الحب من أول نظرة - الفصل الأول
جاري التحميل...
الفصل الأول
فتاتان تجدان نفسيهما فجأة داخل كمين أمني، وهناك تلتقي البطلة بظابط صارم يفرض حضوره بقوة. التوتر يملأ المكان، لكن شيئًا غامضًا يربط بينهما دون أن يدركا أن القدر جمعهما من قبل. وبين الخوف والمواجهة، يكون هذا اللقاء سبب ان صديقتها لم تنجو أيضا ، بينما تبدأ هي رحلة صراع بين ماضٍ منسي ومشاعر تتسلل رغمًا عنها.
في محافظة القاهرة كان يوجد عماره وفي احدى
شقق هذه العماره شقه الاستاذ فوزي محمود وعائلته
تستيقظ البطله .
- إيمان / يوووه هو كل يوم لازم اصحى بدري بسبب
الكليه امتى بقى اتخرج وفجاه تدخل الام
- الام / هانت كلها سنتين يا بنتي مستعجله على ايه
بكره تتخرجي وتقولي وحشتني الكليه .
- إيمان / الناس بتقول يا ماما صباح الخير الاول
وبعدين انا لا يمكن اقول الكلمه دي انا توحشني
الكليه يعععع
- الام / طب يا اختي يلا قومي افطري عشان
متتاخريش على الكليه يا لمضه .
- إيمان / حاضر يا ست الكل
إيمان لبست هدومها وخرجت من الاوضه .
- إيمان / ماما هو الفطار فين انا كده هتاخر على
الكليه اللي انا بحبها .
- الام / بتحبيها اه خلاص اهو انا خلصت الفطار
- إيمان / ماما اومال هاله فين
- الام / في الدرس
- إيمان / اه درس ماشي باقولك يا ماما صحيح
هتعملي ايه في الغداء .
- الام / يا بنتي انت لسه بتاكلي كلي الاول الفطار
وبعدين ابقى فكري في الغداء .
- إيمان( بؤقها مليان اكل) / طب يا ستي انا غلطانة
اهم حاجه بس انا عايزه فراخ محمره انتي عارفه ان
انا بحبها .
- الام / والله اللي يسمعك يقول البنت بتاكل كثير و
بتتخن وانتي اساسا بتاكلي وما بتتخنيش .
- إيمان / اعمل ايه بقى معدتي مش شغاله انا همشي
بقي .
- الام / مع السلامه يا بنتي .
إيمان نزلت من البيت و بتجري علشان اتأخرت جدا
ركبت تاكسي .
- إيمان / ونبي يا عمو بسرعة هتأخر علي الكلية يا
دي النيلة عليا وعلي الكلية .
اتصلت بالبيست فريند ( أمال )
- إيمان / ايوة يا بنتي انتي فين وصلتي ولا لسه احنا
اتأخرنا صح انا كنت حاسة كان نهار اسود كان نهار
مالوش ملامح .
- أمال / ايه يا بت راديو اهدي اولا انا لسه في
الطريق ثانيا هو اه احنا اتأخرنا بصراحة بس مش
لدرجة ان يبقي نهارنا اسود .
- إيمان / طب لما توصلي اتصلي بيا متدخليش من
البوابة الا لما اجي انا بقول اهو
- أمال / حاضر يا ستي اي اوامر تانية
- إيمان / شكرا يا قمر
وقفلت إيمان مع أمال و فجاة التاكسي وقف
- إيمان / في ايه ياعمو وقفت ليه انا كده هتاخر
- السواق / في عربية واقفة قدامي و مش عايزة
تتحرك
- إيمان / لا مش وقت عربيات توقف طب يا عمو
اعمل حاجة
- السواق / انا بعمله كلاكس يا بنتي
- إيمان / لا بقي انا لازم انزل عشان اشوف الحيوان
ده مش بيتحرك ليه
تنزل إيمان من العربية و راحت للعربية الواقفة
- إيمان / يا استاذ لو سمحت حرك العربية دي انا كده
هتأخر علي كليتي
- الشخص الغريب (بغضب) / هو انتي عامية ولا
غبية العربية بايظة
- إيمان ( خافت من صوته) / اه انا انا
- الشخص الغريب ( بسخرية) /ايه ده كمان خرسة
- إيمان ( بشجاعة مصتنعه) / هو انت مجنون ازاي
تقول عليا خرسة
- الشخص الغريب ( احمرت عينيه) / انتي بتقولي
لمين مجنون انتي متعرفيش انا مين و ممكن اعمل
فيكي ايه
- إيمان اترعبت من صوته لدرجة انها جرت من قدامه
و الشخص الغريب فضل باصص عليها وهي بتجري
ونظرته ليها كانت غريبة