بدون عنوان

الحلقة السابعة
*يقف عمرو وسط الكافيه ومصدوم مش مصدق وباصص عليها,هنا كانت واقفة وبتكلم فى الموبايل وبعد كدا خلصت المكالمة واتجهت ناحية الكافيه ودخلت من الباب ومشيت جمبه فجأه مسك ايديها وهى ماشية وفضله واقفين لثوانى وبعد كدا وقف قصادها وهو برده ماسك ايديها وباصصلها اوى وهى مصدومة ومش عارفة تتكلم وبصالوا ومستغربة*
عمرو:انتى هنا 
هنا*وهى بتحاول تبعد ايديها*:ايون انا , وسيب ايدى
عمرو:اسيب ايدك ده انا ماصدقت انى لقيتك *وضحك اوى*
هنا*حسيت انه مجنون*:لو سمحت سيب ايدى وخلينى امشى
عمرو*بيحرك راسه بالنفى*:تؤتؤتؤ
هنا*اتنرفزت*:انت اكيد مجنون
عمرو:مينفعش تقولى على جوزك مجنون
هنا*مصدومة*:جو جو جوزى *بتحاول تبعد ايديها عشان تمشى وبتزعق*:سيب ايدى يأما هصوت 
مها*تسمع صوتها وتيجى بسرعة*:هنا فى ايه؟
هنا:اللحقينى يا مها الانسان ده مجنون مش عايز يسيبنى فى حالى
مها*بصيت لعمرو*:فى ايه الحصل؟وسيب ايديها
عمرو*بستغراب*:انتى تعرفيها
مها:دى هنا بنت خالة ريهام
عمرو*مصدوم*:نعم!!! انتى بنت خالة ريهام ,ازاى و انا معرفش ,وكنت طول الفترة دى قاعدة عندهم وانا عمال ادور عليكى ف كل مكان *ويضرب بأيده على راسه*: ياغبائى
هنا*بصاله ومستغربة من كلامه*:وانت تدور عليا ليه اصلا *وبصيتلها*:وكمان انتى تعرفيه منين يا مها
مها:ده عمرو اخويا
هنا:اخوكى!! *وتسكت شوية*:طيب عايز ايه منى وماسك ايدى ليه, سيب ايدى
عمرو:لا مش هسيبك مش معقولة انتى مش فكرانى خالص
هنا*بصاله ومش قادرة تفتكر*:لا مش فكراك وابعد بقى
عمرو*بعيند*:طيــب وانا مش هسيب ايديك غير لما تفتكرينى
هنا:ياربى ارحمنى
مها:يا عمرو سيب ايدها الناس بتفرج علينا
عمرو:مش هسيب ايديها غير لما تفتكرنى 
مها:طيب تعالوا نقعد عشان ماينفعش نفضل واقفين كدا الناس بدأت تبص علينا
*راحوا قاعده على تربيزة وهنا قعدت جمب عمرو وعيزاه يسيب ايديها وهو مش راضى خالص وماسك ايديها جامد اوى وشوية وافتكرته*
هنا:خلاص افتكرتك
عمرو*ابتسم*:بجد
هنا:اة انا شوفت صورتك مع ريهام سيب ايدى بقى
عمرو:ريهام مين وبتاع مين انا وانتى اتقابلنا قبل كدا 
هنا*بضيق*:بجد مش فاكرة خالص
مها*تفكر شوية*:طيب انت قابلتها فين وليه مصمم انها تعرفك 
عمرو*بص لمها*:عشان هى دى *وبيغمزلها*
مها*مافهمتش قصده وغمزتله نفس غمزته*:هى دى ايه؟فهمت انا ايه كدا؟
عمرو*ابتسم*:صاحبة الجاكيت
مها*تتصدم لما تعرف*:انت بتكلم بجد ,هى دى
هنا*بصالهم هما الاتنين ومش فاهمة حاجة*:جاكيت ايه!! ,انتوا بتكلموا عن ايه!!
عمرو*يبصلها*:ما دام مش عايزة تفتكرى هفكرك انا 
*وخدها ونزله ووقف قدام العربية وفاتحها وجابلها الجاكيت*
هنا*بستغراب*:ده الجاكيت بتاعى*وتبصلوا وتيجى بسرعة فى خيالها اللحظة لما كان فى القطر وهى بتديلوا الجاكيت*:افتكرتك ,بس ده برده مش يديلك الحق انك تمسك ايدى كدا وتقولى الكلام الغريب ال قولتهولى من شوية ده
عمرو:كلام غريب ايه
هنا*وشها يحمر*:انك يعنى جوزى
عمرو*ابتسم*:ما دى الحقيقة
هنا:حقيقة ايه؟
عمرو*بحنية*:هنا انا بحبك وعايز اتجوزك
هنا*بصاله ومصدومة ووشها احمر خالص اول مرة حد يقولها الكلام ده*
عمرو*ابتسم*:انتى بتكسفى يالهوى على الخدود الطماطماية
هنا*بصيت فى الارض*:لو سمحت بطل كلامك ده ,وكمان ريهام بتحبك وانت قولتلها هتتقدملها لما تكون نفسك
عمرو*ابتسم بصدمة*:ابدا والله انا عمرى ما قولتلها كدا ,وكمان ريهام دى زى اختى بالظبط بعتبرها اختى الصغيرة ومستحيل انى افكر فيها غير كدا
هنا*بصاله وساكته*
عمرو*اتكلم بحُب*:هنا انا بحبك من اول يوم شوفتك فيه مش قادر انساكى انا كنت هتجنن الشهر ده كان نفسى اشوفك ولو دقيقة واحدة عشان اعبرلك على الحاسس به بس ماكنتش بلاقيكى خالص صدقينى انا بجد بحبك 
مها:هنا عمرو بيحبك فعلا ,مش بقول كدا عشان انا اخته هو من ساعة ماشافك وهو حبك تقدرى تقولى حب من اول نظرة وده مش حاجة مستحيلة وبتحصل كتير
هنا*بصالهم وساكتة وبتفكر فى كلامهم*:طيب انا عايزة امشى
عمرو*بحزن*:انتى اضايقتى
هنا:لا, قصدى انا عايزة امشى وخلاص
عمرو:طيب استنى هوصلك
هنا:لا انا هروح لوحدى
عمرو*بجدية*:يعنى ايه استنى هوصلك بقول
هنا*بصتله واستغربت من اسلوبه كان من شوية رومانسى ودلوقتى جد اوى*
مها:خلاص ياعمرو سيبها تمشى
*هنا لسه هتمشى عمرو يكون ماسك ايديها تبصله ومن غير كلام يسيب ايديها ويفضل باصصلها لحد ما تركب التاكسى وتمشى ويركب هو واخته العربية*
عمرو*بنرفزة*:انا مش عارف هى زعلت من ايه
مها:عندها حق واحد ماشفتهوش غير مرة واحدة بس وجاى يقولها بحبك وعايز اتجوزك اكيد مصدومة وكمان الواضح اوى انها كانت ناسية خالص موضوع الجاكيت ده يعنى انت ماكنتش فى دماغها اصلا ياعمرو
عمرو:يعنى ايه يعنى
مها:يعنى ممكن ماتوفقش على طلبك عشان هى اصلا مش عرفاك وياعالم هى صدقت كلامى ولا لا ممكن برده تكون ماصدقتش ,سيبها على الله
عمرو:ونعم بالله بس انا بجد بحبها ومستعد اطلب ايديها بكرة من خالو إبراهيم
مها:بطل جنان ياعمرو استنى شوف هى ردها هيكون ايه وكمان انت ناسى بابا وماما انهم لزما وضرورى انهم يعرفوا ماتستعجلش بقى
عمرو*فكر فى كلام اخته*:ماشى اماشوف اخرتها ايه معاكى ياهنا
*وصلوا عمرو ومها البيت,هنا هى كمان وصلت وفتحت باب الشقة كانت خالتها فى اوضتها مارضيتش تدخل تكلمها ودخلت على اوضتها على طول كانت ريهام قاعدة على مكتب وبتذاكر وحاطة الهاند فرى فى ودنها وطبعا شوية تذاكر وشوية تسرح فى عمرو وبصيت لقيتها داخله ووشها باين عليه انها فيها حاجة*
ريهام:مالك فى ايه!
هنا*بصلها*:مفيش
ريهام:لا فيه وشك شكله مش طبيعى بس عموما لو مش عايزة تقولى ماتقوليش*وبصيت للكتاب تانى*
هنا*بصتلها وسكتت وقعدت على السرير تفكر وبعد شوية قالت*:ريهام
ريهام*ماكنتش سمعها عشان معالية صوت الاغانى*
هنا*قامت وقربت منها وشالت سماعة من الـ هى حطاهم فى ودنها*:انا عايزة اتكلم معاكى
ريهام*بصلها بستغراب*:خير قولى
هنا:النهاردة روحت اقابل مها وشوفـت شــوفت
ريهام:شوفتى مين؟
هنا*اول لما افتكرته وشها احمر وقالت بصوت واطى*:عمرو
ريهام*ماسمعتش*:مين شوفتى مين
هنا*بصوت مسموع*:عمرو
ريهام*قامت بسرعة من على الكرسى وقربت منها*:بجد شوفتيه وايه الحصل احكيلى جاب سيرتى اكيد صح
هنا*شافت نظرة الحب فى عيونها و حست ان كل الكلام هرب من على لسانها*:اة اتكلمنا عنك
ريهام*ابتسمت*:قال ايه بقى
هنا:هو انتى بتحبيه اوى كدا
ريهام*بسعادة*:بحبه اوى ياهنا
هنا:هو قالك انه هيتقدملك قريب
ريهام:هو مقالش بس انا واثقة انه هيتقدملى قريب هو كمان بيحبنى على فكرة*وبصتلها جامد*بيحبنى جدا *وقالت لنفسها:يعنى ماتفكريش تاخديه منى ولو ده حصل انا اقت...لك فيها*
هنا*تبتسم ابتسامة صغيرة*:ربنا يسعدكوا يارب ,انا هنام تصبحى على خير
ريهام:اوكى نامى
*فضلت هنا تفكر فى كل حاجة وحسيت ان دماغها هتنفجر من كتر التفكير وحطيت المخدة على دماغها ونامت,عمرو دخل على اوضته كالعادة وقفل الباب وفضل ماسك السلسلة وسرحان وبيفكر ,ياترى ياهنا هتوافقى انك تتجوزينى طيب هتحبيبنى زى ما بحبك رد فعلك النهاردة كان غريب وخلانى مش فاهم بجد انتى بتفكرى فى ايه بالظبط ,هو ده كان كلام عمرو لنفسه,شوية والباب خبط ودخل بسام *
عمرو*استغرب*:بسام انت جيت ليه
بسام:اروح يعنى
عمرو:لا مش قصدى بس كنا مع بعض فى النادى وماقولتليش انك هتفوت عليا
بسام:مفيش حسيت بملل قولت اجى ارغى معاك شوية بس مالك حاسس ان فى حاجة
عمرو*بص لصاحبه الفاهمه من غير مايتكلم*:هو انا مفروض دلوقتى اكون فرحان لكن مش عارف ليه زعلان
بسام:مش فاهم يعنى ايه دى فزورة صح
عمرو:انا لقيت هنا
بسام*بستغراب*:هنا مين ,اوعى تكون البنت ال قابلتها فى القطر
عمرو:ايون هى
بسام:وانت عرفت اسمها منين
عمرو*خرج السلسلة م جوه التيشرت*:من السلسلة دى 
بسام:دى بتاعتها وانت جبتها منين وقابلتها ازاى ,بقولك ايه انا هقعد وفهمنى على كل حاجة
عمرو*فضل يحكيلوا على كل حاجة من اول لما لقه السلسلة فى الجاكيت لحد ما هو قابلها اليوم ده*
بسام:يانهار حكاية ده ولا فى الحواديت يعنى طلعت قريبتك كمان
عمرو*ابتسم*:تصور وانا بدور عليها فى كل مكان وهى قريبة جدا منى
بسام:طيب هى ماقلتش انا موافقة او معترضة او اى حاجة
عمرو:ولا اى حاجة سمعت كل الكلام ده وفى الاخر سابتنا ومشيت
بسام:انت متأكد انها مش مرتبطة تكون مرتبطة ياعم عشان كدا انت مش فى دمغها
عمرو*بحزن*:يادى النحس ,تفتكر تكون مرتبطة
بسامم:مش عارف بكرة هيبان ,بس مدام قابلتها وانت بتحبها اوى كدا يبقى يارب تكون من نصيبك
عمرو*بيدعى من قلبه*:يـــــــــــــــــارب *وسكت وفكر شوية*:مها هى الهتقولى اذا كانت مرتبطة ولا لا
بسام:مها اختك
عمرو:اومال اخت الجيران
بسام:طيب ما تسألها يا ابنى مادام طلعوا اصحاب
عمرو:ثوانى هندهلها*خرج عمرو ينده لمها ودخلت الاوضة*عايز اسألك فى سؤال
مها:اسأل 
عمرو:هنا مرتبطة
مها:لا
عمرو:انتى متأكدا
مها:رغم ان هنا صاحبتى من اسبوعين او تلاتة بس عمرى ماشوفتها بتكلم فى الموبايلات زى البنات وكمان اتكلمنا كتير عن حياتها وهى فضفضتلى وحكيتلى بس عمرها ما قالتلى انها كانت بتحب او مرتبطة ومتهيألى هى مش من البنات دى 
عمرو*ارتاح لكلام اللى اخته قالته وفرح اوى خصوصا انه عارف ان مها من البنات البتعرف تميز بين البنت الكويسة والبنت الوحشة عشان اتعرفت على بنات كتير وشافت الوحش والحلو وكان بيثق فى رأيها لو بتكلم عن اى بنت*
بسام:وادى اول الخيط انها مش مرتبطة يعنى انت ال بأيدك تخليها تحبك يا معلم
عمرو:خلاص انا هتصرف
مها*بحزر*:عمرو اتصرف بحكمة وبلاش تسرع 
عمرو*ابتسملهم*:لا تلققوا خالص نهائيا اطلاقا
مها ,بسام:ربنا يستر
*ويروح بسام وبعديها تخرج مها من الاوضة ويفضل عمرو طول الليل بيفكر فيها وازاى هيخليها تصدق انه بيحبها وتوافق على الجواز منه و تانى يوم تكون هنا قاعدة بتفطر مع اسرة خالتها وتسمع صوت جرس الباب وريهام تقوم تفتح الباب*
تأليف:فاطــــمة هـــــشام