كلام من القلب - رواية سيناريو من القدر
جاري التحميل...
كلام من القلب
.........
ويوم ده قالت فكرة بما إن كلنا كا فريق العمل قاعدين ودنيا عطلانة ممكن نتكلم مع بعض نحكي عن نفسنا أو مجالاتنا هوايتنا نتسلى، لعبوا لعبة الزجاجة وكان كل حد بيسأل التاني، وجي الدور على ليان وواحدة سألتهاحبيتي قبل كده واحكلنا.
ردت ليان حبيت، حبيت شخص مشوفتش زيه قبل ولا هشوف في حنيته واحتوائه والأمان في وجوده كان سندي وظهري أبويا أول حب في حياتي الله يرحمه ،وعنيها مرغرغة بالدموع وبتحكي بكل فخر أبويا كان حبيبي وصديقي وأخويا كان دوا جروحي وسر فرحي كان الحاجة قبل ما أطلبها تجيلي كان غير كل الآباء عمره ما ضرب ولا قسى عليا علشان كده لما راح خد روحي معاه.
وعم الصمت في المكان وبعدين نور قالها الله يرحمه هو أكيد في مكان أحسن، اتكلمت ليان قالت يارب والحمد لله على كل شيء أنا مش معترضة وعارفة إن ده القدر وإرادة ربنا بس للأسف الفراق صعب، وآسفة لو كنت دايقتكم بكلامي رد الكل لا.
وجي دور على سؤال نور وحد سأله كلمنا عن نور الممثل ونور الإنسان شوية وبدأ يحكي نور ويقول أنا نور ياسر ممثل يمكن فكري مش زي كل الممثلين يعني أنا مثلاً بحب أحط حدود لشغلي برفض أي تلامس أو مشهد مش كويس ليا طريقتي زي ما أي حد لي طريقته أنا شخص عادي وبعدين كل واحد اتكلم وكانت قاعدة جميلة، وتاني يوم صلحوا العربيات وكل حد راح بيته.
وعدت الأيام وكانت بتحضر أيام التصوير، وفي يوم في اللوكيشن كانت ليان موجودة بتساعد واحدة من الممثلات في المشهد وبعد ما خلصت جي شخص اتكلم معاها كانت بترد عليه بكل احترام لحد ما حست أن نظراته مش كويسة حبت تستأذن بس وقف قدامها فا علت صوتها وقالت له لو سمحت حضرتك عديني قالها ليه بس يا جميل أنا معجبش ردت ليان لو سمحت ابعد
وقتها جي نور واتدخل ومن وقاحة الشخص ده اضطر نور لضربه، وطلع الشخص ده دخيل على الكرو أصلاً ومحدش يعرفه شكرت ليان نور، ومع الأيام كانت ليان بتحاول توازن بين الدراسة والشغل، ومع الوقت كان بيزداد إعجاب نور بليان أكتر لدرجة إنه بقي بيتكلم مع أبوه عليها وكل أوقاته بيحكي عنها فا أبوه قالو مدام عجباك كده ما تتجوزها نور قال لا أنا مش بفكر في موضوع ده وسكت فجاءه.
يتبع في الفصل الرابع..
تأليف وكتابه/ دودي عبدالله
