بدون عنوان

الحلقة الخامسة
*هنا مسكت الصورة وفضلت بصلها ولقت قلبها دق اوى استغربت جدا وبعد ثوانى حطيت الصورة على الكومدينه وخرجت بسرعة وهى مش فاهمه ليه حصل كدا اول لما شافتها وفاقت على صوت*
حنان:تعالى ياهنا اقعدى معانا
هنا:حاضر ياخالتو
حنان:انا قولت لعمك ابراهيم انك عايزة تشتغلى وهو موافق
هنا*ابتسمت*:بجد ياعمو ,شكرا جدا
ابراهيم:ما دام دى حاجة هتسعدك يابنتى يبقى خلاص وربنا يوفقك وتلاقى شغل مناسب
هنا:يارب ,انا هنزل الاسبوع الجى وادور على شغل
حنان:مستعجلة كدا ليه
هنا:ياخالتو انا مش بحب قعدة البيت بتضايق منها اوى
ريهام*بصتلها بضيق*:وانتى هتنزلى لوحدك ازاى انتى تعرفى اماكن هنا ف القاهرة 
هنا:لا معرفش ما انتى هتنزلى معايا بقى
ريهام:يبقى خلاص تستنى بعد امتحانات نص السنة عشان اعرف اروح معاكى
هنا*بحزن*:لسه هستنى
ريهام*بأسلوب رخم*:يعنى اسقط عشان سيادتك يعنى ولا ايه مش فاهمة
هنا:لا ياحبيبتى بعد الشر ، اوكى خلاص هستنى وربنا يوفقك يارب وتجيبى تقدير كويس
ريهام:يارب
*وفضلت هنا قاعدة معاهم ونسيت خالص موضوع الصورة ومركزتش فيها وعمرو كان قاعد فى اوضته وموبايله يرن*
عمرو:الو يا بسام
بسام:انت لسه عايش يا واد
عمرو:اة, عايش عايز ايه ياض
بسام*ضحك*:بطمن عليكى ياقطة
عمرو*بهزار*:لا ونبى فيك الخير يا خويا تقتل القتيل وتمشى فى جنازته 
بسام:يعنى كنت عايزنى اعمل ايه ياعمرو يعنى ,كان لزما حد فينا يضحى واكيد مش انا
عمرو*ابتسم*:ندل طول عمرك ياصاحبى
بسام:لا بجد ايه اخبارك عامل ايه؟
عمرو:كويس الحمد لله ,لولا الجاكيت كنت زمانكوا بتدعولى او بتدعوا عليا ما انا عرفكوا اندال وتعملوها
بسام*بهزار*:عيب عليك ياعمور ,اكيد كنا هندعى عليك
عمرو:ما انا عارف ياخويا من غير ماتقول
بسام:احمد ربنا ,ربنا بعتلك حد ينقذك ويديلك جاكيت ده انت محدش قدك ياعم
عمرو*سرح اول لما افتكر هنا*
بسام:روحت فين ياواد 
عمرو*ينتبه لصاحبه*:معاك يابسوم عندك حق الحمد لله ,هننزل النادى يوم الاحد ان شاء الله
بسام:ان شاء الله ,عايزين نلعب كورة ونكسر الدنيا زى عاداتنا
عمرو*ابتسم*:اكيد ان شاء الله
بسام:ماشى ياصاحبى سلام ,اشوفك يوم الحد
عمرو:ان شاء الله سلام *قفل عمرو مع صاحبه ورجع يسرح تانى ومسك السلسلة بأيده واتكلم بصوت مسموع*:ياترى انتى فين ياهنا ,ياترى هشوفك تانى ,نفسى اشوفك ولو دقيقة واحدة ,دقيقة واحدة بس وانا مش هخليكى تضيعى تانى من ايدى 
جمال*يفتح الباب يلاقى عمرو بيكلم نفسه*:واد ياعمرو انت بتكلم نفسك و مالها ايدك
عمرو*اتخض وبص للباباه*:ايه يابابا ده خضتنى مش تقول احم او دستور 
جمال*رفع حاجبة وقال بنبرة هزار*:انت عايزنى استأذن عشان ادخل اوضتك ياض
عمرو*بهزار*:ابدا ياسيد المعالمين باب اوضتى مفتحولك فى اى وقت انا ممكن انام فى الشارع لو عايز
جمال:لا خليك يلا اهو نكسب فيك ثواب اى نعم انت مجننا بس برده خليك
عمرو*ضحك*:احبيبى ابابا ,خير كنت عايزنى فى حاجة,ولا وحشتك وقولت تيجى تقعد معايا ,اكيد وحشتك صح ماتخبيش عليا
جمال*ضحك*:وحشتينى ايه  ,قال يعنى يا واد مش بشوفك انت مرزوع فى وشى ليل ونهار
عمرو*بهزار*:مرزوع؟ ليه المعاملة السيئة دى يا جيمى بس ده انا حتى بحبك وربونا 
جمال*ابتسم اوى*:بطل ياض بقى هزار خلينى اقولك ام الكلمتين
عمرو*ابتسم*:قول يا معلم سامعك اتفضل المايك معاك
جمال:فى بنت واحد صاحبى ,بنت كويسة وبنت حلال وتعليمها عالى 
عمرو*يقطعه*:انت عايز تجوز على ماما يابابا ونبى لاقولها *وينده ع مامته *:يازوزو تعالى شوفى
جمال:اسكت يا واد انت اتجوز ايه انا جيبهالك انت
عمرو*اتصدم من الكلمة*:لمين ياحج قول تانى كدا
جمال:ليك ياعمرو
عمرو*بجدية*:بابا انا مش بفكر فى الجواز دلوقتى وكمان انا الهختار البنت الهتجوزها مفيش داعى تتعب نفسك انت وماما وتجيبولى عرايس كل شوية كدا
جمال:يا ابنى نفسنا نفرح بيك 
عمرو*بهزار*:انا نفسى عايز افرح بنفسى والله ,بس صدقنى اول لما الاقيها هروح اتقدملها على طول
جمال*بستغراب*:يعنى انت بتحب واحدة
عمرو*بصوت واطى*:لا بحب جاكيت
جمال*ماسمعهوش وبيقرب ودنه منه*:ايه بتحب ايه؟؟
عمرو*ابتسم*:اوعدك يابابا انى اول لما الاقى بنت الحلال هاجى واقولك ونخطبها على طول بس ارجوكوا سيبونى انا الـ اختار عشان انا الهتجوز
جمال:خلاص يا ابنى زى ماتحب ,بس بجد نفسنا نشيل عيالك
عمرو:قصدك نفسكوا تخلصوا منى ,ده انا حتى مش باكل كتير 
جمال*ابتسم*:ماشى ياخويا ,يلا انا هدخل انام عشان ورايا شغل ،تصبح على خير
عمرو*ابتسم*:وانت من اهله يابابا
*جمال يسيبه ويخرج وينام عمرو على سريره وهو بيفكر فيها وبيدعى ربنا انه يلاقيها فى اقرب وقت ويشوفها ويعدى اسبــوع ومفيش اى جديد ,عمرو يفضل عنده امل انه هيشوفها تانى واوقات كتير يفضل سرحان وزعلان واوقات يتعامل عادى عشان اهله ميحسوش بحاجة,هنا طول اليوم قاعدة فى البيت وبتقرا فى الروايات ومش فى دماغها خالص يوم القطر ولا حتى فاكراه بس ساعات كان ييجى فى احلامها بسرعة ويختفى وماتشوفش ملامحه كانت بتقوم من النوم مستغربة مين ده!! وفى يوم تكون قاعدة فى الصالة وبتقرا رواية والباب يخبط تخرج ريهام من الاوضة*
ريهام*بزعيق*:ايه يا هنا مش سامعة الباب
هنا*تتتفزع وتبصلها*:ايه ياريهام فى ايه
ريهام:فى ان الباب بيخبط بقاله ساعة وانتى ولا هنا
هنا:والله مش سمعاه خالص ,خلاص هقوم افتح اهوه
ريهام:لاياستى خلاص هفتح انا *وتروح تفتح الباب وتلاقى مها وملامحها تتغير 180درجة من زعيق لسعادة*:ميهو حبيبتى تعالى ادخلى *وبعد ما تدخل ريهام تبص برة على السلم*
مها:عمرو مش معايا على فكرة
ريهام*بحزن*:ليه 
مها:عنده تدريب عشان كدا وصلنى ومشى بسرعة
ريهام:كان يطلع يسلم علينا حتى ويمشى على طول
مها*لنفسها:اتحيلت عليه عشان يطلع بس مش عايز  عشان مايشوفكيش*:معلش بقى ياريري اصله مستعجل عنده تدريب مهم
ريهام*بحزن*:طيب ,ادخلى
*تدخل مها الصالة وتكون هنا واقفة وبصالهم*
مها:اكيد دى بنت خالتك صح
ريهام*بضيق*:اة هى ,هنا
مها*قربت منها وحضنتها*:ازيك ياهنا عاملة ايه 
هنا*بأبتسامة*:تمام الحمد لله بخير وانتى
مها:انا الحمد لله كويسة ,شكلك صغير اوى انتى فى سن عمرو تقريبا
هنا*تبتسم وطبعا مش عارفة مين عمرو بس تبصلها وتسكت* 
حنان*تخرج من المطبخ*:مين اللى جه يابنات *تبص تلاقى مها تحضنها*:مها ازيك ياحبيبتى عاملة ايه وبابا وماما وعمرو عاملين ايه
مها:كويسين الحمد لله ,انا كنت عايزة انزل اتمشى شوية قولت اجى اخد ريهام وهنا معايا ده لو معندكيش مانع ياطنط
حنان:لا طبعا مش عندى 
ريهام*لنفسها:ايه ده انا هخرج معها لا بقى ليه يا مها قولتى هنا ليه وبصتلها وقالت بضيق*:هنا اكيد مش فاضية ومش هتخرجى صح ياهنا
هنا:لا انا فاضية مش ورايا حاجة ,بالعكس انا كان نفسى اخرج اوى انا ماخرجتش من ساعة ماجيت
مها:بس كدا هخرجك ياستى وهلفلفك القاهرة كلها
هنا*تبتسم*:طيب ,انا هدخل اغير هدومى 
مها:اوكى*وبصيت*:يلا ياريهام 
ريهام*بخنقة*:لا انا مش خارجة اخروجوا انتوا اصل انا ورايا مزاكرة
مها:طيب اخرجى ومش هنتأخر ساعة بالكتير اصل انا هروح على طول عمرو مش هييجى ياخدنى عشان كدا هروح بسرعة يعنى
ريهام:معلش انا مش عايزة اخرج ,اخرجى انتى وهنا
مها:اوكى ياحبيبتى ,عموما لو غيرتى رأيك احنا لسه قاعدين اهوه *وبصيت لهنا*:انتى لسه واقفة يلا يابنتى ادخلى غيرى هدومك
هنا*تبتسم لمها*:ماشى
*تدخل هنا وتغير هدومها وتنزل هى ومها ويفضله يتكلموا ويهزروا سوى مها ترتحلها اوى وتحبها تحس انها طيبة خالص ,هنا كمان حبيتها وحسيت انها زى اختها وفضلت تتكلم معاها كتير وتحكيلها على مواقف كتير*
مها:والله ياهنا انا حاسة كأنى اعرفك من سنين مش من ساعة بس
هنا*تبتسم*:وانا كمان والله ,ارتحت جدا بالكلام معاكى حاسة كأنك اختى 
مها:من النهاردة اعتبرينى اختك اتفقنا
هنا:اتفقنا
مها:يلا بقى عشان نروح اصل انا لو اتأخرت اكتر من كدا مؤمن هيموتنى
هنا*تضحك*:اوكى يلا بينا
*ويمشوا هما الاتنين وكل واحدة توصل بيتها وهنا اول ماتدخل من باب الشقة تلاقى ريهام لبسه هدوم خروج*
ريهام:ايه ده انتى جيتى بسرعة متأخرتوش يعنى
هنا:عادى اتمشينا شوية وجينا *وبصيت بستغراب*:انتى خارجة
ريهام:اة خارجة راحة اشوف عمور اصله هيلعب ماتش النهاردة فلزما اروح عشان اشجعه 
حنان:روحى معاها ياهنا لو عايزة
ريهام*لنفسها:اة تعالى عشان اغيظك بحبيبى*:اة ما تيجى معايا ياهنا
*هنا وقفت وبصيت لريهام ولخالتها وفضلت تفكر تروح معاها ولا لا*
تأليف:فاطــــمة هـــــشام