النوم المسموم - الفصل الأول
جاري التحميل...
الفصل الأول
شاب يضع منوم لزوجته ويتصل بعشيقته يوميا وينام معاها في فراش زوجته الأولي وتزوج الاولي طمعا في ورثها لكن تري ماذا فعلا به عندما علمت بخيانتة؟
رواية النوم المسموم كاملة
ألو ... أنا حطيت لمراتي المنوم اهو يحبيبتي وهيا خلاص راحت في سابع نومه تعالي أنا مستنيكي بسرعه يالله متتأخريش
سمية بدلع: لا مش هاجي خليك معاها مش انت اتجوزتها عليا اشبع بيها.
احمد بتوتر: يا حبيبتي انتي عارفة ضغوط جدي مكنش ينفع اكسر كلامه وغير كده محدش يعرف اننا متجوزين.
سمية ببرود: واحد امتي هيفضل جوازنا في السر كده ؟ ولا انت بتستعر مني ولا اي حكايتك يا احمد ؟ اصحي لنفسك كده وفوق وافتكر انك انت اللي جريت ورايا عشان تتجوزني وانا اللي اتنازلت ووافقت و قعدت تتحجج ب اصل جدي مش هيوافق اصل جدي مش عاوزني اتجوز دلوقتي.
احمد بخبث: يا حبيبتي حقك عليا انا هعوضك وقريب اووي هعلن عن جوازي انا وانتي بس والله زي منتي عارفه أنا متجوزها عشان ورثها مش اكتر .. بقي عندها فلوس كتييير اووي هنعيش بيها ملوك أنا وانتي صدقيني.
سمية بدلع: خلاص ماشي بس عندي شرط
احمد بحب: دا انتي تؤمري يا حبيبتي اللي انتي عاوزاه كله هيتنفذ بس متزعليش كدا.
سمية بدلع: هتفتح لي البيوتي سنتر اللي نفسي فيه وتكتبه بأسمي و عاوزة عربية موديل السنة دي دا غير الشقة بتاعتنا اللي هتكتبهالي قولت اي.
احمد بصدمة: نعمممم ؟ اييي يا سميع كل ده ؟ مش عايزه ديڤيدي بالمره ؟
سمية بدلع: دي شروطي يا حبيبي ومعنديش كلام تاني ولا انت مستخسر الحجات دي فيا بقا؟
احمد بهدؤء: لا يا حبيبتي مش مستخسر حاجه وعشان اثبت لك حسن نيتي انا موافق علي كل طلباتك وكل اللي نفسك فيه هيتعمل
سمية بدلع: ماشي وتحمد ربنا انه مش هتكلم واني مستحمله ان في واحده غيري بتنام جنبك
احمد بحنان: خلاص يا روحي متحبكهاش بقا واديني نيمتها اهو وكل ليلة أنا وانتي هنكون مع بعض.
سمية بدلع : خلاص يحبيبي أنا جايه اهو
بعد شويه
بتوصل سميه ويتدخل اوضة حور بتلاقيها في سابع نومه بصت ليها سمية بغل و ضربتها بالكف وهي نايمة .
سمية بحقد: نامي الهي تنامي متصحي ... انتي خدتي جوزي بفلوسك بس انا مش هخليكي تتهني ب يوم حلو في حياتك يا ضرتي.
خرجت ببرود....
تاني يوم...
حور صحيت ملقتش أحمد...
حور باستغراب: مال خدي وجعني اوي كدا اكيد نمت كتير عليه..
بتبص حولينها: واكيد احمد دلوقتي راح شغله ربنا يعينه وانا اقوم اصلي واروح جامعتي لحسن الدكتور يعلقني.
قامت بسرعه صلت ونزلت علي جامعتها.....
في المحاضره... خبطت علي باب القاعة.
الدكتور ببرود: متاخرة ربع ساعة وانا محدش بيدخل ورايا.
حور بتوتر: اسفه يا دكتور المواصلات كانت زحمة والشكه واقفه
الدكتور بسخرية: وانا مالي بمبرراتك دي اطلعي برا.
حور بغيظ: هطلع برا يعني هتطلعني من الجنة يعني وابصم لك بالعشرة ما حد بيفهم منك حرف وجايين هنا عشان اعمال السنة.
الدكتور بعصبية: انتي قليلة الادب وهاتي الكارنيه بتاعك انا هوريكي وتحصليني بعد المحاضرة علي مكتب العميدة .
حور ببرود طلعت الكارنيه وحدفته علي المكتب: اهو اشبع بيه وهبقي احصل لك علي الاقل اكون شربت القهوة بتاعتي بمزاج لاحسن انا صدعت و الجو هنا كتمة اوي.
خرجت ببرود وهو اتغاظ منها.....
بعد شويه في مكتب العميدة...
الدكتور سامي بغضب: البنت دي قلة ادبها عليا وسط الطلاب و بترد ببجاحه جامعه اهلها هيا.
حور بغضب: حوش انت الاحترام اللي بيخر منك دلوقتي وبعدين انا مقلتش ادبي محدش فعلا بيفهم منك حاجه.
سامي بغضب: مش عاوز اسمع حسك دا والا هرفدك.
حور ببرود: ليه بأي حق ترفدني اصلا فاكر نفسك مين.
العميدة مقاطعة: بسسس كفاية عيب اوي اللي بيحصل هنا المفروض تحترموا وجودي حضرتك غلط يا دكتور سامي و انتي يا انسه حور غلطانه عيب عليكم ردكم وتصرفكم كدا اومال لو مكنتوش اخوات كنتو هتعملو اي
حور بغضب: دا مش اخويا دا ابن مرات ابويا .. امه اتجوزت ابويا وهيا كانت مخلفة يعني لا انا اخته ولا هو اخويا.
سامي ببرود: وانا ميشرفنيش انه واحدة زيك تكون اختي اصلا.
العميدة بهدؤء: ممكن كفايه ومشاكلكم العائلية دي تحلوها بعيد عن هنا لانه هنا حرم جامعي محترم.
حور بصت لسامي بغيظ..
سامي ببرود: أنا عايزها تعتذر لي قدام الطلاب اللي بجحت فيا قدامهم.
حور بسخرية: حلوة اوي احلام العصر دي بس خد بالك بتخليك تصحي عضمك كله مكسر.
سامي ببرود: تمام براحتك يا حور بس متزعليش من رد فعلي ودا كارنيهك سلام.
خرج ببرود...
العميدة بهدؤء: حور اعتبري دا انذار ليكي متغلطيش تاني مع دكتورك وتحترميه.
حور بعصبية: يعني انا مش محترمة انا....
العميدة مقاطعه بهدؤء: حوررر الكلام خلص انتي لولا انك الاولة علي الجامعه سنتين كان زمانك مرفودة بسبب ردودك دي وعدم احترامك للكبير...
حور بصت ليه بحزن وخرجت..
قابلت صاحبتها...
حور بزعل: بقي انا يطردني واتهزق بسببه والله لوريه.
سميه بخبث: متزعليش نفسك يا حور يا حبيبتي سيبك منه انتي عارفه هو مش بيكره قدك واما بيصدق يلاقي اي فرصة عشان خاطر يضايقك بيها.
حور بحزن: عندك حق والله انتي اللي تستاهلي تكوني اختي.
سمية بابتسامة: يا روحي انا بحبك اوي يلا بقا عشان ناكل لانه هموت من الجوع.
حور بابتسامة: يلا اهو اعوض الطاقة اللي طلعتها علي المفعوص دا.
مشيوا راحوا الكافتيريا.... بتيجي بنت تانيه...
حبيبة بجوع: الله عليكم انتو طلبتوا اكل انا هموت من الجوع من الصبح.
حور بضحك: اي يا جدعان كلكم كدا واقعين من الجوع.
سمية بقرف ل حبيبه: معرفش هيا اللي علي طول جعانه انا الحمدلله انا اول مرة اجوع الدور والباقي علي الجعانين علي طول.
حبيبه باستغراب وطيبة: انتي بتتريقي ولا بتتنمري ولا قصدك اي بالظبط وضحي كلامك
حور بهدؤء: خلاص يا جدعان كلوا وبطلوا تبقوا ناقر ونقير كده شويه.
سمية ببرود: انا رايحه التويلت اظبط شعري عن اذنكم.
راحت الحمام و حور ابتسمت ل حبيبة: هيا متقصدش تزعلك انتي عارفه انه سميه دبش من يومها.
حبيبه بطيبة : لا عادي انا متعودة اي دا ايه اللي في وشك دا.
حور بابتسامة: عادي كنت نايمة علي خدي كتير ف وجعني.
حبيبه باستغراب : بس دا مش نومه دا حد ضربك وباين اوي.
حور باستغراب : لا مظنش
حبيبه بهدؤء: طب انتي مش شايفه انها غريبة نومك كدا كل يوم اكيد في حاجه غريبة.
حور باستغراب: حاجة اي وبعدين انا بشرب العصير بتاع احمد وانام مش بحس بأي حاجه
حبيبه: وده مش بيفتح نظرك لحاجه طيب ؟ أقولك ما تجربي كدا متشربيهوش النهارده وشوفي هيحصل اي يمكن جسمك ميوجعكيش زي كل يوم.
حور بابتسامة: احمد بيصمم اشربه ومش برضا اكسفه والله.
حبيبة بهدؤء: طيب براحتك بس انا قلبي مش مطمن علي العموم حاسه بحاجه بتحصل
حور سرحت شويه في نفسها: هو ممكن يكون في حاجه غلط فعلا بس اي هيا مش عارفه اتمنى تفكيري ده يكون غلط واني اكون ظالمة احمد ... انا النهارده مش هشرب العصير وهعمل نفسي نايمة واشوف اي اللي بيحصل.
عند سمية...
سمية بغيظ: يا احمد انا مش طايقة ابص في وشها نفسي اجيبها من شعرها كدا.
احمد بملل: مش كل شويه بقا يا سمية سبيني اشوف شغلي وملكيش دعوة ب مراتي.
قفل في وشها وهي اتصدمت..
سمية بصدمة: مراته ومليش دعوة بقا كدا والله ماشي انا هولع لك في مراتك دي يا احمد تمام اوي.
خرجت لاقت حور في وشها..
سمية بتوتر: ح حور انتي هنا من امتى.
حور باستغراب: لسه جاية دلوقتي حالا في اي ومال وشك اتخطف لي كدا.
سمية بارتياح: ها ولا حاجه حاسه بشوية دوخه بس يلا نمشي
حور بهدؤء: يلا...
بليل...
احمد بابتسامة: اي يا حور مالك سرحانه لي كدا.
حور بابتسامة: مفيش يا حبيبي انا بس بفكر في امتحانات الترم علي الابواب.
احمد بهدؤء: متشغليش نفسك انا هقوم اعملك العصير اللي بتحبيه وهتروقي علي طول.
حور بابتسامة' ماشي يا حبيبي.
قام يعمل ليها العصير....
عند سمية...
كانت بتتكلم في التليفون...
سمية بخبث: ازيك يا نور عامل اي ولا اقولك دكتور نور.
نور بمكر: لا انتي تقولي نور عادي .. بقولك يا سمية هيا صحبتك حور دي دماغها مش ناوية تلين ولا اي
سمية بحقد: هتلين انا بنفسي هبعتهالك المكتب بكرا وانت حر بقا اعمل فيها اللي نفسك فيه
انور بفرحه: بجد يعني هيا هتجيلي المكتب اخيرا احلفي يا سمية.
سمية في نفسها: هم مالهم هيموتوا عليها اوي كدا ليه دا انا احلى منها الف مرة..
نور باستغراب: روحتي فين.
سمية ببرود: مروحتش ومتقلقش ثق فيا هبعتهالك يالله سلام.
قفلت معاه وهيا مش طايقه نفسها..
احمد كان بعت ليها رسالة هحط لها المنوم اهو جهزي نفسك.
سمية بغيظ: طب والله مانا رايحه عشان تتعلم الادب يا احمد وغور بقا...
قفلت تليفونها خالص ونامت ببرود....
عند احمد...
دخل بالعصير: يلا عصيرك اهو يا حبيبتي الف هنا عليكي.
حور بتوتر: هات انا عطشانه والازازة خلصت هقوم اشرب واملاها بالمرة.
احمد بهدؤء: هروح انا اعبي لك الازازة ارتاحي انتي يا حبيبتي.
خرج وهي اول ما خرج فتحت الشباك وكبت العصير وقفلته وجريت علي السرير...
عملت نفسها نايمه و احمد دقايق ودخل لاقاها نامت...
احمد ببرود: كويس انك اتخمدتي انا زهقت لحد امتي هفضل امثل دور الزوج اللي بيحب مراته ومخلص ليها امتي اخلص بقا.
راح قعد جنبها بقرف: لولا وجودك كان زمان مراتي حبيبة قلبي معايا دلوقتي كله من جدك الله يرحمه جوزني ليكي عشان احافظ عليكي بس تمام انا هتصرف اتخمدي عشان اعرف اجيبها.
قام خرج و حور فتحت عنيها بصدمة: ا اي الكلام اللي سمعته دا كله معقول لا اكيد كدب لا انا بحلم احمد ميعملش فيا كدا...
دموعها نزلت بحسرة: معقول كان بيخدرني عشان يجيبها طب ازاي متجوز ومحدش كان عارف او عنده خبر طب وكل اللي كان بيعمله معايا دا كان اي معقول كان مجرد وهم وكده وراح ؟
انهارت في العياط وكتمت صوت شهاقتها عشان ميسمعهاش.
عند احمد.
احمد بغضب: ماشي يا سمية بتقفلي تليفونك وبتعملي معايا كدا عنك ما جيتي..
سكت للحظة.... اوف خلاص انا هنزل اروح ليها حقها تزعل وتغير ما هي بتحبني بردو.
حور كانت بتعيط و لاقته هيدخل عملت نايمة ومسحت وشها....
احمد دخل لبس و بص لحور بقرف ومشي....
حور قامت اتعدلت وبصت له بدموع: منك لله يا احمد حسبي الله ونعم الوكيل فيك بس انا مش هسيب حقي ولازم اعرف مين الزبالة اللي انت متجوزها واكيد هي اللي كانت بتضربني تمم انا مش هرحمكم ورحمة جدي ما هسيبكم لازم امشي الامور عادي عشان اعرف مين الحيوانه بتاعتك قد اي انت طلعت حقير اوي اتفوووو.
بعد شويه...
احمد وصل ودخل الشقة لاقى سمية نايمة..
احمد بحنان: سوسو اصحي يا روحي انا جاية اصالحك ميهونش عليا زعلك.
سمية بنوم: سيبني انام يا احمد انا مش فايقه لك دلوقتي.
احمد بحب: يا روحي انا جيت لك اهو وسبتها مرميه في البيت اصحي ونروح نتعشا سوا.
سمية بغضب : احممدد سيبني عاوزة اتخمد روح لمراتك عشان مش طايقة اشوف وشك ولا اسمع حسك اصلا..
احمد بحب: خلاص بقا يا حبيبتي طب بصي جبت كده انا جبتلك السلسلة اللي كان نفسك فيها اهو.
قامت بسرعه: ايه بجد وريني كده
خدتها منها بفرحه: الله انا كان نفسي فيها اوي يا حبيبي.
حضنته وهو ابتسم: مفيش حاجه تغلى عليكي يا حياتي.
تاني يوم...
حور قامت ببرود لاقته لسه مجاش ابتسمت بسخرية: اكيد راح ليها او خدها برا بس انا مش هسيبكم.
رنت عليه..
احمد بنوم: امم الو مين.
حور بجمود: انت نمت برا ولا اي يا احمد مال صوتك.
احمد فاق بخضة: ح حور اي يا حبيبتي انا نزلت الشغل بدري ومش رضيت اصحيكي و غفلت شويه انت عاملة اي يا روحي.
حور بجمود: بخير انا نازلة الجامعه سلام.
قفلت في وشه.
احمد باستغراب: هي مالها دي اول مرة تقفل في وشي كدا وتكلمني كدا.
سمية دخلت وهي بتسرح: اي يا بيبي انت صحيت مكنتش عاوزة ازعجك.
احمد بخبث: انتي بالذات تزعجيني زي مانتي عاوزة تعالي اوصلك الجامعه.
سمية ببرود: و انت بقا كنت بتوصل السنيورة.
احمد ببرود: لا طبعا ولا مرة ماهي توصل نفسها عندها عربيتها تغور المهم هنزلك قبل الجامعه بشوية عشان محدش يشوفنا.
سمية بغيظ: لحد امتي هنتصرف كاننا بنسرق انا زهقت بجد.
احمد بحب: خلاص هانت وامضيها علي التنازل متقلقيش.
سميه ببرود: ماشي يا احمد اما نشوف اخرتها اي.
بعد شويه...
حور قاعدة سرحانه والدموع في عنيها سامي كان معدي شافها كدا حس بقلق عليها راح ليها..
سامي باستغراب وقلق : انتي كويسة يا حور.
حور بحزن: اه يا دكتور الحمدلله وحضرتك عامل اي.
سامي بهدؤء: طب ولي عيونك مليانه دموع اوي لو عاوزة حاجة احم انا موجود متنسيش انه انا اللي مربيكي.
حور بسخرية: كنت... دلوقتي انت في مكان وانا في مكان تاني وطريقنا مختلف
سامي بهدؤء: تمام انا قولت اجاي اطمن عليكي.
حور ببرود: من امتي الحنيه دي كلها اصلا بس عادي انا كويسة يا دكتور عن اذنك عشان مستنيه صحابي.
مشيت وهو اتنهد بهدؤء ومشي...
عند احمد..
وصل قبل الجامعه بشوية..
سميه باست خده ونزلت تدخل الجامعه...
حبيبه بصدمة: نهار اسود ومنيل اي اللي بيحصل دا مش معقولة سميه مع احمد جوز حور طب ازاي.
دخلت ورا سميه...
حور بابتسامة: اتاخرتوا ليه انا مستنياكم من بدري.
سميه بابتسامة باردة: معلش عربيتي عطلت و اتضريت اجاي ب اوبر.
حبيبه جت: ازيكم يا بنات.
حور بابتسامة: بخير يا اختي وانتي كنتي فين.
حبيبه بابتسامة: جيت اهو ياختي اه صح يا سمية هو احمد جوز حور اللي كان معاكي برا دا.
حور بصدمة: اييي جوزي احمد.
سمية بغضب وتوتر: احمد اي انتي مجنونه ولا شكلك كدا انا جاية ب اوبر يا حبيبتي هيا ناقصه رمي جتت واحمد مين دا اللي هاجي معاه اصلا.
حبيبه باستغراب: انا متاكدة اني...
سمية بغضب مقاطعه: اكيد نظرك ضعف انا رايحه المحاضره بلا كلام فارغ.
مشيت وحور بصت ليها بشك.
حبيبه بحزن: هو انا قولت حاجه غلط يا حور والله العظيم شوفتها مع جوزك وكانت بتبوسه من خده والله مش بكدب يا حور.
حور بجمود: وانا مصدقاكي يا حبيبه كدا انتي اكدتي لي حاجه مهمة اوي و خلتيني اعرف اللي كنت هموت واعرفه من امبارح.
حبيبه باستغراب: هو اي وبعدين مالك حاساكي متغيرة اوي.
حور بحزن: هحكي لك بس انا لازم اتاكد الاول.
حبيبه بصت ليها باستغراب: تتاكدي من اي مالك يا حبيبتي طمنيني عليكي.
حور بدموع: احمد بيخوني يا حبيبه بيخدرني كل ليلة عشان يجيب الحيوانه بتاعته وسمعته وهو بيكلمني وانا عاملة نفسي نايمه انه اتجوزني عشان خاطر ياخد ورثي و تاخدي الكبيرة.
حبيبه باستغراب: اي تاني هو في اكبر من اللي بتقوليه دا كله.
حور بجمود: طلع متجوز قبلي ومخبي عن الكل و انا لازم اعرف هيا مين.
حبيبه بتفكير: طب وهتعرفي ازاي.
حور بجمود: هقولك بعدين هروح اشوف سمية فين.
بعد شويه...
سمية كانت بتكلم احمد.
سمية بخوف: حبيبه يا احمد شافتني وانا معاك وجت قالت قدام حور وانا هربت منهم وزعقت ليها معرفتش اعمل اي.
احمد بخوف: انتي بتقولي اي وحور عملت اي.
سمية بتوتر: معرفش بس اكيد مش هتصدقها احنا لازم نعمل حاجه يا احمد.
احمد بتفكير: هو مفيش غير حل واحد انك تملي دماغ حور من ناحية حبيبة.
سمية باستغراب: املا دماغها من ناحيتها ازاي يعني مش فاهمه.
احمد بخبث: هقولك ازاي بصي انت هتقولي ل حور انه حبيبة بتكرهك وبتوقع بينك وبينها وانا متاكد انك هتقدري تعملي كدا و تقنعي حور بكل الطرق انه حبيبة بت غلوية منك ومنها .
سمية بتفكير: عندك حق وكدا يبقا ولا كانه حاجه حصلت بس اسمع مني انا مش هفضل في الرعب دا كدا كتير.
احمد بهدؤء: هيخلص كله هيخلص.
سمية ببرود: تمام معاك اسبوع يا احمد لو الحوار دا مخلصش والكل عرف اني انا مراتك و الاولي وهيا تطلقها وترميها للكلاب انا بنفسي اللي هروح واقولها واللي يحصل يحصل مش هيهمني اي حاجه.
احمد بخوف: يا حبيبتي هخلصه والله انتي الاولي وهتكوني الاخيرة وهي بس مصدر للفلوس.
سميه ببرود: ماشي يا احمد اقفل انت دلوقتي.
قفلت معاه وهي متغاظة علي اخرها...
بعد شوي.
حور باستغراب وهيا بتكلم سمية في التليفون: انتي فين يا سمية بدور عليكي مش لاقياكي
سمية بخبث: في مكتب دكتور نور ادخلي وانا هناك مستنياكي
حور بهدؤء: تمام.
خبطت ودخلت لاقت انور شدها لحضنه: .. اخيرا يا حور جيتي لي .. انا مصدقت انك رضيتي عليا ووافقتي انك تجيلي المكتب برجلك.
حور زقته بغضب لما قرب منها: اي دا فيه اي انت اتجننت ؟ ابعد ايدك القذره دي عني.
نور بحب: يحور اهدي .. انتي عارفه اني بحبك وهبقي جمبك بدل جوزك اللي مفيش منه منفعه ده وهخليكي تخلعيه ونتجوز احنا
حور بقرف بتزقه: ابعد عني انت مريض وانا هسكت عن التجاوزات وهشتكيك للعميد
بيمسك أيدها بالعافيه وفجاءة الباب اتفتح وسميه ومعاها طلاب موجودين: ده اي اللي بيحصل هنا دا انتو بتعملو اي ؟ اي اللي بيحصل هنا ده يا دكتور أنت وحور ومالكم مقربين اووي من بعض كده ؟...
نور ببرود: انا وحور بنحب بعض من زمان وهتطلق من جوزها ونتجوز انا وهي..
حور بصدمة: انت بتقول اي انت اكيد مجنون انا ست متجوزة و عمري ما فكرت فيك كدا صدقوني والله و بعدين انتي يا سميه اللي قولتيلي انك هنا وانا جيت اشوفك.
سمية ببرود: لا طبعا انا قولت لك انك تقابليني في الكافتريا بس انتي قولتي لا هتروحي ل دكتور نور عشان وحشك وعاوزة تشوفيه.
حور بصدمة: انتي كدابه ...اي الكلام الفارغ اللي بتقوليه دا.
سمية بمكر: دا اللي حصل واهو عرفنا دلوقتي انتي بتنجحي ازاي في مادته اتاريكي ماشيه شمال أخص
.
كف قوي نزل علي وشها...
حبيبه بغضب: حور اشرف منك الف مرة يا رخيصه و دا حصل لأني كنت معاها وروحت الحمام والكل عارف ب اخلاق حور واخلاقك القذره
سمية حطت ايديها علي وشها: انتي بتمدي ايدك عليا يا رخيصه انتي كمان ... اهااا تلاقيكي مرفقاه زيها و...
: كلمة زياده انا هحولك للتحقيق مفهوم.
بصوا للصوت و حور اول ما شافته جريت استخبت في حضنه ودموعها نازلة..
سامي بحنان: اهدي متخفيش انا جنبك
حور بدموع: والله العظيم كدابين انا معملتش حاجة يا سامي.
سامي بحنان : عارفك انا اللي مربيكي و الناس كلها عارفة اخلاقك.
واحد من الواقفين: حور بنت محترمة وفي حالها وكلنا كنا شاهدين ب انه دكتور نور هو اللي بيقعد يقرب منها وهيا بتصده علي طول.
حد تاني بتذكر: ايوا صح و قبل كدا حاول انه يمسك ايديها زمان وهي لمت عليه الناس.
نور بغل: اخررسوا كلكم مش عايز اسمع صوت حد فيكم أنا وحور بنحب بعض وهيا بقيت تخصني وغورو كلكم من هنا ولا هسقطكم كلكم ..
سامي بص ل حبيبه: تعالي خليكي جنبها دقيقه.
حبيبه راحت خدت حور في حضنها و سامي شمر كمه و الطلاب بعدوا وابتسموا...
سامي بهدؤء : قول كدا تاني حور مالها عشان مسمعتش كويس ؟
نور بتوتر: اللي سمعته و هخليها تطلق و اتجوزها و...
ضربه بالبوكس ونزل فوقه ضرب علي اخره و حور شهقت بخوف...
سمية حست انه الموضوع اتقلب عليها بعدت لورا....
حور بصت ليها بقرف...
بعد شويه في مكتب العميد...
العميدة بهدؤء: دكتور نور انت مفصول ومتحول للتحقيق بسبب سلوكك السئ مع الطلاب دا غير انه متقدم فيك شكاوي كتير بسبب تعاملك الغلط مع الطلبات..
نور بألم ووشه متعور: كدب كل دا كدب ويفندم صدقني
العميدة بهدؤء: لا مش كدب انت متسجل لك كمان اتفضل برا والامن هيمنعك من الدخول هنا تاني لحد التحقيق ما يخلص
خرج بغيظ...
العميدة ل حور: انا بتأسف لك يا حور عن اللي حصل ولو حابة تقدمي شكوي علي زميلتك سميه بسبب كلامها ليكي انا هتعامل معاها..
حور بصت ل سميه بجمود: لا شكرا دي مهما كانت زميلتي و كانت صاحبتي.
العميدة بهدؤء: تمام يا حور طول عمرك متربية وزينة البنات عكس غيرك ... ربنا يحميكي يبنتي ويخليكي لأهلك
سمية بغيظ: قصدك اي اني مش متربية يعني.
العميدة بجمود: كلمة زيادة تاني هفصلك شهر وتتحرمي من اعمال السنه.
سمية سكتت وخرجت بغضب...
سامي بهدؤء: حور تقدري تروحي انتي ومتحطيش اللي حصل ده في بالك.
بيدخل احمد جري: حور حبيبتي حصل اي.
حور بعدته عنها ببرود وبصت للعميدة: شكرا ل حضرتك انك واقفتي معايا عن اذنكم..
حور خرجت واحمد استغربها وراح وراها..
حبيبه بصت ل سامي بأبتسامة وخرجت..
بعد شويه عند احمد وحور في العربية..
احمد باستغراب: يا حور احكيلي اي اللي حصل بالظبط انتي ساكته ليه كده.
حور ببرود: عاوز تعرف اي اللي حصل سمية صاحبة عمري اتهمتني قدام الكل بتهمه زبالة اني كنت في حضن دكتور نور مع انها اللي قالت انها في مكتبه وعاوزاني وأول م دخلت المكتب لقيته حاول يقرب مني ومنعته و لاقتها دخلت وجابت الطلاب و كانت عاوزة تفضحني.
احمد بصدمة: هيا عملت كدا ؟
حور بجمود: اه عملت كده ولولا الكل شاهد ب اخلاقي كانوا صدقوها وكان زماني في نظر الكل واحده رخيصه.
احمد بغيظ: تمام ولا يهمك مش العميدة اتصرفت خلاص.
حور بجمود: اه اتصرفت يلا روحني عشان زهقت و عاوزة ارتاح شويه.
احمد بهدؤء: تمام يلا...
عند سمية...
كانت خارجة من الكلية حبيبه وقفت قدامها..
سمية ببرود: خير جاية تعلميني درس عن الاخلاق يا ست الشيخه.
حبيبه بقرف: انتي ازاي كدا ازاي طلعتي بالحقد والغل دا كله بجد انتي ملكيش عندي غير حاجه واحده.
سمية ببرود: واي هيا بقا يا ترا..
حبيبه بقرف: اتفووو علي تربيتك الزبالة يا احقر خلق الله يا غدارة يا حيوانه اتفوووووو.
مشيت و سميه وشها احمر من الغضب: وقسما بالله لهوريكي يا حبيبه انا هخليكي تندمي ندم عمرك كله انتي وست حور بتاعتك.
بعد شوية...
احمد خرج البلكونة يكلم سمية..
احمد بغيظ: اي القرف اللي انتي هببتيه مع مراتي دا.
سمية ببرود: وانا اي هيا مراتك وانا مراتك قبلها اعمل اللي انا عاوزاه يا احمد حور تستاهل.
احمد بغضب: لا حور متستاهلش انتي اي اللي حصل في دماغك عشان تعملي معاها كدا مش اتفقنا انه كل دا قرب يخلص تقومي عاوزة تفضحيها مفكرتيش في منظري هيكون اي.
سمية بغضب: وانا مالي بمنظرك المهم اني اخد حقي من الحرباية مراتك اللي خدتك مني و الله العظيم يا احمد لو دفعت عنها تاني انا هاجي و هقول كل حاجه وعليا وعلي اعدائي انت فاهم.
قفلت في وشه و هو اتصدم من ردها...
احمد بصدمة: معقول للدرجة دي مش بيهمها شكلي ولا منظري هيكون ازاي قدام الناس ليه تعمل معايا كده وازاي اصلا تعمل كدا.
حور جت بشاي: اتفضل يا احمد عملت لك الشاي بتاعك عاوز حاجه قبل ما انام.
احمد بحزن: انا اسف ليكي جدا يا حور .. انا مشوفتش حاجة وحشه منك عشان اعمل كل دا.
حور بتمثيل الاستغراب: قصدك اي يا احمد انا مش فاهمه حاجه.
احمد بتوتر: مش قصدي حاجه انا نازل رايح مشوار مش هتأخر.
حور بسخرية: ولا تتأخر براحتك انا كدا كدا هنام.
احمد بهدؤء: تمام يا حور تصبحي علي خير...
خرج و سابها و عدا نص ساعة والباب خبط راحت فتحت الباب..
حور بصدمة: انت.
سامي بهدؤء: ايوا انا احم ادخل ولا غير مرغوب فيا.
حور باستغراب: تعالى ادخل انا بس مستغربه ان انت اول مرة تيجي تزورني هنا اصلا.
سامي دخل وقعد بهدؤء: بصي انا عارف انك زعلانه مني و أن أنا وانتي علاقتنا مش زي الاول ومهما كان انا ابن مرات ابوكي بس يا حور انا بخاف عليكي ومش عاوز اشوفك زعلانه لو في حاجه عاوزة تحكيلي عليها قولي وانا جنبك احنا في مقام الاخوات بردو ميغركيش النكش اللي بيحصل بينا في الكليه ده.
حور قعدت بحزن: انت جيت لي في اكتر وقت أنا محتاجه حد فيه يكون جنبي يا سامي ... فا بصراحه انا مليش غيرك عشان كدا هقولك كل حاجه وبالمره تقولي اعمل اي لأني بجد تايهه ومش عارفه اتصرف.
سامي بهدؤء: قولي طيب وانا جنبك ومش هتخلى عنك يا حور.
حور حكت له كل حاجه بدموع..
سامي بصدمة: مع سمية انتي متاكدة من الكلام دا ؟
حور بحزن: كنت شاكه بس اتأكدت اكتر بسبب اللي عملته معايا النهارده
سامي بغضب: بن الكلب كان مخبي علي الكل و هو متجوز عشان طمعان في ورثك وديني ما هرحمه.
جاي يقوم مسكته: لا يا سامي ارجوك متعملش حاجه انا مش عاوزة اتصرف دلوقتي وفي نفس الوقت مش هسكت عن حقي.
سامي بخبث: طب أنا عندي فكره حلوه هقولك عليها وتفذيها بالحرف الواحد و بدل ما هيا كانت هتفضحك تفضحيها انتي قدام الدنيا كلها.
حور بأستغراب: يعني اي مش فاهمه.
سامي بذكاء: هنزل شويه اشتري حاجه وجاي مش هتأخر استنيني هنا..
نزل وهيا بصتله باستغراب...
بعد شوي.
رجع و كان معاه كاميرا صغيرة..
حور باستغراب: كنت فين واي الكاميرا دي
سامي بص علي النجفه: دي هنحطها علي النجفه و هنصورهم لما يتقابلو هنا و نهددهم بالفديوهات والفضيحه.
حور بأبتسامة خبيثة: ودا هيخليهم يترعبوا انا موافقة.
سامي ابتسم بمكر....
فجاءة الباب خبط..
رهف بخوف: دا ممكن يكون احمد لو شافك هقوله اي وهو عارف اننا بينا مشاكل.
سامي قعد بخبث: عادي اخوكي وبيزورك يا حور محدش له عندك حاجه.
راحت شافت من الباب بذهول: مش معقول دي سمية.
سامي بخبث: حلو اوي جت برجليها هصورها فديو وهيا بتتكلم معاكي وخدي بالك من كلامك لانه مجيتها هنا مش بالساهل .
حور بجمود: تمام اتداري انت هنا وانا هفتح
حور فتحت بقرف : خير جاية هنا لي تاني يصحبتي اقصد ياللي كنتي.
سمية بخبث: انا عمري ما كنت صحبتك وبسبب التعليق اللي خدتها بسببك النهارده ده فانا جاية عشان اقولك تاخدي بالك من نفسك لأن اللي جاي عليكي هيخليكي تندمي ممكن لا قدر الله حد يرمي في وشك مياة نار او يخبطك خبطة تجيب اجلك .
حور بصدمة: ياااه للدرجة دي انت عاوزة تأذيني طب لي عملتلك اي لكل دا يا سميه.
سميه بحقد: اه عاوزة اذيكي ولو اطول اطلع بزمرة رقبتك هعملها عارفة ليه لان الكل بيحبك و شايفك انتي وانا لا ... حتي اهلي كل ما يشفوكي يقولوا حور واخلاقها وكوني زيها عندك فلوس والكل بيحبك وانا لا ... وعندك جوزك اللي المفروض يكون ليا بس انتي بردو خدتيه مني.
حور بخبث : خدته منك ازاي يا سميه انتي بتخرفي تقولي اي.
سمية بغل: هتعرفي كل حاجه بس مش دلوقتي سلام.
مشيت و حور دموعها نزلت لاقت سامي وراها..
حور بحزن: صدقني لو كنت اعرف انهم متجوزها مكنتش هحبه ولا اقرب له حتي لو جم دلوقتي وقالوا مكنتش هعمل معاهم حاجه لكن دول اذوني وهي كانت هتدمر لي سمعتي وماشيه تسب في شرفي واخلاقي يا سامي.
سامي بهدؤء: بكرا هنعملها الادب يا حور.
تاني يوم...
احمد بات عند سمية و مكلمهاش في حوار حور بالعكس كان بيحاول يراضيها..
احمد بحب: اي يا روحي مالك بقالك يومين وشك اصفر.
سمية بتعب: مفيش برد في بطني المهم انت كدا ضمنت ان حور مش هتخلف تاني صح استمرارها مع الادوية المنومه مع منع الحمل عملوا مفعول عالي.
احمد بتوتر: انا خايف حور تعرف بالسر اللي مخبينه عنها دي هتولع الدنيا لو عرفت.
سمية ببرود: تغور حور وسيرتها و....
مكملتش جملتها ولقيت الباب بيحبك
راحت تفتح لاقت البوليس..
سمية باستغراب: نعم ؟
الظابط: انتي سمية منعم.
سمية باستغراب: ايوا انا في حاجه ؟
احمد راح جنبها... في اي يباشا ؟
الظابط: انتي مطلوب القبض عليكي بتهمة بث الزعر والتهديد اللفظي لمدام حور العزمي
سميه بصدمه : نعمممم ؟؟ تهديد اي ..
الظابط بجمود: اتفضلي معانا من فضلك من غير اي شوشرة دلوقتي.
سمية بخوف: انا معملتش حاجة دي كدابة وبتتبلي عليا الحقني يا احمد.
الظابط للعساكر: هاتوها وحصلوني علي تحت يلا.
نزل و العساكر مسكوها..
احمد ل سميه: متخفيش يا حبيبي انا جاي معاكي.
قبضوا عليها وهو راح ورا البوكس...
بعد شويه..
بيدخلوا القسم و احمد مع سمية و حور بتبصله وبتمثل الصدمة: اي دا احمد انت بتعمل ايه هنا.
احمد بتوتر: احم حور انا كنت جاي لك لما عرفت انك هنا.
سمية بغضب: كنت جاي لمين لعلمك بقا احمد كان عندي واسألي الظابط هيقولك.
حور بتمثيل الصدمه: كنت في شقتها يا احمد هيا حصلت.
احمد بتوتر: هفهمك بعدين تعالي نشوف الظابط الاول انا مش فاهم حاجه.
حور في نفسها بقرف: ولا عمرك هتفهم يا احمد.
في مكتب الظابط......
الظابط سمعهم الفديو وسميه بتهدد حور..
سميه بتوتر: دا كدب ده فديو مفبرك يا باشا دي بتكدب والله.
حور بجمود: لا مش بكدب وفي ايدك الدليل يا فندم.
احمد بغيظ: نحل الموضوع ودي يا حور مكنش له لازمة ندخل البوليس بينا كدا غلط.
حور ببرود: وانا هاخد حقي بالقانون ومش هتنازل عن المحضر اللي عملته ليها.
سمية بغل: خرجيني من هنا يا حور احسن لك انا مش هتسجن انتي فاهمه ولا لا.
حور بخبث: سامع يا فندم طريقتها دي تستاهل مؤبد والله.
احمد لحور بغضب: يا حور عيب كدا دي صحبتك.
حور برفع حاجب: وانت مالك بتدافع عنها اوي لي كده واي اللي بعتك شقتها من الاساس يا احمد.
احمد بغيظ: روحت احل المشاكل اللي بينكم بس ملحقتش ومرضتش اقولك عشان متزعليش.
حور بخبث: وكنت بايت فين بقا ان شاءلله.
سمية بغضب: عاوزة تعرفي كان بايت فين يا ست حور..
حور بخبث: اه قولي كان فين بسلامته.
احمد بص ل سمية بصة خافت منها..
سمية بتوتر وخوف: معرفش هو جوزي ولا جوزك
الظابط: خلصتوا ممكن كفايه بقا مدام حور احنا هنعمل محضر عدم تعرض ولو حصل اي حاجه يبقا سمية هتتسجن.
سمية بصدمة: هتسجنوني لو حصل اي حاجه ليها ؟
الظابط بهدؤء: ايوا طول مانتي في حالك وهيل في حالها خلاص.
سمية بتوعد: تمام اوي انا موافقه.
حور في نفسها: دا لسه اللعبة هتحلو اوي يا سمية..
بليل....
احمد بغضب: يووه انا زهقت بقا من التصرفات دي ومش عارف اهبب اي.
حور بابتسامة: تصرفات اي ؟انا باخد حقي بنفسي فا اي المشكله ؟
احمد بجمود: لا مش غلط بس مش كدا يعني يا حور.
حور بدلع: يا حبيبي متزعلش نفسك انا خلاص اتصرفت ها مش هتشربني العصير بتاعك الحلو ولا مقموص بقا مني يا حبيبي.
احمد بخبث: لا يا روحي مش مقموص وهقوم حالا اعملهولك دا انتي تؤمري امر يا نور عيني.
حور بدلع: ربنا يخليك ليا يا حبيبي يلا قوم اعمله بقي
عند سامي...
جاله تليفون من حد..
سامي بهدؤء: ايوا عملت اي.
الشخص بهدؤء: اللي كنت شاكك فيه صح يا باشا حور لما دخلت المستشفى من كام شهر وسقطت هناك مكنش بسبب النزيف ... دا حد دفع وطلب من الدكتورة تسقطها
سامي باستغراب: ومين الحد دا عرفت اسمه.
الشخص بهدؤء: ايوا هما اتنين راجل وست اساميهم سمية و واحمد
سامي بصدمة وغضب: يعني ابن حور وقتها كان عايش وهم اللي طلبوا من الدكتورة تسقطها ياولاد الكلب دول عصابه بقا.
الشخص بتوتر: وفي حاجه كمان عرفتها يا باشا.
سامي باستغراب: حاجة اي تاني هو في انيل من الخبر اللي سمعته منك.
الشخص: وقتها جوز الست حور طلب من الدكتورة منوم و حبوب منع الحمل و الدكتوة قالت له انه دا خطر علي حياتها وممكن لا قدر الله يسيبب الوفاة او مرض خبيث لانه هيدوب الاتنين مع بعض.
سامي بصدمة: وهيا اكيد موافقتش تشاركه في الجريمة دي صح..
الشخص.. لارد..
سامي بزعيق: انطق وافقت ولا لا.
الشخص بحزن: وافقت ومن وقتها حور للاسف بتاخدهم لحد النهارده.
سامي قعد بصدمة وغضبه عماه: ولاد الكلب وقسما بالله ما هرحمهممممم الاتنين.
خد مسدسه وطالع الشخص وقفه: يا باشا بلاش اي تهور منك دلوقتي دول لازم يتربوا انت هتلوث ايدك بيهم وهم مش يسوا ربع جنيه حتي لازم تفكر بعقل.
سامي قفل التليفون و وقف بجمود: عندك حق انا هربيهم ومش هخليهم بس يتمنوا الموت دا انا هخليهم ب يخلصوا علي بعض بأيديهم
عند حور...
احمد اداها العصير وجاله له تليفون حور قامت رمت العصير من الشباك كالعاده وعملت نفسها نايمة علي الكنبه لحد ما جه احمد..
احمد بغل وقرف: بسببك مراتي دخلت القسم وكانت هتتسجن وانا هخليكي تشحتي قريب اوي.
شالها رماها علي السرير جوا و كلم سمية تيجي...
بعد شوي...
سمية جت واحمد فتح ليها..
سمية بغل: هي فيين الحيوانه حوررر.
احمد بهدؤء : رمتها في اوضتها في اي يا سمية ما خلاص يا حبيبتي الموضوع خلص
سمية جريت علي اوضة حور وطلعت سكينه: انا هقتلك يا بنت الكلب علي اللي عملتيه فياااا.
احمد اتخض مسكها: يا مجنونه بتعملي اييي.
سمية بزعيق: اوعا سيبني يا احمددد انا هخلص عليهااا سبني.
خدها برا وشد منها السكينه ..
احمد بغضب: اهدي بقا يا سمية هتودي نفسك في داهيه ليه عشان خاطر واحدة زيها.
سمية بحقد: متغاظه منهاااا يا احمدددد هطق همووت.
احمد بجمود: همضيها بكرا و ارميها للكلاب متزعليش نفسك بقا وخلينا نكون مع بعض
حور كانت سامعه كل حاجه ..
تاني يوم...
احمد كان نايم و سميه جنبه...
لاقوا مياه وقعت عليهم...
صحيوا بخضة..
حور بخبث: وفرت عليكم غسيل وشكم اهو المفروض بقا تشكروني.
احمد بصدمة: حور ... ا اي دا سمية انتي بتعملي ايه هنا.
سمية ببرود: مراتك وحقي اكون موجوده جنبك اي رايك في المفاجأة دي يا حور هانم.
احمد اتصدم وحور بصت ليهم بقرف.
حور ببرود اكبر: مانا مش مصدومه ولا متفاجأة يا حبيبتي بالعكس انتو اللي هتتفاجوا دلوقتي ب احلي مفاجأة في حياتكم ..
احمد بتوتر: حور انا هفهمك انتي التانية انا متجوزتش عليكي هي الاولي والله و لو عاوزة اطلقها هطلقها عشان خاطرك.
سمية بغضب: انت بتبعني وعلي اساس انك مغرم بيا يا احمد طب خدي الكبيرة هو كان عاوز فلوسك واتجوزك عشان جده جبره لولا كدا كان زماني انا مكانك.
حور بسخرية: عارفة ومش من دلوقتي و اه هو ما أعلنش جوزاكم لانه اصلا متجوزكيش يا سمية البيه متجوزك عند واحد صاحبه كان عامل مأذون يعني يا روحي انتي عايشه معاه في الحرام يعني انتي بالنسباله واحده رخيصه
سمية بصدمة: انتي بتخرفي تقولي اي اكيد بتحوري عشان خاطر توقعينا في بعض رد يا احمد.
احمد بتوتر: كدب يا سميه انا متجوزك علي ايد مأذون حقيقي وانتي يا حور بطلي حواراتك دي وبطلي توقعي بينا
حور ببرود: براحتك متصدقيش انا قولت انبهك و المفاجأة الكبري اهي..
طلعت فديو ليهم و لكلامهم و تخطيطهم واتفاقهم عليها ...
حور بخبث: بصراحه شكلكم حلو اوي وانتو في الفديو بالوضعيات دي ... تخيلوا انشر الفديو هتبقي فضيحه بجلاجل
سمية بغضب وصدمة: انتي بتصوري صحبتك يا حور هيا دي اخرتها.
حور بسخرية: صحبة مين متصدقيش نفسك والنبي دي انت ارخص من الرخص بكتير اوي.
احمد بغل: انتي عاوزة اي بالظبط يا حور ؟
حور ببرود طلعت ورقه: انا عايزاك تتنازل لي عن كل املاكك الشقق والعربية و نصيبك في الشركة
احمد بغضب: انتي اكيد مجنونه انا مستحيل اوافق علي كل دا بعينك يا حور و انتي اللي هتتنازلي عشان خاطر اوافق اطلقك.
حور ببرود: خلصت كلامك؟ انا ممكن اخلعك دلوقتي حالا بالفديو اللي معايا ده ولا هيهمني حاجه ف بالذوق تطلقني وتمضي و همسح الفديو والا تجهز نفسك انت والحلوه دي لأني هبعت الفيديوهات والصور دي لأهلها في الصعيد وشوف بقي لما يعرفو اللي انت عملته د
في بنتهم ده هيعملو فيك اي ده غير جدك لما يعرف انك بتنيمني وتجيب واحده البيت وتعملو افعالكم القذره دي.
سمية بدموع: احمد طلقها و سيبها وانا جنبك ابوس ايدك متخلهاش تفضحني اهلي في الصعيد لو شموا خبر زي ده هيخلصوا عليك وعلينا ابوس ايدك وافق.
احمد بجمود: مش هخسر كل حاجه يا سمية ومش هوافق تفضحني براحتها انما اتنازل عن املاكي تبقا بتحلم
سمية بدموع: ولا عشان خاطر اللي في بطني طيب .. انا حامل يا أحمد.
احمد بصدمة: نعمم ؟انتي حامل ازاي !
حور بقرف: مبروك حامل من واحد متجوزك بالكدب
سمية بغل: اخرررسيي بطلي كدب بقا احمد مستحيل يعمل فيا كدا.
احمد بتوتر: حور خلاص انتي طالق بالتلاته هاتي ام الورقة دي...
مضي الورق وهيا خدتها بخبث: ميرسي يا طليقي والفديو اوعدك هيتحذف نهائي ومحدش هيشوفه يالله باي
احمد بتوعد: اللي عملتيه دلوقتي هتدفعي تمنه غالي جدا يا حور وخليكي فاكره اني هاخد كل هرجع كل ده الضعف انتي مشوفتيش وشي التاني ولا عارفه انا اقدر اعمل فيكي ايه.
حور ببرود: اللي بيهدد مبيعملش عن اذنكم يا حلوين..
مشيت ببرود...
احمد حدف الفازة مكان ما كانت واقفة..
سمية بدموع غل: البت دي لازم تموت يا احمد باي طريقه دي مش مضمونه ممكن تفضحنا
احمد بغل: عندك حق وانا مش هسكت ولا هسيبها تتهنا حتي.
سمية بجمود: انت بجد متجوزتنيش يا احمد وكنت بتمثل كل الوقت دا.
احمد سكت..
سمية بدموع: ارجوك يا احمد قول الحقيقه وحياة ابنك اللي في بطني لتقول انت متجوزني ولا لا.
احمد بغضب: انتي صدقتي كلامها؟ هي بتعمل كل دا عشان توقعنا في بعض واعتقد انها نجحت بدليل انك مصدقاها يا هانم.
سمية بهدؤء: لا خلاص مش مصدقه المهم اي اللي هنعمله مع البت دي.
احمد ببرود: هتعرفي كل حاجه في وقتها يا سوسو.
بعد شويه..
حور كانت قاعده مبسوطه: خلاص يا سا مي خدت حقي منهم وهو طلقني بجد انا حاسه اني مبسوطه اوي.
سامي بهدؤء: الف مبروك يا حور.
حور بابتسامة: الله يبارك فيك الحمدلله اني حاليا مش مخلفة منه و ابني راح ربنا مش اراد اني اخلف من واحد حيوان زي دا.
سامي بحزن: اه فعلا الحمدلله ربنا كريم.
حور باستغراب: في اي يا سامي حاسه انك متغير اوي لي كدا.
سامي بتوتر: مش عارف يا حور بس.. سكت بحزن..
حور بقلق: في اي انطق يا سامي متقلقنيش.
سامي بجمود: اووف بصي يا حور انا عاوزك تمسكي اعصابك من اللي هقوله هو صعب بس لازم تعرفيه.
حور باستغراب: ايي اللي اعرفو ما تنطق بقا يا اخي انا زهقت في اييييي.
سامي بهدؤء: لما كنتي حامل وجالك نزيف وقتها انتي ابنك كان لسه عايش مماتش و اللي طلب من الدكتوره انها تنزله وهو عايش احمد و سمية و مش بس كدا من وقتها بيدوكي منوم وحبوب منع الحمل عشان يمنعوا الخلفة
حور بعدم تصدق: سامي قول اني في حلم او انك بتهزر متقولش انه احمد عمل معايا كدا دا ابنه اكيد اللي قالك كدا كداب وعاوز يوجعني..
سامي بهدؤء: لا يا حور دي الحقيقه الاب هو اللي موت ابنه بايده عشان عاوز فلوس امه وبس و بعد كدا يرميها.
حور حست الدنيا بتلف بيها وقعت مغمي عليها وسامي جري سندها بخوف: حوور فوقي حصلك اي حوورر...
بعد شويه...
الدكتور: لازم ترتاح شويه الظاهر انها اتعرضت لصدمة عصبيه و ياريت لو تبعدها عن اي توتر وضغوط.
سامي بحزن: تمام يا دكتور اتفضل انت دلوقتي.
خرج الدكتور و سامي قرب باس دماغ حور وبعد بسرعه..
سامي بصدمة من نفسه: اي الجنان اللي انا بعمله دا ازاي عملت كدا دي زي اختي ازاي قربت كدا لا كدا غلط ومينفعش..
قلبه: بس انت من زمان وانت بتحبها و متنكرش انه هي لما اختارت حد غيرك بقيت بتعاملها وحش.
عقله ببرود: لا طبعا مينفعش احبها دي زي اختي وانا اخوها الكبير.
قلبه: زي اختك بس مش اختك في فرق كبير.
قاطع حواره مع نفسه حور وهيا بتفوق بدوخه...
حور بتعب: اه دماغي انا فين.
سامي بحنان: انتي في اوضتك يا حور.
حور بدموع: سامي انا كنت بحلم حلم وحش اوي كان انت وانا وبس زي دلوقتي وكنت بتقولي حاجه كسرت قلبي الحمدلله انه طلع حلم.
سامي سكت بحزن وهز راسه ب لا..
حور بدموع: يعني مكنتش بحلم وهم قتلوا ابني بجد و كانو هيخلصوا مني وكل دا عشان الفلوس ياخي ملعون ابو الفلوس مية مرة اللي تعمل في البني ادمين كدا.
سامي مسح دموعها بحنان: خلاص يا حور دي صفحة واتقفلت انسي بقا عشان تعيشي حياتك في فرح يا حور.
حور بدموع: انسي اي يا سامي؟ انسي خيانتهم و لا قرفهم ولا ابني اللي راح بسببهم انسي اي بالظبط ولا انسي اني مش هخلف تاني بسببهم؟ انسي ازاي قولي انت لو مكاني هتستحمل كل دا.
سامي بهدؤء؛ هقول الحمدلله انها جت علي قد كدا و هفضل اشكر ربنا لانه ربنا بيعوض و انا وانتي والكل عارفين انه عوض ربنا جميل.
حور بحزن: عندك حق انا فعلا لازم اقول الحمدلله يا سامي.
عند سمية و احمد...
احمد بخبث: انا عاوزك تروح الفيلا وتخلص منه ومش هيفضل غيرها لوحدها تخطفها وتيجي.
الشخص بخبث: بس كدا السعر هيزيد اوي يا احمد بيه و كمان دا مش اي حد دا سامي بيه بذات نفسه قتله غالي اوي
احمد بغيظ: هتاخد اللي انت عايزو بس تنفذ في اسرع وقت اتفقنا؟
الشخص بطمع: اذا كان كدا ف انا موافق علي طلبك واعتبره خلص.
احمد بشر: تمام تقدر تنفذ من دلوقتي يا شريف وهبعت لك نص الفلوس والباقي بعد التنفيذ ياحلو.
شريف بخبث: موافق و جهز نفسك للجنازة بتاعته سلام.
قفل مع شريف...
سميه جت بالم في بطنها: احمد انا بطني بتوجعني من شويه انزل هاتي لي اي مسكن او اي حاجه تريحني شويه.
احمد ببرود: سمية اطلعي من دماغي خليني اركز واعرف ارجع اللي هي خدته.
سميه بصدمة: انت بترد عليا كدا لي يا احمد اول مرة ترد كدا.
احمد ببرود: برد عادي يعني وبعدين روحي خدي لك اي مسكن ونامي انا مش ناقص اي صداع
سمية بغيظ: كل دا عشان عرفت ان سامي بقي مقيم معاها في الڤيلا ومبقاش يفارقها ؟ عاوز اي تانى منها يا احمد ما خلاص غارت.
احمد ببرود: انا مش هاممني كل ده..انا هرجع اللي هي خدته اضعاف وبدل ما تفضحني انا هوريها وش تخاف منه عمرها الجاي كله.
سمية بغضب: ماشي يا احمد براحتك بس خد بالك اني صبري ضيق تمام واه صحيح انا عاوزة قسيمة الجواز بتاعتنا.
احمد بزعيق: انتي بردو مصممة تتأكدي انك زفت مراتي يا ستي مراتتي والله انتي مراتي.
سابها و دخل الاوضة ورزعها..
سمية بغيظ: اكبر دليل علي كلام حور هو عصبيتك دي كلها يا احمد اكيد مخبي حاجه.
تاني يوم...
حبيبه راحت ل حور...
حبيبه بابتسامة: مبروك انه طلقك خلاص بقا فكي منه وعيشي حياتك يا حور.
حور بحزن: افك منه بعد كل اللي حكيتهولك يا حبيبه نفسي اجيبهم الاتنين واولع فيهم ب جاز وسخ بسبب عمايلهم.
حبيبه بابتسامة: يا حبيبتي اعتبريها صفحه واتحرقت و ركزي في الجاي اعملي لك مثلا مشروع او سافري عيشي حياتي اعملي حاجه لنفسك كدا متوقفيش حياتك علي الماضي.
حور بتنهيدة: عندك حق يا حبيبه ربنا يجزيهم كل شر هما الاتنين يستاهلو
النور قطع فجاءة...
حور باستغراب: في اي اول مرة النور يقطع هنا؟
حبيبه بابتسامة شغلت الفلاش: يا ستي دلوقتي ترجع يلا قومي اعملي لي شويه شاي كدا من ايدك الحلوة عشان نذاكر شوية يارب ننجح بس.
حور بأبتسامة: حاضر يا ختي قال و احنا فالحين اوي وبتوع مذاكرة.
حبيبه ضحكت...
بعد شويه..
شريف نط من علي السور ودخل من الباب اللي ورا..
شاف واحدة من ضهرها قاعده بتقرا في الكتاب ابتسم بخبث..
راح اتسحب عليها و طلع منديل وكتم نفسها خدرها...
سمع صوت عربية اتخض شالها و خرج جري..
دقيقه وحور خرجت..
حور باستغراب: حبيبه انتي روحتي فين.. بتدور ملاقتهاش.. الله هي راحت فين دي دلوقتي.
بيدخل سامي و النور بيرجع..
حور بضحك: وشك حلو النور رجع لما انت دخلت ازغرط.
سامي باستغراب: بس النور مبيقطعش هنا والغفير فين.
حور بلا مبالاة: يمكن راح اي مكان المهم حبيبه قابلتك برا.
سامي برفع حاجب: حبيبه صحبتك؟ لا محدش قابلني.
حور باستغراب: اومال راحت فين انا دخلت اعمل شاي وخرجت ملقتهاش.
بعد شويه...
شريف ربط حبيبه في المخزن وراح يكلم احمد..
شريف بخبث: البنت معايا بس الشاب ملقتهوش في البيت ف جبت لك البنت.
احمد بعصبية: انت مغفل كدا عملت نص المطلوب وسامي دا هيقف لينا زي اللقمة في الزور.
شريف بغيظ: بقولك اي انا عملت اللي عرفت اعمله وعاوز حقي.
احمد بخبث: ماشي انا هاجي وهديك لك حقك وهاخد حور سلام..
شريف بص علي حبيبه اللي فتحت بتعب: ااه انا فين بسم الله.. شريف؟
شريف باستغراب: هو انتي تعرفيني يا حور.
حبيبه باستغراب: حور مين انا مش حور وبعدين اه اعرفك مش انت شريف صاحب محمد اخويا.
شريف بصدمة: يخربيتك ابوكي انتي اخت محمد ريكا صاحب عمري.
حبيبه باستغراب: اه انت جايبني هنا ليه عاوز مني اي.
شريف بيضرب كف علي كف: مش انتي المقصودة اصلا المقصودة حور .
حبيبه بصدمة: حور صحبتي طب لي عاوز تخطفها وانت اصلا معقول تكون بتخطف الناس وبلطجي يا شريف.
شريف بجمود: الدنيا هيا اللي اجبرتني اعمل كدا وبعدين جوزها هو اللي عاوزها.
حبيبه بحزن: قصدك طليقها عاوزاها عشان يأذيها وانت ازاي تعمل كدا؟ الدنيا مهما تكون وحشه متروحش تأذي حد برئ لا تعرفه ولا يعرفك حتي انت عارف اللي خطفته دا اللي طلب منك هيعمل معاه اي عارف ممكن يأذيه ازاي؟ف انا بجد مش مستوعبه انك كدا.
شريف بغضب: خلاص مش عاوز اسمع نصايح من حد انا مجرد مواصلتي بجيب الحاجة اوصلها و اخد فلوسي وامشي وبعدين اه الدنيا هي اللي خلتني كدا لما ملقيش حق العلاج ل امي وتموت قدم عيني و لما الفقر والجوع يخلوا اختي الصغيرة تموت يبقا اعمل انيل من كدا ولولا اني بعمل كدا مكنتش هعرف اعيش واهو دلوقتي عايش احسن عيشه والكل بيعمل لي الف حساب.
حبيبه بزعل عليه: ممكن فعلا تكون الدنيا ظلمت بس انت اختارت الطريق السهل اللي اخرته يا الموت يا السجن.
شريف ببرود: مش فارقه معنديش حد يخاف عليا ولا عاوزاني حتي.
حبيبه تلقائي: لا في بس انت مش شايفه.
شريف بص لها باستغراب..
حبيبه بتوتر: اقصد اكيد في حد بيحبك و خايف عليك يا شريف باب التوبة مفتوح قول يارب وابعد عن السكة الوحشة دي و صدقني ربنا هيكرمك والله العظيم.
شريف راح فكها: امشي يا حبيبه وانسي اللي شوفتيه وعرفتيه واياكي تتكلمي وتحكي اي حاجه
حبيبه بدموع: تمام يا شريف بس ابوس ايدك بلاش تأذي حور تخيلها انها اختك الله يرحمها و الزبالة طليقها عاوز يأذيها اكيد مش هتسكت هي والله عمرها ما اذت حد عشان خاطري.
شريف كلامها اثر فيه: خلاص يا حبيبه ممكن تمشي بقا.
حبيبه بتوتر: طب احنا فين الدنيا ضلمت هروح ازاي لوحدي دلوقتي ممكن تتصل لي ب محمد.
شريف بضحك: كان بودي والله بس تليفوني قطع شحن تعالي هوصلك وامري لله يا.. سكت شوية.. انتي اسمك اي.
حبيبه بابتسامة جذابة: اخت صاحبك ومتعرفش اسمي انا اعرفك واعرف اسمك و علي العموم اسمي حبيبه.
شريف بابتسامة: ماشي يا ست حبيبه يلا عشان متتأخريش اكتر من كدا.
حبيبه بضحك : وعلي فكره انا جعانه بردو فا كمل جميلك وجيبلي شاورما عشان جعانه و
شريف بضحك: و انا جايبك افسحك يا حبيبه؟ دا انا كنت خاطفك وبرجعك
حبيبه بطفولة: هعيط والله العظيم انا ممكن اعيط عادي ومش هتعرف تسكتني والم عليك الناس واقول بيتحمرش بيا و...
شريف مقاطعا: بسسس بسس خلاص هجيب لك كل اللي انتي عاوزاه قدامي ياختي اما نشوف اخرتها.
حبيبه بابتسامة: اشطا يا ابو الصحاب يلا.
مشيت معاه وهو مبتسم...
عند حور... الباب خبط..
حور راحت فتحت لاقتها سمية: ياربي علي القرف اللي علي اخر الليل خير يا سمية جاية لي.
سمية بغضب: جاية عشان عاوزة اتاكد من كلامك عرفتيه ازاي ومين قالك عليه.
حور ببرود: وانا مالي ادلك علي الحقيقه ليه ما تسألي حبيب القلب يمكن يقولك الحقيقه مع اني اشك انه مستحيل يقولهالك.
سمية بغيظ: هو بينكر بس تصرفاته اتغيرت ودا معناه انه في حاجه غلط.. قولي اي هيا يا حور دليني علي الحقيقه.
حور ببرود: انا هدلك بس لله مش عشان حاجه تانيه مع انك بقرفك واللي عملتوه فيا وفي ابني متستهلوش.
سمية بتوتر: انتي عرفتي دي كمان طلعتي مش سهله خالص.
حور بقرف: اسمعي الماذؤن اللي قالك عليه يبقا صاحبه ودي صورتهم مع بعض..
طلعت التليفون وورتها الصور...
حور بقرف: و اه حاجه كمان مش لوحدك اللي ممثل انه جوزك دا كان عاملها كتير ودول بردو صور البنات اللي اتجوزها قبلك بنفس الطريقه..
ورتها باقي الصور و سمية بصدمة: مش معقول احمد يطلع منه كل دا.
حور بصت ليها بقرف وقفلت الباب في وشها...
سمية دمعه نزلت منها و راحت البيت عنده...
عند احمد..
سمية دخلت بغضب: انت كنت متجوز جواز كدب كام مرة قبلي يا احمد.
احمد بتوتر'مين قالك الكلام الفارغ دا يا سمية: .
سمية بغضب: حور لسه قايله لي الكلام دا والمرادي مش كلام فاضي دي معاها الدليل.
احمد بصدمة: نعم حور ازاي المفروض اني خطفتها وحاليا في المخزن متكتفه واللي خاطفها لسه مكلمني ومأكد عليا.. يبقي ازاي قالت لك؟ انتي بتحوري يا سمية.
سمية بغضب: مبحوررش انا كنت عندها انطق وقول الحقيقه يا احمد.
احمد ببرود: اه يا سمية كنت متجوز كتير وضحكت عليهم وانتي معاهم الوحيدة اللي اتجوزتها بجد هي حور.
سمية بصدمة ودموع: يعني عايش معايا كل دا في الحرام يا احمد ازاي هونت عليك تعمل فيا كدا ازززاي.
احمد بسخرية: اذا انتي هانت عليكي نفسك وهربتي من اهلك عشاني بس تعرفي انا ميزتك عن كل اللي كنت اعرفهم ب انه عشت معاكي اكتر و بصراحه كنت فاكر اني بحبك بس طلعت موهوم واكتشف انه كنت متعود بس علي وجودك في حياتي لا اكتر ولا اقل.
سمية بدموع: ياااه للدرجة دي؟ دنا هربت عشانك و خسرت كل حاجه عشانك انت وبس يا احمد دا انا كان همي انك تكون مبسوط.
احمد بعصبيه: والنبي بلاش الغنوه الكدابة بتاعتك دي... هم اي يا ام هم دا انتي والطمع اخوات انتي كنت معايا عشان الفلوس وانا كنت معاكي عشان اكون مبسوط يبقي خلصين.
سمية مسحت دموعها بجمود: وابنك اللي في بطني.
احمد ببرود: عادي هينزل زي اللي قبله هو مش احسن من ابني من حور يعني.
سمية بهدؤء غريب: تمام يا احمد وانا هعيش زي ما كنا لاني بحبك.
احمد بابتسامة خبيثة: جدعة وانا هنسي كل حاجه وهفضل جنبك يا سوسو.
سمية ابتسمت بجمود....
تاني يوم...
العمارة كانت مقلوبه و البوليس كان واقف بيعاين الشقه..
الظابط بهدؤء: لما راجعنا الكاميرات اللي في الشقة اللي قدمهم لاقينا القتيل خارج بيزحف قدام باب الشقه وست طلعت ضربته بالسكينه كذا طعنه ودخلته الشقه تاني وبعد شويه طلعو ومشيت
المباحث' باين اوي من اثر الجريمة انها اللي كانت معاه دي سمته واتخانقو كتير جوا وحاول يهرب منها ويطلع برا الشقه علشان يلاقي حد ينجده علشان كده كان طالع يزحف وهيا طلعت وراه قتلته وسحبته لجوا تاني وهرب .. اتصل بالطب الشرعي استعجلهم.
بليل عند حور...
سمعت الخبر ودمعه نزلت منها..
سامي بهدؤء: قتلته وهربت بس يارب الشىطه تلاقيها بدل ما تعمل مصايب تانيه والحمد لله اهو صفحة احمد دي اتقفلت خ
للأبد.
حور بحزن: ربنا يرحمه يا سامي.
بعد مرور سنه...
في يوم خطوبة حبيبه وشريف بعد اما تاب..
حبيبه بابتسامة: ربنا يهديك كدا وتفضل عاقل.
شريف بغيظ: دا علي اساس اني مجنون يعني.
حور بضحك: بس خلاص صلوا علي النبي انتو بتتخطبوا.
سامي بحب: عقبال عيالنا يا روحي.
حور حطت ايدها علي بطنها: يارب يا حبيبي مش مصدقة اني بقيت حامل الحمدلله ربنا كريم وجبر خاطري وعوضني بيك
سامي بحنان: عشان انتي تستاهلي كل خير.
تمت
رواية النوم المسموم بقلم الكاتب مصطفي جابر