من كسره لقوه

في اليوم اللي قالوا لي فيه إني مش مناسبة قررت أبقى أنا المناسبة لكل حلم اتقال مستحيل


انا حبيبه عندي 23 سنه متزوجه و عندي ولد وبنت حابه احكيلكم عن كذا موقف حصل في حياتي بسببهم اتغيرت كتير و انا عندي 18 سنه و انا في الثانوية العامة السنه ال مليانه خوف و رعب و مسئولية و ضغط عل كل ال مرو بيها انا كنت تلميذه شاطره جدا لحد اولي ثانوي لما كنت في تانيه ثانوي توفي جدي جدي ده كان بنسبه ليا حياتي كنت بقضي معاه وقت اكتر ما بقضيه مع امي و ابويا و هو كان على طول يدعمني مكنش بس جدي كان صاحبي و حبيبي و اخويا بعد وفاته انا اتاثرت جدا كنت مصدومه من وفاته و هو كان كويس و في لحظه راح مني و مكنش بايدي حاجه انا قعدت فتره مذاكرش ولا انزل دروس و مكنتش بكلم حد و كنت في مود اكتاب حاد بس بعد أيام ابتديت اذاكر و انزل دروس بس كنت مقصره و مكنتش بذاكر زي مكنت امتحنت و جي يوم النتيجة رحت جبتها لقيت اني قليت جدا و مستوايا نزل قولت مش لو كان جدي هنا كان دعمني و قواني كان حضني و قالي متزعليش تتعوض و فجاه عدت شهور الاجازه بسرعه جدا و بقيت طالبه ثانويه عامه ضغط من كل ال حوليا ذاكري انت مفروض متقوميش من على كتاب ذاكري مره و اتنين و تلاته و مسئولية و خوف كنت بنزل دروس من صبح اجي قرب العشاء باجي خلاص هموت و انام يوم بيضع و هكذا مر كذا شهر و عليا تراكمات كتير يأست و اصبت بالاحباط و تعبت نفسيا جدا غير صحيا انا كنت تقريبا بشتكي من كل حاجه مع ان سني صغير كان سناني وجعاني و لما امشي حبه صغيره رجلي و جنبي يوجعني و كل شويه عندي صداع يعني مريضه نفسيا و جسديا و مقصره في مذاكره و ده تعبني نفسيا اكتر جيت في يوم انفطرت من عياط لان خلاص كان فاض بيا و دعيت و قلت يارب يارب دلني عل طريق صح و قمت صليت و يومها قررت اني اكون قويه و احقق حلم جدي اني اكون احسن الناس و اني معيطتش تاني لانه ديما كان يقولي مبحبش اشوفك بتعيطي قومت عملت جدول و مشيت عليه و جنب كده كنت مواظبه علي الصلاه و مفوضه امري لله و الحمدلله خلصت المناهج و رجعت كذا مره و حليت كتير و جي يوم الامتحان برده مهما قويت نفسي الامتحان لي رهبه لجان و تفتيش و بوليس و ايام الامتحانات كتيره بس الحمدلله خلصت كل الامتحانات و اخدت اجازه و فوضت امري لله و دعيته و قولت يارب نجحني و اجيب مجموع كويس و سبتها على ربنا بس منكرش اني كنت قلقانه جي يوم النتيجه حسيت بخوف شويه بس قولت انا عملت ال عليا و الباقي على ربنا الموقع كان بيعلق كتير من الضغط عليه قولت اروح اصلي ركعتين و ارجع يكون حمل لقيت صوت زغريت وماما بتبوسني و بتقولي مبروك جبتي 98٪ انا وقفت مكاني معرفتش اتحرك بدات استوعب و بعدين دخلت كذا موقع اتاكد و كل موقع اجرب كذا مره و نفس نتيجه حمدت ربنا و سجدت سجده شكر و فرحنا يومها وقفت قدام صوره جدي قولتله شوفت شوفت انا بقيت اي وحشتني كان نفسي تبقي جنبي في لحظه دي كان نفسي تحضني عملنا احتفال صغير انا و امي و ابويا ملحوظه انا كنت وحيده امي و ابويا قدمت علي كليه طب علاج طبيعي بصراحه يعني انا مش بحب التخصصات طب تانيه لان كلها في دم و انا صراحه عندي فوبيا دم و الحمدلله دخلت كليه علاج طبيعي و كنت فرحانه جدا بس فرح مش بيدوم ديما رحت الكليه و كنت مواظبه و مهتميه بمذاكرتي مكنتش مهتميه بشكلي اوي كان كل اهتمامي مذاكرتي و بس كنت يعني زي ما بيقولوا دحيحه الدفعه و زي ما انتم عارفين في كل كليه في كام شله من بتوع بابي و مامي و ال داخلين تسليه و دول طبعا كانوا بيعدو بالعافيا المهم شله دي كانو بينتقدو الدحيحه ال زي كده انا مكنتش بهتم عدت سنه و اتنين و تلاته و انا كل مره بطلع اولي علي دفعه و جت اخر سنه و شله دي كل سنه كانو بيتريقو عليا و انا مكنتش بهتم بس في في يوم جم و كلموني وسط الجامعه واحده منهم مسكت مكرفون و ندهتني وقالتلي اي ال انت لابسه ده انت شحاته اي الهدوم دي دي موضه قديمه مع ان هدومي كانت عاديه بتاعت جيلي لا بلبس عبايه و اروح بيها كليه و لا هدوم بيت و لا هدوم من سبعينات و قالتلي دي شكل بنت انت محدش يرضي يبصلك انت مقرفه وسط كل جامعه و كل الناس انا اتحرجت جدا و مشيت و قررت وقتها اني هحاول ابعد عن الكل و اقعد بعيد يدوب احضر محاضرات و امشي و مش هقعد في كليه رحت تاني يوم المحاضره و جلنا دكتور جديد لسه متخرج كان شاب كويس و كل بنات اتهوست عليه بس انا بنسبالي كان عادي مجرد دكتور هيشرحلي و بس اهانوني تاني وقدام كل زمايلي وقدام دكتور انا طلعت من محاضره و قررت اني خلاص هاجي علي امتحانات و بس و انا طالعه دكتور وقفني و قالي انا عايز اتكلم معاكي و قالي احكيلي انت طلعتي لي واي مشكله حكتله ال حصل و قالي لزم تبقي قويه و كل ده ميهزكيش قولتله انا كنت قويه بس معرفش اي حصل حكتله حكايتي كلها قالي يعني انت كنت قويه في صعب و جايه دلوقتي و تستسلمي كلامه قواني انا كنت محتاجه حد يشجعني فعلان روحت و قررت ان اهتم بنفسي و كمان بمذاكرتي زي ما بيقولو امسك العصايا من النص اهتميت بشكلي ورحت الجامعه كلهم كانو مبهورين ان ال كانو بيتريقو عليها تعرف تلبس براند زيهم و تبقي احلي منهم الحمدلله السنه خلصت على خير و كاالعاده طلعت بامتياز و اقترحو اني اكون معيده و انا طبعا وفقت فرصه متتعوضش علشان اكون نفسي و افتح عياده و اتعينت في كليتي الحمدلله و في يوم و انا مروحه وقفني الدكتور و قالي انا عايز اجيلكم البيت ةعايزه اطلب ايدك انا اتكسفت و وشي احمر و مشيت جاب رقم ولدي و العنوان من السجل في كليه و جالي و اتقدملي و وفقت هو راجل محترم و متحضر و كان لي فضل عليا بعد ربنا لانه قواني بكلامه حسيت انه شبه جدي كان بيدعمني و اتجوزنا كنت مفتقده جدي كان نفسه يشوفني عروسه كان عايز يسلمني لعريسي و بعد مرور وقت الحمدلله ربنا اكرمني ب ملك و ياسين ولادي و ربنا عوضني و حياتي بقت جميله و سعيده 
عايزه اقولكم حاجه متياسوش لسه في فرصه قدامكم ومتخلوش حاجه توقفكم او تهزكم قربوا من ربنا وقوا عزيمتكم 
المولفه و الكاتبه / دودي عبدالله