رواية رجل ام نصف رجل | الفصل السادس قبل الأخير

جاري التحميل...

الفصل السادس قبل الأخير

.........

كان حسن يقف أمام قبر والدته بحسره دموعه متجمده في عينيه يريد البكاء وبشده لكن يوجد شئ يمنع نزول دموع ليقول بحسره


"ليه ...ليه عملتي كده كام مره أحذرك من إلي  انتي بتعمله واقولك يما بلاش تفرقه في معامله ما بين احفادك كنتي تقوليلي انا بحب الولاد والبنات دول أحفادي بس الولاد اقرب لقلبي اكتر ...كنتي مع عادات كتيره غلط زي الختان وأن ده عفه ...ضيعتي عيالك بنتك اتربت أنها كل في كل وأنها مبتغلطش كنت بلاحظ غيرتها من نوال و زينب واسكت ..تعرفي لو حد ضيع عبدالله فهو انتي عبدالله علي فكره كويس بس انتي ربتيه علي علي افكارك إلي كلها غلط ...يمكن لو اتربي علي حاجات تانيه كان طلع احسن انا روحت أزوره في سجن تصدقي أن سجن غيره  وعلى عكس المتوقع السجن غيره للأحسن مش للأسوء "


ليتذكر عندما ذهب إلي عبدالله كان عبدالله يرتدي البدله الزرقاء وعندما رأي عبدالله حسن عانقه بقوه وهو يقول 
"وحشتني اوي يا حسن ...عامل ايه يا حبيبي ...ومراتك وعيالك عاملين ايه "


ليبتسم حسن وهو يقول 
"الحمدلله انا كويس ومراتي  والعيال كويسين إيه إلي وصلك لكده يا عبدالله انت عارف انك احتمال كبير تنعدم أو تاخد مؤبد "


ليقول عبدالله بمراره في حلقه 
"إلي وصلني لكده امك ...انا حاليا نفسي اموت من كتر ما انا حاسس بذنب اتجاه نوال إياك تعمل زيي يا حسن انا دلوقتي بضرب نفسي مليون جزمه ...علي إلي انا عملته ..انا نفسي يرجع بيا زمن واتخطي كل إلي حصل و كنت ابدأ انا ونوال صفحه جديده ..انا حسيت أن انا جيت عليها وهي ملهاش ذنب   ...قولت اقتل إلي عمل فيها كده هي قالتلي قبل ما تموت هو مين قولت اقتله  ...زي ما قتلها وهي عايشه اكيد عمل كده مع بنات كتير "


ليبتسم عبدالله فجأه وهو يقول 
"بس تعرف وانا في سجن اتعرفت علي واحد اسمه شيخ ربيع كنت حقيقي قاعد مهموم اوي لقيته بيقرب مني وبيقولي ايه رأيك تكلم ربنا وترتاح  ..استغربت اوي قولته هو ممكن ربنا يكلمني ...ابتسم وقالي ايوه قوم صلي وهتكلمه قولتله انا عملت حاجات كتير وحشه قتلت وظلمت وافتريت ...قالي قوم صلي ربنا غفور رحيم قومت وصليت وانا مكسوف من نفسي اوي ازاي هقابل ربنا بكل ذنوب إلي عملتها ...بس حقيقي بعد صلاه  ارتاحت بقيت أقرأ في مصحف واصلي.... تفتكر ممكن ربنا يسامحني بعد كل إلي عملته "


ليربت حسن علي كتفه ويقول بإبتسامه 
"هيسامحك إن شاء الله يا عبدالله...وانا هاخد بناتك وهسافر وهربيهم احسن تربيه متخافش عليهم "


ليعانق حسن و عبدالله بعضهما بحب الأخوه الذي يربطهم ببعض رغم الإختلافات بينهما لكن  كل منهما يحمل محبه إلي الآخر 
***********
كانت زينب تجلس علي كرسي في العياده فهذه هي الجلسه الأخيره لها تذكرت أن فيروز في الجلسات السابقه اقترحت أن  زينب تجلس مع حالات تشبهها حتي يحدث دعم متبادل و زينب وضحايا الأخريات لا يشعرون بأنهم الوحيدون الذي تعرضوا إلي هذه الحادثه البشعه كانت الحالات الأخريات رنا ورضوي و ليلي 


نعم عندما جلست معهم شعرت بإرتياح وان يوجد احد يشعر بنيران قلبها وقررت فيروز أن جلسه الأخيره تجمع هذه الحالات مره اخري حتي يتشاركون حزنهم سويا وعلاجهم سويا لتقول ليلي بفرحه 
"شكرا اوي يا رنا حقيقي المحامي إلي قولتيلي عليه أنه رجعلك ابنك من طليقك ...عرف كمان يرجعلي عيالي حقيقي انا مش عارفه ارد لك جميلك ده عليا ازاي " 


لترد رنا بلطف 
"لا جميل ولا حاجه عيالك دول حقك وانا ساعدتك انك تاخديه ...انا فرحانه اوي عمري ما حسيت اني فرحانه زي النهارده ..أنا انهارده اتعالجت وعيشت حياه جديده ..بشخصيه جديده شخصيه قويه مش بتنكسر بسهوله " 


لترد ليلي بفرحه عامره 
"وانا كمان ..فرحانه انا خلاص كنت فقدت الأمل في حياه وكنت بفكر في الإنتحار...وكنت مصدومه اوي من الخيانه حقيقي الخيانه طلعت شئ بشع ...دلوقتي هكون قويه عشان عيالي انا بس صعبان عليا نفسي أن انا مش هعرف اثق في حد تاني  ...بس هحاول اثق وارجع اتعامل ولو مش علشاني عشان عيالي "


وقالت رضوي  بإبتسامه 
"انا مكنتش متخيله أن إلي حصلي ده هيقوني ويقوي علاقتي بجوزي انا كنت خايفه اخسره اوي هو بنسبالي كل حاجه مقدرش اعيش من غيره بس ده قوي علاقتنا وبقيت انا كمان قويه وثقتي فيه زادت بكتير عن الأول " 


لتقول زينب اخيرا وهي لا تعرف كيف تجمع كلماتها 
"انا مكنتش متخيله أن ممكن في يوم من الأيام اتعرض لحاجه زي دي انا طول عمري لبسي محتشم وبلبس الحجاب وعمري ما كلمت شاب أو اديته فرصه يعاكسني يحصلي كده كنت مكسوره اوي من جوايا ...بذات لما كان حسن مش داعم ليا في بدايه بس منكرش لولا انه وافق يروح معايا جلسات انا مكنتش هتحسن غير وهو معايا وعشان كده نفسي اوي افرحه وكمان اشكره علي دعمه ليا وانا كمان ثقتي في نفسي زادت اوي بعد إلي حصل واني قدرت اتخطاه   "


ثم وضعت يدها على بطنها هي الآن ذهبت إلي طبيبه لتعرف   بخبر حملها لا تعرف ما هو رد فعل حسن لكن بالتأكيد سوف يفرح وأكثر خبر ادخل الفرحه  لقلبها أن اطفال نوال سوف تربيهم هي ...أكثر شئ كانت تخاف عليه  هاتان  الفتاتين  الأبرياء كانت تخشي بشده مصيرهم لكن الآن اطمئن قلبها 


كانت تنظر لهم فيروز بفخر بأن تم علاجهم وتخطي لهذه الأزمه الصعبه لتقول 
"اهم درس انتم اتعلمتوه أنك تتعرضي للتحرش أو محاوله اعتداء فاشله أو اعتداء تم فعلا ......ده مش عيب ولا غلط منك الغلط علي طرف تاني إلي هو التحرش بيكي أو اعتدي عليكي ....وأنكم تثقوا في نفسكم وأنكم تقدروا تتخطوا اي حاجه ...واي مشكله تواجهكم افتكروا الحادثه وأن كل واحده عرف تتجاوز إلي حصلها رغم أنه صعب دلوقتي اتعاملوا كأنكم اتولدتوا من جديد ...عيشوا وافرحوا وانبسطوا مش معني انكم اتعرضوا لحاجه زي دي يبقي حرام تفرحوا ...عيشوا واستمتعوا بحياتكم "


لترتسم ابتسامه علي كل وجه من الوجوه تذهب كل منهما وهي تنوي بداخلها بأن تبدأ حياه جديده     


******
دخل حسن البيت وهو يمسك طفلتين مي و ملاك كانت طفلتين يتضح عليهم الخوف بسبب تغيير المكان ولكن عندما رأت كل طفله زينب  
ركضوا عليها لتعانقهم بشده وهي تقول 
"وحشتوني اوي يا حبايب قلبي "


ليدخل حسن الغرفه دون أن  يتكلم مع أحد نظرت له زينب وهي تعذره فإن صدمات كانت قويه عليه لتأخذ طفلتين لغرفتهم التي اهتمت هي بتجهيزها ثم جلبت كيساً مليئاً بالألعاب واعطتهما  للأطفال ثم ندهت لإبنتها مني لتلعب  معهم ثم دخلت لتجد حسن ممدد علي سرير شارد لتقول له 


"انا عارفه انك زعلان عشان مامتك ماتت و كمان عشان اخوك بس علي امك ده قدرها يا حبيبي واخوك كان لازم يحصله كده  عشان هو قتل نوال "


ليرد حسن و يكاد قلبه يتقطع إلي أشلاء 
"انا إلي قاهرني أن إلي غسلوها ناس اغراب ...وادفنت في  مدافن صدقه وان مفيش حد من عيالها ولا انا مشيت في جنازتها .....وزعلان علي اختي وإلي حصلها اينعم انا زعلت علي نوال ...بس برضو لما اختي اتقتلت حسيت بنغزه في قلبي  اختي مكنش ليها ذنب هي ممكن يكون فيها كل العبر لكن متستاهلش كده " 


لتربت زينب  علي كتف حسن وهي تقول 
"خلاص متزعليش انا عندي ليك خبرين يا حسن والأتنين حلوين "


لتبتسم زينب وهي تأخذ يد حسن وتضعها علي بطنها 
"انا انهارده حسيت بتعب جامد ودوخه وترجيع ...وروحت للدكتوره وقالت لي أن انا  حامل "


ابتهج وجه حسن وعانقها كانت ضربات قلبه تتراقص هو يريد أن ينجب منها الكثير من الأطفال ليقول 
"استني بقي نعد بقا عندنا كام عيل ملك ومني بناتنا  ومي وملاك ولاد اخويا ودلوقتي كمان فرد بقينا خمسه وكونا عيله انا نفسي من ساعه ما اتجوزتك يبقي عندنا خمس عيال "


لتقول زينب وهي تبلع ريقها 
"لا ما هو انت ما سمعتش الخبر تاني احنا هيبقي عندنا ست عيال انا حامل في توأم يا حسن "


ليجاوب حسن بصدمه 
"نعم يختي "


يتبع.......
رأيكم ؟
توقعاتكم ؟
"لو الرواية عجبتك متنسوش تقولوا رايكم حاجه بسيطه بس بتفرحني

قراءة المزيد

الفصل الخامس

.........

كانت زينب تجلس أمام المرآه وهي تضع بعض من مساحيق تجميل وهي تزين الغرفه بالورد وشموع قالت لهم فيروز في مره الأخيره 
"لازم تعيشوا مع بعض لحظات رومانسيه واتقربوا من بعض وتتكلموا وتناموا في اوضه واحده ميكونش كل واحد منعزل عن تاني انا شايفه انا استاذ حسن اتحسن كتير في جلسات العلاج الأخيره وكمان انتي يا مدام زينب ..اظن جه الوقت المناسب إلي كل واحد يقرب من تاني اكتر من غير خوف "


اخذت نفس عميق وهي تحاول أن تكون طبيعيه ليدخل حسن وهو يشعر هو الأخر ببعض من توتر ولكن يوجد شئ بداخله يدفعه بأن يفعل هذا يريد كسر اي حاجز بينه وبين زوجته كانت الغرفه جميله ومزينه وهي كانت في اجمل صوره كل شئ جميل ليجلس علي سرير وهي ايضا تجلس بجانبه ليقول حسن حتي يكسر صمت 
"تحبي أكلك بأيدي "
لتبتسم هي وتقول 
"احب طبعا "
ليبدأ بإطعامها كانت زينب لا تعرف كيف تجمع كلامها ولكنها قالت 
"بس ايه رأيك في الورد وشمع جو ده انا صراحه اول مره اعمله "
ليرد حسن عليها بلطف 
"حلو طبعا مش من إيدك "
بعد إنهاء طعامهم لتميل زينب رأسها علي حسن وهي تقول 
"بتحبني يا حسن "
ليعانقها حسن بحب 
"بحبك يا قلب حسن "
كان هذا العناق الأول لهما دون نفور دون خوف دون اضطراب كان يحمل مشاعر ود والحب والإحترام ليذهب كل منهما في بحور عشقه للأخر 
*********
في صباح استيقظ حسن وهو ينظر لزينب النائمه في هدوء كم ملامحها جميله وهي نائمه يشعر الآن بطعم الراحه لتسيقظ هي وتنظر له بحب متبادل وتقول 
"صباح الخير "
ليرد حسن وهو يداعب خصلات شعرها 
"صباح نور يا قلب حسن "
لتقول زينب 
"انا فرحانه اوي ومبسوطه عشان انت معايا وجودك جنبي بيفرق كتير"


كانت الفرحه تتراقص بداخل قلبه اخيرا بعد مرور عده اشهر من العلاج وصل للنتيجه الذي كان يريدها ليقاطع هذا اتصال ينظر إلي هاتف بإنزعاج ولكن عندما رد علي هاتف كانت عيناه تتوسع شئ فشيئا ليقف وهو يندفع إلي دولاب ليخرج ملابسه لتقول زينب بقلق 
"في ايه يا حسن "
ليقول حسن وهو يرتدي ملابسه بسرعه 
"انا هنزل الصعيد بسرعه ...افضلي هنا انتي والعيال وانا هاجي "
لم ينتظر حتي جوابها بل ركض إلي الخارج وهو يركب سيارته وينطلق بسرعه البرق لا يعلم هل الخبر الذي تلقاه في الهاتف حقيقه هل هذه نتيجه ما فعله أهله مع نوال هل انتقم لها ربها من جميع عائلته ليتذكر الأخبار التي كانت تأتي له من اصاقائه في صعيد 


كان عبدالله يبحث عن حسن في كل مكان لكن لم يعرف مكانه لتأتي شقيقته وهذه هي الأخت الأصغر لعبدالله و حسن متزوجه من أحد أقاربها " وفاء" وهي تقول 
"شكل حسن ومراته هربوا انم فعلته 
ولكن هذه نتيجه ما زرعته بداخله من قسوه لينفذ ما قاله 
وهي ثريا تبكي من قهر لقد خسرت اول ابن من أبنائها كان ناس ينظرون لها ويعتقدون أن هذا الحزن 
علي ابنها المتوفي ولكن كان هذا الحزن علي ابنها الذي دفن وهو حي وعلي قسوه عبدلله كان عبدالله يقف بكل هدوء وثبات كأنه يفعل شئ عاديا هو لم يعلم أنه عندما قتل نوال لم يغسل عاره بل قتل ما تبقي من إنسانيته وكانت وفاء تنظر وهي تشجع علي هذا كانت دائما تغير 


من جمال نوال فكانت نوال تتميز بالجمال الفاتن للأنظار وكانت تغير أيضا من زينب بسبب حب حسن لها كانت تنظر بشماته وهي لا تعلم أن هذه شماته سوف تنقلب عليها بالأسوء 


بعد مرور عده أشهر في توقيت متأخر في ليل تطرق وفاء علي بيت أهلها وهي تبكي كانت طرقات سريعه ومندفعه لتفتح ثريا الباب بفزع لتركض وفاء داخل البيت وهي تقول 
"اقفلي ياما الباب البيت بسرعه "
لتغلق الباب بخوف وينظر عبدالله لشقيقته وهو يقول بقلق 
"في ايه يا وفاء"
لتقول وفاء وهي تلطم علي وجنتيها  
"جوزي عايز يموتني ياما هربت منه ونبي ما ترجعوني ليه انا مش عايزه اموت "
لتقول ثريا بقلق ممزوج ببعض من غضب 
"ما تتكلمي يا بت في ايه "
لتقول وفاء بشهقات عاليه 
"انا كنت رايحه السوق اجيب طلبات وانا في طريق كان فيه اتنين حشاشين حاولت ابعد عنهم لكن معرفتش خدوني في شارع جانبي واغتصبوني ولما زيدان جوزي عرف عايز يموتني وبيقول أن انا جبتله العار انا ياما ما معملتش حاجه كان غصب عني مفيش حاجه كانت برضايا "


ليصفعها بقوه عبدالله وهو يقول 
"اخرسي انتي فعلا جبتيلنا العار وانا ذات نفسي هوديكي ليه "
ليمسك وفاء من خصلات شعرها وهو يتجه بها إلي الباب 
لتقول ثريا بغضب 
"عارف يا عبدالله لو عملت كده قلبي وربي غاضبانين عليك ليوم دين "


ليقف عبدالله وعند وقوفه تكمل ثريا وهي تقول 
"إيه يا عبدالله هتخليهم يقتلوا اختك "
لتركض وفاء وهي ترتمي بين أعناق والدتها ليقول عبدالله 
"ما انا عملت كده مع مراتي ياما وغسلت عاري ..."
وقبل أن يكمل جملته قالت ثريا بغضب 
"انت بتجيب اختك لنوال مراتك "
في هذه اللحظه فقط شعر بأن الغشاوة التي كانت علي عينه قد زالت نعم هذه الصدمه الحقيقيه قد قام بقتل زوجته بدم بارد لإرضاء رجولته ووالدته ولكن عند حدوث هذا مع شقيقته يجب أن يدافع


هو لا يحكم بالعدل بل يحكم بالمصلحة فقط 


خرج من البيت رغم محاولات والدته لإبقاءه ولكن كان مغيب ولأول مره يبدأ بتفكير هل كان محقا عندما قتل نوال تذكر أيامه مع نوال كم كانت صبوره علي عصبيته كم كانت صبوره علي تحكمات والدته بها كم كانت صبوره علي معاملته جافه كم كانت صبوره علي اشياء كثيره جلس علي طريق وهو يشعر بأن قدمه لا تتحمل الوقوف ظل هكذا ساعات حتي اشرق صباح ليجد أن قدماه تجبره علي الإتجاه لقبر نوال ليقف علي قبر وهو يخفض رأسه خجلا يتذكر حادثه موتها أو قتلها علي يده لأول مره يدقق في نظرات نوال إليه ليقول
"انا مش قادر اقولك أسف ....انا مكسوف اوي من نفسي ...ياريت كانت ايدي انقطعت قبل ما اعمل كده يارتني كنت هربت زي ما عمل حسن و اسيب كل حاجه بس تعرفي انك وحشتيني "


لتدمع عيناه وهو يقول 
"اه متستغربيش ...في كام شهر إلي عدوا دول وحشتيني ووحشني صوتك في بيت كنت كل اما افتكرك وبقول خلاص اعتبرها مكنتش موجوده في حياتك وانت كده غسلت عارك بس مش عارف ليه لما كنت بنام علي سرير كنت بحس أن في حاجه ناقصه كأن في واحده كانت مفروض تكون جنبي بس عايز اقولك افرحي يا نوال ...ربنا جابلك حقك لحد عندك انتقملك من اي حد أذاكي ..وأولهم انا ...انا عايزك تسامحيني علي ظلم إلي ظلمتهولك انا كنت ببقي عارفه انك عايزه كلمه حلوه واستخسر ...اصلي متربي انا راجل ميعملش فيها روميو أو يعمل فيها رومانسي اصلي اتربيت علي كده اتربيت علي حاجات كلها غلط كان نفسي اعمل حاجات كتيره اوي كان نفسي اعيش معاكي لحظات زي إلي كانت في الأفلام رومانسيه إلي كنت بتريق عليكي لما بتسمعيها كان نفسي اعمل حاجات كتيره كان نفسي اخدك في حضني واقولك انك حلوه اوي عنيكي فيها لمعه حلوه لون العسلي كان لايق عليكي ومينفعش اي واحده يكون ده لون عينيها غيرك شعرك كيرلي "


ليضحك ضحكه خفيفه وهو يقول 
"واول مره مقولش أن شعرك أكرت واقول كيرلي صراحه كان حلو كان طويل ومفرود علي ضهرك كنتي جميله لحد اخر نفس فيكي كنتي حلوه تعرفي اول ما غمضتي عنيكي كنت عايز اعيط بس كنت بقول انا صح "


ليقول بصوت منخفض لكنه مسموع 
"انا صح دي اكتر جمله دمرتلي حياتي"


ليمسح دموعه الذي لم يعرف متي تساقطت وقال بنبره تحدي 
"انتي قولتيلي مين إلي عمل فيكي كده قبل ما تموتي اوعدك وعد ...انا قتلتك عشان حاجه ملكيش ذنب فيها ...انا كمان هقتله بس علي ذنب هو عمله علي حاجه يستحق عليها القتل ...اتمني تكوني سامحتيني "


ليتجه إلي محل حتي يشتري سكين حاميه ويتجه إلي بيت شاب وهو ينتظر خروجه حتي خرج تتبع خطوات ثم كمم فم شاب وهو يأخذه علي شارع جانبي ثم طعنه


"دي عشان استغليت ضعفها وعملت عملتك سوده "


ثم طعنه أخري 
"و دي عشان بصلتها شوفت جسمها إلي هو مش من حقك "
ثم طعنه أخري وهو يقول 
"و دي عشان كنت سبب في كسرتها وبسببك أن حاسس بندم ده كله يمكن لو محصلش إلي حصل كنت اتغير"


ثم طعنه أخري 
"و دي عشان كل ناس قالتلي هي سبب في إلي حصلها واكيد عملت حاجه عشان واحد زيك يغتصبها وخلوني انساك وأحط ذنب ولوم عليها هي "


ثم طعنه أخري 
"ودي عشان ٣ ايام قلبها اتحرق فيهم "


ليجد أن شاب خارت قوته وسقط علي الأرض نظر عبدالله للسكين وهو يقول في سره 
"كان نفسي ادب سكينه دي في صدري من كتر ما أنا حاسس اني كنت وحش بس يارب هي ترتاح في تربتها بعد اما قتلتها إلي كان سبب في كسرتها وربنا يسامحني "


ثم مسك هاتفه وهو يرسل رساله لصديق حسن وهو يعرف بأن حسن يعلم بأخباره واخبار عائلته من خلالهم وكتب بنص 
"خلي حسن ياخد بناتي ويربيهم احسن تربيه لأن انا مش ضامن مين يربيهم مش ضامن إلي هيربيهم ده هيخلوهم يطلعوا شبيه ليا ولا لأ ...انا مش عايز نسخه الوحشه مني تتكرر بسبب تربيه غلط ومش سليمه خليه يدخلهم مدارس ويعلمهم احسن تعليم ...خليه يقولهم اني بحبهم ممكن كانت طريقتي معاهم جافه بس انا حبيتهم اوي " 


ليأتيه اتصال من شخص يقول له 
"جوز اختك وفاء للأسف جه البيت وقتلها "


ليبتسم فهذا جزء من حق نوال ثم يمسك الهاتف وهو يقدم بلاغ في نفسه بأنه قتل هذا شاب وقرر الإعتراف اخيرا بجريمته الأولي بأنه قتل نوال 


لتجلس ثريا بحسره علي كرسيها وهي تندم و تلطم علي وجنتيها  بقوه وهي تقول 
"عيالك راحوا يا ثريا ...عيالك كلهم راحوا وانتي سبب يا ثريا انتي سبب "


كانت تبكي وتصرخ بقوه وناس من حولها منهم من يشفق عليها ومنهم من يشمت فيها حتي سقطت علي الأرض لتتجمع ناس من حولها وينقلها إلي المستشفي ليخرج طبيب بأسف وهو يقول 
"للأسف المريضه جاتلها جلطه وماتت ... البقاء لله"


لتتهامس ناس من حولها يدعون لها برحمه ونتيجه أن لم يوجد لها أبناء قاموا غرباء بتغسليها ودفنها في مدافن الصدقه كانت هذه نهايتها ...نهايه ظلمها ...نهايه تربيتها الخاطئه 


يتبع ....
رأيكم ؟
ياريت تقولو رأيكم لأن ده بيحمسني ويشجعني جدا ❤️❤️

قراءة المزيد

الفصل الرابع

.........

حاولت ليلي الهدوء اخذت كوب وترتشف جزء من كوب الماء وهي تحاول الهدوء مسكت خصلات شعرها تشعر برغبه عاليه في بكاء لتقول فيروز بحكمه 
"خدي نفسك واحكيلي كل حاجه من الأول "


لتنفذ ما طلب منها وتفعل ذلك وهي تأخذ نفس عميق و اخرجته ببطئ وهي تروي قصتها


"كنت لسه بنت في عز شبابي ابتدت كل واحده من صحابي تتخطب ومع كل واحده تتخطب كنت ببقي عايزه اتخطب زيها مش عشان اعيش قصه حب او ابني اسره لأ عشان ابقي مخطوبه زي بقيه شله اتخطبت لسيف كنت بطنش فيه عيوب كتيره زي الأنانيه وأنه عمره ما كان حنين بس قولت هغيره بعد جواز ......لكن للأسف ده محصلش انا إلي اتغيرت بعد جواز ثقتي بنفسي تدهورت وادمرت بس إلي صبرني عيالي روجيده وكريم ....فضلت مستحمله لحد اما واحده صاحبتي شافني بالحاله دي وقالت لي أن لازم اهتم بنفسي شويه ويارتني ما سمعت كلامها "


لتبكي بحرقه وهي تكمل 
"روحت الكوافير اظبط شعري وبشرتي كانت صاحبتي مهتمه اوي بأني احط ميكب واني اصبغ شعري مكنتش فاهمه ده ليه بس قولت اهي صاحبتي وخايفه عليا لحد وانا مروحه سابتني في نص طريق بحجه أنها هتشتري كام حاجه من سوبر ماركت ووقتها لقيت راجل كبير ومخيف اوي خدني في شارع واغتص...."
لم تستطع أن تكمل الجمله لأنها بكت فيروز خمنت بأن تم 
إغتصاب لتكمل ليلي
"انا نزفت كتير اوي وانتقلت للمستشفي وجوزي جه وهزقني وقال إني اكيد كنت رايحه وحاطه مكياج وصابغه شعري عشان الفت نظر شباب ليا ولقيت صاحبتي بقت في صفه وقالت له أن هي حذرتني من اني اعمل كده عشان الفت نظر وانا عملت كده كنت مصدومه اوي في جوزي وصاحبتي وفي نفس اليوم إلي خرجت فيه لقيت سيف مجهز كل حاجه وخلاني أتنازل عن كل حقوقي وعيالي ...وروحت عند كذا محامي عشان حتي اخد عيالي لقيت أنه صعب ....وكمان عرفت أن سيف اتجوز صاحبتي "


لتأخذ نفس وهي تكمل حديثها 
"مكنتش مصدقه أن أقرب اتنين ليا يكسروني بشكل ده حسيت أن ارض بتزلزل من تحتيا ....انا مش عايزه حاجه غير عيالي انا مش عارفه هما بيعاملو عيالي ازاي أو بيكرهوهم فيا انا تعبت "


لتنظر لها فيروز بتمعن تريد أن تهدأ نار التي بداخل تلك المسكينه التي لا ذنب لها في تلك الخيانه لتقول بلطف 
"انا عايزه اقولك حاجه مهمه انتي مش وحشه ...مش معني انك اتخانتي تبقي وحشه انتي انسانه جميله وصاحبتك عملت كده من غيرتها منك .....وبنسبه لعيالك متيأسيش غير لما تاخديهم وربنا هيرجعلك حقك ...اما بنسبه إلي حصل انتي ملكيش ذنب فيه متحمليش نفسك فوق طاقتها خليكي قويه ... الموضوع صعب بس انتي قدها "


بدأت في تأديه دورها بأن تبث الأمل بداخل تلك الفتاه حتي نجحت في هذا قالت ليلي بإعتذار 
"انا اسفه علي إلي انا عملته بس حقيقي كنت محتاجه اتكلم "


جاوبتها فيروز برسميه 
"علي ايه ده واجبي "


لتخرج ليلي وتجلس فيروز وهي تلتقط أنفاسها بعد مرور عده دقائق تدخل الحاله تاليه كانت ترتجف بقوه كأنها تريد الهروب ولكن لم يصيبها الشلل مثل الأخريات بل ركضت وخرجت من العياده بأكملها حتي بعدت عن العياده بمسافه جيده لتنظر مره اخري العياده هي تعلم بداخلها أن تلك العياده سوف تعالجها ولكنها خائفه وبشده بعد مرور عده دقائق رجعت مره اخري العياده لتجد طبيبه تنتظرها كأنها تعلم أنها سوف تأتي لتقول فيروز بهدوء 


"اتفضلي حضرتك اقعدي ...انا هنا عشان احل مشكلتك "
لتجلس الفتاه بخوف وهي تفرك يدها بتوتر ثم تأخذ نفس عميق لتروي قصتها 
"انا اسمي رنا عندي ٢٨ سنه انا حاليا مطلقه ...بس مطلقه بفضيحة"


لتتجمع بعض دموع في عينيها وهي تكمل 
"انا اتجوزت ياسر كنت بحبه اوي و بسبب ده وافقت اعيش معاه في بيت عيله أصله كان متعلق بعيلته اوي...ومبيحبش يزعل حد منهم حتي لو جه عليا ...كتير حذروني من تعلقه بعيلته وان ده هيسببلي مشاكل بس كنت معميه بحبه لحد اما في يوم "


لتتذكر هذا اليوم البشع وهي تسترجع ذاكرتها 


كانت تجهز طعام مع باقي حتي ندهت عليها حماتها وهي تقول 
"طلعي الأكل ده يا رنا ل رمزي "


لتجاوب رنا بالموافقه كان رمزي هو ابن خاله ياسر قد رجع من سفر وكان يوجد طابق في البيت فارغ فاقترحت والده ياسر بأن يقيم عندهم هذا اليوم لتصعد علي درج وهي تطرق الباب ليفتح رمزي وعندما ينظر لها يقول في سره 
"مش خساره كل جمال ده ....يبقي مع ياسر ده حتي شحات نقول ايه بس في الحظ الأسود "
ليقول بإبتسامه صفراء 
"اهلا يا رنا تعالي ادخلي "
لتدخل رنا وهي تضع طعام علي طاوله ليقول رمزي بخبث 
"شقه هنا مش مكنوسه احسن حاجه... ينفع تكنسيها أصل ...بحب المكان نضيف اوي "


لتنفذ طلبه بينما كان رمزي وينظر لها نظرات مفترسه وهو يدقق في كل شئ فيها وما زاد طين بله عندما انحنت قليلا لا تعلم أن هذا الوغد ينظر لها بهذه طريقه البشعه فأن رمزي بنسبه لياسر ليس ابن خالته فقط بل صديقه فكانت مطمئنه ولم يلفت انتباهها عندما تقدم نحوها بخطوات بطيئة ولكن في كل خطوه كان يفترس جسدها بنظراته حتي انقض عليها مثل ذئب عندما ينقض علي فريسته كانت 
مصدومه من ما يفعله كانت تضربه بقوه حتي دفعته وهي 


تجلب فازه وتكسرها وتمسك قطعه صغيره وعندما اقترب رمزي منها جرحته به وركضت إلي الخارج وهي تصرخ بقوه هي تعلم أن ياسر من مؤكد أنه في البيت لأنه أخبرها هذا كانت تصرخ حتي اصبح أهل البيت يركضون حتي يشاهدون لماذا هي تصرخ وركض عليها ياسر
"مالك يا رنا فيكي ايه "
لترتمي رنا بين أعناقه وهي تشهق بقوه ولكن هدومها المبعثرة تتحدث عن حالتها لتقول بين شهقاتها 
"كان عاوز يعتدي عليها"


لتتقدم والده ياسر وهي تأخذ رنا وتصفعها بقوه وهي تقول 
"اخرسي انتي بتقولي ايه علي ابن اختي ...تلاقيكي انتي إلي عامله الحوار ده كله وانتي إلي مقطعه هدومك بالمنظر ده "
لتكمل والده ياسر وهي تنظر لنجلها 
"ايه يا ياسر هتصدقها ده مش ابن خالتك بس ده صاحب عمرك اكيد هي بتتبلي عليه "


لتدخل وهي تري رمزي ملقي علي الأرض ويده مجروحه وتصرخ 
" مش كفايه بتتبلي عليه كمان كنتي عايزه تموتيه منك لله ..حسبي الله ونعم الوكيل فيكي "


ليقول رمزي 
"صدقني يا ياسر انا معملتش كده دي بتتبلي عليا "


كانت رنا تنظر لياسر علي امل أنه سوف يصدقها ولكن خاب ظنها كان صامت ولتنطق والدته 
"ايه هتخلي واحده زي دي علي ذمتك بعد اما كانت عايزه تفضح إبن خالتك بحاجه هو معملهاش "


ليقول ياسر بغضب 
"ما عاش ولا كان إلي يفضحنا يا امي انتي طالق يا رنا "


كانت رنا مصدومه من سرعه استجابته لطلب والدته كانت تسير ودموعها تغرق جبينها لتمسكها والده ياسر من شعرها وهي تقول 
"رايحه فين هو انتي مفكره انك هتاخدي هدومك لأ ....انتي هتطلعي كده ...وابنك ده بقي انسي انك خلفتيه طلعها برا يا ياسر "
ليمسكها ياسر من ذراعها كانت تترجاه بأن ترتدي ثياب تسترها فقط وسوف تترك بقيه الملابس ولكنه لا يسمعها قالت وصوتها متحشرج من بكاء 
"عشان خاطري يا ياسر ماطلعنيش قدام ناس كده طب البس طيب طرحتي حتي أو اي حاجه إنشاء الله لو كانت جلبيه بس حتي تسترني "


كانت تبكي تتمسك بقدميه بقوه وهي تصرخ علي أمل من أن يرحمها ولكن لا رحمه ليخرجها من بيت بهذا المنظر ويغلق الباب كأنه يخرج كيس قمامه كان ناس ينظرون لها نظرات تمزقها لتركض في شارع 


بكت بحرقه عندما تذكرت تلك ذكري ثم قالت بحسره من داخلها وقد ظهرت في نبره صوتها 
"بعد كده حاولت اخد ابني أو اشوفه منفعش لجأت للمحاكم والقواضي واتمرمط حرفيا فيهم عشان اشوف ابني لحد اما في محامي الله يباركله خلاني اكسب القضيه واخد ابني اخيرا وبعد ده كله "
ثم فجأه تحولت نوبه البكاء الهستيريه إلي نوبه ضحك هستيريه لتقول 
"جاي ياسر يقولي أنه عرف الحقيقه واني كنت مظلومه وعايزني ارجعله مفكر بعد كل إلي عمله فيا ده هرجعله بسهوله أو اول ما اشوفه هترمي في حضنه وانسي كل حاجه مفكرني هبله زي زمان ...هو عايزني انسي ...انسي ايه ولا إيه ..انسي أنه مصدقنيش انسي أنه حرمني من ابني ...انسي أنه مرمطني في المحاكم ..انسي أنه فضحني "
لتتنهد فيروز وهي تقول 
"بصي انتي مريتي بحاجه صعبه اوي قرار انك تسامحيه أو لأ ده قرارك ومش من حق اي حد أنه يأثر علي قرارك ..خليكي فخوره بنفسك انك عرفتي تاخدي ابنك افرحي أن ربنا ردلك حقك انا عارفه جواكي حاجه مكسوره وده احنا هنشتغل عليه في جلسه تانيه "


بعد إتمام هذه الجلسه تناولت فيروز كوب من قهوه حتي يساعدها بأن تظل منتبهه لتتهد وهي تجلس علي كرسي بتعب 


ثم تدخل الحاله الأخيره لديها اليوم كانت خائفه بشده وكان يوجد رجل يمسك يدها كأن يبث طمأنينه بداخلها لتتذكر عادل نعم هذا الرجل اسمه عادل قد شرح حاله زوجته بأن تم اغتصابها ويريد هو وزوجته رضوي العلاج لديها لتجلس رضوي وهي خائفه لتقول فيروز بلطف وهي تقدم علبه عصير 
"اتفضلي يا مدام رضوي تحبي تتكلمي انتي الأول ولا استاذ عادل "


ليقول عادل بإبتسامه 
"احب اتكلم انا الأول....انا اه إلي حصل ده واجعني ومأثر فيا بس مأثرش في غلاوتك و لا حبي ليكي نقص في يوم من الأيام يا رضوي انا بحبك ومقدرش اعيش من غيرك ...وانا عايزك تتخطي كل إلي حصل كأنه محصلش فعشان كده انا جبتك عند دكتوره "
ثم مسك يدها وهو يقول بحب 


"انا مش هسيبك مهما حصل "
لتقول رضوي وهي تشعر بأن الخوف الذي بداخلها قد تبخر 
"انا كل يوم بحس اني مكسوره موجوعه بحس أني مستاهلش كل إلي انت بتعمله واكيد انت في بنت تانيه تستهالك ...بس انا قررت أن انا كمان مش هسيبك لأي واحده هتخطي الأزمه دي ولو مش علشاني فأنا هتخطاها علشانك "
لتبتسم فيروز تلقائيا علي ما يحدث وهي تقول 
"واضح أن علاقتكم ببعض قويه وده بيخلي العلاج يكون احسن واسرع وحضرتك يا استاذ عادل بدعمك ده وبثقتك يا استاذه رضوي في نفسك ومحاولتك إنك تتخطي إن شاء الله العلاقتكم هتكون احسن بكتير وإلي مفكرينوا وحش ده ده هيخلي علاقتكم ببعض تطور "


ثم بدأت بجلسه العلاج عند خروج عادل ورضوي قالت فيروز 


"اهو مثال إلي زي عادل ورضوي ده يصبر الواحد علي كميه الخوازيق إلي شافها انهارده "


يتبع .......
رايكم يا حبايب قلبي توقعاتكم

قراءة المزيد

الفصل الثالث

........

نظر إلي وجهها الشاحب من قله الطعام فهي ممتنعه عن طعام وشراب قلبه يتمزق من أجلها وهو يتذكر هذا اليوم 


وقالت زينب بصراخ 
"ابعد عني وإلا هقتل نفسي انا تعبت ..تعبت منك ومن حياه ومن كل حاجه انا ذنبي أو انا عملت ايه غلط انا قاومته وعملت كل حاجه انا عملت ايه غلط او ايه كان بمزاجي انتو ايه مش بتحسوا بالبني ادم إلي بيتقطع قدامكوا كل يوم ليه ها ؟ليه بيحصلي كده ؟انا عمري ما اذيت حد ولا جيت علي حد بس دي اخرتها خلاص اني اموت وارتاح "


لتمشي سكينه ببطئ علي معصم يدها وسائل الأحمر يتسلل بيصرخ حسن بفزع 
""زيــــــــــــــــــــنــــــــــــــب


ليأخذ سكين منها ويلقيها بعيدا ويمسك معصم يدها بخوف ليتأكد من سلامتها ليجد أن قد جرح معصم يدها بقوه ليجلب قماشه ويضعها علي جرح ليقول بغضب 
"انتي اتجننتي عايزه تموتي نفسك "


لتقول بصوت خالي من الحياه 
"ما انا خلاص مت اطلع برا "
لتصرخ بجنون وهي تمسك يده وتتجه به لباب الغرفه 
"اطلع برا مش عايزه اشوف حد "
لتخرجه من غرفه وتغلق الباب بينما هو كان مصدوم هل جعلها تصل إلي هذه المرحله من الإنهيار ؟هل هو سبب في محاوله انتحارها ؟الإجابه كانت نعم دخل غرفته وهو يلقي نفسه علي سرير يفكر هو يكذب عقله توقف عن مهمته في تفكير وأخذ القرارات ....ضائع ...مشتت ...تائه هذه الكلمات تعبر عنه هو لا يعلم ما الذي يفعله هو يحبها ما زال يحبها بعد الحادثه ولكن لا يستطيع الإستمرار عقله يصور له ابشع صور وهي في أعناق رجل غيره هي ضحيه ولكن غيرته تقتله ليسرح في أول يوم رأي به زينب 


كان قد قرر الإستقرار في مصر بعد قضاء خمس سنوات في الخارج نتيجتها أنه استثمر منها في بعض الشركات و شراء فدانين من الأراضي كان ينظر للأراضي الزراعيه يشعر براحه نفسيه ليجد قدماه تجعله يسير في عده طرق وهو يشتاق لبلده بعد مرور خمس سنوات في الغربه ليجد فتاه جميله تجلس في احدي الأراضي الزراعية بجانب اختها تغني بصوت عذب ليري فتاه كان جمالها طبيعي لبسها واسع حجابها يزينها وجهها خالي من مساحيق التجميل لم يعرف كم الوقت الذي قضاه وهو يتأملها ليجدها سوف ترحل لينادي عليها وهو يقول 
"يا انسه ...استني "
تلتفت له وهي تقول 
"نعم عايز مني حاجه "
ابتسم وهو يقول
"كنت عايز اتكلم معاكي معاكي و....."
لتقاطع حديثه وهي تقول بصوت شبه عالي 
"مش بتكلم مع رجاله غريبه وامشي يلا "
ليحاول أن يتكلم معها مره اخري هو يريد في حقيقة طلب يدها للزواج ولكن يتفاجئ بها تحمل طوبه وهي تقول 
"هتمشي من هنا ولا ألم أهل البلد عليك "
ليقول بسرعه 
"أهل بلد ايه انتي فهمتني غلط انا عايز اطلب ايدك للجواز مش اكتر ...وانا مش عارف انتي مين ولا ساكنه فين "
لتنزل طوبه علي الأرض وهي تقول برفعه حاجب 
"طب كنت قول من الأول علي عموم انا اسمي زينب بنت حاج منعم تقدر تيجي تشرب معاه شاي "


ابتسم تلقائي علي هذه الذكري تقدم لها للزواج كانت اجمل ايام حياته معها ولكن تلك الحادثه جعلت شئ ينكسر بداخله يريد الإبتعاد عنها ولا يقدر يريد أن لا يجرحها ولكنه يفعلها شعر بألم في رأسه نتيجه هذا تشتت لا يعرف ماذا يفعل تذكر موقف قديم له في صعيد لأحد أصدقائه 


كان يجلس مع سامي صديقه يشرب شاي معه وسط ضحكاتهم تدخل زوجه سامي "نرمين"وهي تبكي بقوه ليتقدم اتجاهها سامي وهو يحاول تهدئتها وهو يحاول تهدئتها وتقول جمله واحده تجعل عقل سامي يصاب بشلل 
"في واحد هناك علي أول شارع عاكسني واتحرش بيا"
شعر بنيران سامي داخل صدره قلبه يخفق من كثره الغضب وقال بغضب 
"تعرفي اسمه ايه "
لترد عليه وهي تقول 
"حازم ابن جارنا "
ليخرج سامي وهو شبه يركض حتي وصل إلي باب كان يدق الجرس بعنف بالإضافة إلي يده التي كانت تؤلمه من كثر دق علي باب ليفتح رجل خمسيني مفزوع 
"في حد يابني يخبط علي حد كده "
ليدفع الرجل وهو يدخل ليري حازم ليمسكه من لياقه قميصه وهو يضربه بكل قوته كان جميع يحاولون تخليص حازم من سامي كانت المحاولات فاشله حتي اخيرا نجحت قال سامي وهو يريد بصق بداخله علي هذا الكائن 
"بقا بتعاكس مراتي يابن كلب ...ده انت ناقص ربايه وانا هربيك "
ليقول حازم وهو يدافع عن نفسه 
" مراتك بتتبلي عليا ...بدل ما تضربني انا شوف مرات قليله الحيا دي "


ليقول سامي بغضب 
"اخرس يا كلب دي اشرف منك ومن عشره زيك "
لتشتغل المشاجرة من جديد حتي انتهت بأن والد حازم قد صفع ابنه واعتذر لسامي ليخرج سامي ويتجه إلي بيته لتقول له نرمين 
"انا اسفه اني حطيتك في موقف زي ده "
ليعانقها سامي وهو يقول 
"متعتذريش انتي مش غلطانه ومتعيطيش وارفعي راسك يلا روحي اغسلي وشك "
لينظر سامي لحسن وهو يقول 
"مالك بتبصلي كده ليه "
نظر حسن لسامي بفخر وهو يقول 
"اصلي اول مره اشوف حد يدافع عن مراته بعد اما اتعرضت لحاجه زي دي وبذات في صعيد "
ليرفع سامي حاجبه وهو يقول 
"ليه مفكرنا في صعيد كلنا متخلفين لا بقا في وعي عن اول في ناس انتشر عندها وعي ده وفي ناس لأ "


كان يتمني أن يوجد هذا الوعي عند أخيه عبدالله حتي لا يقتل نوال أنه فعل جريمه وتمني أن يكون عنده وعي كافي الأخر في دعم زوجته ونفسه مرت ثلاثه ايام زينب ممتنعه عن الطعام وشراب حتي رآها في مره تسقط مغشي عليها ليركض وهو يحول أن يجعلها تستيقظ وبعد محاولات سمع همهمات منها ليقول بصوت ملئ بالهفه 
"زينب انتي كويسه اكيد أغمي عليكي عشان مش بتأكلي 
هجيبلك أكل"


ليقف وهو يتجه إلى مطبخ حتي يجلب لها طعام ولكن عندما رجع وجد أن زينب تمسك سكين ليركض ويمسك سكين ويلقيها جانبا وهو يقول 
"تاني يا زينب...ايه عايزه تموتي كافره "
لتصمت زينب وهي رافضه للطعام لتقول اخيرا 
"لو عايزني مانتحرش نفذلي طلبي "
ليسمعها حسن بكل حواسه وهي تقول 
"بعد يومين هنروح للدكتوره نفسيه اخصائيه في موضوعنا ..عشان تشوفلنا حل 
ولو رفضت هموت نفسي لأني مقدرش اعيش من غيرك "
ثم بكت بحرقه ليقول حسن 
"حاضر بس عشان خاطري كلي"
لتنظر له وهي تشعر بأنه يكذب عليها 
"احلف علي مصحف يا حسن انك هتنفذلي طلبي "


ليجلب حسن المصحف وهو يحلف عليه بأنه سوف ينفذ طلبها لتأكل زينب اخيرا 


******
في صباح كانت تجهز زينب حتي تذهب إلي طبيبه هي تضع كل آمالها في هذه زياره الذي إذا لم تحقق رغبتها في الأمل لا تعلم ما الذي سوف يحدث كان حسن يجهز لا يقتنع بهذه الزياره ولكن يوجد بداخله أمل بأن يذهب حتي أن تكون في هذه الزياره خير تركت زينب أطفالها عند جارتها أم أيمن وذهبت مع حسن كان يوجد صمت طوال الطريق حتي وصلت إلي العياده طبيبه شعرت بإنقباض في قلبها وخوف تمسكت في يد حسن الذي ضغط عليها وهو يطمأنها دخلت ووجدت أنها ليست وحدها بل يوجد اشخاص مختلفه انتظرت دورها حتي قالت سكرتيره دورهم دخلت كانت تتقدم وهي خائفه وجدت طبيبه أربعينية تلبس ملابس بسيطه الغرفه هادئه لا تعلم تريد الهروب الآن لكن لا مفر جلست هي وحسن لتقول طبيبه 
"اهلا بيكم انا اسمي فيروز ...انا هنا عشان اساعد في حل مشكلتكم تحبي تبدئي انتي يا مدام زينب ولا تبدأ انت يا استاذ حسن "


ليأخذ حسن نفس عميق وهو يقول 
"انا إلي هتكلم ...انا مش قادر ..مش قادر اكمل في علاقه ولا عارف اكمل في حياتي حاسس اني روبوت بيشتغل مش قادر اكون معاها ومش قادر اكون من غيرها ...مش قادر انسي نفسي اصحي من كل ده ألاقيه كابوس محصلش هو اكيد هيبقي كابوس مرعب بس علي أقل اهو محصلش "


لتقول فيروز لزينب 
"اتكلمي حضرتك "


لتأخذ زينب أيضا نفس عميق وهي تقول بصوت متحشرج كأنها سوف تبكي الآن 
"انا مكسوره ..انا مجروحه اوي نفسي ألاقي كل ده محصلش وألاقي نفسي في بيتي ومع جوزي ألاقي حياتي طبيعيه انا فاكره كل حاجه حصلت فاكره شكله فاكره وهو بيدخلني في شارع جانبي فاكره وهو بيضحك فاكره كسرتي فاكره هروبي انا مش قادره نفسي اموت "


لتقول فيروز وهي تنظر لهم بثبات 
"بصوا انا مش هديكم كبسوله تاخدوها تلاقي نفسكم كويسين أو هقول أن إلي حصل يتنسي لأ ...إلي حصل كان صعب ولازم كل طرف مايحملش تاني اكتر من طاقته واهم حاجه متضغطيش علي نفسك مدام زينب انتي دافعتي علي قد قوتك قاومتي مش ذنبك انك وقعتي في ايد واحد مجرم انتي مش ملامه علي اي حاجه حصلت انتي محتاجه تأهيل للثقه بنفسك اعملي اي حاجه كنتي بتحبيها اي حاجه حتي لو كانت تافهه بس اعمليها قومي من نوم وانتي مقرره انك مش هتبقي ضعيفه لأن ده ضعفك ده هيأثر علي بناتك ..لازم بناتك يشوفوكي قويه مهما كان ...وانت يا استاذ حسن ياريت تثبت في دماغك انك إلي انت متجوزها مش انسانه تانيه نفس ملامحها وطيبه قلبها ونفس صفات فيها الإنسانه إلي قدامك دي كانت بتتمني نفسها معاك كانت بتتمني أنها تكون احسن زوجه ليك انت لوحدك كانت بتتمني تسعدك انت وتخليك اسعد انسان متخليش حاجه حصلت بالغصب تأثر علي علاقتكم حاسبها علي حاجه تمت برضاها علي تقصير تم برضاها متحاسبش علي حاجه بالغصب انا عارفه أن ده صعب ومش هطلب منك تروح دلوقتي وتتعامل طبيعي جدا احنا هنشتغل علي ده في جلسات تانيه ان شاء الله "


كان حديث هذه الطبيبه ادخل الراحه وسكينه لقلوبهم قليلا أعطت لهم طبيبه نصائح أن ينفذوها وأمسك حسن يد زينب هذه المره دون نفور أو اشمئزاز في بعض الحالات نريد فقط دعم حتي نتجاز المحن 


عند خروج زينب وحسن أسندت فيروز رأسها قليلا وهي تأخذ نفسها من تعب اليوم لتدخل السكرتيره وهي تقول بفزع 
"الحقي يا دكتوره في واحده مصممه أنها تدخل رغم أن ده مش دورها وكمان هي مش حاجزه وبتقول أنها لو مدخلش هتموت نفسها "
لتركض فيروز للخارج لتجد فتاه جميله لكن وجهها غارق في بكاء تمسك سكينا وتهدد بقتل نفسها علمت فيروز أن محاوله تفاهم معها مستحيله 
"تعالي يا مدام ادخلي "
لتهدأ الفتاه وتنزل سكين وهي تري نظرات ناس كأنها مجنونه وجميع يخاف منها لتدخل عند فيروز لتدخل في نوبه بكاء هستيرية 


حاولت فيروز تهدأتها وهي تعطيها كوب من الماء لتهدأ لتقول فيروز بلطف 
"اسمك ايه عشان اتعرف عليكي واعرف مشكلتك"
لتبلع ريقها وهي تقول 
"اسمي ليلي عندي ٣٠ سنه معاها طفلين ولد وبنت متجوزه أو كنت متجوزه بس طلعت متجوزه نطع مش راجل واحد قهرني اوي وذلني واستغل نقطه ضعفي وحرمني من عيالي وخلاني أتنازل عن كل حقوقي "


لتنهار من البكاء 


يتبع ....
ياريت تقولو رأيكم
ياتري مين البنت دي ؟ وقصتها ايه ؟
كل ده تعرفوه في فصل جاي 


وتعملو ڤوت بحبكم ❤️❤️❤️

قراءة المزيد

رواية رجل ام نصف رجل - الفصل الثاني

جاري التحميل...

الفصل الثاني

"انتي بتقولي ايه انتي مفكراني مجرم أو ندل !لا عيالي انا هصرف عليهم ومش هعمل فيكي حاجه بس انا هطلقك في وقت المناسب "

أصبح البيت ساكنا منذ وفاه نوال دفنت نوال كأنهم لم يدفنوا إنسانه بل كأنه طير أو أحد دواجن ماتت كان حسن تحتل راسه دهشة من ما فعله أخيه حتي رآه نعم كان هو عبدالله يدخل البيت كأنه لم يقتل أحد به ليمسك حسن عبدالله من جلبابه وهو يقول 
"انت ازاي تعمل كده ؟.....ها طب لو كنت مش قادر تتقبل إلي حصل طلقها يا اخي مش تقتلها!.انت شيطان اكيد "


لتقول ثريا بحزم وهي تنظر لحسن 
"إلي اخوك عمله صح يا حسن ...اومال كنت مستني لحد اما حد يعرف وتبقي فضيحتنا علي كل لسان ...وعلي فكره انا مستنيه تعمل مع مراتك زي ما اخوك عمل "


ليقول بغضب وصدمه 
"مستنيه ابقي قتال قتله زي اخويا....مستنيه ابقي مجرم زي اخويا "


ليقول عبدالله بغضب 
"بص بقا انا ساكتلك انا مش مجرم انا واحد انتقم لشرفه "
ليضحك حسن ضحكه ساخره وهو يقول 
"إلي ينتقم مشرفه ده ...يقتل إلي وسخه مش يجي عند إلي ملوش ذنب ويقتله...ولا هما زي ما بيقولوا معرفتش تتشطر علي حمار جاي تتشطر علي بردعه "


ليمسك عبدالله حسن من لياقه قميصه 
"بقولك ايه يا ولد ابوي انا سكتلك كتير ...لكن تيجي هنا ولأ انا انتقمت لشرفي ...وشكل عيشتك في بندر كانت سبب انك معوج علينا ...امك مستنيه أن ده يحصل منك انت كمان وبرضاك أو غصب عنك هتعمل كده "


كان ينظر لهم باستغراب يشعر أنه أمام وحوش عاد إلي غرفته وهو يفكر لماذا يحدث في مجتمع هكذا هل العيب في البيئه ليقول في سره 
"لا العيب مش في صعيد انا صعيدي بس معملتش كده وفي واحد كمان صاحبي مراته اتعرضت للتحرش واتصدم في الأول بس وقف جنبها بعد كده العيب مش في صعيد العيب في العادات وتقاليد الغريبه "


ولكن قاطع شروده عندما جاءت زينب وهي تركع تحت قدميه ويوجد في عيناها الرجاء الذي لم يظهر في عينيها فقط بل ظهر في نبره صوتها وهي تقول 
"حسن ونبي ما تعمل فيا زي ما عمل اخوك في مراته ...انا موافقه أنك تطلقني واتنازلك عن كل حقوقي ولو علي بنات انا مستعده انا إلي اصرف عليهم ومش هطلب منك نفقه بس ابوس ايدك ما تعمل فيا كده "


وقبلت يده في جملتها الأخيره مما جعله يسحبها وهو يقول بنبره يوجد بها مزيج بين الوجع والغضب 
"انتي بتقولي ايه انتي مفكراني مجرم أو ندل !لا عيالي انا هصرف عليهم ومش هعمل فيكي حاجه بس انا هطلقك في وقت المناسب "


امتلئت عينيها بدموع لتخفض رأسها قليلا بينما هو أدار وجهه كلما نظر لها تذكر ذلك الحادث المؤلم 
"انا مش هقدر اكمل انا عارف ان انتي ضحيه ...بس صدقيني موضوع فوق طاقتي مش قادر استحمله "


لتنزل دموعها بصمت قاتل ليكمل حديثه 
"بس الاول هحميكي انتي وبناتي احنا بليل هنهرب من هنا وانا معايا فلوس نقدر نبات في فندق لحد اما صبح يجي ونسافر في اي حته "


اومأت رأسها بصمت تشعر بانكسار داخلي وخارجي لا احد يقدر أنها ضحيه لا قلب ولا ضمير يشعر بها 
*********
في اليل حيث سكون تام وجميع نائم الأنوار منطفئه كان يوجد فئه تتسلل من البيت بخوف ورعب حتي نجحوا اخيرا في الخروج.... حتي تركض زينب إلي سياره كأن هذه القطعه الحديدية هي سر نجاه وكان حسن يدخل الفتيات سياره بحذر حتي لا يقلقهم.... ثم ركب سياره انطلقت سياره حتي تطلق زينب نفسها براحه بصوت عالي.... تمسكت بإبنتها مني وهي تعانق رأسها تشعر بالخوف بل بالرعب وذعر حتي وصلت إلي الفندق وحجز حسن لهم غرفه صعدت زينب.... وهي تضع الملابس ثم نامت علي سرير وكان حسن ينام علي الأريكه منذ حدوث تلك الحادثه ....وهو بعيد عنها لا يكلمها لا يعاتبها لا يدعم لا يلوم لا شئ كأنه صنم لا يتحرك نظرت له فمن واضح أنه نائم لتجلس علي سرير وتبكي بحرقه لا تعلم ما مصيرها في تلك حياه تفكر عندما يطلقها حسن ماذا سوف تفعل مع اهلها كيف ستقول لهم خبر طلاقها ؟وكيف سيتقبلوه؟هل سوف يستر عليها حسن أمامهم أم سيقول الحقيقه؟ 
و إذا قال الحقيقه ما رد فعلهم هل سوف يدعمونها ام انهم سوف يزيدوا العبئ؟....لم تشعر ببكائها الذي زاد والذي أصبح صوته واضح كان حسن لم ينام بعد سمع صوت بكائها تجاهله في بدايه لكن هو ليس قاسي القلب لا يعرف أن ينام ويوجد أحد يبكي وعندما زاد بكائها أصبحت محاوله تجاهل 
مستحيله توجه إليها عندما وجدته قادم نحوها حاولت تخبئه دموعها لكنها فشلت قال لها حسن 


"بتعيطي ليه أن قبل ما اطلقك أو اي حاجه لازم اضمن انك هتبقي بخير انا هصرف علي بنات ومش هخليكي محتاجه حاجه وانتي دلوقتي في امان محدش هيأذيكي البنات موجودين و كويسين "


لتجد نفسها تمسك يده وهي تقول برجاء 
"عشان خاطري بلاش فكره طلاق دي ...خلينا نحاول انا بحبك مقدرش اعيش من غيرك خلينا نحاول دلوقتي 
فيه تطور .... في دكتوره إخصائيه للحاجات إلي زي دي ممكن نروحلها ونحاول وندي علاقتنا فرصه ....انا عارفه أن موضوع صعب عليك انت كمان ..بس هو صعب عليا اكتر منك ...انا مكسوره اوي بلاش تزود كسرتي "


قالتها لتنفجر في بكاء نوبه بكاء هستيرية رق قلبه إليها وضمها ولكنها كانت ثواني أبعدها عنه برفق شعر أن جسد الذي يعانقه لم يكن له وحده ...تولد في داخله شعور بالنفور 


قال بهدوء مصطنع 
"عشان خاطري ماتصعبيهاش عليا انا مش قادر مش عايز ازود كسرتك وفي نفس الوقت مش قادر اكمل "


ثم ابتعد عنها ونام علي الأريكه وهي نظرت لها وهي بداخلها محطمه بل مهشمه بداخلها عانقت وسادتها لتكمل بكائها بصوت منخفض 


في صباح استيقظ كل من زينب و حسن وايقظوا أطفالهم لتأتي لهم سياره وتأخذهم لتسافر بهم القاهره وبعد مرور يومين من سفر وصلوا اخيرا ليدخل حسن عماره سكنيه وتمشي هي خلفه حتي وقف أمام شقه وفتحها ودخلت هي ورائه حتي تجد شقه بسيطه لكنها جميله بنسبه لها لتدخل الغرفه وهي تضع الملابس في دولاب وتجلس براحه علي سرير أنها راحه نسبيه بسبب إرهاق سفر ثم بعض طمأنينه أن في تلك شقه لن تهدد بالقتل كما كانت في بيت زوجها لتتمدد علي سرير وتغض في نوم عميق أما عن حسن أخذ بعض الملابس وذهب إلي غرفه أخري 


مره أسبوع ثم الأخر 
وأصبح اسبوعين كانت الأيام بهم متشابهة حسن يعمل هنا ينام في غرفه أخري لا يتكلم معها أو ينظر لها حتي عندما تقول طلبات البيت لا ينظر لها بل يهز رأسه ويجلبهم تعامله مع أطفاله فقط أما هي لا وجود لها تموت كل يوم من قهر وظلم والكوابيس تعلم أن لديه كامل الحريه أن يكمل أو ينفصل ولكن تجاهله يقتلها لا يوجد لديها شجاعه أن تفتح معه هذا الموضوع كلما يمر علي ذهنها أن كلها ايام وسوف تنفصل عن زوجها تشعر بالإختناق ولا تعرف ماذا عن أهله ورد فعلهم عندما علموا بهروبهم .... في تلك فتره تعرفت علي جاره جديده تدعي "ام ايمن"كانت تجلب لها اول يوم حلويات ترحاب بها ومن هنا بدأت العلاقه بينهما 
نظرت لثلاجتها وجدت أن بعض طلبات البيت ناقصه ويجب أن تنزل سوق شعرت بإنقباض في صدرها عندما تذكرت سوق هي لا تنسي ما فعل بها قالت في سرها 
"خلاص انا مش هعمل اكل ...مش هيحصل حاجه هطلب دليڤري "


بالفعل فعلت هذا بعد مرور ساعات وصل عامل دليڤري ارتدت طرحتها ثم قابلت العامل وأخذت منه وطلب وأعطته نقود وفي ذلك الوقت عاد حسن ليجد العامل علي الباب شعر بغضب داخلي وعندما نزل العامل دق علي باب بعنف حتي تفزع زينب و الفتيات صغار لتفتح الباب ويدخل حسن كالإعصار 
"مين إلي كان علي الباب ده "


شعرت زينب بصدمه نبرته مليئه بالغضب وشك 
"ده عامل دليڤري "
لترد مني بصوت طفولي 
"ايوه يا بابا جه ومعاه كباب وكفته ..و ماما ادتله الفلوس" 


دخل غرفته بصمت اما عن زينب قد كسر قلبها بل تفتفت هل يشك بها شعرت بالإختناق دخلت غرفتها وهي تشعر بإنها لا تقدر علي إلتقاط أنفاسها دخلت مني وهي تقول 
"ماما انتي مش هتاكلي معنا "
لترتسم ابتسامه مزيفه علي وجه ملامحه جاده 
"لا يا حبيبتي مش هاكل روحي انتي كلي مع بابا واختك "
لتخرج صغيره وهي تشعر بالحزن من اجل والدتها وتجلس علي كرسي بينما حسن يجهز طعام ويضعه علي سفره ليجلس ويأكل ويلاحظ أن فتاه صغيره لا تأكل بل تتلاعب بالمعلقه في طبقها ليقول حسن 
"مالك يا حبيبتي مش بتاكلي ليه الأكل مش عاجبك "
لتقول طفله بتذمر 
"ماما مش عايزه تاكل معانا ...وتقولي كلي مع بابا واختك اختي ملك عندها ٦ شهور اكل ازاي معاها "


ليربت حسن علي كتف طفله وهو يقول 
"متزعليش يا حبيبتي هي مالهاش نفس هو بابا مش كفايه وبعدين هأكلك كمان بأيدي تعالي"


ثم وضع طفله علي قدمه وبدأ يطعمها ثم دخل غسل لها يدها وفمها ودخل بها غرفته ليلعب معها قليلا ثم يجد أن طفله تسبح في نوم بين أعناقه 
لتخرج زينب وتجد أن حسن قد ترك لها من طعامه لا تعرف من أين دخل الأمل قلبها بعدما هجره ولكنها ابتسمت 
أكلت بشهيه هذه المره ...المره الأولي منذ حدوث تلك الحادثه تأكل بشهيه عاليه كأنها لم تأكل من سنين لمت الاطباق وغسلتها ثم توجهت إلي غرفه لتنام 


لتشرق شمس يوم جديد لتستيقظ وتجد أن حسن ذهب إلي عمله لتبدأ في اعمال منزلها وعندما دخلت المطبخ لتتذكر أنها نست أن تقول لحسن أمس أن يوجد بعض المتطلبات في البيت قررت بداخلها أنها لن تطهي طعام ولكنها وجد ابنتها صغير تتلوي من جوع وتريد طعام هي طفله لا ذنب لها في شئ لترتدي ملابسها وهي تقرر أن تنزل ولكنها قابلت جارتها "أم أيمن "التي ألقت عليها سلام وقالت 
"عامله يا حبيبتي وحشاني رايحه فين "
لترد زينب بابتسامه 
"الحمدلله يا حبيبتي انا رايحه السوق "
لترد أم أيمن وهي تقول 
"ده انا كمان رايحه سوق في طلبات ناقصه من بيت تيجي نجيبها سوا يا زينب ...اهو انا وانتي نسلي بعض في طريق"


هذه الجمله الذي جعلت رعشه تسير في جسدها تلك الجمله التي قالتها نوال نعم كل شئ حدث في هذا اليوم تتذكر كأنه نقش في عقلها يوجد في عقلها الآن شئ مثل ناقوص الخطر الذي يقول لها أنها تهرب لم تشعر إلا و ام ايمن تمسك بيدها وهي تنزل وتتجه إلي سوق تشعر كأنها مغيبه وهي تقف أمام كل بائع تشتري تشعر أن نوايا هذا البائع سيئه نوايا اي رجل يتواجد حولها بهذا سوق سيئه حتي رجعت إلي منزلها تشعر وكأنها تريد أن ترقص من فرحتها لقد ذهبت إلي سوق ولم يحدث لها شئ رددت في ذهنها جمله 
"انا نزلت ومحصليش حاجه "
ولكن تلك الفرحه قتلت عندما وجدت زوجها حسن بداخل الذي عندما رآها مسك دراعها بقوه وهو يقول بغضب 
"كنتي فين ؟"
لترد بخوف من طريقته 
"كنت في سوق بجيب طلبات للبيت عشان ناقصه "
ليزمجر بغضب وهو يقول 
"سوق اه نازله سوق عشان يحصلك نفس الحصل قبل كده ايه عايزه راجل تاني يعمل فيكي كده صح انا غلطان اني مكمل معاكي اصلا غوري من وشي "
لتركض إلي غرفتها دموعها تنزل علي وجهها تشعر بخذلان كبير وبوجع يكاد يمزق صدرها تصرخ من بكائها تشعر بأن يوجد ألم في صدرها من كثره البكاء و الحزن لتأتي طفله وهي تقول 
"مالك يا ماما "
لتصرخ زينب بغضب 
"امشي من وشي انتي كمان سيبوني في حالي "
لتركض الطفله لوالدها بخوف وقلق ليطمئن الطفله ويدخل لغرفه زينب ليتفاجئ بهذا المشهد زينب تمسك بسكينه وقالت بصراخ 


"ابعد عني وإلا هقتل نفسي انا تعبت ..تعبت منك ومن حياه ومن كل حاجه انا ذنبي أو انا عملت ايه غلط انا قاومته وعملت كل حاجه انا عملت ايه غلط او ايه كان بمزاجي انتو ايه مش بتحسوا بالبني ادم إلي بيتقطع قدامكوا كل يوم ليه ها ؟ليه بيحصلي كده ؟انا عمري ما اذيت حد ولا جيت علي حد بس دي اخرتها خلاص اني اموت وارتاح "


لتمشي سكينه ببطئ علي معصم يدها وسائل الأحمر يتسلل بيصرخ حسن بفزع 
""زيــــــــــــــــــــنــــــــــــــب


يتبع ......
رأيكم؟
توقعاتكم ؟
وياريت تقولو رأيكم لأنه يهمني جدا 😘😘

قراءة المزيد

الفصل الأول

خرجت زينب ونوال للسوق اشتروا جميع طلبات كان يوجد بينهما ضحكات ولكن لا تعرف كل واحده منهم أن هذه ضحكه سوف تقتل بعد قليل ولو تعلم ما الذي ينتظرها كانت لم تخرج من بيتها حتي

في صعيد في بيت من البيوت المعروفه باسم بيت العيله كانت نوال تقف وهي تغسل الأطباق وهي تدندن ثم جاءت سلفتها زينب وهي تقول بابتسامه 
"اول مره اشوف واحده زيك ...بتغني وانتي بتغسلي المواعين ...ده واحد بيدخل مطبخ وهو مش طايق نفسه"
لتقول نوال بضحكه ساخره 
"طب اسكتي بقي يختي احسن حماتك تيجي وتسمعنا كلمتين "
لترد زينب بسرعه و الخوف في قلبها 
"لا وعلي ايه طيب احسن "
كانت نوال تفكر في حياتها الحياه التي كانت تتمني شئ افضل منها هي ترضي بنصيبها دائما ولكن ضغوط تزداد تزوجت زوجها عبدالله وهي تحلم بحياه لم تتحقق فوالدته صارمه جدا ليس وحدها عندما رأت اخوات والدة زوجها عرفت أن جميعهم هكذا الذي يزيد طين بلا أنها أنجبت فتاتان توأم ما زال إلي يومنا هذا بشر يفكرون بهذه طريقه هي لا تقول ضيقها مباشر ولكن يظهر هذا في معامله صبيان وفتيات وهي تقول كلام غير مباشر فليس ذنبها أن صحتها لا تسمح بأن تحمل مره اخري بهذه سرعه حاليا طفلتيها قد تمت كل منهما عام وما يصبرها قليلا سلفتها و يتشاركون أحزانهم سويا وان زينب مثلها أنجبت بنتين ولكن الفرق بينها وبين زينب 
أن زوجها عبدالله متأثر بشده بالعادات وتقاليد القديمه وما زاد هذا أنه غير متعلم ويعمل في زراعه الأرض منذ صغره أما عن أخيه حسن فهو متعلم وأصر علي تعليمه وسافر للخارج حتي يعمل وعندما عاد قام بشراء ارض زراعيه حتي تكون ملكه غير متأثر بالعادات وتقاليد نسبيا كانت بدايه زواجها تحسد زينب علي زوجها ولكن مع وقت رضت بنصيبها وعندما أصبح بينها وبين زينب صداقه علمت أن زينب فتاه طيبه لا تستحق هذا شعور 


قالت نوال وهي تنظر الثلاجه وقد أدركت أن يوجد طلبات ناقصه 
"في طلبات ناقصه من بيت تيجي نجيبها سوا يا زينب ...اهو انا وانتي نسلي بعض في طريق "


ابتهجت زينب لهذه الفكره هي تريد أن تخرج قليلا من بيت 
قالت بسرعه 
"موافقه طبعا"
وخرجت كل منهما حتي ترتدي ملابسها وتذهب للسوق 
نزلت نوال من أعلي سلم وهي تقابل زينب قالت نوال بصوت واطي في اذن زينب 
"يالا تروح للتحقيقات ..حماتي العزيزه عشان تعرف هنجيب ايه ونصرف ايه "
ضحكت زينب في سرها ثم قالت حماتها المعروفه باسم "ثريا" بنبره حازمه 
"علي فين العزم انشاء الله"
قالت زينب 
"رايحين نشتري طلبات يا حماتي 
هنشتري خضار وبهارات للأكل "


قالت زينب هذا لتوفر اسئله كثيره عن منتجات الذي سوف يجلبونها اومأت ثريا برأسها ثم قالت 
"ماشي بس مفيش واحده تتأخر وإلا هكسر رقبتها "


خرجت زينب ونوال للسوق اشتروا جميع طلبات كان يوجد بينهما ضحكات ولكن لا تعرف كل واحده منهم أن هذه ضحكه سوف تقتل بعد قليل ولو تعلم ما الذي ينتظرها كانت لم تخرج من بيتها حتي 


ولكن فجأه قالت نوال وهي تنظر لشابين بفضول وهي تقول 
"مالهم دول يا زينب ....كأن كل واحد بيهرب حاجه "
كانت تقول هذا كان شاب يعطي شيئا ما في يد الأخر وهو يتلفت يمين ويسار قالت زينب وهي تحلل هذا المشهد 
"تقريبا ...ممكن يكون كل واحد بيهرب التاني حته حشيش
لتشهق نوال وهي تضرب يدها علي صدرها 
"يالهوي بيهربوا حشيش كده عيني عينك .... في عز نهار "
وفي نفس ذات الحظه قد اتصلت والده زوجها بها أخرجت الهاتف ولكن فجأه سقط الهاتف 
لمحها أحد شابين ليقول للأخر 
"الحق انا لمحتها هي وإلي جنبها بيبصوا علينا ....ليكون إلي ماسكه تليفون دي تبلغ عنا يالا"


ليقول الأخر بشر وهو يبتسم 
"يبقي حكموا علي نفسهم بالإعدام ....وهو حتي بالمره نتسلي شويه "
نظروا لبعضهم والإبتسامه تملئ وجههم ليست الإبتسامة دائما دليل علي سعاده ربما هي دليل علي كل شر وخبث 
ليسير كل شخص بجانبهما وفجأه كمم أحد فم الأخري وهو يقذف هاتفها وفعل هذا الأخر كانت نوال تحاول تقاومه ولكن جسدها ضعيف لم تشعر إلا وهي في شارع جانبي لا يوجد به أحد لينقض عليها مثل ذئب كانت تضربه بشده وتبكي صوت صراخها لا يخرج بينما الأخر يتلذذ بما يفعله وكانت زينب لا تقل عنها بل مقاومتها كانت أكثر وهي تضرب شاب وعندما ظنت أنها إصابته بضربه قويه لتهرب كان شاب يحملها وهو يدفعها بقوه لتصطدم بحجاره صغيره تسببت في خدش في رأسها واستغل ضعفها ليكمل ما بدأه 
**********بقلم /هدي محمود 


في مستشفي كانت ترقد كل منهما كأنهم جثث قد سحبت منهم الحياه كان عبد الله وأخيه حسن يركضون ليجدوا والدتهم تجلس ليقول عبدالله 
"إيه إلي حصل ياما"
لترد والدته باستغراب وهي تقلب عينيها في مستشفي 
"مش عارفه بس اتصلوا بيا وجيت "
ليخرج طبيب وهو لا يعرف ماذا يقول فهذه اصعب لحظه دائما لأنه هذه لحظه انهيار الأهل وتدمير الضحايا فبلع ريقه وهو يقول 
"للأسف .... الحالتين إلي جوا اتعرضوا للإعتداء"
نزل الخبر علي حسن كالصاعقة بينما قال عبد الله وهو يحاول تماسك 
"يعني ايه "
ليأخذ طبيب نفسي عميق وهو يقول 
"للأسف اغتصاب"
كلمتان كانوا بمثابه رصاصه تخترق العقل والجسد ويدخل حسن إلي زوجته زينب ليجادها تبكي بحرقه نعم هي زوجته كان علي امل أنه عندما يدخل الغرفه لن يجدها ويجد أن موضوع تشابه اسماء لا يعرف ماذا ينطق هو يعلم جيداً أنه تم بالإكراه و دائما يعترض علي لوم ضحيه ولكن عندما أصبح بداخل الموقف شعر أن الأرض تزلزلت من تحت قدميه لتنظر له زينب ودموعها تنزل وهي تحاول تبرير بشهقات 
"والله العظيم كان غصب عني حاولت ابعد عنه بس ماعرفتش "
بينما هو واجه كل هذا بصمت وخرج من غرفه شعرت بانقباض في قلبها هل سوف ينفصل عنها ؟نعم هي تعلم أن كثير من رجال في هذه مواقف لا يستطيعون أن يكملوا حياتهم مع زوجاتهم لتكمل بكائها بمراره 


في غرفه أخري 
كان بكاء والحزن لا يفارق وجهها ماذا سوف يحدث لها دخل عبدالله ليجدها تبكي اقترب منها كانت تتمني أن يواسيها ولكن ملامح وجهه لا تبشر بالخير ليصفعها بقوه وهو يقول 
"جبتيلي العار يا خاطيه"
لتنظر له بانكسار لم تشعر بالإنكسار هكذا في حياتها قالت ببكاء 
"حاولت أبعده عني صدقني ....بس معرفتش"
لتقول ثريا بغضب وهي تضرب بعصاها الأرض 
"اخرسي دلوقتي جبتلينا العار ....وطبعا إلي حصلك ده بناتك هيدفعوا تمنه .... عبدالله تعالي عايزاك 
"
خرجت من الغرفه ويخرج عبدالله ورائها لتنظر لهم وفي قلبها شعور أن الآتي جحيم نعم ما هو مصيرها في هذا المجتمع وفي هذه الحياه كانت الحيطان تشهد حزنها وكثره بكائها وعيناها المتورمتان 
***********
مر ثلاثه ايام كأنهم ثلاثه سنوات كان يجلس عبدالله وهو يتحسس جيبه ويتذكر جمله واحده من حديث والدته 
"لازم تغسل عارك ...يا عبدالله"
لتهاجم رأسه كثير من جمل 
"ازاي هتواجه ناس لو حد عرف "
"ازاي هتكمل معاها حياتك مع واحده جسمها شافه واحد تاني"
لتهاجمه أخر جمله 
"لو ماغسلتش عارك ....يبقي انت مش راجل "


ليتقدم بإتجاه الغرفه ليجدها مرتديه عباءه سوداء وجهها كأنه سحب منها دم أصبحت امرأه أخري لتنظر له ثم تنزل وجهها إلي الأرض بانكسار واضح ليقترب أكثر كان يوجد بقلبها خوف شئ يقول لها اهربي أنه الموت لكنها لم تستمع لأي شئ هي حتي لا تقدر علي وقوف ليقول عبدالله 
"ليه عملتي كده ...انتي خلتني اختار اصعب قرار بس لازم انفذه "
لتقول نوال وهي تنظر في عينه علي امل من أن تجد رحمه في عينيه 
"مكنش بمزاجي يا عبدالله...انا مكنتش عايزه ده يحصل ...انا لو كنت اعرف ان هيحصلي كده صدقني مكنتش خرجت من بيت ...انا عشت معاكي وخلفت منك معقوله كل ده ومش عارف إذا سلمت نفسي برضايا ولا غصب عني " 


لم يستمع لكلماتها بل جعل جسدها قريب منه وهو يسحب من جيبه سكينه صغيره ثم يطعنها بها لتنظر له بصدمه كانت تتوقع سيناريوهات كثيره ولكن لم يخطر علي بالها هذا سيناريو مطلقا ثم يطعنها طعنات أخري وهي تحاول نطق شهاده حتي قالتها شهاده بأنفاس متقطعه ثم يسقط جسدها علي الأرض وتتلون الأرضيه بالون الأحمر لتذهب روحها الطاهرة إلي خالقها نتيجه ذنب لم تفعله 


يتبع ......


ملحوظه مهمه 🛑🛑: مش معني اني بذكر حادثه اغتصــ.اب في صعيد ونتيجتها القت.ل اني بسئ ليهم بالعكس صعايده ناس محترمه جدا وانا وضحت ده في الفصل الثاني وإلي هيقرأ الفصل الثاني هيفهم ده وفي باقي الفصول 
رايكم ؟
وتوقعاتكم؟


وياريت بما أنكم انهيتوا الفصل ياريت تعملوا ڤوت أو تعليق لأنه حقيقي بيفرق معايا حتي لو نقد ❤️❤️

قراءة المزيد

رجل ام نصف رجل

مشاهدة

قصة الرواية

في عالم تحدث فيه حروب والإستغلال والكذب ونفاق يوجد عادات صارمه قاتله تقتل الضحايا وهم أحياء لا احد يهتم بضحيه ماتت روحها ولم يتبقي إلا جسد هذا هو الذي دمرها وقتلها وهي زهره ربيع ،قد انتهك جسدها بالقوه وجميع يلومونها ويظهر في هذه الأحداث نساء وازواجهن هل كل الأزواج لهم رد فعل واحده وهل كل زوج رجل ام نصف رجل

تفاصيل العمل

التصنيف: للمراهقين - اجتماعية - للبالغين - عائلية

الكاتب:

الحالة: مستمرة

سنة الإصدار:

اللغة: العربية

المشاهدات:

شخصيات الرواية

.....

فصول الرواية

جاري تحميل الفصول...

قراءة المزيد

وتبقى أنت الحب

موصى به لك

روائع مختارة

الأقسام

روايات فانتازيا

روايات تاريخية

روايات رومانسية

روايات مافيا

روايات كورية

روايات خيال علمي

روايات اجتماعية

The Best

أحدث الروايات

رواية رجل ام نصف رجل | الفصل السادس قبل الأخير

الفصل السادس قبل الأخير

رجل ام نصف رجل - الفصل الخامس

الفصل الخامس

رجل ام نصف رجل - الفصل الرابع

الفصل الرابع

رجل ام نصف رجل - الفصل الثالث

الفصل الثالث

رواية رجل ام نصف رجل - الفصل الثاني

الفصل الثاني

رجل ام نصف رجل - الفصل الأول

الفصل الأول

رجل ام نصف رجل - رواية عائلية

رجل ام نصف رجل

قصة الرواية

تفاصيل العمل

شخصيات الرواية

.....

فصول الرواية

Pages

لوحة أرباحك

نموذج تفعيل الأرباح

تم الإرسال بنجاح!

قيد المراجعة حالياٌ

الشروط غير مكتملة

يجب تسجيل الدخول