بدون عنوان

الحلقة الحادية عشر
*وقفت هنا وهى مصدومة ومش عارفة ترد تقول ايه وبصيت لخالتها*
هنا:ايه ياخالتو اللى بتقوليه ده مفيش حاجة بينا طبعا ,كل الحكاية ان الوقت اتأخر فهو وصلنى بس
حنان*بحدة*:هنا ماتكدبيش
هنا*الدموع فى عنيها*:خالته انا اسفة صدقينى انا مش قصدى اكسر قلب ريهام بس عمرو هو الشاب القابلته فى القطر وفجأه ظهر تانى فى حياتى وطلع قريبى واعترفلى بحبه انا مش فى ايدى حاجة اعملها
حنان*بجدية*:انتى بتحبيه يا هنا
هنا*والدموع على خدها*:اة بحبه ,بس انا ماقولتلوش ومش هقوله عشان انا مش هقبل انى اجرح ريهام واجى على سعادتها ابدا انا اسفة ياخالتو ارجوكى ماتزعليش منى
حنان*تقرب منها وتبتسم*:انا مش زعلانة ,هنا اياكى تعملى كدا ما دام بتحبيه قوليله و ربنا يوفقكوا ويسعدكوا سوى
هنا*بصتلها بستغراب*:انتى بتقولى ايه ياخالتو
حنان:عمرو مابيحبش ريهام حتى لو انتى ماعترفتيش بحُبك لى هو عمره ما هيحبها عشان هو بيحبك انتى وده واضح جدا هو ماكنش بيزورنا لما ييجى يوم كامل ويقعد معانا ولما يكون عايز يشوفك كل شوية وانا شوفت نظراته ليكى فده كله بيبدل على انه بيحبك بجد
هنا*حضنتها اوى *:ربنا يخليكى ليا ياخالتو يارب ,انا كنت خايفة لتزعلى لما تعرفى
حنان:ياحبيبتى انتى زى بنتى ومش زى كمان انتى تعتبرى بنتى وغلاوتك من غلاوه ريهام ويمكن اكتر كمان وبصراحة عمرو الانسان الوحيد اللى انا هبقى مرتاحة لما انتى تكونى معاه عشان هو انسان محترم وراجل بجد ربنا يسعدك ياحبيبتى
هنا:ان شاء الله ربنا هيوعد ريهام بأبن الحلال اللى يستهلها ويستاهل حُبها
حنان*ابتسمت*:ريهام لسه صغيرة ولسه العمر قدامها هى بس عشان من صغرها وهى شايفة عمرو فتعلقت به لكن بعد كدا هتعرف ان مش هو ده الحب وان ده مجرد اعجاب بس
هنا:خالتو انا لزما اروح بكرة لعمرو النادى عشان هو مستنينى ومستنى يعرف ردى
حنان*ابتسمت وخدتها فى حضنها*: ربنا يسعدك ياحبيبتى يـــــــــــــارب
*هنا كانت مبسوطة اوى من كلامها لانها كانت خايفة تزعل منها وتضايق وترفض جوزها منه وشوية ودخلت تنام وتانى يوم صحيت متأخر كان ناقص ساعة والماتش يخلص وقامت ولبست بسرعة ونزلت ,عمرو ماكنش عايز يلعب وكل شوية يبص على الناس القاعدين وبيدور عليها بعنيه ومش لاقيها وفى استراحة الشوط الاول*
بسام:مالك ياعمرو مش بتلعب ليه
عمرو*بصله وخد نفس عميق وحكاله على الحصل*:وهى ماجتش طبعا اعرف من كدا انها مش موافقة
بسام:ماتنساها بقى ياعمرو خلاص انت حاولت وقولتلها مرة واتنين وتلاتة وهى برده مش موافقة يبقى مش بتحبك
عمرو:انا حاسس انها بتحبينى
بسام:البيحب حد بيبقى نفسه يكون جمبه مش يبعد عنه .انساها ياعمرو وابدأ من جديد بقى وارجع عمور بتاع زمان
عمرو*سكت شوية*:فعلا عندك حق بس انا مش هقدر اكسب الماتش ده
بسام*بستغراب*:ليه؟
عمرو:عشان انا قولتلها لو ماجتش مش هكسب الماتش
بسام:خلاص نعمل تبديل
عمرو:لا انا هكمل لعب عادى بس بلاش تبصيلى الكورة
بسام:خلاص ماشى
*ويبدأ الشوك التانى ويكون برده كل شوية ييبص على الجمهور عنده امل لو واحد فى المية انها تيجى ,هنا وصلت النادى وراحت مكان اللعب ووقفت وسط الجمهور بس طبعا خافت انه مايخدش باله ومايشوفهاش وتنزل تقف قصاد الملعب ويكون عمرو بيلعب مع اصحابه وفجأه يبص يلاقيها واقفة يقف مصدوم وبصصلها*
هنا*واقفة وبصاله ومبتسمة وبتشاور بأيديها عليها وبعدين عملت شكل قلب وبعدين شاورت عليه وحركت شفايفها وقالت*:انا بحبك
عمرو*واقف ومصدوم وكان فاضل 5دقايق على الماتش مايخلص وبص ل بسام*:باصى يا بسام
بسام*واقف ومزهول*:بجد
عمرو:يلا يا بسام
*بسام يديلوا الكورة ويبدأ عمرو يلعب وفى دقيقتين يدخل الكورة جون ويخلص الماتش واصحابه يجروا عشان يهنوه بس هو يسيب ده كله و يجرى بسرعة عليها ويقف قصادها*
عمرو*واقف قصادها*:عايز اسمعها
هنا*عنيها فى عينه *:انا ب ح ب ك
عمرو*ماكنش مصدق وبصلها وخدها فى حضنه*:انا بحبك اكتر
*اصحابه طبعا استغربوا بس بسام كان عارف كل حاجة وابتسم وفضلوا هنا وعمرو قاعدين مع بعض بعد ما مشيوا الناس واصحابه *
عمرو*ماسك ايديها*:انا بجد مش مصدق نفسى ياهنا انا قولت انك خلاص مش هتيجى بجد مش عارف حياتى كنت هعيشها ازاى
هنا:انا عارفة انى ضايقتك كتير بس انا برده ماكنتش متخيلة انى هحبك بالسرعة دى وكمان ريهام بتحبك ودى برده حاجة كانت مخليانى مترددة انى اعترفلك بحبى
عمرو*بستغراب*:بسبب ريهام
هنا:اة هى قالتلى انها بتحبك وانا كنت خايفة انى بكدا بجرحها
عمرو:انا عمرى ما حبيتها مش معنى كدا انى بكرها بس انا بحبها زى اختى وبعتبرها زى مها بالظبط
هنا*بحزن*:بس هى مش بتحبك زى اخوها
عمرو:ده حب مرهقة وبكرة تنسى وتعيش حياتها سيبيك منها بقى اهم حاجة عندى دلوقتى انك معايا
هنا*بكسوف*:انا كمان مبسوطة عشان معاك
*ويفضلوا قاعدين سوى ويتكلموا وبعد شوية يقوموا عشان يروحوا ويوصلها لحد البيت ويقف بالعربية قصاد باب العمارة*
هنا:انا هطلع بقى *واول ما تفتح باب العربية*
عمرو:هنا
هنا:نعم
عمرو:هتوحشينى
هنا*ابتسمت*:وانت كمان *ولسه هتخرج من العربية*
عمرو:هنا
هنا:نعم
عمرو:لما اوصل هبقى اكلمك
هنا:اوكى هستناك *ولسه هتخرج عمرو يمسك ايديها*
عمرو:بحبك اوى
هنا:ابتسمت وانا كمان بحبك ,سلام بقى ياعمرو عشان انا اتأخرت اوى
عمرو:ماشى
هنا:يعنى مش هتنده تانى
عمرو:لا
هنا*بصتله وسكتت*:طيب *ولسه هتخرج من باب العربية*:عمرو
عمرو:هنا
*ضحكوا هما الاتنين عشان ندهوا بعض فى نفس الوقت بس بعد كدا طلعت وهو مشى روح البيت وكانت مها وعزة قاعدين مع بعض بيتكلموا وفتح الباب وهو بيغنى*
عمرو:بحبها بحبها وفى قلبى ساكن حُبها ياريت ياشوووق توصلها,, بحبها بحبها
*وقفوا عزة ومها وباصين عليه ومستغربين*
مها*وهى بتشاور بأيديها*:انت اتجننت يا واد
عزة:فى ايه يا ابنى مالك
عمرو*قرب من عزة وخدها ورقصة سلو*:بكرة خلاص هقولها روحى لها ،عقلى لها، وهقولها هى الهـنــا كل المُنى هى حياتى كلهــا *عمرو وهو بيخرج عن ايقاع الاغنية*:بحبها يالهوى ياناس بحبـــــــها
عزة*بتحط ايدها على راسه*:انت سُخن يا واد,وكمان مين دى اللى بتحبها
مها*بخبث*:هو فى غيرها هنا طبعا
عمرو*ابتسم*:هنا قالتها نطقتها اخيرا نطقتها
مها*بفرحة*:بجد
عمرو:هو بابا فين
عزة:جوه فى الاوضة
عمرو*بينده*:بابا يا حج جيمى
جمال*خرج من الاوضة*:ايه يا ابنى فى ايه؟؟
عمرو*بص لباباه ومامته*:هو مش انا ابنكوا
جمال وعزة:لا
عمرو:طيب كويس ,بابا,ماما انا من بكرة هتقدم لهنا ايه رأيكوا
جمال:بكرة ايه يا مجنون اختك فرحها بعد اسبوعين وانت تقول بكرة هتقدم لهنا
عزة:مش هينفع يا عمرو
عمرو*بحزن*:ليه بقى
عزة:لما اختك تتجوز الاول تبقى انت تجوز وكمان لسه شقتك يا ابنى مش جاهزة خالص
جمال:بعد فرح اختك ان شاء الله هنكلم خالك ونروح نخطبهالك
عمرو*ابتسم*:ماشى تصبحوا على خير *ودخل اوضته وهو ماشى عمال برده يغنى*:بحبها وفى قلبى ساكن حبها, بحبك ياهنـــــــا
*مها وعزة بصينله بستغراب*
جمال:دى جننت الواد خالص
مها:انت هتتهم البت من اولها ,,ابنك مجنون من زمان ياحج
عزة*ضحكت*:ربنا يسعدك يا ابنى وينولك كل اللى فى بالك
مها*ابتسمت*:يــــــــــــــارب
*هنا كانت مبسوطة اوى انها اعترفتلوا بحبها ,,عمرو كمان كان مبسوط جدا خصوصا انه اتأكد انه بيحبها وهى دى العايز يكمل معاها باقى حياته وحبها جدا لدرجة الجنون وفضله يكلموا بعض فترة وفى يوم كانوا مع بعض ومها اتصليت وكانت بتعيط وروحوا البيت*
عمرو:فى ايه الحصل
مها*بتعيط وعزة جمبها زعلانة*
هنا:فى ايه ؟ايه الحصل؟
مها:روحت النهاردة انا ومؤمن عشان نجيب نتايج الفحص الطبى وطلعت انى مش هجيب اطفال ابدا
هنا*خدت مها فى حضنها*:اهدى ياحبيبتى
عمرو:ومؤمن قالك ايه؟
مها:انا لسه هستنى لما يقولى انا قلعت دبلته ومشيت بسرعة
عمرو:طيب اهدى شوية ,وكمان قدر الله وماشاء فعل ده نصيب احمدى ربنا على كل شئ
مها:الحمد لله على كل شئ
هنا*بتحاول تهديها*:ياحبيبتى اكيد ربنا لى حكمة فى كدا يمكن لو كنتى جيبتى طفل يعيش طول عمره مريض او يحصله حاجة وحشة صدقينى اكيد فى حكمة فى كدا استهدى بالله وسيبيها على ربنا
مها:ونعم بالله
عمرو*بص لمامته*:ماما احنا هنهديها ولا نهديكى خلاص بقى
عزة:الحمد لله
عمرو:ايون كدا الحمد لله *وشوية وسمعوا صوت الجرس وراح عمرو فتح الباب*:مؤمن خطيبك برة
مها:ماتقولش خطيبى ,مش هخرج اكلمه
عمرو*بجدية*:قومى يا مها كلميه ماينفعش كدا يعنى هو جى عشان يكلمك وانتى ماتخرجيش
هنا:اخرجى شوفيه عايز يقولك ايه
عزة:اخرجى يا حبيبتى
مها*قامت وخرجت الصالة ولقيت مؤمن*:ايه جيت ليه
مؤمن:ينفع الـ انتى عملتيه ده تقلعى الدبلة وتمشى بسرعة واندهلك وماترديش عليا
مها:كنت عايزنى افضل مستنية لحد ما انت ال تقولى كل واحد فينا يروح لحاله انا حبيت أاقصر الطريق
مؤمن*قرب منها ومسك ايديها*:مها انا بحبك ومايهمنيش اى حاجة انا مش عايز حد غيرك وعمرى ما كنت هسيبك عشان اى حاجة مهما كانت
مها*الدموع على خدها*:مؤمن انت فاهم يعنى ايه هنعيش طول عمرنا معندناش اطفال
مؤمن*بيمسح دموعها*:ايون عارف وقولتلك وهقولهالك تانى انا مش عايز غيرك انتى وبس يا مها
مها*بصاله وسكتت مؤمن مسك ايديها ولبسها دبلتها*:مؤمن انت متأكد من البتقوله ده
مؤمن:ايون متأكد واياكى تقلعى الدبلة من ايديكى تانى انتى فاهمة
*وفى نفس الوقت عمرو واقف فى البلكونة مع هنا وعزة كانت فى المطبخ*
هنا:شعور صعب اوى
عمرو:فعلا,بس احنا لزما نرضى باللى ربنا كتبهولنا
هنا*ابتسمت*:اكيد طبعا
*وشوية وتخرج بنت من البلكونة اللجمب عمرو وتبصله*
نسمة*بدلع*:ازيك يا كابتن
عمرو:كويس
نسمة:بقالك فترة مختفى كدا ليه
عمرو:مشغول شوية
هنا*باصيت واضايقت اوى*
نسمة*بصيت لهنا*:اهلا
هنا*بتتكلم بأرف*:اهلا
نسمة:مش تعرفنا ياكابتن
عمرو:هنا خطيبتى حاليا ومراتى مستقبلا
نسمة:بجد احنا معرفناش انك خطبت
عمرو:ما انا لسه ما خطبتش بس خطوبتنا قريب بعد فرح مها
نسمة*اتضايقت واتغير وشها*:طيب عن اذنك يا كابتن
هنا*مضايقة*:مين دى وبتكلمك كدا ليه دى وبتكلمك ليه اصلا دى ,انا هلاقيها منها ولا من مُعجبين النادى
عمرو*ضحك اوى*
هنا*بنرفزة*:انت بتضحك ليه
عمرو:اصل شكلك حلو وانتى غيرانه كدا
هنا*ابتسمت*:اة غيرانة *ومسكته من ياقة القميص ورفعت حاجبها*:مش عايزة اى بنت تكلمك خالص بعد كدا مفهوم
عمرو*ابتسم*:تمام يا فندم علم وسينفذ
هنا*ضحكت اوى وعمرو مسك ايديها وباسها*
*وبعديها بأسبوع كان فرح مها ومؤمن وبدأ الفرح وكانوا بيرقصوا سلو*
عمرو*كان باصص لهنا وبيحرك شفايفه وبيقولها*:عُقبالنا انا وانتى
هنا *بصتله وابتسمت وحركت شفايفها*:يــــــــــــــارب
*وفضلوا واقفين وبعد شوية طلب ال واقف على الدى جى ان اى اتنين كابل يرقصوا سوى بص عمرو على هنا وابتسم وظبط الياقة بتاعت القميص وزرر جاكيت البدلة وكان ماشى متجه ناحيتها هنا وريهام كانوا واقفين جمب بعض ريهام شافت ان عمرو كان مقرب منهم *
ريهام:*ابتسمت وميلت على هنا*:عمرو جاى عشان يرقص معايا
*هنا خدت بالها انه بيقرب منهم بس كانت عارفة انه هيرقص معاها هى وفضلت بصاله وكانت نظرة عينيها كأنها بتقوله لا ماتجيش امشى ارجع بس هو قرب منهم هما الاتنين وطلب من هنا انه يرقص معاها ريهام واقفة ومصدومة وباصة لعمرو ,وهو باصص لهنا ومبتسم,وهنا كانت باصة لريهام وساكتة*
تأليف:فاطــــمة هـــــشام