بدون عنوان

الحلقة الثالثة
*ريهام تكون واقفة قصاد الباب بس ماسمعتش حاجة من كلام عمرو لآنها تدخل وقت مايكون خلص كلامه ومها بصالوا وسرحانة*
ريهام*تبتسم*:يلا ياعمرو قوم انت هتقضيها نوم
عمرو:يا دى عمرو وسنين عمرو انا اصلا مش هنزل هقوم اعمل ايه؟
ريهام*بدلع*:قوم اقعد معايا ,قصدى معانا ,اصل انا شوية وهمشى
عمرو*بفرحة بس بيتصنع الحزن*:بجد ,ياخسارة 
ريهام*تبتسم بفرحة*:لو مش عايزنى امشى مش همشى
عمرو*لنفسه:ماتمشى ياستى اصلا انا مش بعرف اخد راحتى وانتى موجودة*:لا روحي , قصدى يعنى روحي عشان تذاكرى الامتحانات قربت وانتى لزما تجيبى تقدير
ريهام*فرحانة بهتماموا بيها*:اكيد ان شاء الله *وتبص لمها السرحانة*:مالك ياميهو
مها*تنتبه ليها وتقوم تقف*:مفيش ,يلا قوم بقى وبطل كسل 
ريهام:عشان تبقى توصلنى كمان
عمرو*لنفسه:يادى النيلة*:ماشى اتفضلوا اخرجوا وانا هقوم
مها*بصوت جادى*:قوم ياعمرو وماتكسلش
عمرو:حاضر,اطلعوا برة بقى
*وتخرج مها هى وريهام من الاوضة ويقوم من على السرير ويبص على ايده مايلاقيش السلسلة وهو قبل ما ينام كان ماسكها فى ايده قام بسرعة وفضل يدور عليها وشال كل البطاتين ولاقها تحت المخدة مسك السلسلة وابتسم*:خضتينى عليكى انا بقى هلبسك فى رقبتى عشان ماضعيش ابدا *وباسها ولبسها فى رقبته ودخلها جوه التيشرت وماكنتش باينة خالص*
*هنا بعد مادخلت المطبخ مع خالتها وخلصوا الاكل دخلت فى اوضتها وعمالة تدور على السلسة ومش لاقيها خالص ومضايقة وتدخل خالتها وتلاقيها قالبة الاوضة وعمالة تدور على حاجة*
حنان*بستغراب*:ايه ده يا هنا فى ايه انتى قالبة الاوضة كدا ليه
هنا*مش مركزة فى كلامها وعمالة تدور بهتمام اوى*:ياربى انا كنت حطها فى مكان ,فين ياهنا فين ,افتكرى ,افتكرى
حنان:هى ايه دى ياهنا
هنا*تنتبه لكلامها*:السلسلة بتاعتى ياخالته الـ بابا الله يرحمه جيبهالى مش لاقيها خالص
حنان:سمى الله وانتى هتلاقيها
هنا:بسم الله الرحمن الرحيم 
حنان:انتى مش فاكرة حطتيها فين اخر مرة
هنا*بحزن والدموع فى عنيها*:مش فاكرة خالص ياخالتو ياريتنى ماكنت قلعتها من رقبتى 
حنان:ياحبيبتى ماتعيطيش اكيد هتلاقيها هتكون فين يعنى
هنا*تفكر شوية*:معقولة تكون فى الجاكيت ده، لا اكيد لا
حنان:جاكيت ايه؟
هنا:اصل امبارح كان فى شاب معايا فى القطر وكان لابس بنص كم ولبس خفيف وكان سقعان جدا وبصراحة صعب عليا واديته جاكيت من بتوعى 
حنان:جاكيت مرة واحدة
هنا:اعمل ايه ياخالتو ده كان هيموت ياحرام وشه كان مزرق خالص ده انا لحقته على اخر لحظة
حنان:طيب تفتكرى تكون فى #الجاكيت ده
هنا:مش عارفة ,يارب ماتكون فيها لو هى فى الجاكيت ده يبقى ضاعت منى للابد, يوووووووووووه بقى
حنان:اهدى بس ياحبيبتى اكيد هتلاقيها وان شاء الله مش هتكون فيه
هنا:يارب ياخالتو ,يــــــــــــــــارب الاقيها 
*هنا تفضل تدور عليها فكل مكان وهتجنن لآن السلسلة دى غالية عليها اوى وبتحبها جدا لكن فى يوم كانت خارجة راحة فرح وكانت عندها سلسلة تانية قالت تقلع دى وتلبس السلسلة التانية ولما ترجع تبقى تلبس سلسلتها وحطتها فى الجاكيت لكن نسيت خالص خصوصا بعد رجوعها من الفرح والدها تعب وراحت معاه المستشفى وبعد فترة اتوفى والحصل ده خلاها تنساها خالص عمرو قاعد يتفرج على التلفزيون مع ريهام ومها ومامته بتحضر الفطار وخرج والد عمرو من الاوضة*
جمال:صباح الخير
مها وريهام:صباح النور
عمرو:صباح النور ياحج ,نمت انت واستغطيت وابنك كان عبارة عن تلجاية امبارح
جمال*ضحك*:انت العملت فى نفسك كدا ياخويا مش انت العايز تسافر مع اصحابك
عمرو:سفرية زى الفل كنت هبقى تمثال وهتحنط ابنك كان هيتحنط ياحج جمال بس ربنا ستر 
جمال:الحمد لله ,وبعد كدا ابقى اعمل حسابك واللبس جاكيت
عمرو:انا مش هقلع الجاكيت تانى هفضل طول العمر لابس الجاكيت
مها وريهام*ضحكوا*
مها*بتغمزله من غير ماريهام تاخد بالها*:بس الجاكيت دفاك ولا ايه ياعمور
عمرو*ابتسم*:بصراحة دفانى اوى اوى اوى ,احبيبى اجاكيت
ريهام*اضيقت اوى*
جمال:مين البنت دى صحيح
عمرو:انت عرفت ياحج ,ربنا يخليكى يازوزة نقلة الاخبار ديما كدا
عزة*فى المطبخ*:سمعاك يا واد ,مش لزما احكيلوا ده ابوك يعنى
عمرو:ما انا عارف انه ابويا ,احبيبى ابابا
ريهام:فعلا مين البت دى 
عمرو:وربنا ياجدعان ما اعرف ,هى اديتنى الجاكيت وانا لبسته و ادفيت ونمت صحيت ملقتهاش ولا اعرف هى مين عايشة فين ولا اى حاجة
ريهام*لنفسها:احسن برده*:هو انت اكيد صعبت عليها بس عشان كدا عملت كدا يعنى
عمرو:انا كنت عامل زى البطاية الى ريشها واقف ,يالهوى شعور فظيع بجد ,بس بعد كدا ادفيت حسيت انى فى فرن دافى وجميل، حلو الجاكيت ده ،احبيبى اجاكيت
جمال:ماشى ياخويا 
عزة*وهى خارجة م المطبخ بتحط الاكل ع التربيزة*:يلا عشان تفطروا
جمال:لا انا نازل عشان اتأخرت سلام
مها وعزة وريهام:سلام
عمرو:سلام يابابا
*وينزل جمال ويقعده كلهم يفطروا وبعد ما خلصوا فطار كملوا الفرجة على التلفزيون وهو كان سرحان بيفكر فيها مش عارف هيشوفها تانى ولا لا*
ريهام:ولا انت ايه رأيك ياعمرو ,عمرو انت روحت فين؟
عمرو*ينتبه لكلامها*:نعم!
ريهام:ده انت مش معانا خالص ,سرحان فى ايه
عمرو*بتنهيدة*:فى الجاكيت
ريهام*بنرفزة*:جاكيت ايه ياعمرو
عمرو*بيحاول يركز*:قصدى يعنى هو فين الجاكيت
عزة:نشرته عشان ينشف
عمرو:اوعى يا ماما تكونى غسلتيه
عزة*بستغراب*:لا ,ليه يعنى
مها:ايه خايف عليه احسن يبرد ولا ايه
عمرو:هى هى هى هى خفة ,كويس انك مش غسلتيه *هو ماكنش عايزها تغسله عشان ريحة هنا كانت فيه وخاف لما تغسله ريحتها تروح منه*
ريهام:انا مش عارفة انت مهتم بالجاكيت ده ليه يعنى ما جاكيت زى اى جاكيت
عمرو*ابتسم*:لا طبعا ده حياتى ,قصدى انقذ حياتى من غيره كان هيجرالى حاجة كنت هموت
ريهام*بدلع*:بعد الشر عليك ياعمرو*موبايل ريهام يرن*:الو ياماما
حنان:يلا ياريهام تعالى بقى عشان تقعدى مع هنا
ريهام:هى جت
حنان:اة جت تعالى بقى عشان تقعدى معاها ماتسبهاش لوحدها
ريهام:اوكى ياماما جاية جاية ،سلام
حنان:سلام يابنتى
ريهام*قفلت معاها وبصتلهم*:انا لزما امشى بقى عشان بنت خالتى جت وماما عيزانى اقعد معاها
عزة:ماشى ياحبيبتى *وبصيت لأبنها*:انزل وصلها ياعمرو
عمرو*سامع بس مطنش*:حلو اوى الفيلم ده
عزة*بحدة*:عمرو بقولك انزل وصل بنت خالك
عمرو*بيشاور ع نفسه*:انتى بتكلمينى انا
عزة:ايون انت عمرو اومال اسمك ايه فتحى!!
عمرو*بهزار*:فتحى؟يعنى من عمرو لفتحى ,اخص عليكى يازوزة كويس انك مش انتى اللى اختارتيلى اسمى كنتى هتسمينى فرغلى
عزة*تضحك*:يلا ياواد قوم غير هدومك عشان توصل بنت خالك يلا
ريهام*بحنية*:لو تعبان بلاش
عمرو:اة ...لا انا بقيت كويس خدت الدوا وهبقى كويس *وقام م ع الكنبة*:ماشى انا هقوم اغير
ريهام*ابتسمت*:وانا كمان ثوانى وهكون جاهزة
*وقاموا غيره هدومهم, و هنا تكون قاعدة تتفرج على التلفزيون بس سرحانة وزعلانة جدا عشان مش لقيت سلسلتها وهتجنن عشان تلاقيها وعمالة تعيط*
حنان:ياحبيبتى بطلى عياط اكيد هتلاقيها
هنا*بتمسح دموعها بأيديها*:هلاقيها فين ياخالتو ده انا دورت فى كل هدومى ومش لاقيها خالص
حنان:ممكن تكونى نستيها فى البيت
هنا*بتحرك راسها بالنفى*:ماكنش فيه حاجة على التسريحة بتاعتى اكيد كنت هقلعها واحطها عليها لكن دى مش موجودة خالص اختفيت*وبصيت لفوق وقال*:ياالله
حنان:معلش انتى لما بدورى على الحاجة مش بتلاقيها اول ما بتفكريش فيها هتلاقيها قصادك
هنا:ياريت ياخالتو الاقيها ياريت
ابراهيم*يفتح باب الشقة*:السلام عليكم
حنان,هنا:وعليكم السلام ورحمة الله وبركاته
ابراهيم:جبت كل حاجة انتى عايزاها ويلا بقى حضرلنا الغداء عشان جعان جداا
حنان:حاضر ثوانى ويكون الاكل جاهز 
*وتقوم حنان تحضر الغدا وتقوم معاها هنا وعمرو خلاص جهز وخد مفاتيح العربية وريهام لبست وبتسلم على مها وعزة*
عزة:سلام ياحبيبتى وابقى كرريها تانى وتعالى باتى عندنا
عمرو*لنفسه:اكيد بتجمليها ياماما*
عزة:انا بتكلم بجد لزما تكرريها تانى انتى كنتى منورانا
عمرو*لنفسه:ايه ياماما بتقولى ايه!! بجد ياصدمتى*:يلا ياريهام
ريهام*تبتسم*:حاضر,واكيد ياطنط هاجى تانى
عمرو*بيضيق عينه وقال بصوت مش مسموع:اة بتستغلى الموقف*
مها*بتحضنها*:هتوحشينى ياريرى سلام
ريهام:وانتى كمان سلام
*وينزل عمرو مع ريهام ويركبوا عربيته ويوصلها لحد باب العمارة وتصمم انه يطلع يتغدا عندهم*
 تأليف:فاطــــمة هـــــشام