جزء 15 - ديستوبيا

رجع الضو يكمل كلامه وقال : فهمت الرابطه الي بين كل لوحه من الي شوفتهم ؟

اظن انك دلوقتي قادر تجمع شتات نفسك والقصه الي اتفرقت معاك ..

زياد : ايوه , المشهد وضح حوليا , بس في حاجه واحده بس عايز ابص عليها .

نزلت وانا ماشي باتجاه غرفه السرداب , تبعني الضو عشان يخش معايا اوضه السرداب ..

نظري كان على الباب الحديدي الي مقفول بأحكام شديد ..

لازم اعرف الي ورا الباب يا شيخ الكفر , محتاج اتأكد من شكوكي ..

الضو : مش دلوقتي , تحديدا , لسه شويه , لما يجي الأوان ..

احكيلي الأول ولو اصبت في جزء كبير هكملك ..

زياد : اول حاجه وهي اللوحه الي قدامنا دلوقتي ..






مخطوطه الجحيم لدانتي والي بتعود لملحمه دانتي الشعريه "الكوميديا الألهيه ", طبقات الجحيم ال9 الي بتتمثل في خطايا بتحتوي كل طبقه منها على نوع من الخطايا , وهي بتنطبق فعلا على الي بيحصل في الكفر ، اول طبقه من الجحيم ، طبقه الفلاسفه اقل درجه من درجات الجحيم عند دانتي ، بس دي مش الي انت قصدك عليها بل ده قصد مؤسس الملحمه الشعريه نفسها , طبقات الجحيم من منظور تاني تقدر تمثل بيها مخطوطه الجحيم السفلي لأهل الأرض وتحديدا باطن الأرض اخر طبقه وهو جحيم الخيانه , خيانه الناس و المواثيق بتوسط الشيطان لوسيفر..

لوسيفج روفوسيل : وهو نفسه وكلني لمقايضه الخيانه بما اهو اكبر ضمن صفقه من صفقاتي ، في جحيم الفلاسفه ..

الضو : خيانه , انا وعباس عملناها وده اعتراف مني , خيانه لأهل الأرض في مواثيقهم وعهودهم , خيانه لأهل الكفر لأني اعتزمت اني ادخلهم الدايره دي بدون ما اوسع ادراكهم لنسبه خطوره ان دخولها رهان كبير جدا عواقبه هتطاردهم , وخيانه لأبني الوحيد عباس , وده هتفهمه في اللوحه الجايه ..



قولتله : قصدك لوحه saturn devouring his son , العملاق الي أكل ابنه خوفا من انه ياخد مكانه ..

تحديدا , انت اكلت ابنك في اليوم الي خليته وسيط وسيبته لطريق ادخلت الشغف فيه , جنونه في الطريق الي انت سلكته , خوفت انه يكبر عنك وخليته تحت تحكمك , سلاح يكتشفلك المدفون , هل انت فعلا لو كنت شايفه ابنك الي خايف عليه هتعمل كده ؟

الضو : على قد ما انا ندمان , بس الندم مش اني دخلته الطريق , كان لازم احوطه واحميه , تسرعه اهلكه وانا اهلكته لما راهنت بيه , ايوه , كنت براهن بأبني وعارف انه احتمال كبير يموت , بس بنسبه قولت انه قادر يعملها وتكون اول مواجه حقيقيه بينه وبين اهل الأرض , كنت فخور بكونه واقف على رجله والقوه والعلم في ايديه , كنت اديته الحق انه يستخدم قوته بحكمه , بل وراهنت انه يكون وسيطي الأول والوعاء الي هيخوض جلسات للتعاقد مع اهل الأرض بعدها يتم الحفر , سيطرت عليه الضغينه ، اي حاجه ممكن تقف قدامه يعاديها بدون وضع حدود واللحظه الي ينفجر فيها بعد ازدياد قوته ، مش هعرف اتحكم فيه مما اخذني لتطويعه او اكله ، وتطويعه ادى الى اكله وده الاحتمال الكبير الي حطيته وكنت أمل انه متضطرش اعمل كده وأحميه في نفس الوقت يفضل تحتيا ، عباس خاض جلستين وقوبل بالرفض منهم , اتحداهم في الجلسه التالته وهددهم وقتها سكتو , سكوتهم كان ليه معنين وهو قبولهم او رفضهم وده كان الفخ الي نصبوه , بمجرد الحفر والعناد على الرغم من شكنا بالرفض التالت , ونزل عباس , اخر حاجه سمعتها بعدها صرخاته , القى بعض الطلاسم وبعد ما قالها ورغم احتوائها على التحصين معملتش حاجه قداهم قوتهم خصوصا انه خلاص دخل وكرهم ..

حاولنا انا والرجاله الي معايا نعيد تنصيب الجلسه مكانش ينفع ننزل ..

بس في نص الجلسه كل النيران ومصادر الاضائه انطفت , كنا تحت ضوء القمر والي باين كان يدوبك حاجه بسيطه , الي واضح عن الصوره هو الصوت , اصوات صريخ وحشرجه اي حد كان جمبي ومشارك في الجلسه , حسيت ولمحت حركات سريعه جدا تكاد تكون مش ملحوظه واجسام عماله تقع , وانا بتحرك خبطت في واحد من الرجاله رقبته كانت مفتوحه ووقعت راسه على كتفي , هو ايه الي حصل ؟

ده الي قولته بالظبط من هول الي شوفته ..

زقيته وانا بدور وسط كل الجثث الي حوليا والي جزء كبير منها متقطع ومتشرح , العمليه دي كلها مخدتش ثواني ومن الواضح انهم غضبو جدا وخرج جزء كبير منهم , عمل اقل ما يقال عنها مجزره , لما الاهالي جت والمظهر بقا اوضح من الاضائه الي جابوها شوفته , خرجوه من تحت الأرض .. عباره عن اشلاء , ورمح من الرموح القديمه المستخدمه في الحرب , مغروس فيها راس عباس ,

زي ما تكون دلاله للحرب الي بدأت ما بينا ومابينهم ..

ضغينته تجاهم واصراره على العند معاهم ادى لأنقلابها عليه ..

ومات في الاخر , كا اي موته مبتفرقش , خدت القوي والضعيف , والفقير والغني ,كل الطبقات على حد سواء وده ينقلنا للوحه التالته ..

زياد : لوحه انتصار الموت The Triumph of Death , بتوضح غزو الموت المتجسد في الهياكل العظميه الي بيتقتل الكل , حتى البريئ مع المذنب , والي بتبقتل الشباب , الاطفال والمسنين , هو ده واقع الكفر, موت حتمي خط سيره مكمل والي بيقوم بالمهمه مسوخ من باطن الأرض , مش هاممهم مين الي اتعرضلهم , المهم انهم يبيدو الكل بدون استثناء ..

كلام مختلفش كتير عن الي قولناه قبل كده بس انت حبيت تربطلي المعنى , انا مستغرب انك اتكلمت قبل كده عن محاوله الغرب لتحدي الموت في الاساطير وانت اتحديتها وعايز ترجع ابنك , انا مش بتكلم على الروح , استغلال جسم ابنك ورغبتك في احيائه بروح تانيه ..

قرب مني الضو وحط ايده على كتفي وهو متوجه لمكان تاني في الدوار ..

بعدها رد وقال : الاستغلال , انا بستغل جسمه وزي ما بحضر كيان قدامي اقدر احضره في جسمه ..
دور السحر النيكرومانسي تنفيذه فعليا وتحريكه, وظيفه بيقوم بيها السحر , محدش فينا ملاك يا زياد ..

ودي تجربه اشتغلت عليها سنين وقربت اتمها وهي لخدمه مش تحدي ..

قرب , عايز اوريك حاجه ..

طلع الضو لأوضه محتواها عباره عن تابوت ورفع التابوت ده ويظهر المنظر الي كنت متوقعه ..

اجزاء متفرقه من الجسم ملفوفه بالكتان ومرصوصه في التابوت بالترتيب وكأنه كامل ..
معرفش عملتها ازاي , او قدر يجمع كامل الجسم من غير جزء مفقود , بل وحنطهم في شبه قريب جدا للتحنيط الفرعوني ..
غصب عني كنت بقرب زي ما بيقولي وانا سرحان في جسم عباس الي قدامي , والريحه الغريبه الي طلعت بعد فتح التابوت ..

الضو : متستغربش , دي ريحه النطرون , مهمه في العمليه دي , بس مش اهم من النوع التاني منه ..

النطرون الاحمر ... اتدفن في الباطن وسطهم , ودي الماده الوحيده الي محتاجها ..

" تحليلي للمشهد كان ماده النطرون الاحمر الي الي استخدمها عباس على اثيل ونزل بيها الحفره , مات عباس لكن النطرون لسه معاهم "

كمل الضو وقال : زياد انا عايزك تساعدني , انت الوسيط متنساش , لازم نقرب من اهل الأرض ونبرم عقد جديد معاهم , الجلسه لازم تبقى في اقرب وقت ممكن وانا هحددها ..

قولتله : اساعدك ؟ ولا اساعدهم , انا ليه ممكن اساهم في اني ارجعه ؟

الضو : انت مش مطلوب منك حاجه زياده , الي هتعمله عشان توقف القتل والاضاحي هو نفسه الي هيفدني في اني اكمل التجربه الي شغال عليها , فكر في كلامي كويس ...

بيني وبين نفسي كنت مخير , وممكن مساهمش في اي دور كا وسيط ولا ليه دور في حاجه تخصني حاليا بعد ما خسرت كتير , بس الضو بيلعب على نقطه الأدمان الداخلي ليا .. عارف اني هوافق في الحالتين ومسير الفضول يقودني لمبتغاه ..

هتقولي عملت ايه بعدها ؟ بكل بساطه نمت ..
نزلت غرفه السرداب اياها , كنت مضطر، اكلت من الاكل الي الخادمه سابتهولي ونمت ..

نومي كان مرحله انتقالي للعالم التاني وهو مش عارف اسميه ايه غير انه عمره ما يكون حلم ..

, ادركت في المشهد ده اني موجود في شركه الادويه وبقابل شخص كان قاعد مستنيني في مكتب الشركه , دخلتله وقعدت على كرسي الاداره وبدأ الكلام وقال

: نتايج التجارب في الفتره الي فاتت يا استاذ زياد من الواضح ان هي ماشيه في مسار ناجح وبدأت في العلاج من الربو , بس ....

قولتله : بس ايه ؟ انا عارف , بيعمل اثار جانبيه بتؤدي للهلاوس بس ده مع ادمانه واحنا غير مسؤلين عن حاجه زي كده , انت عارف كويس ان ادويه كتير في السوق ادمانها سهل جدا يعمل تأثير معاكس لعلاجه , فا لو جاي للمقترح الي قولتهولي قبل كده فا هو مرفوض تماما مش هينفع يتنفذ يا طارق ..

طارق : هييييح , زياد باشا , التجارب على المركب ده تحت مسؤليتك , التعتيم الي احنا قايمين عليه ده صعب يطول , لو اصدرنا العلاج في السوق ومشاكله فضحتنا , بنسبه كبيره هنروح كلنا في داهيه , حضرتك عارف ان ادمانه مش من استخدام متكرر , يعني قرصين بس في يوم واحد كفايه يجرو الرجل لأدمانها , يعني لو قللنا تركيز الماده الفعاله ممكن تحل جزء من المشاكل ونبقى قادرين مسيطرين عالوضع عالاقل ..

زياد : طارق , الي انا بعمله ده انت طرف فيه والكام مليون الي انت هتاخدهم نتيجه التعتيم بس ولو كمل واترقيت ثروتك هتزيد معانا , واي حاجه هتحصل هتتحل بالفلوس , انت متخيل هيجبلنا كام العقار ده ؟

كما ان المستثمرين الكبار الي انا جبتهم نفوذهم تطول ان العقار ميخشش جدول ولما يتباع في السوق انا عمر ما حد هيقدر يقف قدام بيعه طول منا موجود والناس الكبار ورايا ..

طارق : ياااه , انت داخل بتغامر اوي في السوق , عموما انا هكمل اشرافي على قسم التجارب ولو في جديد هبلغك ..

شاورتله انه يتفضل , كنت بضحك ,خصوصا اني ضمنت خطتي , متختلفش كتير عن منظومه الادويه , الفرق اني ببيع السم والعقار ,شئ واحد , ولو انا شيطاني غلبني اكتر هنتج عقار جديد لعلاج السم الي في الاساس من انتاجي ..

كنت هاوي ولا الشيطان الي اتملكني وانا مستسلمله , لأجل فلوس , ثروه ونفوذ .. والمرحله الي تواصلت بيها مع الشيطان نفسه نقلتني لرفضي الحال وانعدامي للرغبه الي بنيت العقد ده عشانه الا اني مستمر فيها ..

اختفى كل ده بمجرد فتحي لعيني , هل صحيت من النوم فعلا ؟ ده الي سألته بمجرد رؤيتي لمسخ اسراء العرجه متعلقه في السقف ..
وقعت على السرير , عليا تحديدا واتخبطت خبطه عنيفه افقدتني الوعي , بس كنت سامع وحاسس بالخبطه القويه على السرير وصوتها جمب ودني ..

: مش ,مش هيكفف, مش هيكفيني موته لوحده .. النسس, الننسسلل من جزوره هيتتتششااال ........