جزء ٦ - ميفيستوفيليس

في الاول لما مسكت ايد الشيطان ده كان ايده طبيعيه زي البشر وكنت شايفها , بس دلوقتي لما فوقت , لقيت بشري كامل قدامي .




واقف , بدأ يسحب ايده لورا ويتحرك عشان يقعد على تربيزه كانت امام مشهد بشع ما بين جثه قاعده على سرير وكتاب مفتوح على صفحه استدعاء , كانت مجرد بوابه الجحيم الي فتحت وجوده بالشكل البشري قدامي , كتاب انا عارفو كويس وكنت بستخدمه ,


كتاب التنين الاحمر الاصيل , او زي ما ذكرت سابق


" the authentic red dragon "
يعرف ايضا ب :


" the gospel of satan "
او" الانجيل الشيطاني "


من الواضح اني مكنتش مجرد فضولي واهبل دخل يجرب طريق السحر , انا عارف اختارت الكتاب ده بالذات ليه والغرض منه , مش اي حد غاوي او مخاوي يقدر يجيب الكتب دي خصوصا ممكن اقل غلطه منها تتسبب في موت مستخدمها .






ل. ر : الي ياخد اقصى خطوه في انه يرمي نفسه في الموت , مش بعيد عنه يختار اشد كتب السحر لاستخدامها واستحضار كيان مش اي انسان قده .


يمكن لو كنت رفضت انك تكمل معايا طقوس استحضاري, كان تسليطي عليك من الضو مكانش هيبقى ليه قوه عليك زي ما انت عطتني الصلاحيه بنفسك , لأنك مش بيتحضر عليك جن , ممكن يجيلك بدون ارادتك , بس الشيطان عمره ما يجي الا لو انت سمحتله ووافقت على شروطه .




زياد : بس انا موافقتش , هو الي وافق , مقدرش اقول عليه هو نفس الشخص الي بيكلمك دلوقتي , لأني حاسس بجزء كبير ناقص لسه معرفهوش عني او عنه .




اتحرك من قدامي وشد كرسي وقعد , وشاورلي اقعد قدامه .


وبالفعل قعدت , فاكر لما قولتلك ان الشيطان ماسك مرايه ولما تتكسر وتجمعها عشان توصل للسبب الي ادى انك تكسرها , ايوه , بس , انا قاعد قدامه شخصيا بدون مرايه .


انا , نفس ملامح وشي نفس شعري , جسمي , الفرق كان في خاتم لابسه عليه نفس رمز الطلسم الغريب , الي شوفته .


كنت شايف نفسي قبل الحادثه بس واضح انه وهم انا عايشه , هو تكوينه الحالي تطابق عليا .




ل . ر : عارف , لو قعدت تشبه نفسك بالشيطان دايما وانك هو , ده مش معناه انه هيكون فخور بيك , لانه هيحتقرك كا بشري من طين تدعي انك من شكله وقوته


, بس هو فخره مبني على اساس افعالك حتى لو قريبه منه .


انت متبلد المشاعر , بس مش مهووس , فضولي , بس مش مجنون , مقارنتا بكتير من الي عقدت معاهم قبليك .




هحكيلك عن قصه شخص يمكن تعرفه او لا.



 






" فاوست " faust , طبيب الماني قصته بدأت في القرن الخامس عشر الميلادي , ورغم ان القصه قديمه بس كانت من اشهر الحكايات لحد دلوقتي ...


فاوست كان شغوف بكل العلوم مع انه طبيب ولكنه كان درس الكيمياء والفلك وعلوم اخرى وكان متطلع على علوم اكتر لدرجه شعوره بأن العلم المتاح ليه والظاهر الي اكتسبه مش كفايه .. واشتياقه لعلوم اخرى ومتشعبه اكتر فا اتجه للسحر .. وتعمق في كتبه وعلوم الماورائيات , وصل بيه اليأس في ادمانه لدخول علوم اخرى انه يحضر ويستدعي كيانات كتيره وصولا للعقود مع الشيطان ,


في اعتقاده انه هيمده بعلوم خفيه مش متاحه لاغلب البشر .


كانت من اوائل القصص انذاك للعقود مع الشيطان الي ذاع سيطها .


عمل عقد مع شيطان موكل من لوسيفر بعقود الدم ووهب الكنوز والنفوذ ,


بأسم ميفيستوفيليس "mephistopheles" .


وده اسم من اسماء العديده الثقافيه الي انتشرت للأسم الرئيسي


" لوسيفج روفوسيل " lucifage rofocale " .






رديت عليه انا كا زياد وقولتله : ايوه , ده كان الاسم الي كان متكون بيه طلسم القلاده الي شوفته والخاتم الي انت لابسه دلوقتي .












لقيته بدأ يحرك ايده تجاه الخاتم , وكان من نوع الخواتم المجوفه وفتح غطاء الخاتم والي كان جواه دم اسود .


ل . ر : ده دمك


والي اقدر استشف منه احساسك ونظرك وحركاتك وافعالك ...


وحتى مع زواله انا حقنت جزء منه جوايا ,


والعكس صحيح , مع اول محادثه ما بينا .


دمك هو دمي دلوقتي , ودمي هو دمك .


وده الي حصل مع فاوست بعد اتمامه العقد وافنى روحه للشيطان في سبيل المعرفه المطلقه ,


لمده 24 سنه الى حين يجي معاد تسليمه بما وعد , قضى حياته كلها بحثا عن العلم المدفون والي لا يقدر بالكنوز والثروه والنفوذ .










طبعا زياد الي حابب تسميه هو او انت , مجرد شخص زي اي حد عمل عقد عشان الثروه والكنوز الي ممكن ياخدها نتيجه افعاله مش المعرفه , بس دلوقتي شايف في نظرتك ان مش ده توجهك زي ما كان هو عايز بل اخترت الفضول , هو نفذ وانت بتكمل .


فاوست لما انغمس وواصل في العلوم الي كان بيدرسها والي اتاحها له ميفيستوفيليس , حس ان في جزء ناقص في حياته وهو الحب , واتعلق ببنت فقيره شابه اسمها جريتشن , مكانش قادر يقرب منها لكن طلب من ميفيستوفيليس يساعده في تقريبها منه وبدأ فعلا انه يقرب منها ويغويها , والغلط الي حصل ما بينهم ادى انها تحمل في طفل وهما مكانوش متجوزين وبطابع تدين جريتشن , ثار اهلها غضبا .


وطريق فاوست مع جريتشن كانت نهايه مأساويه لجريتشن, بسبب موت امها واخوها ..


وده كان لحمايه فاوست بمساعده ميفيستوفيليس لجريتشن من اهلها .


الحاله النفسيه الي اجتاحت جريتشن ادت لجنونها , وقتلت طفلها من فاوست خوفا من ولاده شيطان جديد يكون من دم فاوست ..


واتسجنت بعدها بجانب رفضها للمساعده الي عرضوها عليها لغرض يخرجوها من السجن .


وبعد الرحله الطويله مع فاوست نسى انه في عداد حياته 24 سنه بس من تاريخ عقده مع ميفيستوفيليس .


رغم موافقته من البدايه الا انه كان يتحايل لغرض يعيش اكتر , بس كان فات الوقت.


وعثر على جثه فاوست ممزقه اشلاء واجزاء جسمه متناثره في كل حته .. ودي كانت النهايه .






انا بقولك لأن كده كده مفيش مهرب , مصيرك هتواجه .






رديت عليه وانا بضحك ضحك هيستيري .




زياد : ٢٤ سنه ههه , هههه انا لسه هعيش كل ده , انا ايه اي ممكن اعمله بعد ما يخلص فضولي ساعتها ؟ مش هيبقى عندي مانع تقبض روحي وقتها .




ل. ر : مينفعش للاسف , بس اوعدك هخليك تحس بشوق ليها .


بس في سؤال مميز لو جاوبت عليه هيضع تابعات اجابتك عليه ويمكن تكون فرصه تكمل حياتك بس بدون اي مميزات مني ..


حاسس بالرضا ؟




بصيت للي مفروض جثه مدحت او للي باقي منها , مش عارف طاوعت نفسي اعمل كده ازاي , غدر , خيانه , قتل , مسيبتش حاجه غير وعملتها في اخويا الوحيد .


بس لازلت مش حاسس , مجرد نظرات فارغه


، مش حاسس بالرضا لحد دلوقتي ، ولا ده هيرجع اخويا بس ما دام بدأت متضطر كده اكمل .




ل. ر : الشيطان خداع زي ما قولتلك , يمكن تعرف اكتر قدام , بعد اكتمال ذاكرتك ..


وجوابك معناه ان انا هكمل مساعدتك لحد اخر لحظه من العقد..






قام من على التربيزه وبدأ زي ما يكون بيكلم حد او بيكلمهم بلغات مختلفه وهنا شوفت بقعه من الدم كبيره ظهرت في السقف , البقعه دي بدأت زي ما تكون بتكبر وبتتحرك , بقعه الدم متجهه ناحيه الجثه ووقعت عالارض بجسم الماعز والباقي من اخويا , وبدأت تتقطع , والي كان بيقطعه مجموعه ايادي خرجت من البقعه دي وشبه نضفت المكان من كل الاثار ورجعت البقعه تصغر لحد ما اختفت .


لما وجهت نظراتي ناحيته ملقيتهوش .


ل.ر : ولا دليل يقدر حد ياخده ضدك في قتله ، انت اختارت .




خرجت من الفيلا كلها , ولا كأني كنت قاتل اخويا .


كنت بعمل ايه ؟


,مش عارف ، بس مستني مكالمه تجيلي .




فضول وفي نفس الوقت اني مفروض اروح المكان ده , الي بدأت من سيرته كل اللعنات الي طاردتني والي عملت قدامه اقذر الافعال , والاقي اجابات لأسئله كتير جوايا .


ولو المره الي فاتت فشلت في اني اروح , يبقى المره دي هتنجح .


بالفعل كلمته وعرفت التفاصيل .


ممكن اقولك ان كده خلاص الرحله هتبدأ لمنبع الجحيم .


كفر الطموس الي بالكاد اهلها مش متبقي منها كتير


ظهر صوته من جوايا , ميفيستوفيليس مع كلماته الاخيره


: رحلتك بتبدأ بخسارتك اول صفقه من صفقاتك مع الشيطان وهي روحك ,


روح مربوطه بعقد خلاله بتظل موجوده في جسمك الى يوم انتهاء العقد , ساعتها تتسلم تاني لكن مش بترجعلك , رجوعها الدائم لمالكها


- Mephistopheles


ميفيستوفيليس -