انتقام الافعى (الفصل الأول)
جاري التحميل...
بدون عنوان
في عالم مليان خيانة وظلم… بتولد قوة ما حدش يقدر يوقفها. هي الأفعى 🐍… ناعمة في حركتها، قاتلة في ضربتها. خسرت كتير، اتكسرت أكتر، لكن عمرها ما نسيت. والدلوقتي… وقت الانتقام جه، انتقام بيغرس أنيابه في قلوب الكل. الانتقام الأفعى… رواية غموض وتشويق، دموع ودماء، حب وخيانة، وكل جزء منها هيفكرك إن أقوى السم هو اللي مش بيتشاف. ⚡
البارت الاول"
بقلم /امنيه عويس
نبدا رويتنا فى قسم الشرطه
وبالتحديد مكتب جاسر الالفى
"جاسر الالفى 30سنه
رياضى جدااا مهتم بشكله الخارجى جدااا جدااا راقى إلى أبعد الحدود قراراته بياخدها بدقه شديه وكل الناس بتعمله الف حساب غير مقيد بالروتينايات"
فى المكتب كان جاسر قاعد على مكتبه بكل وقار وبجانبه مجموعه من المستندات بيراجعها .....
فى مكان أخرى فى وسط الصحراء حيث توجد بطلتنا اكبر زعيمه مافيا دوليه ...
الافعى : ها خلصتو إلى اتفقنا عليه
المجهول : طبعا ياريسه الشحنه اتسلمت واتوزعت على التجار فى السوق بالسعر إلى حددتيه
الافعى : تمام اوى كده يا رجاله المهمه الجايه هتعرفوها فى معادها ...
رجاله المافيا : تحت امرك يازعيمه.....
فى مكتب اللواء عصام
اللواء عصام : ازاى الشحنه توصل وتتوزع كده من غير ما نعرف نمسكهم
المقدم علاء: يافندم البلاغ إلى جالنا بمعاد التسليم ومكان التسليم كان تمويه منهم علشان يعرفه يخرجوا البضاعه من غير ما يتمسكه كان بلاغ كاذب ....
اللواء عصام : يافرحتى بيكم
مش عارفين تقبضوا على شويه مهربين ...
المقدم علاء: يافندم دول تشكيل عصابى كبير ومش بس كده دى مافيا دوليه مش بالسهوله دى هنعرف نمسكهم...
اللواء عصام: المفروض هنعمل اى دلواقتى...
المقدم علاء: إلى حضرتك تومر بيه
اللواء عصام: هنستدعى اللواء جاسر الالفى...
المقدم علاء: تحت امرك يا فندم....
فى مكتب علاء : استدعى فريق البحث
الفريق : خير ياعلاء بيه سمعنا أن المهمه فشلت
علاء: اسكتو والنبى انا مش ناقص عليا كفايه إلى انا فيه ...
المهم تم تكليف اللواء جاسر بالمهمه
الفريق : جاسر الالفى
"الفريق"
علاء الدين: 29سنه
رياضى جدااا مهتم بصحته جدااا من عيله كبيره جدا وليها اسمها
على المحمدى: 26سنه
ليه هبته وسط الداخليه عصبى جداااا متحكم فى قراراته سريع جدا جدا من عائليه كبيره جدا وصاحب شركات كبيره
تميم العادلي: 27 سنه
بيحب الفرفشه جدا والسهر شاب وسيم وليه هيبه كبيره
تاليا :28سنه
بنت ذكيه جدا مفيش مهمه تمسكها غير لما تخلصها للآخر مش بتسمح عدوها لمجرد انو يفكر أنه ممكن يتغلب عليها قررتها صائبه إلى أبعد الحدود ديما اى قرار بيتم إصداره بيتم تحت موافقتها عليه
ملحوظه : تاليا سابت الفريق هنعرف ليه بعد شويه بس الاول بنتعرف عليه ......
ميرنا : 25 سنه اصغر
واحده فى الفريق لاكن من اشطر الظباط إلى موجودين ليها سمعه كبيره جدا عن جدارتها الكبيره فى المهمات.....
نرجع تانى .....
على : طيب هنعمل اى
علاء : هيطلع قرار من الفريق بأننا محتاجين مساعده جاسر الالفى ....
مرينا : لو كانت تاليا هنا مكناش احتجنا إلى اسموا جاسر داه
علاء : حقيقى فعلا تاليا كانت اه مطلعه عننا ومعذبنا ولاكن ارحم من غرور جاسر وتصله علينا
تميم : انا مش مصدق ازاى تاليا ماتت من غير ميظهر ليها حتى اثر
مرينا : انا لحد دلواقتى شايفه أن الموضوع موتها داه غير مقنع ....
علاء : بطلوا اوهام واستعدو لقدوم هولاكوا
الفريق كله ضحك عليه وفجاءه ساد الصمت بعد نزول الصاعقه إلى جات عليهم ....
علاء : ملكم متنحين ليه كده
مرينا : بتشاور بعينها على إلى واقف ورأى الباب فى ضهره
علاء : اى اوعى تقولى
مرينا بتهز دماغها (ااااه)
علاء : متقوليش برص على كتفى
جاااسر : برص أما يكلك انا بقيت هولاكو
علاء : وشه اصفر وجاب اللون ...
جاااسر بيه يا اهلا يالغالي
جاسر : كنت من شويه هولاكو
علاء : مش عليك داه كان على حد تانى مش كده ياميرنا ....
جاااسر بص لمرينا بصووت كله خشونه قال كده عليا ولا على حد تانى ....
ميرنا : بتهز دماغها فوق وتحت ويمين وشمال
جاااسر ميرنا : ميرنا انا مليش دعوه اسال تميم
عندك اهو
تميم : وانا مالى
جاااسر تمام انا هعرف بمعرفتى .....
وقفل الباب وراه وطلع
علاء: اه يابنت ال
بقى كده بتسلمينى ليه تسليم أهالى
ميرنا : تستاهل حد قالك تستظرف ....
علاء خلاص ياشباب يلا نشوف الكارثه دى هنعمل فيها اى ....
فى مكتب الاجتماعات
الفريق كانوا فى انتظار جااسر ...
علاء : فى مكتب جااسر
جااسر : اى دول
علاء : اوراق المهمه
جااسر : احب اعرف فيها اى ...
علاء : جالنا بلاغ من فتره بتهريب سلاح وتوزيعها على تجار سلاح كبار جدا
البلاغ جالنا ميعاد التسليم ومكان التسليم فين
بعد عمل خطه وجيه يوم التسليم روحنا المكان لقينا المكان فاضى وفتشنا المكان ملقيناش حاجه غير مخزن فاضى ...
شويه وجالنا مسدج بأن السلاح اتوزع على التجار ودخل البلد بالفعل ...
جاااسر : وهو بشرب قهوته
امم تابعتوا خط سير الرقم إلى اتبعت منه الرساله
علاء : اكيد عملنا كده
جاااسر : وصلتوا لاى
علاء : ملهوش اى خط سير غير أنه وصلنا لبيت عادى لما روحنا نشوف البيت داه
الناس قالت إن البيت متاجر من سنتين كده وحدش شاف الناس إلى ماجرين البيت داه ...
جاااسر : انتوا مراقبين البيت داه ...
علاء: المراقبه فضلت حوالى شهرين مفيش اى حركه ناحيه البيت البيت فاضى فعلا محدش بيدخل فيه ابدا ...
جااسر : امم طيب فى معلومات تانى
علاء : لاء
جااسر : طيب تمام
ملهوش لازمه الاجتماع داه لحد ما يجد جديد ونشوف هنعمل اى ....
علاء : تمام
كلم تميم
تميم : خير ياعلاء
علاء : مفيش اجتماع كل واحد يروح مكتبه لحد ما نبعتلكم تانى
تميم : تمام ياعلاء انا هروح لانى خلصت شغلى النهارده ...
علاء : تمام
تميم : يلا ياشباب كل واحد يروح يشوف شغله مفيش اجتماع ..
ميرنا : انا قولت برضوا أن طلما جاسر دخل فى الفريق هنشوف العجب تحت ايداه هنا من اولها لغى الاجتماع
(فى مكان تانى عند الافعى )
الافعى بابتسامه خفيه: حلو اوى شرفت ياجاسر بيه
احد الاشخاص : هتعملى اى معاهم يازعيمه
الافعى بمكر : هنعمل لجاسر بيه حفله استقبال استعد
الشخص بابتسامه : علم وينفذ يازعيمه
خرج من عند الافعى الشخص المجهول ودخل دراعها اليمين
مازن : نفسى افهم بتعملى اى من ورايا
الافعى : كل خير يا مازن وبعدين انا عارفه كويس انك عارف انا بعمل اى من وراك فمتسعبطش عليا
مازن : افعى هدى الدنيا شويه انتى عارفه أن جاسر الألفى مسك الملف بتاعنا وانتى عارفه كويس أن طالما جاسر مسكه يبقى هيجبنا هيجبنا ومش هيقبل انك تتغلبى عليه انتى اكتر واحده عارفه جاسر كويس
الافعى : مهو علشان انا عارفه جاسر كويس جيه الوقت إلى هنلعب فيه اخر ورقه معانا ومش هداء غير لما عدوى ياخد اعدام
مازن : يابنتى انتى كده بتسلمى نفسك بايدك هتخربيها على دماغنا انتى عارفه المافيا هنا هتسلمنا لجاسر تسليم أهالى لو شموا خبر انتة تبقى مين ولا ناسيه
الافعى بصيت بشر : انت إلى ناسى انا مين يامازن شكلك ناسى انا ابقا مين ومش هسيب حقى منهم واحد واحد وانت حابب تاخد حقك مكانك جمبى محفوظ ومش حابب وعايز تسامح انا موافقه وتطلع بره المكان كله علشان تحافظ على حياتك يا مازن لأن وربى لو وقفت فى سكتى هخلص عليك انت اول واحد فااااهم
مازن بغض : انتى اى يا شيخه حياتك كلها دم ليه كده هتقتلنى خلاص مبقاش عندك قلب
الافعى قامت وقفت قصاده : قلبى مات يوم ما حاولو يموتونى يامازن ومسكت فى هدومه وصرخت فى وشه فااااااكر يامازن يوم ماحولو يموتوك مين انقذقك قبل ماتموت وسط الكل واقف يتفرج عليك وانت سايح فى دمك وكل داه ليه علشان حاولت تكشف الخاين فاااكر مين وقف اول واحد يتفرج عليك وانت صاحب عمره وانت مرمى على الأرض وسايح فى دمك وانت بتستنجد بيه وتحاول تقوله الحقيقه طلعك مجنون وشال أيده من عليك ومن حمايتك ليه علشان ابن عمه خاين مهو مش معقول يخون ابن عمه ويصدقك انت ليه علشان سمعه العيله واسم عيله الألفى الى هحرقها كلها بس الصبر
مازن : بس انتى بتحبيه وهو بيحبك هتاذىه ازى
الافعى بانفعال اكتر : اخرس مبحبش حد هاذيه زى ما اذانا يامازن وهو كان فين حبه لما رمانى وصدق عليا الخيانه داه خاين زيه زيهم والخاين دمه حلال يا مازن مش دى الجمله إلى قالهالك يا مازن لما قالك انت بدافع عنها علشان بتحبها وعينك منها واتهمك بالخيانه حلو اوى انا برضو هقولهالك تانى الخاين دمه حلال اسمع يا مازن خلاص جاسر دخل اللعبه وانا مش هتراجع عن إلى هعمله فيه انت بقا لسه باقى على صحبتك معاه إلى هو مبقاش عليها ورماك وانت بتموت انا بقا لاء مش بقيا على حاجه خلاص ولو وقفت فى وشى هنشوف الافعى هتعمل فيك اى انا حذرتك وانت حر
وسابته وخرجت من المقر كله وخرج وراها مازن
مازن : استنى يا افعى استنى
الافعى : ابعد عن طريقى يامازن دلواقتى مش عايزه اشوف حد بدل ماااولع فى المكان كله بالى فيه
مازن : خلاص ماشى أهدى
خرجت الافعى وركبت عربيتها وانطلقت بيها بعيد راحت المكان إلى بتروحه كل مره لما تتعصب وتفتكر جاسر الألفى