عقود روفوسيل - جزء 14 - النيكرومانسر
جاري التحميل...
جزء 14 - النيكرومانسر
عمر ما كان تجاره الاثار والفلوس هي الي تخليني اوصل للي هوصل بيه لو لقيت الي اغلى منه ، مش بتكلم على سحر بس ، لكن كل العلم الباطني .. الي وقع تحت قاع ارض ممسوحه محدش يعرف عنها حاجه دلوقتي ، عشان كده بقت كفر طموس ، بتخفي الي يخشها وتدفن الي جواها ، وتطمس وجوده ..
خرجت من بيت شريف , قصه اثيل اخته فهمتني اكتر عن طبيعه العذاب الي عايشين فيه والي بتمثل جزء كبير من سكان الكفر هنا والي بالتأكيد تعرضو لنفس المواقف , والي مات منهم واتدفنت قصتهم معاهم , انا سمعت قصتهم هما , بس مسمعتش عن الاهم من قصتهم والي كان بيحصل في الكفر بره وقتها . هلاك حل عليهم باختراق اتفاقهم مع اهل الأرض واقامه الجلسات ومن ساعتها تحذيرات اهل الارض انذرتهم بعدها , كماله الوضع ده هيدخلهم في سكه مش قدها , والحفر في الارض والوسيط بالتأكيد الي استخدموه فشل وفتح ابواب الجحيم عليهم .. كل الاحداث نسيتني الوقت , لطالما جرى بيا كتير ووقعت جوه وكر الضباع وفي وقتهم .. اتنين من الكائنات الانصاف دي ظهرت فجأه بنص جسمهم المريب ده وهي بتحفر قدام حاجه مدفونه على مستوى سطح الأرض , حاجه مدفونه ومتردمش عليها كليا .. الحاجه دي انا شوفتها تمثال , بعين واحده وظهر ودن واحده بس , كتير عدى عليا , تمثال الي جابلي بلاوي من ورا توفيق , الي بالمناسبه واقف جمب التمثال .. شايفه وهو بيقع على الأرض والكائنين دول بيقطعو فيه وبيلتهموه قدامي .. زي ما يكون سيناريو موته القديم بيتعاد بس قدامي .. بعدها كل حاجه اختفت ولا كانت .. الضو : مكانش لازم تسأل على عباس من ورايا .. الي سمعته عنه مكانش كله غلط , لكن في نفس الوقت كان لازم تسمع الحقيقه كامله ..... حركت راسي في تفاجئ من الي سمعته , الضو قاعد على شمالي قصاد القبر قبر بباب حديد متجنزر وعليه بقايا حطام وردم مغطيه جزء كبير منه ، وراها لوحه رخاميه , لمبه غاز محطوطه جمب الضو منوره اللوحه , بأسم عباس الضو .. بأختلاف الحلم او الرؤيه الي شوفتها وظهر فيها الضو قاعد في ارض الكفر بس قدام جسم متقطع ومرصوص ووضحت دلوقتي انها كانت لعباس الضو .. زياد : حكولك يا شيخ طبعا , وانا خرجت لأني كان لازم اسمع من كل الناس , بس عارف ؟ انا مش فارق معايا البشاعه الي ابنك عملها , انت اكيد عارف ليه . بس انا في وقت من الاوقات لازم ارجعلك عشان اسمع منك , شايفك زعلان عليه اوي .. الضو : انا مقولتلكش في الاول لأني استنيت منك سؤال مهم جدا , وانت عارف اني وصلتهالك في الرساله , انت شوفت جسمه المتقطع قدامك في الرساله الي بعتهالك , وكنت تقدر تحل اللغز وتسلك طريق سؤالي انا ومن هنا هتوصل لجزء من القصه انت مسمعتهوش والي مضمونه هيساعدك اكتر في الجلسه عن الي سمعته من اهل الكفر .. بس انت اختارت طريقك انت , مش طريقهم هما .. بس اي حد تاني مكنش يجرئ انه يدور ورايا لأنهم عارفين المخرج عن طريقي , بس محدش بيبطل كلام , والكلام ممكن يبقى جزء منه حكايات تناقلتها عائلات كتير واتحرف منها بما يتناسب مع ارائهم .. قولتله : طب واسراء ؟ الي ماتت ظلم مغتصبه , والله اعلم مين الباقيين , والاتفاقات الي عملها مع اهل الأرض مقابل ان كل عيله متضرره من المرض يفقدو حاجه عزيزه عليهم لمجرد ينجو من الموت , بعدها يتقدم قرابين , انا واثق ان ابنك كان ليه دور في الي عملتوه في الحفر في ارض الكفر .. هو كان الوعاء الوسيط الأول ؟ الضو : ايوه , مش بس وعاء , عباس ابني هو الي اكتشف المخطوطه , المخطوطه الي كشفت الكنز , عباس عمل الي انا مقدرتش اعمله في مجدي طول رحله البحث عن العلوم المدفونه , هههه , ياااه يا عباس , مكانش مفروض يبقى ميت , لازم يرجع يخلص المهام الي اتخلق عشانها , لازم يظهر المخفي والناس كلها تنتفع بالي اظهره .. مكانش عندي مشكله الناس تقول عليا انا الي فتحت ابواب الجحيم عليهم مش هو , عباس اصر وبشده اننا نقوم بالجلسات الي هنعهد فيها معاهم بتسليمنا الكنز والي هو مش الاثار بس , الكنز الي كنا عايزينه في الوقت ده ولسه عايزينه هو كتب الحضارات القديمه والي اتدفنت تحت الارض .. قام الضو من مكانه وقرب مني وحط ايده على كتفي وقالي : لازم ترجع الدوار .. وهحكيلك واحنا في السكه .. روحت معاه فعلا وكمل الي كان بيقوله : زمان مصر اتشن عليها هجمات عسكريه من الامبراطوريه الاشوريه , وهجمه بعديها التانيه دخلو مصر سيطرو على الحكم انذاك لمده 14 سنه , انهو حكم الاسره الخامسه والعشرين وتولو الحكم طول السنين دي مع تفرع حضارتهم لمصر , اثارهم وكتبهم العلميه والكتب العلميه في منها كتب ونصوص متفرقه , علمائهم هنا استطوتنو الكفر من قبل ما يبقى ليه وجود , كان حته ارض سابو الواح طينيه مكتوبه بالمسماريه والنصوص بجانب اثارهم بتماثيلهم الي بالتأكيد فيها جزء كبير من علوم سحر محدش يعرف يوصل لقوتها , دفنو الي يقدرو يدفنوه ومرت السنين وحكمهم انهار وحاول كتير يوصلو لكنزهم ومعرفوش .. زياد : كل الفوضى دي عشان توصل لتعاليم سحر في المخطوطات والاحجار ؟ وهتعمل بيه ايه لو عرفته ؟ انت مش ساحر زي ابنك وده الغريب .. الضو : مش ساحر فعلا , انا بدور على المعرفه بس , لكن زي ما قولتلك قبل كده لو اتضطريت استعمله ده الي هيحصل فعلا .. انت عارف الادمان بيتمثل في حاجات كتير زي الادمان عندك كده , بس انت ادمانك مش المعرفه .. عباس , كان مختلف عني رغم تشابه مع حبي للمعرفه , عباس مأدمنهاش بس لكنه ادمن تطبيقها على ارض الواقع وده حوله لساحر قوي جدا , بس فشل في حاجه واحده بس وهي تملك الضغينه عليه .. ضغينته مع اهل الأرض لأحتكارهم لكل ما هو بيتمناه من معرفه, خليته يتحداهم مش يتفاوض معاهم .. عباس سافر من كام سنه بره يكمل تعليمه ، شوفت انه ممكن يشبع رغبته بالتعليم اكتر في نفس الوقت اقول ، لازم يتعلم العلم المدفون ويسبق جيلنا الجديد الي رجع وانحدر لورا اكتر، بعد ما كان متقدم ، العلم الي اختفى الاف السنين كان تطور من اقصى مراحلها وطمسه تحت الارض ادى لتدهور كدبنا نفسنا فيه وقولنا ان تطورنا كان تكنلوجبا وصناعه ، بس الحقيقه ، اغلب العلم اتدفن عمد وجزء منه ظهر لمحتكرين عشان يفضلو هما بس الي فوق ، يفضلو الاسياد والمتحكمين ، اما احنا ؟ التابعين والضعفاء .. عمر ما كان تجاره الاثار والفلوس هي الي تخليني اوصل للي هوصل بيه لو لقيت الي اغلى منه ، مش بتكلم على سحر بس ، لكن كل العلم الباطني .. الي وقع تحت قاع ارض ممسوحه محدش يعرف عنها حاجه دلوقتي ، عشان كده بقت كفر طموس ، بتخفي الي يخشها وتدفن الي جواها ، وتطمس وجوده .. ده الي قاله الضو قبل ما يخش الدوار وانا جي وراه , القاعه اياها , بالنجفه الكبيره الي بارز منها الايادي والرجلين والرؤوس لدمى مصنوعه من الخشب .. قابلتها في الأول وفهمت معناها دلوقتي , وقصتها مرتبطه بقصه اللوح المرسومه الي في قاعه الضو , وهي تجسيد للأضحيه ولطريقه الموت الي بيموتو بيها الاهالي مقطعين اشلاء , بس مش ده كل المعنى .. اتكلم الضو وقال : النجفه المعلق فيها الاجسام مقطعه ، دقق فيها دلوقتي , فكرت انها في ذاتها اجسام معلقه فعلا , بلا روح بتتحرك وبتقاوم وبتتكلم زينا , بس في نفس الوقت هي مش اجسام بلا روح حتى بعد موت صاحبها , اجسام تخشبت واتخذت مظهر الطبيعه ليتجسد فيها روح النبات , روح الشجره . زياد : اكاد اكون فهمت المعنى الفلسفي الي عايز توصلهولي , انت مؤمن بتناسخ الارواح يا شيخ ؟ او انت بتلمح ل... قاطعني وقال : مش تناسخ , انت عارف اكيد ان النبات والشجر بينشئو ويتغذو وينمو ويتكاثرو في صمت , بلا صراع من اجل البقاء , بدون الاحتياج ان شجره تضحي عشان الاخرى تعيش , هي روح حتى مختلفه عن الحيوان المتعطش لغريزته في البقاء وفرض السيطره , كل روح وليها طبيعتها , منظومه من الشجر متعايشه في يوتوبيا لكن بدون نقد ساخر من طبيعه عدم تحقيقه , بل هو ده الواقع فعلا , تدخل البشر لقطع الاشجار وحرقها لغرض التدفئه, فا حرقتهم الشمس لأختفاء كثافه الاشجار وتابعاته الظلال ، بعديها فكرو يستغلوها اكتر لغرض الصناعه والتمثيل الإلهي ليها بصناعه الاصنام الخشبيه وتجسيد فيها الروح من تاني , على الرغم من افقادهم للروح في الاصل الي جه منها الخشب وهي الشجره .. بمعنى الاختيار الي الانسان اخده على قد خطورته عليه وعلى الطبيعه الا انه في وقت من الاوقات بيضطر يستخدمه , الي قدامك ده تقدر تعتبره عباس , عباس ابني الي مات ولابد اني ارجعه بطريقه ما وانا عارف كويس ان الي هيرجع ده مش نفس عباس المتفوق الي ربيته من حيث الروح , بس هيقوم بنفس الوظايف الي هحتاجها منه .. زياد : ايووه , عشان كده , يا شيخ ضو , انت عارف انت بتقول ايه ؟ انت واثق انك , انك هتعمل كده فعلا ؟ هتستخدم سحر النيكرومانس عشان ترجع عباس ! هو ده قصدك من البدايه , ولو ده ممكن ليه معملتش ده من السنين الي فاتت ؟ الضو : ايوه , ههههه , ايوه , فاكر لما قولتلي ان سحر النيكرومانس خرافه وامكانيه اني ارجع حد من الموت اسطوره وخرافه , انا هثبتلك ان ده ممكن بالتجربه الي هنعملها قريب , الاستنطاق , او حتى الاحياء الكامل .. زياد : لو ده هيتحقق زي ما بتقول , انت عارف كويس ان الي هيرجع مش ابنك , الي هيرجع مش ابنك ولا هيبقى ليه صله بيه ازاي هيقوم بنفس وظايف عباس ؟ الضو : يا زياااد , انا عارف كويس انا بقولك ايه , انا مش عايز روح عباس لأنها راحت للي خلقها , هما الي هيساعدوني , الي كانو مع عباس طول الوقت ...... افتكرت الي حكيتهولي اثيل والي كان بيكلمه عباس الضو ومكانش حد شايفه وهو كان في زيارته ليهم .. هو معاه كيانات ايه بالظبط ؟