ما هيتملك عقلك الا لو عطيته الأذن بالدخول عمره ما هيخش بيتك وبابه مقفول الا لو سيبته مفتوح لأجله . 
لو انت مصدق الكلام الي اتقال ده يبقى بدورك هتكذب وجود الجن العاشق والي هو حاصل على اعلى نسبه اذى جسدي على حسب الأقوال . 
طب هتقولي ازاي الناس الي مبني عليها اساس انها ملبوسه كانو بيتكلمو كذا لغه وفي نزاعات جوه جسم الأنسان . 
التعمق هيبقى في جانب نفسي وعملي شويه وخصوصا في التشخيص النفسي والمسمى من اتضراب تعدد الشخصيات او multiple personality disorder  

المرض النفسي ده مختلف تماما مع الفصام وهوضح الفرق برضو . 




التعرضات للعنف الجسدي والنفسي في صغرك والأعتدائات العنيفه والي بطبيعتها بتخلق ليك جوانب مختلفه وهو الجانب الضعيف ورغبتك في خلق شخصيات متعدده ترجو منها حل لمشاكلك لأنك ذات نفسك مش بتعرف تحلها . 
المرض ده بيتعرضله 1,5 في الميه من الناس والي زي ما قولت ناتجين عن عنف وقت الطفوله ودول الاغلبيه لكن ميمنعش ان 10 في الميه من المصابين بالمرض ده دخلو فيه نتيجه صدمه عصبيه بسبب حدث معين اثر فيهم . 
كل دي ليها نتايج سيئه مش مجرد تعدد شخصيات وخلاص بتستدعيها لحل مشاكل بل يأسك واكتئابك والرغبه في الأنتحار دي من الأعراض الي بتلازم المصاب بالمرض . 
تغير السلوك النفسي وتحوله لأنسان مفترس او شخص اخرس او التعدد يخلقلك كذا شخصيه متناقضه مع بعض مميزاتها دي والموضوع بيتوسع من شخصيتين الى ما لا نهايه . 
لدرجه ان في حاله تم تشخصيها ب128 شخصيه متعدده . 
المخدرات بجانب كل الجوانب السلبيه بتسوء من الحاله . 


اتضطرابات العقل وتصويره كأنك مجرد شخص قاعد بتتفرج على الحياه من حوليك وانت مش بتتحكم في نفسك والشخصيات الي نتجت من مرضك سيبتها لعل تحل مشاكلك . 
الجانب ده من الجانبين هو الي اسمه الأستحواذ وده مش استحواذ شيطاني ولكن الناس فكرت الأعراض دي  الي بيتحكم فيها يبقى  من الشيطان نفسه . 
لأ خالص , الاحساس بالألم الجسدي والنفسي والعجز للمريض انه معندهوش طاقه بيكون من الاعراض , التشويش الذهني وان في جزء من ذكرياتك مفقود ومن طفولتك الي مش فاكر بعض منها دي وقت الاستحواذ . 

وده الفصل بين المشاعر والشخصيه ونفس الكلام مع الي بيتعرضو لصدمات نفسيه وساعتها انت بتبقى في حاله نسيان للصدمه دي والجزء  المشوش من عقلك بيرفض يتقبل وجودها . 





في حين لو الصدمه رجعتلك ودي وقت ما ترجعلك ذاكرتك وتفتكر كل حاجه ساعتها الموضوع بيبقى اخطر وسلوك عنيف من الشخصيه . 

النوع ده والي هو الاستحواذ انت بتبقى على علم بالشخصيات الي بتخلقها سواء بتحالو تهرب منها او بتحبها والناس الي حوليك بيفهمو الشخصيات دي بتشتغل ازاي وبيبقى سهل تحليلها  

اما بالنسبه للنوع التاني وهو النوع اللا استحوازي فا النوع ده انت فيه مبتبقاش عارف ايه الي جواك وعقلك بيخلق الشخصيات وبتظل مجهوله بالنسبالك او بتحس ان الشخصيات دي بتدايقك وانت مش عارفها او او تعامل الشخصيات دي بالنسبه للمريض او المعالجين الي بيبقو بره بيحسو انه مش مفهوم ودي الحاله الغريبه الي بتتسمى باللبس الشيطاني . 





وفي الحقيقه هي مجرد هويات مجوله عن شخصيات متخزنه في دماغك وبتطلع في صيغه  
كلام غريب ومتداخل وموضوعات مش كامله وملهاش صله ببعض . 
والي الشخصيات في حاله اللا استحواذ وقتها ممكن تلاقيها بتتكلم بلغه تانيه انت مش عارفها وساعتها بتقول ده جني من جنسيه اللغه دي . 
وده كلام غلط خالص لأن ببساطه زي ما قولتلك ده تعدد شخصيات فا طبيعي تلاقي كل شخصيات بتتجمع في نفس اللغه او تتكلم بلغه مختلفه تمام والي هتيجي وتقولي هما بيعرفو اللغه دي منين ؟ 
مفيش اي حاله لبس لشخصيه بتتكلم بلغه مش لغه المريض في الأصل بتبقى لغه كامله . 
بمعنى , الموضوع بيقتصر على علم وثقافه الشخص ده وهل هو عمره في حياته لقط جمله او كلمه حتى من اللغه دي وحتى لو هو مش فاكرها فا عقله الباطن بيخزن الجمل والكلمات دي وبيجمعها على شكل لغه الشخصيه الي نتجت دي بتتكلم بيها . 
وفي نفس الوقت لو واحد بيتكلم لغه غريبه وفي اخصائي عارف اللغه دي هيقولك ان الكلام الي بيقوله مش منطقي او الجمل مش موضحه مغزى معين للي هو عايزه , هو اه بيتكلم باللغه دي بس الكلام الي محفوظ في العقل الباطن بس وهنا هتعرف ان الشخصيه دي لو اللغه الي محفوظه في عقل المريض الباطن لغه ناقصه هتعرف ان الشخصيه دي لغتها مش دقيقه ومش كامله . 
مرض تعدد الشخصيات ده حاجه والأنفصام ده حاجه تانيه . 


والمضوضوع بسيط , المريض بتعدد الشخصيات بيحس بكل حاجه جواه والتداخلات كلها من باطنه بينما مريض الأنفصام بيحس بالشيزوفرنيا وانه متراقب من الخارج مش من باطنه وان كل الاكتئاب والالم جاي من العالم حوليا بالاضافه للهلوسه ورؤيتك لخيالات وحاجات كتيره ناتجه عن الهلوسه وده الأنفصام لكنه مش بيولد السلوكيات الغريبه والعنيفه زي مرض تعدد الشخصيات والي الناس بتطلق عليه الاستحواذ الشيطاني . 

 
هنرجع للأختراعات والأبتكارات الي سابقه عصرها بكتير والمره دي هي حاجه مش من مصلحتها الضرر بالبشر ولا ابادتهم , بالعكس . 

التكنولوجيه دي انت اكيد سمعت عنها وان الناس كأنها لسه مكتشفهاه وهي تقنيه الfree volt او الطاقه الحره , الفكره دي قايمه على استنفاذ الطاقه الكهربائيه من الهواء والشمس وتحوليهم لمصدر طاقه مجاني بدون قيود . 
في دماغك دلوقتي , طب منا عارف , ايه الجديد . 
حتى ايه الحوار , ما العلماء مكتشفنيها فعلا وشئ عادي . 
هفكرك بأن الشئ المعلن حاجه والسري حاجه تانيه . 





فاكر لما قولتلك ان الفراعنه زمان كان بيتميذو بالعلوم وان على وقتهم كانو حضاره متقدمه يمكن اكتر مننا كمان . 
عايز تصدق براحتك متصدقش براحتك برضو , بس الفراعنه كانو على علم بالتقنيه دي فعلا وهما اول ناس توصلو لصناعه الليزر واستخدام الكهرباء ومش الكهرباء وبس ده الكهرباء اللاسلكيه كمان . 
بس مش بالشكل الي انت متخيله خالص , هما كانت حضارتهم مختلفه شويه واختراعتهم مش زي اختراعتنا خالص لكني هفهمك كل حاجه بالتفاصيل كمان شويه  

طب خلينا نبعد عن الفراعنه شويه وهنرجع ليهم بعدين . 

في القرن التاسع عشر كانت الفكره دي موجوده وبيتم تطبيقها بس بشكل بسيط , بدأو في الأول بالبطاريات واجهزه بتدعم البطاريات وبيتم شحنها بالطاقه الخارجيه والموضوع فضل يكبر منهم  وقت بعد وقت , حتى ان التكنولوجيه اللاسلكيه بتعتمد عن التقنيات دي وهي اساس التكنولوجيه اللاسلكيه . 





كانت بدايه لعصر  جديد بدون بنيه تحتيا او اسلاك  وامثلته حاجات كتير في حياتنا زي تقنيه 4G 

الي بنستخدمها يليها ظهور ال5G وكل ده  عباره عن طاقه بتتجمع من ترددات راديو والموضوع اتطور لأستخدام التكنولوجيه دي في صناعه التلفزيونات والبثوث المباشره بتستخدم نفس التقنيه واي حاجه لا سلكيه معموله بنفس الفكره . 
وكل ده عباره عن تمهيد لأختراعات اكبر من كده جايه في الطريق . 




برمودا , المثلث الي حير ناس كتير , مش جه الوقت نعرف هو ليه بيحير الناس وسبب حدوث كل الأقاويل دي عليه ؟ 
من فتره في علماء اكتشفو باجهزه السونار وجود حاجه اشبه بالأهرامات تحت مثلث برمودا . 
بعد التدقيق والمحاوله بأجهزه تانيه فعلا بدأو يرصدو حوالي هرمين والغريب في كل ده انهم هرمين مصنوعين من الكريساتل . 
مش معنى الكريستال ؟ وايه الي جابهم في قاع مثلث برمودا لحد دلوقتي محدش يعرف غير نظريه بس اتحطت وهي ان الهرمين الكريستاليين دول كان وعلى السطح ووقعو في قاع المحيط ونزلو في منطقه مثلث برمودا على عمق 2000 متر . 
 
طب واحده واحده خلينا نعرف ايه الأهرامات دي بالظبط . 
الي اكتشف وجود الهرمين دول هو الدكتور ميير فيرلاج وهو عالم محيطات هو ومجموعه علماء لقو ان الهرم الواحد منهم حجمه اكبر 3 مرات من الهرم الأكبر الي عندنا . 
يعني حجمه هائل جدا وصعب تتخيله جوه العمق ده من المحيطات . 
وغير كده مين هيصنع هرمين بالحجم ده وكمان من الكريستال . 
الأغرب من كده ان في ربط بين وجود الهرمين دول والظواهر الغريبه الي بتحصل في مثلث برمودا . 
الي هيقنعك اكتر هو الي جاي . 




تم تفسير ان الهرمين دول اتبنو على سطح الأرض ومن زمان وانهيارات القشره الأرضيه والزلازل دمرت المنطقه دي والمنطقه دي كلها هبطت في المحيط مما تسبب نزول الهرمين . 
نظريه تانيه وهي مربوطه بمدينه اطلانطس المفقوده واطلانتس المفقوده ده عالم من الحكايات لوحده بس بيعتقد ان الهرمين دول هما مبنيين على نفس المدينه ولما المدينه دي غرقت الهرمين غرقو معاها . 
مع العلم مدينه اطلانطس مش اسطوره زي ما بتتقال ودي وراها سر اعظم من تقدم في العلم . 
بس ليه اصلا الأهرامات موجوده وبتتصنع لغرض ايه ؟ 
المعروف ان الأهرامات هي من القدم كانت فن معماري وفي نفس الوقت مقبره للملوك الحاكمه والمؤثرين . 
بس فكره الهرم نفسها مش منطقيه انها تكون معناها مجرد مقبره . 
ليه بنو هرم كريستالي ومبنوش مكعب كريستالي مثلا ؟ 


النظريات الهندسيه هنا بتخش وبتفسرلك الوضع ده انه عمليه تحويل الطاقه الحره للطاقه الكهربائيه . 
الكريستال وخصوصا وهو على شكل هرم بيشتغل كا مكثف كهربي وكل ما حجم الهرم بيزيد الطاقه الي بتنتجها او بيتم تكثيفها اكبر . 
عامل وجود الشكل الهرمي بيدي ميزه في تجمع الطاقه المتكثفه دي في قمه الهرم والي بتختزن الطاقه الحره فيها وبيتم استخراجها في صوره كهرباء . 
من زمان جدا واجرو تجارب على الزجاج والمقارنه بينها وبين الكريستال في خواصهم الكهربائيه الا ان الكريستال او الماس بينتصرو في خواصهم الأكتر والاقوى . 
في علماء بيعتقدو ان الهرم بأكمله من الكريستال وفي الي بيقول قمه الهرم بس الي مصنوعه من الكريستال . 

العلماء قبل ما  يعرفو الحوارات دي كان بيستخدمو بلورات الجيرمانيوم لأستقبال موجات الراديو والترددات دي وتحويلها لأشارات كهربائيه . 
وده الي كان عادي وقتها . 


لكن متوسعش بالشكل الرهيب ده وخصوصا ان حضارات سابقنا بألاف السنين على علم بتوليد الطاقه ده . 
 

 

الأهرامات عشان تقوم بالعمليات دي لازم تكون مفرغه من جوه وفعلا في علماء بدأو يطبقو الفكره دي بس بشكل تاني وهي انشاء هرم كبير قاعدته مضاده للجاذبيه . 
هو قمه الهرم هو المخزن للطاقه دي بس ده ميمنعش ان بقيت الهرم بيحتوي على البعض من الطاقه الحره دي ومنتشره في المكان . 

طب لو كل الطاقه دي فعلا بتتجمع وبتختزن يبقى بتروح فين . 


مصدر هائل زي ده من الطاقه مختفي الاف السنين اكيد مش هيجمع كل الوقت ده في شحنه واحده من الطاقه . 
والي مع العلم شحنه واحده من الطاقه دي بيتقال انها تقدر تمد دوله بأكملها بالطاقه . 




الكميات دي اكيد بتتفرغ وبتتفرغ كميات كبيره كمان وكله على حسب البيئه الي الهرم ده فيها لو هرم في مكان متقدرش الطاقه تتفاعل معاها بشكل قوي محدش هيحس بوجوده وده فعلا الي بيحصل  
لو جربت تطلع فوق هرم كبير من الأهرامات قمته الخارجيه هتلاحظ بتيارات خفيفه بتعدي من حوليك ومعنى انك بتحس بوجودها يبقى المكان ده فعلا نشط بالطاقه الحره . 
اما بالنسبه للأماكن الي الطاقه الي بتتفاعل فيها بصوره قويه في منطقه مثلث برمودا مثلا . 


على حسب قولهم ان التيارات الي بتتسبب في دمار كل شئ يمر بمنطقه مثلث برمودا دي نشاط الطاقه الحره الي بتتولد من قمه الهرمين الي في قاع مثلث برمودا . 
بحيث الهرم يفرج الطاقه المكمونه دخاله ويعيد تجديد مصدر الطاقه من تاني بلا توقف . 
في تجربه او حتى نظريه اعقل واقرب الشبه من دي ؟ 


ايه تاني ممكن يسقط الكلام ده كله وان في حاجه تانيه السبب في الي بيحصل في برمودا ؟ 
هل ممكن كده يكون سر منطقه برمودا اتحل ؟ 
ولا المستخبي وراه اسرار كتير .