رواية غرباء في بيت العمده | الفصل الاول
جاري التحميل...
الفصل الاول
نوح راجل صعيدي ابن العمده تمام حاليا ابوه اتنازل عن العموديه و بقي هو العمده متجوز بنت عمه نرجس من و هو عنده ١٨ سنه و مخلف منها سراج و عبد الرحمن و هو عنده ٢٥ سنه سافر القاهره لشغل و قعد فتره هناك اتعرف علي بنت اسمها ليلي و اتجوزها ابوه عرف و هدده إنه يطلقها و يرجع البلد لمراته و عياله يا اما هيتبري منه و مش هيديله ولا مليم نوح مبقاش عارف يعمل خصوصا انه مش متعلم و مش معاه حتي حته ارض يبدأ بيها من الصفر ساب ليلي و هي حامل في خمسه تؤام مطلقهاش بس مشي و بيبعتلها من وراء ابوه كل شهر مبلغ محترم فات ٢٠ سنه سراج بقي ٢٦ سنه و عبد الرحمن ٢٥ سنه مش متعلمين في القاهره ليلي خلفت الخمسه عندهم دلوقتي٢٠ سنه نادر هندسه نائل طب نديم آداب لؤلؤ معهد مسرحي ماسه علم نفس جنائي نوح كان كل السنين دي كلها بيعمل شغل لنفسه من وراء ابوه و لما وقف علي رجله بعت ل ليلي علشان تيجي البلد بالعيال
شقه في القاهره في مكان راقي مكونه من دورين بسلم داخلي ليلي قاعده في البلكونه بليل
تليفونها رن بتشوف مين و تتعجب كده من الاسم
ليلي: ألوو...نوح خير بتتصل دلوقتي ليه
نوح: ليلي عايز اكلم معاكي في حاجه
ليلي: بعد 20 سنه عايز تتكلم
نوح: أنتي عارفه انه كان غصب عني...بس دلوقتي تقدري تيجي البلد و معاكي عيالنا تعيشوا معايا
ليلي بتوتر: و ابوك
نوح: أنا دلوقتي معايا فلوس خاصه بيا انا و كمان بقيت العمده انا معنتش معتمد عليه
ليلي: و نرجس و ولادك التانيين
نوح: الي مش عاجبه الباب يفوت جمل
ليلي: نوح بلاش تخسر عيلتك علشان احنا دلوقتي مرتاحين و عايشين كويس بلاش تدمر عيلتك التانيه
نوح بحده: انتوا عيلتي الي انا اخترتها بقلبي مش ب عقلي...أنا اتجوزت نرجس بنت عمي و أنا عندي 18 سنه من غير ارادتي بس انتي حبيتك
ليلي: اوعدني انك مش هتقصر مع سراج و عبد الرحمن
نوح: اوعدك.... انتي موافقه
ليلي: اديني مهله شهر اقنع العيال
نوح: يعني علي العيد الكبير
ليلي: ان شاء الله
نوح: طب ممكن تكلميني علي العيال اكتر عايز أعملهم اوض علي زوقهم
ليلي تضحك: طيب هبقي اكلمك هفتح معاهم الموضوع الأول
نوح: ماشي
ليلي تقفل المكالمه و تتنهد و تبص للنجوم فجأه تسمع صوت حركه وراها تبص تلاقي ولد طويل لابس شورت و بلوزه بقط شعره منعكش و عينه لسه نايمه
نادر يبتسم: القمر صاحي لحالن ليه
ليلي تبتسم: بفكر
نادر يقعد جمبها: في ايه
ليلي بتردد: ابوك...ابوك اتصل و قالي انه عايزنا نروح البلد نعيش معاه
نادر يعدل قعدته: ليه
ليلي: بيقول انه دلوقتي يقدر يصرف علينا لو ابوه قرر يطرده و وقف علي رجله
نادر: بصي انا مش هشيلك همي و الي انتي عايزه اعمليه بس لو هنرجع ارجوكي بلاش تضغطي عليا اني اتقبله في حياتي....و شوفي هتقنعي الباقي ازاي
ليلي: مش عارفه انا قولتهم زمان أن انا سبته لما عرفت انه متجوز واحده قبلي مش عارفه اقول ليهم ايه
نادر: ماما..ليه قولتي ليهم كده و قولتي ليا الحقيقه
ليلي تبتسم: علشان انت ابني العاقل
نادر يضحك: أعقل من نائل
ليلي: لا بس نائل بيكتم جوه عكسك انت بتتكلم....هتساعدني اقنع اخواتك
نادر يفكر: نائل هيعمل بحث علمي عن اثر غياب الأب علي نفسيه الطفل و نديم هيكتب قصيده عن غياب الأب و لؤلؤ هتهز رأسها و تقول الي انتوا عايزينوا و تحضن بندق و لوزه...دول أمرهم سهل أتصرف معاهم
ليلي: يعني هتسبلي ماسه
نادر يضحك: دي أقل حاجه هتولع فيا انتي امها مش هتعملي فيكي حاجه
ليلي تضحك: يا كداب دي بتعملك حساب اكتر مني
نادر: يا ستي و الله ببقي بزعق ليها و أنا مرعوب بتبص ليا كل بصه و التانيه و كأنها هتقوم تقتلني...بس حاضر كلميهم انتي و الي يعصلج معاكي احاول أقنعه...هقوم اصحيهم بقي علشان صلاه الفجر...هتصلي معانا
ليلي: لا هصلي في اوضتي
نادر: ماشي
يقف يبوس رأسها و يروح ناحيته اوض اخواته تفضل تبص عليه لحد ما يطلع السلم و تبتسم و تدخل اوضتها
نادر عند اوضه نائل بيخبط علي الباب و بيفتح يلاقي نائل قاعد علي السرير لابس بنطلون ترينج و تيشرت خفيف
نادر بإبتسامه: صاحي
نائل: صحيت من شويه
نادر: هتبقي الأمام انت النهارده...نديم هيقتلني علشان طولت في الصلاه امبارح
نائل يضحك: خلاص يا عم ماشي روح صحيه
يخرج من اوضه نائل و يروح اوضه نديميخبط و يدخل يلاقي نديم نايم علي بطنه لابس شورت بس
نادر بصوت عالي شويه: قال شاعر و بيدرس ادب بلا نيله
نديم: أقسم بالله لو ما وطيت صوتك ل اقوم اخرسك خالص انا لسه نايم من ساعه
نادر: ليه
نديم: كنت بقراء مقال عن شاعر يوناني
نادر: أقسم بالله هندخل النار كلنا بسببك يلا
نديم يضحك: متخفش اوي كده...هتوضي و احصلك
نادر يخرج من الاوضه و يروح ل لؤلؤ يخبط و يفضل مستني لحد ما تفتح الباب
نادر بإبتسامه: يا صباح اللؤلؤ علي اجمل لؤلؤه عندي
لؤلؤ بخجل: صباح النور
نادر: يلا علشان نصلي
لؤلؤ: حاضر هتوضي و اجي
يبوس رأسها و يتحرك ناحيه اوضه ماسه يخبط مره اتنين تلاته محدش بيرد بيتنهد و يفتح الباب الاوضه ضلمه كُحل يشغل النور و يقعد جمبها علي السرير
نادر: ماستي يلا علشان نصلي
ماسه بصوت نايم: اطفي النور و اطلع بره
نادر: مش هتصلي
ماسه: ملكش دعوه اطلع بره
نادر: ماسه يلا علشان تصلي
ماسه: يووووه
تتقلب و تدفن وشها في المخده
ماسه: مش هعرف اصلي النهارده
نادر: فهمت خلاص..طب ما تقولي من الاول لازم تزعقي
ماسه: ما انت حمار مش بتفهم
نادر: بطلي لسانك الطويل ده...كملي نوم يلا تصبحي علي خير
يبوس رأسها و يطفي النور و يخرج
صلوا الفجر و كل واحد رجع اوضته ينام
ليلي فضلت طول الليل تفكر
النهار طلع و كله صاحي ماعدا ماسه و نديم
ليلي: حد يصحي العيال دي العصر قرب يأذن
نائل: هروح اصحيهم
يطلع يلاقي نديم نازل بس بيكمل و يروح لاوضته ماسه يخبط و يستني
ماسه من جوه: أدخل
يدخل كانت قاعده علي السرير و حوليها قطتها دارك و فينكس جنبها علي السرير
يدخل و يقفل الباب و يقعد جمبها
نائل: مالك
ماسه و هي بتمسح علي ضهر دارك: مفيش
نائل: حلم تاني
تهز رأسها ب اه
يقرب و يحضنها و يفضل يمسح علي رأسها
نائل: نفسي تعيطي
ماسه تبعد شويه: أنا كويسه
نائل: بس لو عيطتي هتبقي احسن
ماسه تبتسم: و الله انا كويسه تعرف ليه انا كويسه...لإن جمبي اخوات زيكوا
نائل: و الله هما لو سمعوكي بتتكلمي كده هيموتوا من الصدمه
ماسه: لا متخفش محدش هيسمع
نائل: طب يلا ننزل امك ناويه تعمل اجتماع الأمم المتحده تحت
ماسه: ماشي
نزلوا الاتنين و قعد الخمسه قدام امهم
نديم: ها يا ست الكل ايه اجتماع الطوارئ ده
ليلي: بصراحه...ابوكم كلمني بليل...بيطلب مني نروح نعيش معاه في البلد
ماسه: بلاش بواخه
ليلي: لسانك يا ماسه
ماسه بعصبيه: أنتي مش سامعه انتي بتقولي ايه
نائل: استني خلينا نسمع....ماما مش انتي قولتي انك سبتيه علشان عرفتي انك زوجه تانيه و مقلش ليكي
ليلي: ايوه
نديم: طب اشمعنا دلوقتي كلمك
ليلي بتوتر: هو دايما بيكلمني علشان نرجع
لؤلؤ: و ايه الفرق دلوقتي
ليلي: حاسه بتأنيب ضمير اني حرمته منكوا و حرمتكوا منه
ماسه بعصبيه: خدي مسكن يا ماما و مش عايزه اسمع كلام تاني في الموضوع ده
تروح لاوضتها
نديم: و أنت يا عم نادر
نادر: أنا شايف ان دي حاجه تخص ماما و بابا ملناش دعوه بيها...بس انا مش عايزك تجبرينا أننا نتقبله و نتعامل معاه انه ابونا
فجأه صوت فاظه تترمي من فوق تقع علي الارض و تتكسر
ماسه تصرخ بعصبيه: أقسم بالله لو ما بطلتوا الهبل ده لاكون مولعه في البيت
تجري علي اوضتها و نائل يجري و يدخل وراها
كانت واقفه في نص الاوضه بتتنفس بسرعه بس مش بتعيط
نائل: وعد محدش هيعمل حاجه غير لما توافقي
ماسه بصوت مبحوح: كان فين و أنا محتاجه ليه...اشمعنا دلوقتي
نائل: ماسه انتي راميه الذنب كله عليه لوحده مع ان ماما هي الي اختارت تبعد.....مش بدافع عنه بس مينفعش يشيل الذنب لوحده
ماسه: أنا مش عايزه
يسحبها من ايدها و يقعدوا علي السرير و قططتها تطلع تقعد علي حجرها
نائل: ممكن تهدي و كل حاجه هتبقي كويسه أن شاء الله
تسند رأسها علي كتفه و تمسح علي قططتها
تحت الكل واقف مصدوم
لؤلؤ: ماما
ليلي بدموع في عينها: روحوا اوضكم انا هنضف الأرض
نديم: لا أنا هنضف انا و لؤلؤ روحي ارتاحي انتي...و متشليش هم ماسه احنا هنتكلم معاها
ليلي تدخل الاوضه
و نادر يطلع لاوضه ماسه و يدخل من غير ما يخبط
نادر بعصبيه شويه: أنتي مش هتبطلي اسلوبك ده
ماسه: متزعقش انا معملتش حاجه
نادر: أقسم بالله يا ماسه لو ما بطلتي طريقتك دي مع امك...
ماسه تقاطعه بحده: هتعمل ايه يعني هتضربني
نادر: ماسه متخلنيش اقفش عليكي
نائل يقف: خلاص يا نادر هي هتفكر زينا في الموضوع
لؤلؤ و نديم يدخلوا و لؤلؤ تروح تحضنها و نديم يديها شوكولاته
نديم: كنت مخبيها بس مش خساره فيكي
ماسه: يا معفن جايبها من ورايا
نديم: تصدقي أن انا غلطان
ماسه: حيوان...و أنتي يا لؤلؤ ما تخافيش انا تمام...و هحاول افكر من غير ما أقتل حد وعد
نادر: و تعتذري لماما
ماسه: علي فكره هي مش امك لوحدك هي امي كمان و ملكش دعوه متدخلش بنا
نائل: خلاص يا جدعان استهدوا بالله و خلونا نطلب اكل من بره
لؤلؤ: بشرط أن نديم يدفع
نديم: و أنا مالي
نادر: محدش هيأكل غير لما انت تدفع
نديم: خلاص خلاص هدفع شحاتين
نائل: قولت ايه سمعني كده
كلهم يقربوا منه مره واحده معاهم مخدات
نديم: شحاتين
يبدوا يضربوه بالمخدات
