الهوس وانواعها

---


في مكان آخر


كانت آلاء تجلس مع مجموعة من الأشخاص الذين يُعانون من اضطراب نفسي.
كانوا يتناقشون، ويبدو أنهم جميعًا يُعانون من مشاكل متشابهة.
جميعهم لديهم هوس بالأشياء، مع اختلاف تلك الأشياء، لكنهم يتشابهون في نقطة واحدة وهي "الهوس".


تحدثت فتاة من المجموعة وهي تحاول أن تُسيطر على دموعها:


> "أنا عندي هوس بالشك... حاسة إن كل الناس عايزة تأذيني.
وأنا نايمة نوم عميق، لو حاجة وقعت من مكانها بحس إن في حد جاي يقتلني.
بعد ما بسلم على حد، بفضل أبص على إيدي كأن حد خد مني حاجة.
الشك وصل بيَّ لدرجة إني لما بسلم على حد، بعد كده أعد صوابعي وراه.
أنا مش قادرة أعيش مع الوضع ده... ويبدو إن مشكلتي مفيهاش علاج."


تحدثت آلاء وهي تحاول أن تهدئ من روع الفتاة:


> "مفيش حاجة مِلهاش علاج، كل حاجة ليها حل.
ويبدو إن المشكلة اللي إنتِ فيها دي بسبب إنك وحيدة.
حاولي تتعرفي على ناس... حاولي تسيطري على شكك."


تكلمت فتاة أخرى وهي تحاول أن تجمع كلماتها:


> "أما أنا بقى، فعندي هوس بربط الأحداث.
يعني لو حصل أي موقف بسيط قدامي، باخد ساعات أحلله وأعمل عليه سيناريوهات كتير.
الموضوع ده تعبني جدًا، ومش عارفة أعيش حياتي بشكل طبيعي.
أنا بجد مش عارفة أعمل إيه."


نظرت آلاء إليها وقالت:


> "حاولي تتعايشي مع الموضوع...
حاولي تستفيدي من مرضك.
يعني مثلًا، اكتبي كل الأفكار اللي بتجيلك في نوت بوك،
وكل مرة تفكري أو تربطي بين أحداث، اكتبيها.
ولما تقريها بعدين، هتحسي بتحسن."


تحدثت فتاة ثالثة، ويبدو عليها مظهر فاخر جدًا،
من ملابس الماركات التي ترتديها، إلى الحقيبة، وحتى النظارة الشمسية،
كل شيء عليها يبدو باهظ الثمن.


قالت:


> "أنا بقى عندي هوس مختلف شوية...
عندي هوس بكل حاجة ماركة وغالية.
صرفت كل فلوسي على الماركات، مهما كانت الحاجة تافهة ومش هستخدمها.
بدأت آخد قروض من البنوك، أو أستلف من أي حد،
لمجرد إني أشتري الحاجات دي اللي مالهاش لازمة.
مش عارفة أعمل إيه... ويبدو إن ده أخطر نوع من الهوس."


تحدثت آلاء بعد أن أخذت نفسًا عميقًا:


> "حاولي تمنعي نفسك بأي طريقة من شراء الحاجات دي.
شوفي الحاجات اللي مش بتستخدميها،
وحاولي تستفيدي منها بأي شكل، حتى لو بعتِها."
وافصلي بين رغبتك في الامتلاك واحتياجك الحقيقي 
.
استمر الحوار لفترة طويله امتلأت الجلسة بالاعترافات والصراعات الدخلية حتي نفذ الوقت وغادرة الاء الغرفه تتبعها البقيه وسط صمت يحمل قليل من الراحة وكثيرا من الامل 


---


في المستشفى


كانت نور تقف وعيونها يملؤها الغضب الشديد،
تحدثت وهي تحاول أن تسيطر على أعصابها:


> "أنا قلتلك مئة مرة قبل كده، متدخلش في شغلي.
زي ما إنت دكتور، أنا كمان دكتورة.
أنا مش واحدة جاية من حتة تانية،
وإنت بتحاول تعمل فيها الطبيب المعجزة!
أنا زيي زيك!"


قام بدر من على كرسيه بهدوء تام،
ثم نظر إلى نور وتحدث:


> "أولًا، أنا ماليش دخل.
مش كل ما آخد منك حالة إنتي أصلًا مكنتيش عارفة تتعاملي معاها،
تيجي وتزعقي لي.
روحي قولي الكلامتين بتوعك دول لإدارة المستشفى، مش ليا أنا."


لم تجد نور الكلمات، ففضلت أن تغادر مكتب بدر وهي تُغلق الباب بغضب.
أما بدر، فلم يهتم، وجلس ليُكمل أشغاله.


---


يتبع........ 
...... 
#واين الملتقى