بدون عنوان

الحلقة العاشرة
*خبطت هنا ع الباب وفضلت واقفة وشوية ومها فتحتلها وخدتها بالحضن*
مها:ازيك ياهنون وحشانى
هنا:تمام ,وانتى كمان والله
مها:تعالى ادخلى
*دخلت الصالة وكانت عزة قاعدة وبصالها*
عزة*تبتسم وتسلم عليها وتحضنها*:ازيك ياهنا ,بسم الله ماشاء الله زى القمر ,ماكنتش اعرف انك جميلة اوى كدا*وقالت لنفسها:ليك حق ياواد ياعمرو*
هنا*مكسوفة من كلامها*:شكرا جدا ياطنط ربنا يخليكى
عزة:ويخليكى يارب ياحبيبتى
مها:طيب تعالى بقى ادخلى الاوضة دى فيها الحاجات بتاعتى وعلى فكرة دى اوضة عمرو *وغمزتلها*
هنا*قلبها دق *:طيب وانتى راحة فين
مها:انا وماما هنعمل حاجة فى المطبخ وهاجيلك
هنا:طيب ما اجى اساعدكوا
عزة:لا ياحبيبتى مفيش داعى ادخلى استنيها وهى هتيجى على طول
هنا:حاضر ياطنط
*دخلت هنا الاوضة وكانت فيها سرير ودولاب صغير وبلكونة وتربيزة عليها مداليات كتير وكاسات وصوره مع اصحابه وصور وهو بيلعب بالكورة وفضلت تتفرج على الحاجات دى ومبسوطة وقربت من السرير ولمسته بأيديها ونامت عليه بالعرض وغمضيت وشوية وفتحت عيونها وبصيت جمبها لقيت عمرو واقف قصاد السرير ومربع ايده وبصصلها ومبتسم اوى هنا قامت بسرعة واتكسفت اوى ومشيت من جمبه عشان تخرج من الاوضة ,عمرو مسك ايديها ووقف قصادها وعينه كانت فى عنيها حاولت تبعد ايديها بس كان مسكها جامد*
عمرو:ممكن اعرف بتعملى ايه فى اوضتى
هنا*بتوتر*:انا ,اصــل مها قالتلى فى حاجات بتاعتها موجودة ف الاوضة دى دخلت عشان اشوفها
عمرو*ضحك*:حاجات ايه وكمان الاوضة فاضية
هنا*بغضب*:انا عارفة بقى هى قالتلى كدا وسيب ايدى
عمرو:ابدا مش هسيب ايدك الا لما تصلحى غلطتك
هنا*بستغراب*:ايه الـ انت بتقوله ده
عمرو*بيبتسم ابتسامة لحد ودانه*:ايون لزما تتجوزينى
هنا:ياسلام!! لوسمحت بطل هزار وسيبنى اخرج
عمرو:مستحيل اسيبك عشان تهربى
*وتدخل مامت عمرو ومها*
عزة:يالهوى ايه ال انا شايفاه ده
عمرو*يقفل الجاكيت*:يافضحتى ماما
مها:ليه كدا ياهنا هو انتى ماعندكيش اخوات بلاستيك ،حرام عليكى
عمرو:ضحكت عليا يا ماما وقالتلى ده انا هستتك وهعيشك ملك ومش عايزة تصحح غلطتها
عزة:ياحبيبى يا ابنى لزما تصححى غلطتك طبعا
هنا*لنفسها: ايه العيلة المجانين دى*:ياجماعة بليز بطلوا هزار
عمرو*بطريقة مضحكة يمسك بطنه*:هزار احنا مبنهزرش والواد ال فى بطنى ده لزما يتكتب بأسمك وهما شاهدين عليكى
مها:حرام عليكى ياهنا الواد يعيش طول العمر من غير ام
هنا:ياجماعة ايه البتقوله ده
عمرو*بجدية*:هتتجوزينى ولا يبقى بينى وبينك المحاكم
عزة:استهدى بالله يابنتى ووافقى
مها:يلا ياهنا بقى وافقى
هنا*بصالهم وساكتة*
عمرو*بحنية*:ها هتتجوزينى
هنا*بصتله وابتسمت ولسه هتكلم يسمعوا صوت الباب بيتفتح وجمال دخل الاوضة*
جمال:السلام عليكم
كلهم:عليكم السلام ورحمة الله وبركاته
جمال:مالكوا واقفين كدا ليه *وبص لهنا*:مين دى
مها:دى هنا قريبتنا يابابا من ناحية خالو
جمال*ابتسم*:اهلا وسهلا يابنتى منورنا
عمرو:كويس انك جيت يابابا انا دلوقتى دخلت اوضتى لقيتها قاعدة فى الاوضة وطبعا انا كدا سيرتى هتكون على كل لسان وانا مش حيلتى غير سمعتى وعمال اطلب منها تتجوزينى وتصلح غلطتها وهى مش راضية يرضيك احج
جمال*ابتسم*:بطل ياض جنان ,تعالى اخرجى وسيبك منه
عزة*بتغمز لجمال*:لا ياجمال خليها تصلح غلطتها
جمال*مش فاهم ايه المراته بتقوله ده*:انتى ابنك جننك انتى كمان ولا ايه!!
مها*تغمزله*:يابابا خليها توافق على الجوازة وخلاص
جمال:ايه الجنان البتقولوه ده ,تعالى يابنتى اخرجى وسيبك منهم
هنا*ابتسمت*:ياريت ياعمو
*وخرجت هنا مع جمال فى الصالة وفضلوا التلاتة يبصوا لبعض*
عمرو*بص لمامته*:جوزك ده من زمان ياحجة ,بوظلى الجوازة
عزة:خلاص ياعمرو مش مهم
عمرو*بحزن*:مش مهم بجد حرام
مها:خلاص بقى ياعمرو يلا عشان نتغدا
*وخرجوا وقاعده سوى*
عزة:متزعليش ياحبيبتى احنا كنا بنهزر معاكى
هنا*ابتسمت*:لا عادى ياطنط مفيش حاجة
*فضلت قاعدة معاهم واتغدوا وكان طول ما هو قاعد عمال يبصلها وهى بتحاول تتجنب النظر وماتبصلوش خالص والساعة جت 9وكانت هتمشى*:انا اتأخرت اوى انا لزما امشى
عزة:ماشى يا حبيبتى
عمرو:استنى اوصلك
هنا:لامفيش داعى هاخد تاكسى
عمرو:تاكسى ايه دلوقتى انا هوصلك
هنا:بجد مافيش داعى هروح انا
جمال:خلاص ياهنا خليه يوصلك
هنا*ابتسمت*:ماشى ياعمو
*هنا سلمت عليهم كلهم ونزلت مع عمرو*
عزة:عمالة اغمزلك واقولك خليها توافق على الجوازة
جمال:جوازة ايه ما انا مش فاهم
مها:يابابا عمرو بيحب هنا وعايز يتجوزها
جمال*اندهش من كلامهم*:بجد؟
مها:ايون واحنا عملنا فيها موقف صغير كدا عشان نحطها قدام الامر الواقع وتوافق بس انت جيت فركشت ده كله
جمال:وانا اعرف منين يعنى بس باين عليها بنت حلال وطيبة
مها:اوى يابابا بجد بنت محترمة وكويسة جدا يارب تكون من نصيبه
جمال وعزة:يارب
*ونزلوا وفتحلها باب العربية وقعدت وشوية وعمرو مسك ايديها وهنا بعديت ايديها بسرعة*
هنا*بغضب*:عمرو بطل بقى
عمرو*بجدية*:هاتى ايديك ياهنا
هنا*وهى بتربع ايديها*:لا ولو مبطلتش هنزل اركب تاكسى
عمرو*بيرفع حاجبه*:انتى بتهددينى ياهنا
هنا:ايون احسبها زى ما تحسبها
عمرو:انا هعد من 1ل3 لو ماخلتنيش امسك ايديك هدوس بنزين وهمشى بأقصى سرعة عندى
هنا*بعدم اهتمام*:ولا يهمنى
عمرو:هنا انا بتكلم بجد
هنا*بدأت تقلق عشان بتخاف من العربيات وهى ماشية بسرعة*:عمرو بطل الكلام ده وسوق بهدوء وروحنى لوسمحت
عمرو:بقى كدا طيب *داس بنزين ومشى بسرعة*
هنا*بخوف*:عمرو بطء العربية
عمرو*بيعد بأيده*:1
هنا:عمرو بليز الناس ياعمرو
عمرو:2
هنا:عمرو ونبى امشى براحة
عمرو:3
هنا*مسكت ايده*:اهوه اهوه ,بس بليز بطء العربية بقى
عمرو*ضحك ومسك ايديها*:ايون كدا
هنا*بصتله بغضب بس كان من جواها فرحانة اوى وشوية وعمرو شغل اغنية*
عمرو:الاغنية دى منى ليكى اسمعيها ,لحد ما نوصل
هنا*بصتله وبعديها بصيت قصادها وابتسمت ابتسامة صغيرة وفضلت تسمع الاغنية (اغنية محمد حماقى جرى ايه)
*جرى ايه
بتعمل كل ده ليه
على ايه
تاعبنى معاك على ايه
وده ليه
كل ده علشان بحبك
بحـــــــــــــــــــــــــــــــــــــــــــــــــــــــــــــــــــــــــبك
عامل ملاك وبرىء ورقيك
واتاريك اتاريك
بالك طويل ياحبيبى و تقيل مايبانش عليك
صابر عليك بناديك واداديك
على الحال ده بعيش
ما انا لو لفيت على 30 بيت
زيك مالاقيش
جرى ايه
بتعمل كل ده ليه
على ايه
تاعبنى معاك على ايه
وده ليه
كل ده علشان بحبك
بحـــــــــــــــــــــــــــــــــــــــــــبك
*وصلوا لحد باب العمارة وقف بالعربية وبصلها*
عمرو:عايز اعرف ردك دلوقتى حالا
هنا*بصاله وساكتة*
عمرو:هنا انا بجد بحبك وماحبتش حد قدك ومحتاجلك جمبى اوعدك انى عمرى ماهزعلك وهتفضلى حبى الاول والاخير ,تتجوزينى ياهنا
هنا*بصاله ومركزة فى نظرة عينه ال حاسة كلها صدق وبرده كلامه كله صدق فكرت شوية وابتسمت*:عمرو انا.... *ولسه هتكمل موبايلها رن وكانت ريهام وردت عليها*
ريهام:الو ياهنا انتى فين
هنا:انا تحت العمارة
ريهام:جاية لوحدك
هنا*بصيتلوا*:لا معايا عمرو
ريهام*بفرحة*:بجد عمرو معاكى انا نازلة عشان اشوفه اصله وحشنى اوى
هنا*بحزن*:اوكى
*قفلت مع ريهام وبصيت لعمرو*
عمرو:مين الكان بيكلمك
هنا:ريهام,ونازلة عشان تشوفك
عمرو*بعدم اهتمام*:طيب ردى عليا ,موافقة تتجوزينى ياهنا
هنا*بصيت لقيتها نازلة من على السلم*:عمرو سيب ايدى عشان ريهام جاية
عمرو* فضل ماسك ايديها وبصلها بحزن*:هنا انا هستناكى بكرة عندى ماتش الساعة1الظهر لو جيتى هعرف انك موافقة وساعتها هكسب الماتش ولو ماجتيش هعرف انك مش موافقة وهخسر الماتش
هنا*بصاله وسكتت وهو ساب ايديها وخرجت من العربية وقربت ريهام منه*
ريهام*بصاله من شباك العربية*:ما تطلع ياعمرو شوية
عمرو:لا مرة تانية عشان متأخرش ،سلام
*هنا كانت طالعة على السلم ,عمرو من نرفزته داس بنزين جامد ومشى بسرعة هنا فضلت واقفة مصدومة اول ماسمعت صوت فرملة العربية*
ريهام*بصدمة*:ايه ده هو فى ايه؟
هنا:معرفش
ريهام:طيب انا راحة اشترى حاجة
هنا*من غير ماتبصلها*:اوكى
*طلعت هنا وهى مخنوقة وزعلانة جدا وكانت خالتها قاعدة على الكرسى*
هنا*بحزن*:ازيك ياخالتو ,انا اسفة على التأخير
حنان:لاياحبيبتى عادى ما دام عمرو وصلك
هنا*بصيت لخالتها وحاولت تبتسم رغم حزنها*:معلش ياخالتو انا هدخل انام تصبحى على خير *ولسه هتدخل الاوضة بتاعتها*
حنان*بجدية*:ايه البينك وبين عمرو ياهنا
*هنا سمعت الجملة دى قلبها دق جامد وفضلت واقفة فى مكانها مصدومة عمرها ماكانت تتوقع ان خالتها هتحس بحاجة او تعرف حاجة وخافت كمان انها تزعل منها عشان بكدا هى هتكسر قلب بنتها فضليت واقفة وبتفكر فى ده كله وساكته*
تأليف:فاطــــمة هـــــشام