بدون عنوان

الحلقة التاسعة
*دخلت هنا الاوضة لريهام وكانت مضايقة اوى ووقتها كانت هى قاعدة تسمع اغانى ومش فى دمغها خالص*
هنا*بنرفزة*:ممكن اعرف ايه الموقف الرخم ال انتى حطتينى فيه ده
ريهام*بتضحك اوى*:ايه معرفتيش توصلى
هنا*بغضب*:ريهام ده هزار بايخ على فكرة *وعشان تغيظها*:عموما انا قابلت عمرو وروحنا سوى نجيب الحاجة ورجعنا سوى كمان
ريهام*اتصدمت*:روحتى مع عمرو
هنا*وهى بتقلدها*:اة روحت مع عمرو*وسابتها وخرجت وطبعا هى اضايقت اوى لما عرفت كدا عشان كانت بتغيير على عمرو وخرجت وراها*
ريهام*اول ماشافته ابتسمت*:عمرو انت جيت
عمرو*بأرف*:لا لسه مجتش ,انتى شايفة ايه ,وبعدين ايه الموقف الـ انتى عملتيه فى هنا ده
ريهام*بصيت لهنا وكانت مضايقة اوى انها قالتله*:ماكنش قصدى كنت بهزر معاها
عمرو:هزار بايخ اوى على فكرة
ريهام*حسيت انه اضايق*:انا اسفة ياهنا بس بجد ماكنش قصدى
هنا*قالت بهدوء*:اوكى خلاص ,خالتو انا هدخل اغير هدومى وهاجى اساعدك
حنان:ماشى يا حبيبتى *بصيت لعمرو*:معلش يا حبيبى احنا لسه فضلنا كتير لحد ما نخلص الغدا ،انت الجى بدرى بقى
عمرو*ابتسم*:عادى ياطنط انا قاعد معاكوا ,انا راشق هنا
حنان*تضحك*:منورنا والله ياعمور
عمرو:ده نورك يا طنط
*وتخرج هنا من الاوضة وتدخل المطبخ عشان تساعد خالتها وهو كان قاعد مع ريهام وعايز يقوم يقف معاهم عشان يفضل شايفها *
ريهام:الله ايه رأيك فى الفيلم ده نتفرج عليه
عمرو*مش باصص لتلفزيون وباصص للمطبخ*:لا ,بقولك ايه هو انتى مش واقفة معاهم ليه تعملى اكل
ريهام*بدلع*:واسيبك لوحدك يعنى
عمرو:مش عايزة تسيبينى لو حدى ولا انتى اصلا مش بتعرفى تطبخى
ريهام*مترددة*:انا اة لا ، اة مش بعرف اطبخ
عمرو*بستغراب*:اومال هتتجوزى ازاى
ريهام*اول ما جبلها سيرة الجواز فرحت اوى*:ما اكيد جوزى حبيبى هيجيبلى طباخة عشان مش هيرضى يتعب مراته حبيبته
عمرو*بصلها واستغرب من كلامها وقال لنفسه :دى هبلة دى ولا ايه*:اة اكيد طبعا طبعا ,انا هقوم اشرب
ريهام:اقوم اجبلك انا
عمرو:لا مفيش داعى تتعبى نفسك هقوم انا *وقال لنفسه: اهو اى حجة عشان اقوم وخلاص*
*دخل عمرو المطبخ وكانت حنان وقفة قصاد البوتجاز وهنا واقفة قدام تربيزة المطبخ*
حنان*بصيت جمبها لقيته واقف قصاد باب المطبخ وساند عليه*:معلش يا حبيبى انا عارفة انك جعان
عمرو*ابتسم*:لا ابدا يا حنونة انا جى اشوفكم لو عايزين مساعدة
حنان*ابتسمت*:ربنا يخليك يا عمور ,انا وهنا قربنا نخلص هى هتعمل مكرونة بشاميل ,انت بتحب المكرونة بشاميل صح
عمرو*بص لهنا وقال بحنيه*:اة بحبها اوى
حنان:طيب كويس *هنا طبعا سامعة الكلام ما بينهم بس مش باصلهم خالص ومركزة فى الاكل وشوية وجرس التليفون رن*:هروح اشوف مين
عمرو*بعد عن الباب وحنان عدت من جمبه*
هنا*واقفة وعايزة تجيب الصنية وكانت فوق الرف ,والرف كان طويل اوى وهى عمالة تحاول بس مش عارفة تمسك الصنية خالص وفجأه لقيت عمرو مسك الصنية ومبتسم وبعديها بصتله و هو كمان بصيلها وفضلوا للحظات سرحانين وشوية ودخلت حنان ,هنا مسكت الصينية منه*:شكرا
عمرو*ابتسم*:العفو
حنان:خلاص ياعمور قربنا نخلص اهوه
عمرو:ماشى
*وفضل واقف يبص عليها وهى بتعمل الاكل ,وهى كانت بتتتجنب نظرة عينه ومش عايزة تبصله خالص بس كان قلبها بيدق اوى ووشها محمر وفرحانة جدا انه واقف معاهم وبعد شوية خلصوا الاكل وجه ابراهيم من الشغل وقاعده كلهم ياكلوا ،هنا كانت قاعدة وجمبها ريهام وعمرو قاعد جمب ريهام ,كان نفسه يقعد جمبها بس ريهام قعدت وشوية و خلصت اكل *
حنان:ما تقعدى تكملى اكلك يابنتى انتى لحقيتى تاكلى
ريهام:ما انتى عارفة يا ماما انا بعمل رجيم عشان جسمى مايبوظش
حنان:رجيم ايه انتى فيكى حاجة اصلا
ريهام:ايوه يا ماما انا لو ماحفظتش على جسمى هتخن*وقامت*
عمرو* قعد جمب هنا*:هيييييح كدا الواحد ياكل بقى
هنا*مابصتلوش وفضلت تاكل شوية وخلصت اكل*:انا كمان خلصت اكل الحمد لله *ولسه هتقوم لقيت عمرو مسك ايديها من تحت التربيزة وايديهم ماكنتش باينة ,هنا برقيت وبصيت له وعمرو بصلها وابتسم ابتسامة لحد ودانه وفضلت تحاول تبعد ايديها عنه براحة عشان محدش يحس بس برده هو فضل ماسك ايديها جامد*
حنان*بصت لهنا*:ماشى قومى
هنا*بصيت لحنان ووشها محمر ومش عارفة تقولها ايه*:لا ياخالتوا اقعد اكمل اكل احسن
حنان:ايون كدا اقعدى ماتعمليش زى ريهام الخايبة دى
هنا*بصيت لخالتها وسكتت*
حنان:ما تاكل ياعمرو
عمرو*كان ماسك ايد هنا بأيده اليمين فطبعا مش عارف ياكل بس مسك الشوكة بأيده الشمال وعمل نفسه هياكل*:انا هاكل اهوه
هنا*استسلمت وفضلت ماسكة ايد عمرو وشوية*:بجد انا لزما اقوم انا شبعت مش هقدر اكل اكتر م كدا بطنى وجعتنى
حنان:خلاص ياحبيبتى قومى
عمرو*ابتسم وساب ايديها*:اة يلا قومى بقى انا مش عارف اكل خالص خلصتى على الاكل كله
هنا*بصتله بغضب وقامت ودخلت عشان تغسل ايديها وبصيت فى المرايا ورغم غضبها بس ابتسمت وكانت مبسوطة اوى غسلت ايديها ولسه هتخرج لقته واقف قصاد الباب اتصنعت انها مضايقة*:على فكرة ماينفعش ال انت بتعمله ده
عمرو*ابتسم*:كنت عايز امسك ايدك اعمل ايه يعنى
هنا*عايزة تبتسم بس برده فضلت مكشرة*:لو سمحت من فضلك بطل تصرفاتك الغريبة دى افرض حد كان شاف
عمرو:مايشوفوا كنت هقول دى حبيبتى ومراتى وانا حر
هنا*بستغراب*:تانى مراتك ,يووووووووووووه بقى
عمرو*ضحك*:برضاكى غصبن عنك هتكونى مراتى
هنا:ياسلام, لعلمك بقى *ولسه هتكمل جت ريهام واضطريت تسكت*
ريهام:فى ايه واقفين كدا ليه
عمرو*بص لريهام*:شوفتى ياريهام ، هنا مش عايزة تعدينى عمالة اقولها خلينى اعدى مش راضية بتقولى تدفع كام
ريهام*بغضب*:ايه ياهنا الهزار ده خليه يعدى
هنا*بستغراب*:انا قولت كدا ,ما يعدى ياستى انا مالى
ريهام:هيعدى ازاى وانتى واقفة قصاد الباب كدا
هنا*بضيق بعدت عن الباب شوية وشورت لعمرو بأيديها*:اتفضل ادخل
عمرو*ابتسم*:ايون كدا لزما نزعق يعنى
*خرجت هنا من جمبه ودخلت اوضتها وابتسمت على العمرو بيعمله وفى نفس الوقت زعلانة اوى ومش عايزة تكسر قلب بنت خالتها وفضلت تفكر شوية وخدت رواية وخرجت برة تقعد معاهم وتقراءها فضلوا يتكلموا سوى وهنا فضلت تقرا وعمرو عمال يتكلم معاهم وكل شوية يبص لهنا المركزة اوى فى الرواية ومش بتبصله او بتبص لحد اصلا وهو مستغرب ياترى هى بتعمل كدا عشان متقعدش معاه*
ابراهيم:واختك مها عاملة ايه
عمرو:كويسة اخيرا هتجوز والبيت هيفضى
حنان*ضحكت*:ربنا يتتملها بخير
ابراهيم:وانت مش ناوى تتجوز ولا ايه يا واد عايزين نفرح بيك انت كمان
عمرو*بص على هنا وبعد كدا بص ليهم*:ياريت ياخالو نفسى والله بس هى فين
حنان*ابتسمت*:ولاد الحلال كتير ياعمرو ربنا يوفقك
ريهام*بكسوف*:ايه هى موصفات فتاه احلامك ياعمرو
عمرو*بص لهنا*:جميلة ,هادية ,عصبية,وشها بيحمر وبيبقى زى الطماطماية لما اكلمها , بتعيط بسرعة ,بصوا هى نفس ال فى خيالى
حنان*شافت نظرة عمرو لهنا واستغربت*:ربنا يوعدك ببنت الحلال يا ابنى وان شاء الله تلاقيها وتعرفنا عليها قريب
عمرو*ابتسم وفضل باصصلها*:اكيد قريب ان شاء الله
هنا*بعصبية*:ازاى يعنى لا طبعا ده مستحيل
عمرو*بص لهنا بستغراب*:هو ايه ده المستحيل
ابراهيم:فى ايه يابنتى
حنان:ليه ياهنا مستحيل
ريهام*بصت لهنا*:ليه بتقولى كدا ياهنا
هنا*مش مركزة فى كلامهم ومركزة فى الرواية بس تاخد بالها انهم باصين ليها وتبصلهم*:انتوا بتقولوا حاجة
حنان:ده انتى مش معانا اصلا بقى
هنا*ابتسمت*:لا بجد فى حاجة
ريهام:احنا كنا بنتكلم على عمرو والبنت الهيتجوزها وانتى بتقولى مستحيل يلاقيها
هنا*اتصدمت*:بجد ,انا ماكنتش بتكلم فى كدا ,معلش يا جماعة انا شكلى اتأثرت بالرواية اوى
عمرو*بصلها بستغراب*:ليه هو ايه الحصل
هنا*بحزن*:البطلة ماتجوزتش البطل وانا اضايقت اوى بجد
ريهام*ضحكت*:ربنا يشفيكى ياهنا
حنان:بطلى يابنت ,اصل هنا بتحب قراية الروايات باباها حببها فى قرايتهم
عمرو:بجد بتحبيهم اوى كدا
هنا*بصاله وبتحرك راسها بنعم*
عمرو*ابتسم وسكتوا شوية*
ابراهيم:صحيح ياهنا انتى لسه عايزة تشتغلى
هنا:اة اكيد
ابراهيم*بص لعمرو*:بقولك ايه ياعمرو ما تخليها تشتغل فى النادى
عمرو*استغرب*:تشتغل ايه ,ممكن تيجى تلمى الكور
هنا*بغضب*:اللم كور ايه ,انا بكالوريوس تجارة يا كابتن
عمرو*ابتسم اول مرة يسمع منها كلمة كابتن*:كابتن ,ماشى خلاص هكلم المدير تبقى ف قسم الحسابات ولا حاجة فوتى علينا بكرة بقى
ابراهيم:بطل ياواد ياعمرو ماضيقهاش بقى
عمرو*ابتسم وبصلها*:انا مش قصدى والله ,بس بجد هبقى اكلمه
هنا:طيب
*وفضلوا قاعدين سوى يتكلموا ويهزره والوقت اتأخر كانت الساعة 1بليل*
ابراهيم*بيتاوب*:منور ياعمرو والله
عمرو*ابتسم وهو فاهم قصده*:ده نورك ياخالو والله
ابراهيم:بجد منور
عمرو*ضحك*:حاضر هقوم،، هقوم
*كلهم ضحكوا*
ابراهيم:مش قصدى يا ابنى
عمرو:لا يا خالو فعلا الوقت اتأخر وبكرة هنقوم بدرى عشان نصلى الجمعة بس بجد انا مبسوط انى قاعد معاكوا *وقام عمرو وسلم عليهم كلهم ومسك ايد هنا وفضل باصص ليها ومبتسم وهنا بعديت ايديها بسرعة*
حنان*بصيت لعمرو*:ابقى كررها الزيارة تانى ياعمور
عمرو*ابتسم*:ان شاء الله يامرات خالى تصبحوا على خير سلام
*ومشى عمرو وطول الطريق وهو مبسوط اوى انه شاف هنا وقعد معاها اليوم كله وشوية ووصل عمرو للبيت كانت مامته ومها قاعدين سوى*
مها:حمد الله بالسلامة ياحج ايه ده كله
عمرو:ايه وحشتكوا
عزة:ايه ياعمرو التأخير ده كله فى حد يقعد عند حد لحد دلوقتى
عمرو:ده انا كمان العزمت نفسى عندهم ,كله عشان يعجب وياريته عجب
مها*ضحكت*:لسه برده
عمرو:لسه ياختى ,ماشوف اخرتها ايه
عزة*طبعا مش فاهمة هما بيتكلموا على ايه*:فى ايه يا واد انت وهى ايه الالغاز دى
عمرو*ضحك*:دى اسرار ازوزة
عزة:سر عليا انا ياولاد بطنى ,هانت عليكم التعب التعبته وطلع عينى بسبابكوا
عمرو:انا كدا اتأثرت تصدقى ، لحظة هبكى يا زوزو
مها*ضحكت*:ياماما مش سر اوى يعنى
عمرو:انتى صعبتى علينا وعشان كدا هنقولك يازوزو
عزة*عاملة نفسها زعلانة*:لا مش عايزة اعرف ياخويا انت وهى خلى اسراركم تنفعكوا بقى
عمرو:لا انتى لزما تعرفى عشان انتى معانا فى المرحلة الجاية
مها:اشطة هو فى مراحل كمان
عمرو:طبعا يا بنتى ده انا لو بحارب كنت زمانى كسبت ام الحرب دى ادعيلى يا زوزو انى اكسب بقى
عزة*تضحك ومش فاهمة خالص اى حاجة*:ربنا يوفقك يا ابنى قولوا بقى ايه الحرب ال احنا هندخلها دى
*قعدوا معاها وفهموها على حب عمرو لهنا وانها طلعت قربيتهم بس هى مش عايزة تعترف بحبه ووقتها كانت هنا فى اوضتها وبتحاول تنام وعمالة تفتكر فيه وتبتسم ومش عارفة تنام خالص وتنام على جنبها تشوف ريهام وتزعل عشان مش عايزة تجرحها وتحط دمغها على المخدة وتقرر تنام وماتفكرش و تانى يوم تتصل مها بيها*
مها:الو يا هنون
هنا:ازيك ياميهو وحشانى
مها:انتى اكتر بقولك ايه تعالى عندى النهاردة عشان افرجك على الحاجات بتاعتى
هنا*اول ماعرفت انها هتروحلها وهتشوف عمرو قلبها دق اوى*:ما انا هشوفها لما نيجى نفرش
مها:لا لما نيجى نفرش هنكون عايزين نخلص بسرعة ومش هتلحقى تشوفى حاجة وكمان بالمرة نشوف كدا لو احتاجت حاجة ننزل نجيبها سوى
هنا*ساكتة*
مها:ماتخافيش عمرو مش هيبقى موجود خرج مع اصحابة وكمان بابا راح قاعد على القهوة مع اصحابه يعنى هكون انا وانتى وماما بس
هنا*ابتسمت*:خلاص اوكى
مها*بفرحة*:بجد, تمام مستنياكى
*تخرج هنا من اوضتها وتستأذن خالتها وتوافق وتلبس وتروح لمها وتضرب الجرس واول لما الباب يتفتح*
تأليف:فاطــــمة هـــــشام