انا وانت والحب (كاملة)
جاري التحميل...
انا وانت والحب
بين الزعل والعتاب بتواجه رحيل سليم بحقيقة إحساسها إنها بقت آخر حاجة في يومه لكن لحظة صادقة بينهم بتكشف إن الحب الحقيقي مش كلام الحب إنك تفضل متمسك باللي بتحبه مهما حصل.
كان اليوم مش لطيف من اوله والشمس طالعة بس مطفيه كأنها مش طايقة الدنيا ولا طايقة اللي بينهم رحيل كانت ماشية قدامه بخطوات سريعة وسليم وراها بخطوتين مش فاهم هي بتجري من إيه منه ولا من اللي جواها وقف وقال بصوت هادي بس متضايق رحيل استني ماوقفتش قلبها كان بيقول اقفي بس عقلها بيقولها كملي مشي قرب منها مسك إيدها وقال: هو أنا غلطت في إيه لفت تبصله عنيها مش بتعيط بس الوجع باين قالت بصوتها اللي بيتهز أول ما تزعل: أنت فاكر إني زعلانة علشان اتأخرت ولا علشان نسيت ترد على رسايلي؟ ولا عشان ناسيني انا اصلا؟ أنا زعلانة علشان دايما أكون آخر حاجة في يومك سليم اتصدم مكنش متوقع الكلام ده قرب منها خطوة وقال بصوت واطي قوي: إنتي آخر حاجة؟ ده أنا يومي ما بيبتديش غير لما أعرف كويسة ولا لأ (يقصد فرحه البدايات)😂😂 لف وشها بإيده بس هي بعدت سنة بسيطة مش لأنها زعلانه لانها خايفة لو بصت له تنسي اللي حصل منه🙂 قالت وهي بتشد نفسها: سليم أنا بحبك بس مش مستعدة أحب لوحدي الكلمة ضايقته بس برضه كانت الحقيقة اللي لازم يسمعها مسك إيدها كويس وقال: طب اسمعيني انتي أنا مش شاطر في الكلام ومش دايما بفهم الزعل من أول مرة بس عمري ما كنت هسيبك تحسي إنك لوحدك أنا بس بحارب فالدنيا دي وأوقات بنسى أحكيلك سكت ثانية وبصوت مليان حب قال: بس عمري ما نسيتك يا رحيل هي اتنهدت والصلابة اللي كانت ماسكاها بدأت تروح قربت منه وقالت: طب وريني وريني إنك معايا مش بس بالكلام سليم سحبها ناحيته قرب جبينه من جبينها وقال:من النهاردة هتبقي أول حاجة في يومي وآخر حاجة قبل ما أنام💜 هي ضحكت ضحكة صغيرة ضحكة اللي زعلها لسه موجود بس قلبها استسلم ومرة واحدة الدنيا حواليهم هديت والمشي اللي كان كله غضب بقى خطوة هادية ما بينهم وقالت له: سليم أنا لو بزعل بزعل عشان بحبك ولو برجع برجع عشان قلبي مالوش غيرك مسك إيدها وابتدوا يمشوا جنب بعض مش ورا بعض ولا قدام لا جنب بعض زي اتنين أخيرا فهموا إن الحب مش إنك تمشي الحب إنك تقف لما التاني يتوجع الحب انك تحاول عشان اللي بتحبه💜 #دعاء_يوسف #أنا_وأنت_والحب
