الفصل الثالث

تاني يوم الصبح 
شهاب ينزل يدخل اوضته مامته 


شهاب: موافق 


امينه: علي ايه 


شهاب: هتجوز اسما 


امينه تزرغط 


شهاب بسرعه: بس يا امي اهدي 


امينه فرحانه: ده احلي خبر سمعته 


شهاب: اهدي 


احمد يدخل: في ايه 


امينه: شهاب وافق 


احمد يبص له بإستغراب: ايه الي غير رايك 


امينه: في ايه يا احمد انت مش عاجبك 


احمد: لا مش حكايه كده...مبروك يا شهاب 


امينه: أنا هقول ل اسما و علي اخر الشهر يكون الفرح


شهاب: ايه استهدي بالله احنا في نص الشهر 


امينه: مش مهم 


شهاب: هو ايه لسه هشتري شقه و....


امينه تقاطعه: تشتري ايه...أنت هتعيش هنا زيك زي اخوك 


شهاب: بس 


احمد: خلاص ماشي يا امي 


يشاور ل شهاب و يخرجوا من الاوضه 


مروه: الفطار جاهز 


شهاب: انا هخرج علشان هدفع باقي فلوس العربيه و هخلص ورق الرخصه...تيجي معايا يا احمد 


احمد: ماشي يلا 


يخرجوا 


احمد: متأكد من القرار ده 


شهاب يبتسم: بصراحه لا بس انا محتاج حد في حياتي زي اسما و هعمل زي ما انت قلت


احمد: هبقي في الفرح ده اخو العروسه 


شهاب: اه يا واطي 


فات فتره
اسما اشترت حاجتها و هي فرحانه جدا شهاب اتكلم معاها عن نورهان و عن شكل علاقتهم و ان ده هيبقي سر بينهم متتكلمش فيه حتي مع مروه 
اسما زعلت بس كملت 
اسما مكنتش عايزه فرح بس كتب كتاب في البيت 
امينه وافقت بصعوبه 
يوم كتب الكتاب قبل ما المأذون يجي 
امينه تاخد اسما و شهاب و احمد و يدخلوا الاوضه 


احمد: خير يا أمي 


تمسك مصحف و تقرب من شهاب 


امينه: امسك ده


شهاب يمسكه 


امينه: احلف انك هتصون بنت خالتك و انك هتدخل عليها النهارده زي اي راجل و ست


الكل يتصدم اسما وشها يحمر جدا و تبص ل احمد تستنجد بيه


شهاب: لا طبعا 


امينه: هتحلف 


اسما بخجل: خالتي...


امينه تقاطعها: استني انتي انا لازم اضمن حقك 


احمد: حق ايه ملكيش دعوه بيهم دي المفروض حاجه بينهم يعملوها وقت ما يحبوا 


امينه: الليله يا اقسم بالله انت لا ابني ولا اعرفك و قلبي و ربي غضبانين عليك ل يوم الدين


احمد: والله الي بتعمليه ده عيب 


امينه بحده: العيب اني اجوزها و اسيبها تنام لوحده من غير ما اطمن ان ابني راجل معاها 


شهاب يزعق: ملكيش دعوه دي حياتي انا و هي 


امينه: و أنت مش بتفهم و أنا لازم احافظ عليكم....احلف حالن انك هتصونها و تبقي راجل معاها من اول ليله


احمد: يا أمي انتي كده هتكسريهم 


شهاب: مش هحلف 


امينه: يا تحلف يا اما تعتبرني ميته و ملكش ام 


شهاب يتصدم و يبص علي اسما الي باصه في الأرض و عماله تعيط يبص ل امه يلاقي عناد مش هيعرف يكسره 


شهاب: و الله العظيم هصونها و هبقي معاها زي اي راجل و ست من اول ليله 


امينه تزرغط و اسما تعيط اكتر 


شهاب يحط المصحف: بس اعتبري ان ملكيش ابن اسمه شهاب 


احمد: توقعت اي حاجه منك غير كده 


يخرج و يسيبهم و شهاب ياخد اسما و يروحوا اوضه تانيه 


شهاب: اغسلي وشك هبعتلك مروه 


يخرج من الاوضه و مروه تدخل 
بعد شويه المأذون يجي و يكتب الكتاب و الكل منكد ماعدا امينه 
المأذون مشي و قعدوا مع المعازيم الي هما القرايب بس الكل بيضحك و فرحان ما عدا شهاب و اسما و احمد و مروه بعد ما اسما حكت ليها 
بعد ما الكل مشي شهاب خد مراته و تدخلوا الاوضه مش مدي فرصه ل امه تتكلم 


امينه: أنا معملتش حاجه غلط 


احمد: لا و انتي اصلا بتغلطي...مش هقولك غير ربنا يسامحك لإني مقدرش اقول غير كده 


ياخد بنته الي نايمه علي الكنبه و مراته و يروحوا اوضتهم
في اوضته شهاب و اسما 
شهاب قاعد علي الكرسي و هي علي السرير دموعها نازله 


شهاب: حقك عليا 


اسما تمسح دموعها: هنعمل ايه حالن 


شهاب يقرب يقعد جنبها: بصي انا الي حلفت و مستعد اشيل الذنب ده لوحدي لو مش هتقدري


اسما تعيط: لا...أنت حلفت مش هينفع 


شهاب: مش عايز اكسرك 


اسما: خالتي كسرتني يا شهاب...اول مره احسن اني محتاجه بابا و ماما في حياتي 


شهاب: أنا آسف حقك عليا....عارف ان الموضوع صعب 


اسما: الأصعب ان في قلبك حد تاني و كنت بتحلم باليله دي معاها هي


شهاب: بس النهارده انا جوزك و انتي مراتي 


اسما: هتقدر تنساها


شهاب: مش هكدب عليكي بس مش اتفقنا قبل الكتاب و انا جيت و صرحتك بكل حاجه و اتفقنا نبقي صحاب لحد ما ربنا يكتب الجاي...بس امي الله يسامحها هي الي عملت فينا كده 


اسما تمسح وشها بمناديل: بس انا هفضل عند اتفاقي ليك 


شهاب: ازاي 


اسما: بص لو منفذناش حلفانك هيبقي حرام عليا و عليك لإني كنت موجوده و مقدرتش اعمل حاجه_صوتها يتكسر_احنا نعمل الي امك عايزه النهارده و بعد كده نعيش صحاب زي ما كنا متفقين 


شهاب: انتي عايزه كده 


اسما: لا بس اهون من ذنب الحلفان 


شهاب: ماشي...بس لو مش قادره تكملي قوليلي 


اسما تهز رأسها ب اه و تغمض عنيها و دموعها تنزل 
شهاب يقرب منها....
بعد مده شهاب يبعد عنها و يقعد علي السرير و هي تعيط فجأه 


شهاب يتنفض: ايه في حاجه بتوجعك....أنادي مروه 


اسما تبص للجهه التانيه بعيد عنه: أنت كنت حاسس ان نورهان الي معاك صح 


شهاب بسرعه: لا والله لا أنا مش اناني يا اسما والله نورهان مجتش في دماغي خالص والله_يقرب و يبوس رأسها_قومي استحمي و استهدي بالله...أنا راجل و عمري ما هفكر بالطريقه دي 


اسما تبص له: بلاش تقول كلام انت مش قده نورهان لو بعتت ليك رساله حالن هتجري عليها 


تقوم تاخد هدومها و تدخل الحمام 
شهاب يبص علي الملايه ويلاقي بقعه دم..دم عذريتها 
يقوم يشيل الملايه و يطلع واحده جديده يحطها علي السرير 
تخرج من الحمام و تنام علي السرير من غير ما تبص له ولا حتي تنشف شعرها و هو ياخد هدومه و يدخل يستحمي 
و لما يخرج من الحمام يغطيها و يبوس رأسها و يروح ينام هو كمان