تمهيد

 تنويه : الهدف من الاسلوب السردي لا يعد تغير جزري في شكل الموضوع  او انتقاله لصوره اخرى , وانما بناء قائم على السرديه    لأبراز الملف التوثيقي بما يضمنه من ادله تثبت حقائقها .

           ______________________                                                               

الصندوق الاسود، بيضم كل خبايا البشر من قضايا مطموسه عمدا , اختفت محدش يعرف ليها اثر , لانها اتركنت وتم تجاهل الكلام عنها بغض النظر عن اهميتها التي تكاد تكون سبب من أسباب اشتعال حروب ,  ممكن تكون طوائف , دول ,في الحالتين بتجمعهم الصفه الانسانيه .

كل صندوق اسود فيهم بيكمن جواه قضيه كبيره جدا ليها ابعاد مختلفه , صندوق بيتفتح مره واحده بس , وبظهور القضيه دي من خلال الصندوق يا تنال حقها في الاهتمام , يا تتحرق وتكون اتطمست بالكامل .

وان كان الامر لا يخص الجن والشياطين , لان الانسان قابليته لاكتساب اي صفه منهم موجوده وبشكل اعمق وارعب , بفتحه عمره ما هيخرج نتاج كيان اخر غير بشر صنعو الصندوق الاسود وبذاتهم حرقوه .

كانت دي مقدمه الميل الي جالي , والميل ده كان مصحوب بلينك لموقع من مواقع انا خوفت افتحه بصراحه ,اتاكدت من اللينك وفحصته كويس واتضح انه سليم بحكم خبرتي شويه في بعض المجالات , زي تصاميم الdigital art , قدرت افهم ان اللينك موديني لموقع بيدعم صيغه التصاميم الحديثه الnfts , او بمعنى اصح التصاميم الالكترونيه الي بيتم صناعتها بشكل منفرد وغير مكرره , وممكن يكون اي تصميم زي فيديو صوره او ملف ومؤمن ضد الاختراق او عمليات محاوله صناعته وسرقتها ، والاغرب لما سجلت عالموقع اكتشفت ان جهازي كان مسجل جواه  وليا حساب عليه , الفكره كان في التصميم الي جالي عالموقع ده والي كان واضح انه حد بعتهولي عن طريق عنوان تتبعي على عنوان حسابي انا , رغم انييي , رغم اني معرفش مين الي بعتهولي ،  كان صاحب هويه مجهوله .
بس الي اتبعتلي كان تصميم بتقنيه ال NFT , عباره عن صندوق لونه اسود ,مترددش اني افتحه لاني متعود على النوعيه دي من الحاجات ،  لكن الكيفيه نفسها الي اتبعتت بيها غريبه .
الصندوق اتفتح بعد ما اخد بعض الاذونات من محفظتي الالكترونيه اني افتحه , ولأن ده جزء من شغلي ,كان معايا الامكانيات دي وظهر شاشه سودا قدامي والصندوق اختفى ولا كأنه كان جالي , والصندوق ده مصمم انه يتفتح مره ويختفي بعدها , خدت بالي من وجود بعض الملفات المشفره الي

نزلت على جهازي , مصحوب بصور وكلام كتير , ولفت نظري الجمل الي في اول ملف دخلته : اسيبك انا مع الصندوق الاسود يحكيلك عن ما

بجعبته من تواريخ  لبشر كانو مفكرين ان ده وصفهم .

.. بدأت العبوديه من عصور قديمه واحنا بنتكلم عن عبوديه الانسان لغيره الي سخره لاشغال شاقه واحيانا بتكون تحت ضغط وعنف وقيام الصناعه والزراعه بنفس , بنفس المبدأ وتصوير اليونانيين القدماء والرومان للعبيد بنشأتهم ليبقو عبيد من منظوره كا شخصيه عبوديه ,وتأتي بعديها العصور الوسطى لتجهيز العبيد لدوره كا اداه صناعيه وتهجيره لاوروبا والأمريكيتين واعتماد نشأه الدول في صناعتها عليهم .. هل كده العبد كان بيتطور ولا بيتم تغيير كيانه من مجرد شخص , لاداه , ومن ثم لحاجه تانيه , ورغم الغاء العبوديه بالشكل الرسمي المعروف الى ان ده ساعد بحكم قبضتها عليهم بشكل غير قانوني ولا يتم اكتشافه حتى واكثر بشاعه , لو لازالت عبوديه , الفرق في تطور الوسيله والعصر لكن البشر هما في نفس البدائيه  .

_______________

Kk park
مجمع معروف في دوله ميانمار , دوله  اشتهرت  مؤخرا بجرايم عديده من النصب والاحتيال الالكتروني , بالاخص في مدينه مياوادي والي تقع فيها المركز الرئيسي للاحتيالات احداها منطقه kk park والاخره مجمع شو كوكو وهي مناطق بطقع في اطراف ميانمار على الحدود بين تايلاند , خليني افهمك ايه هي مراكز الاحتيال , اغلب المناطق الغير خاضعه لرقابه السلطات زي المناطق المقطوعه والصحراويه ،  او الاجزاء الطرفيه من المدن الكبيره الغير مأهوله بالسكان زي اطراف الدول في شرق اسيا ، والي اغلب المصايد البشريه والجرايم بتحصل فيها ، وجزء كبير منها بيبقى العماله بالسخره ودي القضيه الي كتير اهملها ، زي استعباد مسلمين الايجور بالعمل تحت ضغط ،  العمل الطويل والي احيانا بيموت منهم كتير بسبب عدم مقدرتهم النفسيه والجسمانيه على مواصله شغلهم ،
كتير منهم بيتم اغتصابهم , واحيانا تهديدهم لو منفذوش الي مطلوب منهم واتمو واجبهم على اكمل وجه , وبعض الشركات الكبيره جدا ،  والي جزء كبير منها شركات صينيه بالمناسبه متهمين رئيسسين بخصوص استعباد الفقراء والاطفال لتشغيلهم تحت ضغط بدون مقابل ، والعماله دي بيتم نقلها بدون علم الجهات الحكوميه بمكانهم ، وينتهي بيهم المطاف في المصانع او المباني المملوكه الي غير مرخص فيها العمل , او الي بيتم التكتم عليها قصدا والي بتسمى Scam Compounds .. والكومباوندز دي ظهرت من تاني في دول تانيه بس بشكل ابعد , من مرحله الاستغلال للعماله كا عبيد لمرحله السلع البشريه ،  وده كان سبب ظهور المنظمات السريه الي في مدينه مياوداي وغيرها ، زي كومباوندز kk park .

ظهور منظمه سريه واعمدتها الرئيسيه , الاحتيال الالكتروني والشركات الوهميه لتوظيف الاموال, والاتجار بالمخدرات , وسرقه العملات المشفره , و اعتماد المنظمه على عنصرهم الاساسي وهما الشباب والبنات الي عندهم خبرات ولو طفيفه بالامن السيبراني ، استخدام مثل العناصر الموهوبه منهم في تنفيذ الهجومات السيبرانيه على بعض الشركات .. وتسريب معلوماتها وسرقتها وطلب فيديه مقابل المعلومات المسروقه .. مكتفوش بالشركات وانما ركزو على الافراد والي منهم انا وانت واي شخص ليه حساب على التواصل الاجتماعي , وبيظهرو الاشخاص دول على انهم معاهم البيانات الكامله ليك بما فيها محل سكنك وبقيت بيناتك الشخصيه ، وان لو منفذتش مطالبهم هيتم اذيتك بأبشع طريقه او تسريب بيانات حساسه ممكن تهدد استقرار حياتك بيها .

بس السؤال هنا مين الضحيه من الاطراف دي كلها ؟

في الحقيقه منفذين الهجمات السيبرانيه والعاملين في الشبكه دي في السكام كومباوندز هما الضحايا .. وده يرجع زي ما قولنا انهم بيختارو الضحايا من سن 18 ل 24 سنه وهو انسب سن لممارسه النوع ده من الاساليب .. والترويج ليه عن طريق وظايف على الفيسبوك وتيلجرام والعروض دي خاصه بشركات وهميه انشئوها لاستدراج ضحايا لشبكتهم .. وهي مواقع عامه ومباشره جدا .. موصلتش لنطاق الديب ويب بس بسبب الوسايل الامنه والمشفره وعدم وجود رقابه لي وسائل التواصل زي تيليجرام الي بتدعم ال p2p encryption وهو انتقال البيانات

بما يشمل المحادثات والمكالمات من شخص لشخص بدون تدخل third party .. او انها تمنع تخزينها في قاعده البيانات وتصعيب التتبع فيها ، او التجسس واثر سلبيا بدخول الجرايم وتزايدها بسببها وده خيار من الخيارات المتاحه .
كذلك بقيت مواقع التواصل الاجتماعي الي اعتمدت التشفير ده ، وأحدث فجوه  بين الديب ويب وأدى لتسريب محتواها لسطح الويب بتاعنا..

الى مدى انه يتحول لمستودع كبير من تجاره المخدرات والاعضاء واستدراج

Cyber slaves
..
زي ما تم اطلاق المسمى ده بعد انتشار جرايم المنظمات دي بالاخص في دوله ميانمار ،  ما تم اذاعته عن فم شهود الواقعه دي ،  والي كانو ناجين  من مستودعات
kk park .
, ايهام الشباب الباحثين عن وظيفه بعروض عمل في شركات بعضها شركات صينيه وتحديدا شركه Yatai International .. والي اتورطت هي ومؤسسينها وشركائها في تشكيلهم لشبكات التصيد ," تشي جيانغ " مؤسس يوتاي .
شكل مراكز متعدده للمراهنات والكومباوندات الاحتياليه في مينامار  ، مراكز Shwe Kokko والمشابهه ل kk park في اّليات عملها .
والشبكه الي بنتكلم عنها كبيره جدا لصلتها مع رجال اعمال عديدين منهم " وان كووك كوي " زعيم مافيا شبكات kk park الاحتياليه وارتباطه بشركات اخرى صينيه لجذب العماله الي بيتم ممارسه عليهم ابشع وسائل التعذيب .
والناجين من الحادث في kk park اكدو ان بعد موافقتهم على الوظيفه كان بيتضطرو للسفر لوجود مراكز الشركات دي خارج الدول المقيمين فيها ،  ومن بعدها بيتفاجئو انهم داخل مجمعات كامله اشبه بالسجون وغير مجهزه انها تكون مراكز عمل اطلاقا .. ومن بعدها بيتم غلق كل الابواب استعدادا لحفل استقبالهم كا ضحايا جداد , منظومه كل هدفها انها تشغلهم تحت ضغط وتهديد بيوصل للقتل ، لغرض انهم يجذبو غيرهم من الشباب ، واجبارهم على التعرف عليهم ويدخلوهم دايره التصيد عن طريق دعوتهم واقناعهم بالاستثمار في العملات المشفره او التسويق ،  وتبدأ الصيده في مقابلتهم واحيانا بيتخذو الاتجاه العاطفي والعلاقات المشبوهه في تقويه العلاقه وكسب الثقه المتبادله ما بين الصياد والهدف الي قدامه ،  او تقدر تسميه بالاسم الصحفي المنتشر بخصوص الجرائم بال pig butchering  .
وهو في المعنى صيني الاصل وقايم على عده مراحل لجذب الضحيه المراد الوصول اليها في المصيده , بتعتمد على الاستدراج و بناء الثقه ما بين الصياد والضحيه وجذبه لتحقيق الهدف او اتمام السرقه .. pig butchering او ذبح الخنازير لو هنوضحها اصطلاحيا وهي تحقيقا للهدف .. بيكون سرقه او قتل وده نهج بعض ال Serial killers  

 و القتله المتسلسلين في التصيد العاطفي بيفتنوك بطرق زي التملك العاطفي وتبادلهم  المشاعر نفسها لحد ما تقع في فخهم ويقتلوك ..

والنوع ده من مرتكبين الجرايم بيبقو موضوعين ما بين كفتين وهي يا يصطادو يا يتم اصطيادهم بحيث ان لو منفذوش الامر الموجه ليهم بيتم معاقبتهم بالقتل .. وده في حاله الرفض او خوفهم من اذيه حد تاني ونوع من تأنيب الضمير .. وهي خيانه في حق المنظمه الاحتياليه الي بيشتغلو عندها .. الاوامر الموجهه بالصيد والي بتبقى من طبقات فوق بعض من الجهات الي مش معروف مين فيهم هو في قمه الهرم  ، وشخصيته بتبقى مطموسه تمامه عن الواقع الي هما عايشين فيه .
كل الي المتصيدين الشباب بيواجهوه ، هما المندوبين الي بيسلمو الاوامر وجه لوجه داخل المركز ، او عن طريق سيرفرات ذات طابع رقابي وأمن للمراقبه عشان يتأكدو من تنفيذ الاهداف الموجهه من السلطه الاعلى .. وده طبعا تحت اشراف مجموعه من افراد العصابه المسلحين ،  الي بيأمنو المجمع ضد  محاوله هروب  اي فرد من الشباب الي انضمت قصريا للعصابه .
وبالمناسبه العصابه المسلحه دي تم اثبات تنسيق جرايمها مع قوات وطنيه زي جيش حرس الحدود والي بيحرسو المجمعات امثال kk park و Shwe kokko ..

وشراكتهم البشعه مع عصابه "وان كوك كوي

في اقامه الشبكه المظلمه الي فردت بساطها على

.scam compoundsال