الناجي الأخير

"يا سيدي!"

"باسيت" رفع عينه لما شاف المساعد بتاعه بيجري ناحيته، وعلى وشه ضحكة وفرحة. "باسيت" وقف وهو بيجر رجليه وسط التلج وبص لصاحبه، وهو قرفان من السعادة اللي هو فيها.

خدود "شو" كانت حمرا وملتهبة من التلج؛ وكدمات كبيرة مالية جلده اللي باين، وهدومه كانت غرقانة دم. كان طوله فارع عن "باسيت" بكتير، بس مكنش له نفس الهيبة والكاريزما بتاعة "باسيت".

"شو" وقف جنبه وهو بيقول: "ملحقتش ألمحك وسط العركة"، وعلى طول أمن ضهر "باسيت" اللي كان مكشوف.

"افتكرتك موت". "شو" لف راسه وبص له ثانية قبل ما يرجع يبص تاني للشجر اللي بيتحرق. "أظن الشياطين بينسحبوا ومش عارف ليه".

"باسيت" مردش عليه؛ فضل سايب دراعاته مدلدلة جنبه وباصص قدامه للفراغ ناحية الشجر. "شو" رفع وشه لفوق لما تنينة نزلت فجأة، وبطنها لمست طرف الشجر من فوق. "شو" راقبها بعينيه الخضرا وهو مضيقها، وبعدين ضحكته وسعت أكتر.

"شو" ضحك وقال: "بينسحبوا فعلاً.. زمان 'مازوس' هيتجنن".

"باسيت" اتنفض وهز راسه: "لينش مات". صوته كان خشن ومبحوح؛ أخد وقت طويل عقبال ما عرف يجمع نفسه ويوقف صريحه من الوجع اللي كان بيطلعه في الهوا.

"باسيت" لف وبص لـ "شو" اللي كان مذهول: "أنا قتلته بإيدي".

"شو" مسك كتفه ولفه ناحيته: "أنت كدة أخدت تار بنتك". وضحك وقال: "مفيش داعي لوشك اللي قالب ده خلاص".

"باسيت" بص لصاحبه؛ "شو" كان أعز أصحابه من يوم ما بقوا فرسان وهم عندهم ستاشر سنة. "شو" كان شاهد على جوازه، وهو كمان كان شاهد على جواز "شو". "شو" كان جنبه بيواسيه لما بنته اتقتلت، بس "شو" مكنش يقدر يساعده دلوقتي.

"باسيت" شد فكه وبص بعيد: "جمع الرجالة. قابلني عند بوابات المدرسة كمان عشرين دقيقة".

"شو" هز راسه واختفى وسط الشجر. وبعد كام دقيقة، "باسيت" شاف تنين "شو" وهو نازل ياخده. غصة وقفت في زور "باسيت"، وجز على سنانه بغل عشان يمنع نفسه من العياط. كان محتاج أي هدف يشغله عن فقدان شريك عمره.

"لينش".

"باسيت" مشي لحد الأسوار المهدودة بتاعة واحدة من الأكاديميات الكتيرة في "فالاكسيا". شاف الرجالة طالعين من وسط الشجر زي ما "شو" أمرهم. كتير منهم كانوا فرسان كبار، لأن أغلب الفرسان الصغيرين اللي معندهمش خبرة اتدبحوا في "فجوة البيض" من يومين بس.

"باسيت" اترعش من الرعب لما افتكر؛ كل الفرسان اللي وشهم لسه طفولي دول واتدبحوا. الفجوة نضفوها فوراً من أي بيض تنانين كان هناك ونقلوه لمكان أمان. أي تنين صغير يكبر في مكان زي ده مش هيطلع سوي أبداً.

تنانين العساكر بركت حوالين المجموعة بملامح كلها غرور. النار كانت تحت السيطرة بعد ما الشياطين مشوا، ودخان أبيض تقيل كان بيطلع للسما.

"باسيت" وقف على حتة ركام كبيرة وواجه رجالته. كانوا باصين له ومستنيين - متشوقين يعرفوا القائد بتاعهم عايز يقول إيه.

"باسيت" زأر فيهم: "مازوس مات".

الرجالة هللوا و"باسيت" ابتسم، بس مكنش فيه أي فرحة في ضحكته.

"أنا اللي غرزت السكينة فيه بنفسي. موت 'مازوس لينش' هيكون نهاية حرب سودا. مفيش حتة في 'فالاكسيا' متلمستش بخراب القتل والتعذيب وورقة 'مازوس' الرابحة، الشياطين. عشان كان فارس، فارس حلف يحمي أهل 'فالاكسيا' من شر الشياطين، هو اللي أطلق سراحهم في كل مدينة وقرية".

"باسيت" سكت ثانية، وهو بيبص في وشوش رجالته. "كل واحد فينا خسر حد في الحرب دي". لمح "شو" وسط الزحمة وهو بيديله ابتسمة قوية. "أنا نفسي خسرت بنتي الغالية والنهاردة بس، تنيني اتقتل في المعركة بيني وبين 'مازوس'".

الهمهمة زادت وسط الناس، ووش "شو" اتقلب من الصدمة. صوت "باسيت" بقى أظلم والغل بان على وشه للحظة.

"ومع إن 'مازوس لينش' مات، مش هنخليه يفلت بفعلته دي. هنطارد مراته وابنه ونقتلهم، وعشان نتأكد إن سلالة 'لينش' تنتهي هنا ودلوقتي". صوت "باسيت" وطى، بس كان قاتل وكله وعيد.

"عيلة 'لينش' عيلة شريرة وخطر. لازم يموتوا".

الفرسان هللوا بصوت عالي، و"باسيت" ابتسم رغم الوجع اللي كان بيكسر قلبه وعاصر صدره.

"لينش" هيدفع الثمن.

مقتطف من كتاب "داخل عقليات الشر" لكاتب مجهول.

---

ذكرى الحرب دي مسابتش "فالاكسيا" أبداً. اسم "لينش" بقى لعنة وسلالة "لينش" اتمسحت لدرجة الانقراض. قرن من الزمان عدى وفي وسط عش تنانين مليان بيض مكسر وأرض متلطخة بالدم، فيه ناجي منسي فقس وخرج للنور.

الفارس بتاعه. حفيد مباشر لـ "مازوس لينش".