رواية أمل حياتي | الفصل الرابع
جاري التحميل...
الفصل الرابع
.........
وطلعت لقيت تليفوني بيرن رديت وكان أسر رديت وصلني صوته - اموله عامله ايه
- كويسه يا أسر انت عامل ايه
- لا ما هو طالما قلتِ أسر يبقى مش كويسه
اتنهدت بخنقه وحاسة أن انا عايزه اعيط بس خايفه يفهم أن كل ده بسببه ف ما اتكلمتش - لا يا حبيبي أنا كويسه
- طيب انا كنت عايزك في حاجه ضروري
اتكلمت باستغراب - في حاجه ولا ايه
- لا بس نتقابل واقولك
- طب ما تيجي أنت احسن
- أمل بطلي كسل لو ما كانتش الحاجه ضروريه ما كنتش طلبتك يعني انت عارفه
- طيب يا أسر نتقابل فين
- هبعتلك اللوكيشن بكره الضهر تكوني هناك
- طيب ماشي
قفلت معاه وانا في حيره مش فاهمه ايه الحاجة الضرورية اللي طلعت فجأة دي روحت على السرير وانا بفرد جسمي وبحاول اريح نفسي شويه وأبطل تفكير
عند عيلة أمل
- مقولتليش يا ابو أمل كريم كان عايزك في ايه
- كان عايز يصلحها كلمني علشان اديله رقم أسر ابن اختك
- وهو كان عايز رقم اسر في ايه
- قال ان هو الوحيد اللي يقدر يصالحهم او ان أمل هتسمع كلامه يعني انا بصراحه اقتنعت بكلامه وأنتِ عارفه أمل مرتبطه باسر ازاي وان هي اكيد هتسمع كلامه
اتكلمت بسخرية - هو احنا اللي ما عرفناش نعمله أسر هيعرف يعني ده اول ما يجيب لها سيره كريم هتقطع الموضوع علطول ومش هتخلي يتكلم، دماغها ناشفه زي ابوها
- جرى ايه يا ام امل ايه اللي دخل ابوها دلوقتي
- لا ما اقصدش..... اقصد يعني ان هي عنيده ومش هتسمع الكلام واكيد يعني اسر مش هيخليها تنزل تقبلوا غصب عنها
- لا ما هو اللي انا فهمته انه كريم ما كانش عايزني اقول لها فمعنى كده ان هي هتقابله من غير ما هي تعرف
- ربنا يكتب لها اللي فيه الخير يا رب
- يارب يا حبيبتي يارب
صباح يوم جديد
صحيت من النوم دخلت اخذت دش وجهزت نفسي علشان الحق اروح لاسر بصراحه عندي فضول اعرف هو كان عايزني في ايه نزلت فطرت مع ماما وبابا واخذت عربيتي ورحت
رحت على المكان كان مكان هادي كافيه جميل بس غريبه ما كانش في حد دخلت لقيته قاعد في ترابيزه لوحده ما كانش في غيره تقريبا في الكافيه رحت له وانا بشد كرسي و بقعد قدامه اتكلمت- انت جايبنا في مكان ما فيهوش حد كده ليه
- الناس بتدخل تسلم وانت دخلتي قعدتي
- جرى ايه يا أسر هو انت غريب يعني
اتكلم بسخريه - لا يا اختي مش غريب
- اديك قلت اختي يلا يا عم قل لي عايز ايه عشان عايزه اروح بجد
- يا بنتي استهدي بالله هقول لك اكيد
- ما هو ان الفضول واخدني ايه اللي يخليك تقابلني في مكان هادي زي ده تكونش ياض ياسر عايز تخطب ياه واخيرا بس مين تعيسة الحظ اللي هتاخدك
- تعرفي انك بارده ومستفزه كمان عارفه لو ما كناش في الشارع كنت لطعتك كف على قفاكي ورمتهلك
اتكلمت بسخريه - هو يعني انت لسه هتورمه مهو وارم يا اخويا انجز بقى اتكلم عايز ايه
اتكلم باستفزاز - طب ايه رايك بقى مش هتكلم انا داخل الحمام وقولي نص ساعه كده وابقى اجي لك
ما لحقتش اتكلم لقيته قام بسرعه ودخل الحمام بارد مستفز جايبني يلطعني هنا ماشي يا اسر يا ابني ناهد ماشي
فضلت قاعده بتاع 10 دقائق كده مستنيه سي اسر يطلع ماسكه التليفون وبقلب فيه زهقانه منه لله يا ريتني ما جيت له فجاه شميت برفيوم انا حافظاه جدا ايه ده لحظه ده برفيوم كريم بصيت ورايا لقيته واقف وماسك الورد الاحمر اللي بحبه في بوكيه يخطف القلب قبل ما يخطف النظر وشكله ،شكله يجنن لا اهدي كده ايه اللي أنتِ بتفكري في ايه أنتِ نسيتي هو عمل فيكي ايه قمت وانا متعصبه- انت ايه اللي جابك هنا اتفضل اطلع بره حالا
قرب مني ولا كأني اتكلمت خالص اتكلم بنبرة الهاديه اللي بتدوبني - مش عيب يا حبيبي لما تقولي لجوزك اطلع بره
اتكلمت بتوتر وبعصبيه في نفس الوقت- لا بقول لك ايه امشي من هنا احسن ما اعمل لك مصيبه
حط الورد على الترابيزه واتكلم - أنا اسف يا أمل
اتكلمت وانا ببعد عنه - متكلمنيش أنت اصلا عرفت ان انا هنا ازاي
- اتفقت مع اخوكي
اتكلمت بغضب والدموع اتجمعت في عيني - اخويا اللي اتهمتني أن انا خونتك معاه صح
اتكلم بندم - لحظة شيطان... لحظة شيطان وصدقيني ندمان على تسرعي ده انا عارف اني غلطت وغلطي الأكبر اني سمحتلها تدخل في حياتنا أو حتى أنها تبقى موجوده فيها انا عارف، بس صدقيني انا مش عارف انا نطقت الكلمة دي ازاي انا اول ما شوفت الصورة النار قادت في قلبي ومعرفتش انا بعمل ايه حقك عليا سامحيني ،أمل انا بقالي شهر مش بنام كويس شهر مش عارف اقعد في البيت مش عارف اكون فيه اصلا حاسس بفراغ في حياتي من يوم ما سبتيني وانا حاسس اني عايش بجسد من غير روح حاسس أن روحي اتاخدت مني بصتله وانا بعيط ، بصتله والنظرة العتاب والكسرة لسه في عيوني - كريم انت كسرتني ، كسرتني بكلامك كسرتني بمعملتك معايا ساعاتها ، انا فضلت سنتين مستحمله البلوة دي وكل ما اقولك تقولي شريكه في الشركة بنت خالتي مش هينفع معلش يا أمل هتتغير لما تعرف إني بحبك أنت ِ بس وصلت بيها أنها تشوه سمعتي قدامك بشكل ده وأنت تصدقها كده كتير وكتير اوي كمان
قرب مني وهو بيترجاني- حقك علي عيني انا عارف اني كلب... لا بلاش كلب عشان الكلاب كيوته انا ما استاهلش اكون كيوت
ضحكت عليه وهو قرب منه شدني الحضن ما ادانيش فرصه اني ابعدوا عني فضلت اعيط في حضنه وهو يهديني بعدها بشويه طلعت من حضنه واتكلمت - يلا بقى روح انا مش جايه معاك
- الله؟! في ايه مش كنا لسه كويسين دلوقتي
- لا مش انا اللي كويسه انت اللي كنت كويس عادي
- امال مين اللي لسه مغرقلي التيشرت بدموعه وهو مين اللي بقاله بتاع نص ساعه في حضني
اتكلمت بضيق مصطنع - انت اللي شدتني ليك وما اديتنيش فرصه اني ابعد
- والله ؟
- والله
ضحك عليا - وحشتيني يا أمل حياتي وحشتيني اوي
ابتسمت له بعدين اتكلمت - على فكره انا لسه ما سامحتكش
مسك ايدي بحنيه- ما هو اكيد لما تعرفي اني حجزت س
تذكرتين طيران لتركيا هتسامحيني
اتكلمت بفرحه- بجد يا كريم
-بجد يا قلبي كريم
لقيت أسر طالع من الحمام ياه كل ده في الحمام
اتكلم - ها اتصالحتوا ولا لسه زهقتوني انا بقى لي ملطوع ساعه جوه مستنيكم تتصالحوا
كريم اتكلم بضحك - لا ما تخافش الحمد لله اتصالحنا
اتكلمت بضيق - انت حسابك معايا بعدين انت ازاي تعمل كده فكرني هبله يعني تاخدني على عمايه وتجيبني هنا وفي الاخر اعرف انك متفق معاه
- لااااا بقولك ايه انا مش هصالحك عليه وتقلبي عليا انا استهدي بالله كده
- ليه يعني شايفني مجنونه ولا بشد في شعري لا تكون شايفني بشد في شعري
قرب مني بحنيه وقال- لا يا حبيبتي بس انا ما اقدرش على زعلك
واخدني في حضنه انا مش عارفه ليه حاسه ان بيضحك عليا
كريم شدني منه واتكلم بغيره - خلاص يا اخويا كفاية شايفك تبت فيها
اتكلم أسر بهزار - الله مالك يا كريم نتغير مني ولا ايه
- اه هغير طبعاً ده انا بغير من ابوها مش هغير منك أنت
اتكلمت بخبث - يعني أنت هتغير من النونو اللي جاي في الطريق
بصلولي باستغراب وهما مش فاهمين سرعان ما فهموا وكريم اتكلم بفرحة - أنتِ حامل
هزيت رأسي بفرحة - ايوه لسه عارفه من اسبوع كنت تعابنه اوي ولما روحت كشفت عرفت وكنت هكلم بابا يقولك بس الأحداث جت ورا بعضها
حضني بفرحة وهو بيلف بيا وأسر كمان حضني و بارك لنا روحنا البيت وجهزت شنطتي علشان هنسافر بليل نزلنا وأحنا ماشين في الطريق كريم مسك أيدي وباسها - اتمنى تكوني سامحتني يا قمر
- سامحتك يا كريم سامحتك لأن قلبي مايقدرش يعيش من غيرك
حط ايدي على قلبه وقال - وده مايقدرش ينبض طبيعي إلا وأمل حياته جنبه 🫶🏻
تمت°°
بقلمي حنان أحمد ماهر
#أمل حياتي 4
