رواية روابط الشيطان | جزء 1 - صندوق من مسرح الجريمه
جاري التحميل...
جزء 1 - صندوق من مسرح الجريمه
بيظهر سعد ابراهيم من امام ال webcam الي بتصور وبتستقبل صورته المغموره باللهفه والفضول , امام حشد من المتابعين والفضولين امثاله . منتظرينه يفتح الصندوق الي جاله من مصدر مجهول او بالأحرى هو طلبه من الدارك ويب ولكن كل صندوق داخله يتضمن روابط تجمعه بالمرسل اليه رابطه تضخ سموم الشيطان وتعاقبهم على اختياراتهم .
معاكم سعد ابراهيم يجدعان وانهارده عندنا inboxing لصندوق عشوائي اشتريته من الديب ويب انا عارف ان في ناس كتير بتعمل نفس المحتوى و ترند كبير اوي اليومين دول ..بس حبيت اشارك انا كمان التجربه
..
قولولي بس يشباب لو اللايف شغال ؟
كومنتات كتير بتتكتب : اه اللايف شغال ..
نبدأ بقا ولا ايه ؟
انا مش هفتح غير لما الستريم يوصل ١٠ الاف مشاهد , ولايكات يشباب بقا ولو عندكو حد اعملو مشاركه للايف عشان يوصل لاكبر عدد ..
يلا ناقصنا ألف على ال١٠ الاف ونعمل inboxing
: بتتفرج على ايه يا عبدو ؟
عبدو : ههه شوف الجدع ده يعماد , هيعمل انبوكس لصندوق عشوائي زي باقي اليوتويبرز الي نصهم اصلا بيفتحو في الصناديق مسبقا وبيزيفوها ويقولوك ان فيها مقتنيات اثريه وغريبه لغرض جلب التفاعلات والمشاهدات ..عالعموم هنشوف هو حاطت ايه في الصندوق .
رد عماد عليه : بس انا اعرف عن سعد ده ان اغلب محتوياته حقيقيه وعلى حسب كم اللايفات والفيديوهات الي شوفتهاله عمري ما شوفت حاجه خدعه منه لينا او اتكشفت ..
عبدالله : يعماد هي السوشيال ميديا وراها غير انها تشد الانتباه ولو بحاجه مزيفه عشان خاطر الفلوس والمشاهدات ..يعم افرض ده حقيقي
.. واحد بيحط نفسه في خطر مقابل ايه ؟ مقابل الشهره ؟
عماد : يبني سعد اول مره يعمل حاجه فيها خطوره وليها علاقه بالرعب والديب ويب , والكلام ده , محتواه في الطبيعي ترفيهي ومقالب , مجرد واحد داخل يجرب حاجه ناس كتير عملتها بغرض الفضول ومش هنكر هو اكيد عايز مشاهدات ومقابل مش بيعمل كده لوجه الله ..
اهو يعم الحق , الستريم وصل ١٠ الاف استنا لما نشوفه هيعمل ايه .
........
بيظهر سعد ابراهيم من امام ال webcam الي بتصور وبتستقبل صورته المغموره باللهفه والفضول , قصاد حشد من المتابعين والفضولين امثاله .
: ايه يشباب نفتح دلوقتي ولا ايه , بسم الله .
الصندوق بيفتح اهو بس متغلف تغليفه بارده شويه ومربوطه باحكام .
اهو تمام كده نبدأ بأيه بقا ؟
تمام هحط ايدي عشوائي كده واول حاجه المسها هستعرضها معاكو ..
يسلاام , يطلع ايه ده بقا ؟
حاجه مثلثه باهته , لونها اسود , مش عارف ايه ده بس ملمسها غريب ملمسها ملمس عظم حاجه كده هي تقريبا عظمه مثلثه بس مش عارف ايه استخدمها لو حد يعرف يقولنا يشباب ..
١٠ الاف شخص في الستريم اتحولو ل١٥ و١٦ الف , منهم عدد من الكومنتات نزلت عليه وكل كومنت يأكد الي قبله , والي منهم بيقول : اييهه ده , خلي بالك دي حاجه بتستخدم في السحر وبتبقى عضمه من لوح الكتف , ودي استهدافها اخطر انواع السحر الأسود , وواحد تاني كان متفق في نفس الكلام واضاف : الصندوق ده شكله عمل واتبعتلك حاول ترمي العضمه .
وفي جزء كان بيضحك والي عامل اغضبني ..كمل وطلع حاجه تانيه بشكل عشوائي ..جهاز ايفون قديم .
: يااه , بدأت تحلو اهيه , حاجه عليها القيمه بدل العضمه الي معرفش اتحطت بغرض تخوفني ولا زي ما بتقولو..بدأ الجهاز نوعا ما يستجيب وكان بحاله متوسطه شويه نظرا لوجود شرخ فيه زي ما يكون اخد صدمه قويه لكن لازال شغال وفتح
..اول حاجه وقعت على عينه وشبه اتخض وده بان في الستريم اثار ذعر وصدمه من سعد ..
: الي انا , الي الي شايفه , اه الي شوفته ده مش طبيعي ,
انا مش هعرض الي انا شايفه بس الback ground عباره عن صوره مشوشه وغير واضحه لسيده مدبوحه او, الوضعيه بالظبط للجسم كان عالأرض والراس متعلقه في الحبل بخطاف .. الوش مش واضح اوي ومعمول عليه تشويش , بس , ده ازاي ؟
بجد ؟ انا كنت ممكن اقول انها لعبه عاديه او متزيفه عشان تدي انطباع الرعب , بس المنظر حتى لو تزييف مرعب ومقبض للقلب ..وبعدين بقا انا بدات اخاف يشباب ..
الستريم زاد من ١٦ ل،٢٠ الف ..ايده بتترعش بعد ما حس الموضوع انه في قمه الواقعيه ..ناس في الستريم بعضها خايف والبعض التاني : الحق يعماد ده بيقولك شاف واحده مدبوحه ومش عايز يعرضها عشان المنظر مرعب وكده ..تمثيله في قمه الروعه ..
عماد : بس مشوفتش رعشه ايده يعبدو دي مش شكل واحد بيمثل , تعابير وشه وتصرفاته وتحركاته طبيعيه ١٠٠ في الميه مش مصطنعه ..انا دارس علم نفس كويس وفاهم ..
بتتحرك ايد مرعوشه مرتجفه لامسه صندوق صغير .
علبه صغيره سوادها اضلم من الصندوق الكبير نفسه .
بدأ الستريم كله يركز وووصل ٣٠ الف , الصندوق بيتهز ده الواضح من رعشه ايد الي ماسكه .
: بفتح الصندوق معاكو وفعلا اتفتح , يارب المره دي ميظهرش شئ تاني يشككني في نفسي .
كراسه صغيره , حاجه متدعيش ان يكون فيها رعب, مجرد كراسه عاديه , بدأ يقلب فيها وفي محتوايتها , كلام معقول , كأنها ذكريات طبيعيه مفيهاش اي قلق او رسومات غريبه زي ما بتسمع .
من ضمن ورق الكراسه لفت نظر سعد كام ورقه في الاخر كان مكتوب فيها :
اليوم الأول :
مش معتاده اكتب , بس انا مضطره , او يمكن هي دي الشئ الوحيد الي اقدر اكلمها ومتقاطعنيش او تتجاهلني , " الكراسه " الي بكتب فيها رغم وحدتي .
حاسه بحركه ورا باب الشقه وصوت همس من شخص للتاني وانا ست كبيره اه بس فيا صحه اقدر اقوم واتحرك , لكن مفكرتش اشوف مين ورا الباب .
صوت الهمس لسه موجود ممزوج بصوت سن او زي ما يكون سكينه بتتسن بره باب الشقه , شغلت التلفزيون عشان يغطي على الصوت وميحسوش اني مركزه معاهم , وانا حاسه بالرعب وخايفه اقوم , لكني اكتفيت بأني اتصل بأي حد ينجدني ..
اليوم التاني :
برن على جاري في الشقه الي تحتي , مبيردش , معرفش مردش خوفا من الموقف ولا , لحاجه انا مش فاهماها .
حتى ابني مبيردش عليا , ابني رغم بعده وسكنه في شقه تانيه ايجار بسبب شويه خلافات , الا اني مش زعلانه منه وبحبه , انا ست مريضه وباخد علاج , اه قادره اقوم واتحرك , بس اقل موقف زي ده لو دخلو عليا الشقه معرفش ممكن يحصلي ايه .
اليوم التالث :
اكتفيت وتعبت من عدم الرد , زي ما يكون كل الناس نسيتني او اعتبرتني مش موجوه ,
حتى رقم الشرطه مش بيرن او كأن انقطع اتصالي مع العالم كله .
اليوم ده سمعت خبط عالباب لأول مره , صوت سن السكاكين مستمر متزامنا مع الخبط المستمر , مش عارفه اعمل ايه , بس اعتقد ان مهما صرخت عمر ما حد هينجدني , بسبب الظاهره الغريبه بتجاهلي وعدم الرد .
__________
ودي كانت اخر كلمات اتكتبت في الكراسه , ولكن كان في بصمات بتفسر سبب توقف الكلام لهنا , وختامها بنقط دم على الورق .
كمل سعد استكشاف باقي محتوايات الصندوق في ذهول ..
فنجان فيه نقوشات وكلمات من الصعب تدقك في معناها , محفوره على اثار قهوه ..لفه قماش او حاجه اشبه بالبكره الي بيتلف فيها القماش او هي فعلا ..ملمسها غريب ..ظاهر على سعد احساس التوتر في الستريم وقلق .
متسألش مين بيتكلم دلوقتي , انا ولا سعد , اعتبرني روح هائمه اقدر من خلالها اجسد منظور سعد وهو بيحكي دلوقتي .
سعد : قاعد اتوغل في الملمس وادقق ده ملمس ايه ..شعر ايدي وقف لما استوعبت انه ملمس جلد بني ادم ..بكره ملفوف فيها جلد انسان .. نسبه الرعشه زادت الضعف بس كملت ..صندوق خشبي صغير طلعته وانا متلهف ومرعوب في نفس الوقت على امل ولو بنسبه قليله جدا كل ده يطلع خدعه وموارد مصطنعه ... ايه الي ممكن يكون في الصندوق ؟
: خمنو في الكومنتات يشباب .
بدأت اجري نوع من الاختبار زي اني امسك الصندوق الخشبي وأرجه رجه خفيفه , تبين لي انها قطعه صلبه وكبيره ..فتحت الصندوق بعديها ايه بقا ؟
كتاب مجلد مكون من ٦٦٦ صفحه .
تفحصته اكتر وبشكل سريع , رسومات هندسيه دقيقه وخد من ده كتير , الكتاب كله كان عباره عن رسومات هندسيه واشكال رموز مبتكره مرسومه بدقه اول مره اشوفها .
توقعت هلاقي رسومات شياطين ووحوش وحاجات كده بس لا ملقتش ..يمكن الحاجه الي كان غريبه شويه مجرد رسمه عين وحواليها رسومات هندسيا كتير جدا متداخله في بعضه بشكل من الصعب انه يتفرق عن بعض ..بصو الرسومات قدامكو اهي عشان متقولوش عليا كداب ..
كملت وانا بحط ايدي عشوائي وبشوف هيطلعلي ايه ..
الرقم وصل ل٤٥ الف مشاهد ..
صندوق صغير بيبان انه اكيد جواه خاتم زفاف وده الواضح اكيد من حجم الصندوق .
شكل هعوض تمن الصندوق للضعف ولا ايه لو طلع دهب .. فتحته وهنا كنت بفكر شويه .
الخاتم ده مش اول مره اشوفه ..بعد تدقيق لثواني والمشاهدين مترقبين ..٤٧ الف مشاهد .
الرعشه زادت بنسبه ٨٠ في الميه و كانت ملحوظه بشكل مبالغ فيه وسط المشاهدين ....
ده خاتم امي .
ده , ده هو فعلا , وجه هنا ازاي ؟
لا اكيد صدفه , لا لا , الورق الي كان مكتوب والست عايشه لوحده ومريضه وابنها مأجر شقه بسبب خلافات اسريه , ازاي كل ده يبقى صدفه ؟
بدأت ادور بهلع وسط الصندوق وبسرعه .
الخاتم الي الست اتشنقت وراسها في الحبل وجسمها عالأرض , ايوه نفس الخاتم في ايد الجثه .
٥٠ الف مشاهد .
٤ برطمنات ..كل واحد فيهم جواه حاجه مختلفه .
وسط الهلع ده الاربعه وقعو جوه الصندوق وظهر الشئ الي كان جواهم ..
عينين , فك سفلي لصف اسنان , لسان محفور عليه رموز مختلفه .
رعاش بنسبه ١٠٠ في الميه .. صدمه من جماهير الي حاضرين الستريم والي وصلو ٩٠ الف .
ياريت كان كده وبس .
انا شوفت الحاجه الاخيره الي كانت في الصندوق, القاضيه بالنسبالي ومربط الفرس لتأكيد شكوكي .
راس متغلفه بأكياس كتيره .
جالي صرع تلقائيا ..لا أمييي لاا مستحييل .. انتو بتعملو فيا كده ليييه ؟
يزين مني اييه ؟
امي الوحيده في الدنيا وانا الي سيبتها , بس , بس ازااي ولييه ؟
٥ الاف كومنت بيتكتبو في الثانيه الواحده ما بين صراعات وهلع وفزعه ومحدش كان مستوعب .
١٠٠ الف مشاهد .
صرع غير محتمل كأن دماغه هتنفجر من كتر الصدمه .
بكل تلقائيه وعدم شعور مسك برطمان من الاربع ورماها في الارض والدم انتشر عالكاميرا وفي عالاوضه كلها وهو بيصرخ .
صوته بيتغير: لا مش هتسبني ..الا امي مش هخليها تسيبني , انا اسف يا امي , انا اسف يا حبيبتي اني خليت نفسي مشهورر وبعدت عنك , بس انا بعدت عنك مش عشان مفكر اني اقدر استغنى عنك , ده الي انتي عارفاه , بس , انا بقيت مستهدف بدون اي سبب , كان لازم ابعد , بس الظاهر ان السيناريو الي كنت خايف منه متغيرش نتيجه بعدي عنك وحصل برضو .
حركه تانيه منه ورمى تاني برطمان في شاشه الستريم واللايف فصل .....
عمرك شوفت فيلم رعب لايف ؟
اقصد فيلم رعب بجد ؟ لا وقدامك بيظهر عرض خاص .
تخيل تكون من ضمن ١٠٠ الف بيشوفو المشهد ده بيحصل لايف قدامك .
ناس كتير في صدمه وفزع وفي الي قفل جهازه من الرعب والي راح يغسل وشه ويتأكد ان الي بيحصل حقيقي وان اليوتيوبر الي بيعشقه وبيتابعه بيحصل فيه كده ..
في نفس اليوم بالظبط ..القناه اتقفلت وحسابه عالفيس اتقفل ..
اللايف في اجزاء منه كتتيييره اتصورت واتذاعت على عشرات القنوات واختفو في نفس اليوم واتمسحو .....
مويايل بيرن او تحديدا كول ماسنجر .
اتمدت ايد لشخص في عمر ال١٩ من عمره وهو بيكنسل ,
semary calling ..
ده مين ابو دماغ مربعه الي بيتصل بواحد ١٠ الصبح ده .
الو , ياض يسيمري يمعفن مش قولتلك انا مبحبش حد يرن عليه الصبح , انت بقره يلا مبتفهمش ؟
سيمري : انت يعم زياد اهدى بس كده عشان انت الي هتسمعه مش هيجبلك نوم طول حياتك .
زياد : ليه يعم بتقفلها في وشي ليه كده ؟
سيمري : خليني اقولك ليه , او مش انا الي هقول تحديدا .. خش عاللينك ده بس وشوف الفيديو , اتبعت لينك , دخلت عليه حالا من غير اي تفكير .
" حقيقه مقتل اليوتويبر سعد ابراهيم " جريمه قتل بشعه اثارت الرأي العام
...............يتبع