بدون عنوان

الحلقة السادسة
*تفكر هنا شوية وبعد كدا تقرر انها متخرجش مع ريهام*
هنا*ابتسمتلها*:لا روحى انتى
حنان*بأبتسامة صغيرة*:ليه ياحبيبتى ماتخرجى معاها
هنا:معلش ياخالتو اصل انا تعبانة وكمان خرجت مرة حلو اوى , ماتزعليش ياريرى مش هقدر اخرج والله
ريهام*ابتسمت وقالت لنفسها:احسن برده*:لا ياحبيبتى عادى,ماما انا هنزل انا ,سلام
حنان:متتأخريش ياريهام عشان ابوكى مايزعقش
ريهام:ماما انا مع عمرو ,يعنى مش حد غريب
حنان*بأسلوب حاد*:برده متتأخريش
ريهام*بأرف*:طيب سلام سلام
*وتمشى ريهام وتقعد هنا مع خالتها فى الصالة*
حنان:مش عارفة امتى هتكبر وتعقل بقى
هنا*تبتسم*:سبيها ياخالتو براحتها
حنان:دى مجننانى يابنتى وكله كوم وموضوع عمرو ده كوم ,مش عارفة فى ايه بظبط 
هنا*عايزة تقول لخالتها بس تسكت*:ابن عمتها معقولة هتخافى عليها منه
حنان:هو عمرو شاب طيب ومؤدب وكويس واهله طبعا ناس كويسين وقرايبنا بس برده انا مش عارفة  حاسة ان فى حاجة مش مريحانى ولو هو مثلا بينهم حاجة ما ييجى يتقدم ايه المشكلة
هنا*بتسمع كلامها وساكتة*
حنان:ده طبعا لو هو بيحبها انا كل خوفى ان تكون هى اللى بتحبه وهو ما بيحبهاش
هنا*بستغراب*:معقولة؟
حنان:انا مش عارفة والله يابنتى بس الواد انا مش بشوفوا ييجى خالص عندنا هى الـ على طول بتروحلهم او تروحله النادى لكن هو مش بييجى خالص قليل اوى لو جه وبيبقى عشان والدته عايزة حاجة وخلاص
هنا*بعفوية*:يمكن مستنى يكون نفسه ياخالتو ,وان شاء الله يكون بيحبها زى ما هى بتحبه
حنان*بصيتلها*:يعنى هى بتحبه
هنا*حسيت انها غلطت وقالت بتردد*:قصدى يعنى لو كانت بتحبه
حنان*بصتلها جامد*:هــنا
هنا:بصراحة ياخالتو هى بتحبه وقالتلى وارجوكى ماتقولهاش حاجة عشان متزعلش وتفقد الثقة فيا 
حنان*تبتسم*:متقلقيش ياحبيبتى انا بس كنت عايزة اتأكد انا كنت حاسة لكن انتى أكدتيلى ,بس هو مجاش يتقدم ليه
هنا:قالتلى لسه بيكون نفسه وقريب هيتقدملها
حنان*بفرحة*:بجد
هنا:هى قالتلى كدا
حنان:يارب ,هو بصراحة شاب محترم ومايتعيبش
هنا*ابتسمت*:ربنا يقدملها ال فيه الخير ,انا هدخل اغير هدومى
حنان:ماشى ياحبيبتى
*وتدخل تغير هدومها وتفكر فى موضوعهم وتفتح الدورك تلاقى صورة عمرو تمسكها بأيديها وتفضل تبصله اوى وتنطق اسمه&عمرو&عمرو يكون فى الملعب وبيلعب كورة وريهام قاعدة وبتشجعه وهو يكون مضايق ومش عارف يلعب عمال يفكر فيها ومش مركز خالص*
رامى:شوووط ياعمرو ،عمرو شوووط
عمرو*واقف قصاد الكورة وسرحان*
كريم:باصى ياعمرو
اسامة*بعصبية وبزعيق*:عمرو اتحرك بالكورة
بسام*يقرب منه بستغراب*:فى ايه ياعمرو 
عمرو*بخنقة*:مفــــــــــــيش مش قادر اللعب انا هخرج
اسامة*جاى بعصبية*:انت واقف تتفرج على الكورة ماتشوط ياعم انت
عمرو*بحزن*:اسامة انا مش عايز اللعب
اسامة:انت اصلا غبى ضيعت علينا 3 اجوان
عمرو*بنرفزة*:احترم نفسك يا اسامة فى ايه
اسامة*بصوت عالى*:فى ايه انت ,انت لو فضلت تلعب بالطريقة دى يبقى عمرنا ماهنكسب اى ماتشات خالص
عمرو*بعصبية*:عننا ماكسبنا يا اخى
اسامة:يعنى ايه عننا ماكسبنا عايز تخسر اخسر انت لكن ماتخسرش فريق بحاله انت سامع
عمرو*بنرفزة*:مش انت التقولى اعمل ايه ومعملش ايه؟
بسام*وقف ف نص مابينهم*:اهدوا يا جماعة شوية
اسامة:انت مش شايف بغباؤه عمال يخسرنة
عمرو*بيحاول يمسك اعصابه*:كلمة كمان ومش هتتوقع انا ممكن اعمل فيك ايه *وبصله نظرة كأنه خارج من عينه نار*:انا ماشى عشان مرتكبش جريمة دلوقتى حالا
*يمشى عمرو ويروح اوضة الملابس ويغير هدومه ويخلص الماتش وقبل ما يمشى بسام ييجرى ويكلمه*
بسام:مالك ياعمرو فى ايه ,وايه الحصل ده
عمرو:انا تعبان ايه المشكلة يعنى لما اضيع اجوان 
بسام:مفيش مشكلة بس انت مالك ايه الحصل يعنى انا شايف انك كويس مش تعبان ,, فيك ايه ياصاحبى
عمرو*يرفع راسه للسما وياخد نفس عميق وبعد كدا يبصله*:هحكيلك بس روح غير وانا هستناك فى العربية
بسام:ماشى 
*ويمشى عمرو وقبل ما يخرج من باب النادى ريهام تنده عليه*
ريهام:عمرو عمرو
عمرو*لنفسه:يووووووه مش وقتك خالص*:يانعم
ريهام:ايه الحصل ده!! انت اول مرة ما تجيبش اجوان انت شكلك تعبان
عمرو*بأرف*:اة انا تعبان 
ريهام:الف سلامة عليك,طيب يلا نروح
عمرو:روحى انتى, انا هستنى واحد صاحبى
ريهام*بحزن*:يعنى هاتسيبنى امشى لو حدى
عمرو*بأسلوب حاد*:زى ما جيتى لوحدك امشى لوحدك
*وسابها عمرو ومشى ,ريهام اتصدمت من طريقة كلامه وروحت ودموعها على خدها فتحت الباب جامد ودخلت على اوضتها بسرعة و كانت هنا قاعدة على السرير وبتقرا رواية بس حسيت بيها لما قفلت باب الاوضة لانها قفلته جامد واترميت على السرير وفضلت تعيط ,هنا اتخضيت عليها وقربت منها*
هنا:مالك ياريهام فى ايه ,ايه الحصل
ريهام:مفيش ممكن تسيبينى لوحدى
هنا*بقلق*:بس قوليلى مالك فى حاجة حصلت
ريهام*بزعيق*:قولتلك مفيش اطلعى برة الاوضة وسيبينى
حنان*تفتح باب الاوضة وتسمع الكلام ال ريهام بتقوله*:بنت انتى اتجننتى ايه اللى بتقوليه لبنت خالتك ده ومالك, فى ايه الحصل
ريهام:يووووووووووووه سيبونى فى حالى بقى واطلعوا برة
حنان:انتى بتعالى صوتك عليا كمان 
هنا*مسكت ايد خالتها*:خالتو تعالى نخرج ونسيبها هى عايزة تقعد لوحدها ولما تهدا هتيجى تحكيلنا 
حنان*تبص لريهام بحزن وتاخد نفس عميق*:ربنا يهديكى ياريهام يابنتى
*يخرجوا سوى ويقعدوا فى الصالة ومستغربين ايه الحصل ومش عارفين ايه السبب ال خالا ريهام تعيط اوى كدا,عمرو قاعد فى عربيته وشوية وييجى بسام ويتحرك بالعربية ويروحوا كافيه*
بسام:ها احكيلى يا صاحبى ايه الحصل
عمرو:هحكيلك بس اسمعنى للاخر
بسام:ماشى احكى
عمرو*يحكيله على حبه لهنا وانه مش قادر ينساها من ساعة مشافها فى القطر وهو مش بيفكر غير فيها هى*:انا من ساعتها بدور عليها فى كل مكان نفسى الاقيها انا ساعات بحس انى عايز ادخل كل بيت وادور عليها انا بحبها بجد 
بسام*باصص له ومستغرب*:معقولة حبيتها اوى كدا
عمرو:بص انا مش عارف ازاى وامتى وليه وعشان ايه بس اللى عرفه انى بجد مش قادر انساها ونفسى نتقابل تانى انا هتجنن بجد لو ماقبلتهاش وشوفتها تانى
بسام:حاجة غريبة فعلا ,بس افرض مثلا ،مثلا انك ما قبلتهاش هتفضل كدا 
عمرو:مش عارف
بسام:يعنى ايه مش عارف,انت فعلا اتغيرت مابقتش عمرو ال كل حياته هزار وضحك انا اول مرة اشوفك كدا وده يأكدلى انك بتحبها بس فى نفس الوقت الانسانة دى مش اكيد انك هتقابلها تانى
عمرو:وحياة ابوك متقفلهاش فى وشى
بسام:عمرو انا بجد مش قصدى بس ده الواقع سيبك من الخيال ال انت عايش فيه ده ,دى مجرد انسانة شوفتها صدفة فى قطر زى ماناس كتير بتصادف ناس كتير كل يوم  بس مع الايام بتتنسى ,حاول تنساها ياعمرو ومتفكرش فيها خالص
عمرو*بحزن*:انت بتطلب المستحيل
بسام:مينفعش توقف حياتك بالشكل ده ,انساها ومتفكرش فيها وحاول تنسى اليوم ده وانت شوية بشوية هتلاقى نفسك فعلا نسيتها
عمرو*باصص لصاحبه وبيفكر معقولة هيقدر ينساها بجد*
بسام:متفكرش كتير هتقدر تنساها بس انت متحطش الموضوع فى دماغك ال عايز ينساه حاجة بينساها المهم يبقى من جواه عايز ده ,سيبك بقى من ده كله وارجع عمور بتاع زمان وان شاء الله هتلاقى بنت الحلال بس ساعتها مش هتكون فى قطر ومجرد ساعات وما تشوفهاش تانى فاهمنى ياصاحبى
عمرو*بتنهيدة*:فاهمك ياصاحبى
بسام*ابتسم*:انا هكلم اسامة عشان تتصالحوا
عمرو*بضيق*:لا مش طايق اشوفه
بسام:معلش ياعمرو اصل النهاردة كنت غريب اوى بجد احنا كلنا كنا مستغربين قولنا اكيد فى حاجة مش طبيعية مستحيل عمرو يفضل واقف كدا وميلعبش ولا يجيب اجوان
عمرو:كنت بفكر فيها ,حاسس انها مستعمرة عقلى وقلبى
بسام:لزما تطرد الاستعمار ده ,دى نصيحة اخويه ياعمرو 
عمرو*بتنهيدة كبيرة*:هحاول اطردها
بسام:مفيش هحاول اكيد هتطردها
عمرو*بص لصاحبه ومنطقش بولا كلمة وفضل يفكر فى كلامه بس قلبه وعقله رافضين كلامه بس الواقع بيأكد كلامه وانه صح وخصوصا ان مش بسام بس ال قاله كدا ومها اخته كمان واكيد لما ييحكى لآى حد هيقولوا نفس الكلام و فضل سرحان وبيفكر لحد ماجه اسامة*
اسامة*بأسف*:انا اسف ياعمرو ماكنش قصدى الكلام القولته ده انا زودتها شوية
عمرو:شوية بس
اسامة:زودتها كتير حقك عليا
عمرو*وقف وبصله وابتسم*:ولا يهمك يا اس اس *وسلم عليه*
اسامة*ضحك*:حبيبى ياعمور
*وفضلوا قاعدين سوى وشوية وجم رامى وكريم وقاعدوا هما الخمسة يهزره ويضحكوا بس عمرو كان اوقات يسرح ويبصلهم هم الاربعة ويفتكر اليوم الشاف فيه هنا وبعد ساعات يروح عمرو ويدخل اوضته ويبص للجاكيت*
عمرو:انا لزما انساكى انتى فعلا مجرد خيال ومش عارف هلاقيكى ولا لا الوداع يا هنا*و شال الجاكيت وحطه فى الدولاب وقفل عليه وافتكر السلسلة ولسه هيقلعها اتردد كتير*:لا مش هقلعها هخليها ذكرى ليها *وابتسم ودخل ينام*
*تانى يوم فى بيت خاله يكونوا بيفطروا وبعد ما ابراهيم يخلص فطارو وينزل ريهام تخرج من الاوضة وتكون لبسة هدوم خروج*
حنان*بستغراب*:انتى راحة فين
ريهام:راحة لعمتو
حنان:ليه ان شاء الله وايه الحصل امبارح ده
ريهام:مفيش كنت مخنوقة شوية فيها حاجة دى
حنان:مخنوقة تعملى كدا ومخنوقة من ايه يا ست هانم
ريهام:ماما ونبى سيبينى انزل
حنان:هتروحى لعمتك تعملى ايه
ريهام:هروح اقعد مع مها شوية
حنان:ماتقعدى مع هنا اهيه
هنا:سبيها ياخالتو براحتها
حنان:روحى بس برده متتأخريش
ريهام:طيب سلام
*وتخرج ريهام وحنان هتكون هتجنن من تصرفات بنتها الغريبة وهنا مش فاهمة فى ايه ومستنية لحد ما تيجى وتحكيلها وتوصل ريهام البيت وترن الجرس وعزة تفتحلها*
عزة:اتفضلى ياريرى نورتى ياحبيبتى
ريهام:شكرا ياطنط ,هى فين مها
عزة:قاعدة جوه 
مها:ازيك يا ريرى عاملة ايه
ريهام:كويسة
عزة:هسيبكوا بقى واقوم اشوف ال ورايا
مها*تحس انها زعلانة*:مالك
ريهام:انا زعلانة اوى 
مها:ليه
ريهام:عمرو زعقلى امبارح *وتحكيلها الحصل*:يرضيكى كدا
مها: معلش،هو امبارح كان مخنوق اوى انا حتى استغربت اول مرة اشوفوا كدا *وكانت عايزة تحكيلها انه كدا بسبب حبه للبنت الشافها فى القطر*:بصى بصراحة عمرو...
عمرو*يخرج من الاوضة بيتصنع الابتسامة والسعادة لكن من جواه كان حزين*:صباح الخير على البنانيت الحلوين
مها*بصاله ومستغربة*:سبحان مغير الاحوال ايه الابتسامة دى ,ده اليشوفك امبارح مش يشوفك دلوقتى
عمرو:خمسة وخميسة قرى بقى وكمان انا على طول بضحك وبهزر ,مش كدا ياريمو
ريهام*تفرح اوى انه دلعها بس تفتكر لما زعقلها*:عمرو انا زعلانة منك
عمرو:ليه
ريهام:عشان انت زعقتلى امبارح فى النادى وسيبتنى ومشيت
عمرو:وانا مرضاش على زعلك ياريمو معلش كنت متضايق شوية
ريهام*تبتسم*:خلاص عادى ولا يهمك
عمرو:انا هدخل اخد شاور بقى عشان نازل*ويدخل ويسيبهم*
ريهام*تبص لمها*:كنتى هتقولى حاجة
مها:هه لا ،هى هنا ماجتش معاكى ليه
ريهام:انا كنت مضايقة ومسألتهاش تيجى ولا لا 
مها:اخص عليكى المرة الجاية ابقى جبيها معاكى
ريهام:طيب 
*ويعدى شهر ،عمرو يتصنع انه بخير وسعيد لكن من جواه مش فرحان وبرده بيتمنى يقابلها ،هنا بقت هى ومها اصحاب وعلى طول بينزلوا مع بعض يشتروا حاجات للبيت بتاعها بس ماكنتش بتروح بيتهم خالص ولا مرة قابلت عمرو، ريهام كانت فى امتحانات عشان كدا ماكنتش بتخرج معاهم وكانت عندها امل ان عمرو بيحبها وهييجى يتقدملها*وفى يوم تكون مها مستنية هنا فى كافيه عشان اتفقوا انهم يتقابله فيه *
عمرو:الو ياميهو انا مروح هتروحى معايا
مها:انا قاعدة فى الكافيه مستنية صاحبتى فشوية كدا وتعالا عشان توصلنى
عمرو*بهزار*:لاونبى , وانا مش هروح وارجع تانى ,انتى مش بتدفعيلى فلوس البنزين ياختى
مها*ابتسمت*:انسان مادى اوى
عمرو*ابتسم*:ايون انا مادى ,انا هاجى اقعد اشرب حاجة فى الكافيه واعزمك انتى وصاحبتك يلا عشان تعرفى انى مادى اوى
مها*تضحك*:ايوه بقى هو ده عمور اخويا,مستنياك
*وبعد شوية ييجى عمرو ويكون اليوم ده معاه الجاكيت بتاع هنا عشان دور على جواكيت وملقاش غيره ولبسه بس بعد ما خرج من النادى قلعه وحطه فى العربية و طلع قعد مع اخته*
عمرو*بيحط ايده ف جيبه*:انا شكلى نسييت موبايلى فى العربية هنزل اجيبه
مها:ماشى
*ووقت ما عمرو لسه هيخرج من باب الكافيه هنا كانت واقفة وبتدفع الفلوس لسواق التاكسى وبعد كدا قربت من باب الكافيه عمرو يبصلها ويفضل واقف فى مكانه ومصدوم ومش مصدق نفسه ياترى بيتخيل ولا دى هى بجد*
تأليف:فاطــــمة هـــــشام