وريث اللعنة

قصة الرواية

حكاية مأساوية عن "سونيك" اللي اتولد في ظروف صعبة وواجه قسوة القلب من أقرب الناس ليه. بتبدأ القصة بجوازة ليلى اللي أهلها رفضوها، وانتهت بموتها وظلم جد الطفل اللي رماه للموت وهو لسه لحم حمرا. الرواية بتعرض رحلة عذاب طفل عاش منبوذ في الشوارع واتحرم من أبسط حقوقه حتى سرعته اللي بيمتاز بيها خسرها بسبب الضرب. رغم كل الوجع ده، الطفل كبر وبنى لنفسه شخصية قوية ودارى كسرة قلبه ورا قناع من الشقاوة والغرور.

تفاصيل العمل

شخصيات الرواية

ليلى

أم سونيك، كانت طيبة وبتحب جوزها جداً وضحت بحياتها وعلاقتها بأهلها عشان تحمي عيلتها الصغيرة، وماتت وهي بتوصي على ابنها.

الجد

والد ليلى، شخصية قاسية ومليانة حقد، بيشوف سونيك "مسخ" وعار، وهو اللي رمى حفيده في الشارع بدم بارد.

والد سونيك

شخص غامض وصفوه بالوحش، كان بيحب ليلى وكان مستعد يكمل معاها رغم رفض أهلها.

سونيك

البطل اللي عاش طفولة مشردة، اتعرض للظلم والضرب لحد ما رجله بقت تقيلة في المشي، بس ذكاءه وشقاوته خلوه ملك في الشارع.