جزء ٣ - نبض الخادم

قومت من مكاني بالشنطه على كتفي وطلعت اجري من غير حتى ما اعرف هو فين , بس , بس انا عارف ده مين , اكيد اخويا مدحت وجه يدور عليا بعد الحادثه , الممرضه راحت تبلغ الامن بس انا كنت طلعت جري بلبس المستشفى ولقيت شخص واقف ومدير المستشفى بنفسه جمبه , شاور الشخص ده عليا وقاله : انا عايزك تخلصلي اجرائات الخروج فورا ومتتاخرش ,زي ما انت شايف حالته .


قرب الشخص والي كان من شكله باين سنه الكبير راجل خمسيني ماسك سيجار فاخر , وشنبه الكبير الابيض , بتجاعيد وجه المبالغ فيها , شخص شاف كتير وتغوط في سكه مش سهله .


: زياد , انت عارف غلاوتك عندي ومكانش ينفع اسيبك بعد الي حصل ده .


منهم لله بقا الي كانو السبب والف سلامه عليك , حاسك خايف وعندك اسئله كتير .


تعالى اركب العربيه وانا معاك في الي هتسأله .


زياد : عزام باشا ! , انت فعلا الي شوفتك في الاحلام الي جاتلي , انا مش فاكر كويس الي حصل , قاطع كلامي وقال : اه انا عارف , فقدان في الذاكره واسترجاعها بيتطلب وقت , بس هل انت وصلت للنقطه لي تخليك عارف احنا هنروح فين ؟


زياد : بعيدا عن كفر طموس والي جواه , انت الي بعت الخادم ؟


قولي ان هو الي جابني والشخص الي سلطه عليا ده انت او .


عزام : خادم ! , لا لا , حاول تفتكر انا مين , مش ده مجالي , ودي شغلانه


اكيد الي عملها الضو وسلط عليك خادم .


قولتله : اه صح الضو , انت قولتلي عنه , بس انا في حاجه تانيه شغلاني دلوقتي انا عايز اتطمن على اخويا الاول , مدحت .


عزام : اخوك مدحت بخير وانا طمنته عليك من فتره بس هو رفض انه يجي يزورك ,


انا كده كده هوصلك بيتك ولينا كلام تاني .


ز : ازاي رفض يزورني ؟ انا حتى كنت هموت في حادثه عربيه , المفروض هو عرف على حد كلامك .


عزام : اعتقد ان كان في مشكله ما بينكو الاول بس خلي الخلافات بعيد وانا واثق انك سليم دلوقتي لأن مفروض خادم الضو هو معاك وبيحميك .


رديت عليه وقولتله : فعلا , حاجه غريبه ان يبقى عندي الكسور دي و ,


هو الاستشفاء ده كان وراه الخادم , بس لما شوفته لاول مره في المستشفى , اينعم مشفتهوش بصوره كامله بس كان بيخدرني بجرعه من ماده بتساهم في استرجاء الذاكره بشكل اسرع .


في السكه واحنا ماشيين دخلنا حي الزمالك ووقف بالعربيه عند كومباوند وبيقولي


عزام : اتفضل , وصلنا البيت بتاعك , مطولناش المستشفى مش بعيد عن البيت .


بالمناسبه رجالتي كانو قريبين من شركتك وسمعت عن طريقهم انهم بيدورو عليك والوضع سيئ هناك , قدامك وقت تلحق تجهز فيه امورك قدامك لحد يوم الحد و نبدأ .


انا كا زياد حسيت بنوع من الصدمه مكنتش عارف هو المشهد الي تخيلته او حلمت بيه بيتكرر ولا , ممكن يكون حدد نفس المعاد الي فات بس الاسبوع الي جاي .


زياد : بس انا فاكر ان ....عزام : ايوه حددت معاد جديد بيوم الحد برضو , المره الي فاتت كانت الحادثه حصلت بعد محاوله سفريتك بالظبط يوم الحد , اظن ان المشهد وضح شويه من حوليك .


انا نزلت من العربيه و مشيت ومقدرتش اقول كلمه تانيه , مش مرتاح , او حاسس بحاجه غلط, قطعه من البازل الوحيده الي موجوده انا حتى معرفش مكان شركتي , اصلا هو انا طبيب نفسي ولا عندي شركه , وفي نفس الوقت شغال مع عزام , كل التداخلات دي ربكتني .


الفيلا الي قدامي والي نزلت عندها كانت كبيره وشكلها راقي جدا , الباب الحديد كان مفتوح وده سهلي عمليه الدخول للجنينه بس باب البيت في الطبيعي لازم يبقى مقفول , كنت هخبط واخويا هيفتحلي اكيد , مش متوقع رده فعله لما يشوفني , اه في احساس كراهيه اعتقد من الحدث الي كنت بتكلم فيه عن مشاكله النفسيه وسوء ظنه اني استوليت على فلوس العيله , بس انا هفهم منه اكتر .


الباب مكنش مقفول , زقه بسيطه وانا بخبط كانت كفيله انه يتفتح .


كملت ودخل الدور الاول الي كنت فيه كان ضلمه والانوار كلها مقفوله وخدت بالي ان الانوار كانت مقفوله من بره بس احنا مش بالليل حتى .


كملت مشي على شمالي كان في سلم مؤدي للدور التاني , قبل ما اطلع خدت بالي من بعض الاثار البسيطه لبقعه على السلم بقعه ورا التانيه متناثرين بالتدريج من باب الشقه لحد السلم , دم متجلط , بس الدم لما بيتجلط لونه بيتغير انما كان اللون فاتح وكأنه لسه دم جديد على الرغم من اني , حطيت صباعي على البقعه كانت ثابته .


وده يبعد الشكوك شويه انه دم ممكن يكون طلاء احمر عادي .


خصوصه الفرشه الي لمحتها محطوطه في المطبخ الي على يميني ومليئه بالطلاء الاحمر .


بعد المطبخ كان في حمام بصيت عليه خطفه سريعه وكانت مرايته مش موجوده بس كان في بعض الفتات من الازاز


في الارض .




مخدتش في بالي واتحركت لفوق , غالبا مدحت مش موجود بس علامات الطلاء وصلتني لغرفه مغلقه قدامي .


سامع صوت خطوات بتقرب من جوه الاوضه المغلقه .


خطوات واضحه جدا ماشيه ببطئ , نبضات قلبي عليت فجأه بعدها بطئت .


مدحت , مدحت هو ده انت ؟


كنت عارف اني بكدب على نفسي , والي اكدلي , هو الصوت الي صدر فجأه بيقولي : اخرج , متقربش من الاوضه , متعديش دايره الدم .


بقووللك متعدديش .


انا خدت بعضي وجريت على اقرب حاجه قدامي والي كانت اوضه مفتوحه .


ضربات قلبي بدأت ترجع للمعدل الطبيعي .


الخادم , خادم الضو معايا , هو الي حذرني دلوقتي بس من , من ايه ؟


اوضه , فيها كميه كبيره من الكتب , متنوعه ما بين التاريخ الفرعوني والاشوري وحضاره بابل القديمه .


من الواضح انها غرفتي الشخصيه , بحكم ارتباطي الشديد بالتاريخ ومجال دراسته الي انا فاكر اني درسته بشغف , على الرغم من كوني طبيب نفسي من مجال التخرج بس هوايتي كانت القرايه في الحضارات القديمه .


رغبتي في تعلم بعض اللغات القديمه وفك رموزها مكانتش بالشئ الصعب , وده يوضح اهتمامي بفك الرموز والي احتاجتها في شغلي مع عزام وتجاره الاثار .


انا مكنتش الوعاء الي بيخش المقبره ويستخرج الاثار وبس .


الموضوع اكبر من كده بكتير .


الورقه الي كانت بارزه من كتاب واضح جدا من تهالكه اني كنت بستخدمه كتير .


كتاب اللغه الاشوريه ,تعلم الرموز المسماريه وفك تشفيرها لمؤلفه - ليوناردو وليام كينج .


سحبت الورقه البارزه والي اتكتبت بخط ايدي , محاولات كانت فاشله في البدايه لكتابه اللغه المسماريه ونجحت اخراََ .


ودليل على كده اني اقدر افك تشفيرها واقراها دلوقتي .


الورقه كانت ترجمه لمحادثه بيني وبين شخص مجهول كالأتي :


" اقسم ب انو , ملك السماء وانليل ملك الرياح , شمش كاشف السر والعهود , حامي القبور وموتى الجنود , بشهاده عشتار ملكه الحروب, احافظ على العهد وبنقده يسلخ الجلود ,تسقط لعنات الملوك السبع على الخائن ويرفع معتنقها على اجنحه الحارس لاماسو, كما قطعت رأس الكبش فلتقطع رأس من يخون قسمي " .


بمجرد ما قريت النص المسماري في الورقه كان صوت خبطه شديده القوه على الاوضه الي جمبي , خبطه كافيه انها فتحت الباب .


وسط كل الهرج والمرج ده صوت الخادم ظهر من تاني وقال :


" , انت تقدر دلوقتي تتحرك , دلوقتي تقدر تلمس رجلك دايره الدم .


زياد : دايره الدم ! , وايه الي موجود في الاوضه ؟...


رعشه في رجلي بمجرد ما بدأت اتحرك وكأني بتحرك من تلقاء نفسي على الرغم من سيطره جزء من الخوف عليا عشان متجهش للاوضه لكني كنت رايح ناحيتها اتمسح من دماغي وقتها مدحت , ووجوده الي اختفى لأني انتقلت لمرحله تانيه مكنتش عارف فيها الاقي نفسي او اعرف انا كنت مين كويس قبل الحادثه .


خط مفروض انه يربط حدث بالتاني والي ربط الحدث ده كان خط دم مرسوم في نص الاوضه , دقات قلبي ارتفعت , مش الخادم الي معايا , المره دي حاجه تانيه قدامي , مشهد كفيل اني لو بني ادم عادي فعلا كنت مت بدون اي ادنى شك .


ريحه بشعه ولا تطاق ..




جسم قاعد عالسرير , ميت تماما , هتقولي ميت ازاي وقاعد ؟


جسم ماعز مسلوخ جلده ومكسور قفصه الصدري وعموده الفقري ,والرئه خارجه من ضهره بمظهر يوحي بالجناح براس مقطوعه وموضوع مكانها راس بني ادم .


مشهد بيصور طريقه اعدام قديمه لحضاره النورمان بأسم" النسر الدموي "


بس لا , ده مش النسر الدموي بالشكل النورماندي .


المنظر ده بيجسد اسطوره منتشره في حضارات بابل واشور للحارس لاماسو والي بيبقى بجسم حيوان مجنح وراس انسان ..


وتقديم كبش فداء لشهادته على الوثيقه ما بين عالم الارضيين والانس وممكن يكون انسان وحيوان مع بعض .


رجعت خطوتين ورا ومع رجوعي نظرات الراس البشريه في الجسم الحيواني بتتبعني وكأنها ملازمه تحركي .


انا دخلت بيت شيطان , سحر واضحيه , وثيقه وعقد مع اهل الارض .


هو انا الي عملت كده ولا عقلي لسه بيخلق سيناريوهات جديده من وقت المستشفى ؟


صوت ارتطام راسي بالارض كان اقوى من صوت الرد الي جالي بعدها .


الخادم : مش كل شيطان كانت بدايته ملاك متكبر زي السيد لوسيفر , بس في صياغتهم الحديثه لشيطنتهم كانت بأيد بشريه .


زي ما كنت خادم وموكل بحمايتك , كنت موكل بعقد معاك وافقت عليه لغرض اقوى من مجرد حمايه .


اخر كلمات قالها الخادم مع اخر نبضات في قلبي يمكن نبضي وقف وقتها .


فقدت الوعي ولا مت , مكنش عندي ادنى علم ، ولا ممكن الاحداث الي بشوفها قدامي دي زي ما بيقولو شريط الذكريات الي بتعدي عليك قبل وفاتك ..








بس ثبتت على مشهد واحد معين ووقفت عنده ، المشهد اتغير لكن المكان نفسه الي كنت فيه متغيرش .


دخل مدحت من باب الاوضه , كان باين على لبسه انه متشيك ولابس بدله وساعه شيك وعينه لمعت وهو بيقولي : ايه يا زوز مش ناوي تيجي معايا ولا ايه ؟ يا اخو العريس ، سيبت الكتاب الي كنت ماسكه وقولتله : يعم اتنيل ، انت لسه هتخطب ،


انت كنت قولت ان احتمال تتأخر في الخطوبه بس يعجبني انك فكرت في الموضوع كويس ، عموما انا هلبس وجاي وراك علطول ، انا عارف ان انت حاطت عينك عليها من زمان بس مش شايف ان الموضوع اتاخر شويه ؟ يعني مفروض تنجز شويه فيما بعد الخطوبه .


مدحت : تعابيرك مش زي كلامك خالص ,


ليه يا زوز انت شكلك مش فرحانلي ؟ ده حتى نور هتزعل منك جامد ونبهت عليا انك تيجي بدري , اومال مين هيشرفنا قدامها وقدام اهلها .




رديت عليه وقولتله : حاضر يا مدحت انت عارف بقا انا اتسحلت شويه الفتره دي ، ده غير اني كنت مفروض اروح المعرض انهارده والتفكير فيهم اخرني ، المهم ان في مفاجاه تانيه محضرهالك في المعرض برضو والعربيه الي انت كنت عايزها جيبتهالك وخلصت ورق جماركها امبارح .


كله لاجل نخلص منك , هجيلك دوغري بدل ما اقولك نفرح بيك والكلام المبتزل ده .


مدحت : مش عارف اقولك ايه والله انا قولت انك مش هتنساني برضو في الطلب ده بس الطلب التاني بقا والاخير , وانا هبقى بجد مبسوط عشان اقدر اتمم الجوازه دي وانا مسؤل عن نفسي .


زياد : ياااه يا مدحت لسه هتقولي تاني فلوس المعرض والورث بتاع الشركه .


يبني انت عارف ان انا فلوسك دي بشغلها والمعرض والشركه كبرتهم اكتر بكتير من ما كنت هتاخدهم مفلسين من ابوك .


بتوصلك فلوس كتير وقت ما تحتاج ويمكن زياده عن حاجتك, وشغلك معايا في جزء من الاداره بيغطي الي بتحلم بيه ..


صح ولا انا غلطان ؟ انت لو عايز فعلا تبيع , صدقني مش هتستفاد حاجه غير انك بوظت الثروه الي انا كبرتهالك ومش هتعرف تديرها في حاجه تانيه .


مدحت : طول عمري مستغرب يا زياد الوضع ، بص انا بتكلم معاك بصراحه ، ليه ابونا اختار انك تعمل كده ، وليه مقاليش في الاول انك هتتولى كل حاجه , ليه تحكم عليا انا كا فرد من عيله التاجي اني اكون تابع ليك مش شخص مستقل ليه اصول .


انا معتمد انك على قد ما ساعدتني بفلوس او او عربيه ، انا محتاج انك تعملي شخصيه قدام الناس واخر مره هتكلم في الموضوع ده وياريت تفهم ، بس انا مش هسكت غير لما اعرف ليه ابويا عمل كده .مع انه كان بيحبني جدا ودايما يقولي انت واخوك هتعرفو دايما تقفو جمب بعض في الشركه والمعرض ، ولو حد فيكو خد قرارات في حق الشغل غلط التاني هيقدر يصلحها .


انا مش فاهم بجد ، انا هخرج واروح زي ما اتفقت معاك ، حاول تجهز با ااا معالي الباشا




خرج مدحت من الاوضه والي كانت اوضه فيها مكتبه كبيره من الكتب بجانب اوضتي الشخصيه .


قفلت الكتاب الي كنت بقراه بعنوان :


The authentic red dragon"